Morgunblaðið - 23.07.1991, Blaðsíða 29

MORGUNBLAÐIÐ
VIÐSKIPTUSVIMÍULÍF
ÞRIÐJUDAGUR 23. JUU 1991
29
Viðbrögð ferðafólks við
leigufluginu góð
Flugferðir-Sólarflug hefur í sum-
ar boðið ódýrar flugferðir til London
og Kaupmannahafnar og hefur
nokkur styr staðið um þessar ferðir
að undanförnu. Guðni sagði að við-
brögð ferðafólks við þessu leigu-
flugi hafi verið mjög góð. „Frá því
í maíbyrjun höfum við flutt um
Alþjóðafyrirtæki
4.000 farþega og sætanýting er í
heildina yfir 90%. Það þafa að jafn-
aði verið um 250-300 íslendingar á
okkar vegum í London og verður
svo fram til septemberloka. Við
bjóðum gistingu eftir efnum og
aðstæðum hvers og eins, allt frá
svefnpokaplássi upp í fímm stjörnu
Hilton hótel. Það hefur verið gott
samstarf við Atlantsflug og höfum
Morgunblaðio/MKS
FERÐASKRIFSTOFAN — Fyrir utan ferðaskrifstofuna í London daginn sem opnunin var,
talið frá vinstri: Þórður Sigurðsson, Guðni Þórðarson, Ólafur Steinar Valdimarsson og Birgir Þorgilsson.
við farið þijú flug í viku til London
og Kaupmannahafnar. Það verður
framhald á þessum ferðum næsta
sumar enda hef ég ekki trú á öðru
en að leiguflugsreglurnar verði
rýmkaðar. Þannig hefur þróunin
verið um allan heim. Ég get ekki
skilið að stjórnvöld hafi hag í því
að banna fólki að kaupa þjónustu
eins ódýrt og hægt er.“
Söluherferð Coca Cola íEvrópu
Fyrirtækið hefur varið um 400 milljónum dollara til að koma sér upp
nýjum átöppunarverksmiðjum
SÖLUAUKNING —■ 23% söluaukning varð í Frakklandi,
þegar Coca Cola fór sjálft að sjá um að kynna vöru sína í stórmörkuð-
um. Heildarvelta fyrirtækisins jókst um 19%, en hagnaður aðeins um
1%.
RÍFLEGA 40% allra gosdrykkja
sem seldir eru á mörkuðum
heims utan kommúnistaríkjanna
er Cóca Cola. Þótt þetta mark-
aðshlutfall sé hátt, er nú þegar
hafin herferð til að auka það
enn. I fljótu bragði virðist sú
hugmynd langsótt þegar tekið
er tillit til alls þess fjölda teg-
unda gosdrykkja sem á markaðn-
um eru. En í samanburði við sölu-
hæstu markaðina kemur annað í
ljós.
í Bandaríkjunum drakk hver íbúi
að jafnaði 67 lítra af Coca Cola
árið 1989, og voru þá aðeins íslend-
ingar duglegri við kókþambið, en
þeir drukku að jafnaði 76 lítra á
mann. Þegar litið er til stærri þjóða
í Evrópu er kók-drykkjan mun
minni. Hver Þjóðverji drakk þannig
39 lítra árið 1989, í Englandi var
meðalneyzlan 22 lítrar á mann, og
Frakkar voru neðstir með 9 lítra á
hvern íbúa.
I lok síðasta áratugar hófst und-
irbúningur að því að tryggja að-
stöðu Coca Cola á innri markaði
ríkja Evrópu og losna við umboðs-
menn sem ekki náðu viðunandi ár-
angri í sölu á þessum mest selda
gosdrykk heims.
Herferðin hófst í Bretlandi. Þar
önnuðust tvö fyrirtæki, Beechan og
Grand Metropolitan, söluna á Coca
Cola og var samvinna þeirra erfið.
Coca Cola tók þá upp samvinnu við
Cadbury Schweppes um átöppun
og markaðssetningu Coca Cola í
Englandi, og tókst að tvöfalda söl-
una þar á þremur árum.
Næst kom Frakkland. Þar hafði
Pemod-Ricard fyrirtækið séð um
átöppun og dreifingu Coca Cola í
fjörutíu ár, en ekki orðið nógu vel
ágengt. Eftir málssókn, þar sem
Coca Cola hélt því fram að Pernod-
Ricard seldi kók á of háu verði til
verzlana til að vernda eigin fram-
leiðslu á Orangina gosdrykknum,
tókst Coca Cola að ógilda sam-
starfssamning fyrirtækjanna.
Varð úr að Coca Cola kom sér
upp eigin sölukerfi í Frakklandi.
Sölumenn heimsóttu stórmarkaði
og buðu sérkjör auk þess sem þeir
reyndu að fá kaupmenn til að stilla
upp Coca Cola á áberandi stöðum.
Árangurinn varð 23% söluaukning
strax á árinu 1989.
Auk þessa hefur Coca Cola varið
rúmlega 400 milljónum dollara til
að koma sér upp nýjum átöppunar-
verksmiðjum í Bretlandi, Frakk-
landi, Belgíu, Hollandi og (Vestur)
Þýzkalandi. I austurhluta Þýzka-
lands, þar sem Coca Cola minntist
falls Berlínarmúrsins með ókeypis
kóki fyrir fagnandi íbúana, eru fyr-
irhugaðar fjárfestingar í nýjum
átöppunarverksmfðjum upp á meira
en 140 milljónir dollara, ogbráðlega
hefst vinna við nýja átöppunarverk-
smiðju í Póllandi sem kostar 30
milljónir.
Ekki er ljóst hver árangur verður
af öllu þessu starfi. Drykkjarvenjur
í Evrópu eru aðrar en í Banda-
ríkjunum. í Bandaríkjunum eru
gosdrykkir algengasti drykkur
landsmanna, en í Evrópu eru þeir
í ljórða sæti á eftir kaffi, mjólk og
öli.
Hvað sem öðru líður þá varð 19%
aukning í heildarveltunni hjá Coca
Cola á síðasta ári, og nam hún
10,2 milljörðum dollara (um 750
milljörðum króna). Hagnaður jókst
hinsvegar aðeins um 1% í 2,7 millj-
arða dollara (nærri 170 milljarða
króna).
Heimild: Börsen.
★ Pitney Bowes
Frimerkjavélar og stimpilvélar
Vélar til póstpökkunar o. fl.
OTTO B. ARNAR HF.
Skipholti 33 -105 Reykjavík
Simar624631 / 624699
Svíþjóð
Orkuvinnslustofnunin Vatt-
enfallgerð að hlutafélagi
ORKUVINNSLUSTOFNUN Svíþjóðar, Statens Vattensfallsverk, var
gert að hiutafélaginu Vattenfall AB þann 1. júlí sl. og er það alfarið
í eigu sænska ríkisins. Þann 29. maí sl. samþykkti sænska þingið
að gera Vattenfall að hlutafélagi í framhaldi af tillögum um nýja
efnahagsáætlun ríkisstjórnarinnar, sem lögð var fram í október á
sl. ári. Ákvörðun sænska þingsins hefur í för með sér að orkuvinnslu-
fyrirtækið Vattenfall verður nú rekið í formi hlutafélags. Háspenn-
ulínurnar svo og samtenging við útlönd verður þó áfram í orkustofn-
uninni þangað til annað verður ákveðið.
Samkvæmt -upplýsingum frá
Vattenfall — „Landsvirkjun
Svíþjóðai'" — var meginástæða þess
að fyrirtækið var gert að hlutafé-
lagi sú að vænta má mikilla breyt-
inga í efnahagslífi Evrópu á næstu
árum. Orkuvinnsla og orkudreifing
innan einstakra Evrópulanda munu
gjörbreytast. Þar mun markaðurinn
fyrir raforku opnast eins og flest
annað. Qrkuvinnslufyrirtæki munu
sameinast í stærri einingar til að
auðvelda samkeppni. Þarfir við-
skiptavinarins verða meir og meir
afgerandi og þurfa fyrirtækin að
aðlaga sig að þörfum atvinnulífsins
og aukinni samkeppni bæði milli
fyrirtækja svo og mismunandi orku-
vinnslu.
Svíar telja því nauðsynlegt að
hafa mjög sterkt orkufyrirtæki sem
geti starfað á sama viðskiptalega
grundvelli eins og keppinautarnir í
Evrópu. Vattenfall AB verður þetta
sterka orkufyrirtæki, sem verður
samtímis sjöunda stærsta orkufyr-
irtæki Evrópu með öll sín vatns-
orkú- og kjarnorkuver.
Með því að gera Vattenfall AB
að hlutafélagi auðveldar það einnig
möguleika á samstarfí við alþjóðleg
orkufyrirtæki.
Á síðastliðnu ári voru verkfræði-
og viðskiptadeildir Vattenfall gerð-
ar að sérstökum hlutafélögum,
Vattenfall Engineering AB sem er
100% í eigu Vattenfall. Vattenfall
Engineering AB er hluthafi í
íslenska fyrirtækinu Norræn verk-
tækni hf., sem hefur það markmið
að vinna að orkuvinnslu og mann-
virkjagerð á íslandi og erlendis.
Stjórnarformaður Norrænnar vet'k-
tækni hf. er Jón Hjaltalín Magnús-
son, verkfræðingur.
Vattenfall AB hefur einna mesta
reynslu erlendra orkufyrirtækja í
lagningu sjókapla og hefur það
þegar sýnt áhuga á viðræðum við
Landsvirkjun um samstarf um
stofnun alþjóðlegs fyrirtækis á ís-
iandi sem tæki að sér að undirbúa,
fjármagna og byggja orkuver,
leggja sjókapla og selja raforku til
Evrópu.
Golfverur
i úrvali
Iþróttabúöin
Borgartúni 20, sími 620011.
□ Golfkerrur frá 6.800,-
□ Pokastandar kr. 3.200,-
□ Nike og Foot Joy golfskór
□ Dunlop 8“ pokar kr. 6.800,-
□ Kylfugrip m/tape kr. 320,-
□ Boltatína kr. 690,-
□ Hlífar f. járn kr. 1.865,-
□ Hlífar f. tré kr. 510,
□ V? Spalding sett m/Putter
kr. 10.700,-
□ Stök tré frá kr. 2.990,-
□ Stök járn frá kr. 2.200,-
□ Skorkortahaldari kr. 470,-
□ Rör í poka kr. 105,-
□ Bolti í bandi frá kr. 1.250,-
□ Golfboltar frá kr. 55,-
□ Plastboltar (6) kr. 210,-
□ Höggteljarar kr. 450,-
□ 18 gerðir af golfboltum.
LandsmótstHboó:
20% afsláttur af öllum golfboltum