Morgunblaðið - 14.04.1992, Blaðsíða 26

26
MORGUNBLAÐIÐ ÞRIÐJUDAGUR 14. APRIL 1992
Hafnarfjarðarbær tekur Einarsreit eignarnámi:
Eigendur vilja 98 millj. í
bætur en bærinn býður 13
BÆJARYFIRVÖLD í Hafnarfirði hafa ákveðið að taka eignarnámi
21.454 fermetra lands auk fasteigna á Einarsreit í Hafnarfirði. Undan-
farið hafa staðið yfir árangurslausar samningaviðræður milli fulltrúa
Einars Þorgilssonar og co. hf., eiganda lóðarinnar, og bæjaryfirvalda.
Eigendur meta lóð og fasteignir á rúmar 98 milljónir króna en Hafnar-
fjarðarbær býður 13 milljónir króna. Vinna við deiliskipulag svæðisins
er á lokastigi og gera bæjaryfirvöld ráð fyrir að þar verði byggðar
65 íbúðir. ^
Samkvæmt upplýsingum Morg-
unblaðsins óskaði bæjarstjórinn í
Hafnarfirði eftir að eignarnám færi
fram á Einarsreit og mannvirkjum
sem þar eru. Er vitnað til fyrirhug-
aðra framkvæmda og að vinna við
deiliskipulag sé á lokastigi. Ætlunin
er að taka eignamámi útgerðar- og
fiskverkunaraðstöðu fyrirtækisins,
sem nýttar hafa verið frá árinu 1913.
Um er að ræða 21.454 fermetra
lands, sem metið er á rúmlega 37,4
millj. eða 1.747 krónur hver fermet-
er. Byggingar eru samtals 3.187 fer-
metrar og metnar á rúmlega 29,2
millj. eða tæpar 2.200 krónur hver
fermeter og rúmar 9.100 krónur
hver fermeter. Brunabótamat hús-
anna er tæplega 26 millj.
Allar byggingarnar sem ætlunin
er að taka eignarnámi eru byggðar
á lóð sem fyrirtækið fékk til umráða
árið 1929, að undanskilinni veiðar-
færa- og saltgeymslu, sem er að
mestu á lóð frá árinu 1933 en með
byggingarheimiid frá árinu 1956,
kvaðlaust. Tréskúr hefur verið
byggður til hliðar án heimildar. Fisk-
verkunarhús var byggt árið 1954 á
lóðinni með skilyrðum sem ekki
standast að mati eigenda, þar sem
byggingin er miðuð við lóðasamning
frá árinu 1929 en viðbygging frá
árinu 1963 utan lóðar er með skilyrð-
um um flutning bænum að skað-
lausu. Eigendur mótmæla þeirri full-
yrðingu að fiskverkunarhús og vöru-
geymslur auk ómerktrar geymslu séu
Sjónvarpsupptaka Hvíta víkingsins:
Mesta norræna sam-
vinnuverkefnið til þessa
FRAMKVÆMDASTJÓRAR norrænu sjónvarpsstöðvanna hittust í Hels-
inki nýlega og sáu þeir þá fyrstu eintökin af „Hvíta víkingnum, en
eftir margra ára vinnu og skapandi starf var lokið við myndina. For-
sljóramir fimm horfðu á myndina í frábærri leikstjórn leikstjórans
Hrafns Gunnlaugssonar, segir í frétt, sem Morgunblaðinu barst í gær.
„Við óskum Hrafni Gunnlaugssyni
og norska kvikmyndafélaginu Film-
effekt til hamingju, sem saman hafa
framkvæmt mesta norræna sam-
vinnuverkefnið á sviði sjónvarpstöku
til þessa“, segir í ályktun sjónvarps-
forstjóranna fimm. „Hvíti víkingur-
inn“ er röð fjögurra sjónvarpsþátta
og er hver þáttur að lengd á við
meðalkvikmynd. „Myndirnar eru í
senn spennandi, skemmtilegar og
rómantískai' og munu fá sjónvarps-
áhorfendur til þess að fagna og hafði
þau áhrif á forstjórana að þeir féllu
fyrir myndinni", segir í fréttinni.
„Við höfum ákveðið," sögðu leik-
listarstjórar sjónvarpsstöðvanna, „að
mæla með því að sjónvarpsstöðvar
okkar frumsýni myndina í 40. viku
ársins, þ.e.a.s. um mánaðamótin
september-október 1992“.
Framkvæmdastjóri Norræna sjón-
varpssamvinnusjóðsins, sem lagði
um 200 milljónir íslenskra króna í
myndatökuna, var einnig viðstaddur
sýninguna í Helsinki og „gat ánægð-
ur borið að þeim hafði verið vel var-
ið. „Hvíti víkingurinn" hefur alla
burði til þess að verða klassiskur."
Pétur Guðfinsson framkvæma-
stjóri sjónvarpsins sá um samninga
um verkið af íslands hálfu.
byggð án réttinda eða heimilda eins
og fram kemur í greinargerð bæjar-
yfirvalda.
Eignin er nýtt og einnig lóðin að
mestu og er fasteignaverðmæti þess
sem nýtt er rúmlega 50,7 millj. Hluti
er nýttur af fyrirtækinu en annað
er leigt út og voru leigutekjur 3,4
millj. árið 1990.
Lágmarkskostnaður vegna nýrrar
aðstöðu er metin til 40 millj. af eig-
endum og 10 millj. af fiskreit auk
rúmlega 222,9 millj. í bygginga-
kostnaðar á sambærilegu húsi. Gerir
eigandi þá kröfu að tjónið verði að
fullu bætt og að hans dómi verða
ióðir ekki metnar undir 2.000 krónur
fýrir hvern fermeter eða um 42,9
millj. fyrir 21.454 fermetra lands.
Ef meðaltalsverð bygginganna er
metið á rúmar 222,9 millj. fer
eigandinn fram á 55.735.000 krónur
eða rúmlega 98 millj. samtals.
Bæjaryfirvöld telja hæfilegt mat
lóðarinnar vera um 5 millj. Að und-
anskildum þremur húsanna, séu þau
öll byggð í óleyfi eða með fyrirvara
um að þau víki bótalaust ef bæjar-
yfirvöld krefjast þess af skipulags-
ástæðum. Ástand húsanna þriggja
er lélegt, að mati bæjaryfirvalda, þau
eru gömul og eitt þeirra að líkindum
ónýtt. Af þessum sökum meta bæjar-
yfirvöld hæfílegar bætur 8 millj. fyr-
ir fasteignirnar.
Gunnar Rafn Sigurbjörnsson bæj-
arritari Hafnarfjarðar, sagði að búið
væri að skipuleggja 65 íbúða byggð
á reitnum og yrði hver íbúð að meðal-
tali 110 fermetrar að stærð. „Reitur-
inn er rétt við miðbæinn og Hellis- |
gerði,“ sagði Gunnar Rafn. „Þarna
hefur verið trésmíðaverkstæði, þar
sem smíðaðir hafa verið sumarbú-
staðir. Einnig er þarna fiskvinnsla,
sem nágrannar og fleiri hafa verið
lítt hrifnir af. Þarna eru gamlir
hlaðnir fiskreitir, sem gert er ráð
fyrir að vernda að hluta, enda til-
heyra þeir sögunni. Þetta er að okk-
ar dómi skemmtilegt skipulag og
ætti að vera auðvelt að koma lóðun-
um út en það þyngir málið ef leggja
þarf meira en 1,5 milljón á hveija
íbúð í upptökugjald. Það strandar á
þessari háu kröfu, en það sem hleyp-
ir henni upp eru þessar 55 milljónir,
sem krafist er fyrir herbraggana.“
Spennufall varð hjá þeim átján Hólanemum sem þreyttu próf eftir að úrslit voru ljós og var Iétt
yfir hópnum þegar stillt var upp til myndatöku.
Skeifukeppnin á Hólum:
Skeifuhafinn með 4 verðlaun
_________Hestar_____________
Valdimar Kristinsson
Hjaltadalurinn skartaði sínu
fegursta þegar Hólanemar héldu
hátíðlegan Skeifudaginn þar sem
fram fór lokaslagurinn um Morg-
unblaðsskeifuna sem veitt er fyr-
ir bestan árangur í hesta-
mennsku, bæði verklegri og bók-
legri. Það var tuttugu og tveggja
ára gömul Reykjavíkurmær, Jó-
hanna Stella Jóhannsdóttir, sem
hlaut skeifuna að þessu sinni.
Auk þess að fá Morgunblaðs-
skeifuna hreppti hún einnig Eið-
faxabikarinn sem veittur er fyrir
bestu hirðingu og ástundun í
hestamennsku. Asetuverðlaun
Félags tamningamanna hlaut 18
ára Hafnfirðingur, Jón Páll
Sveinsson.
Veðrið lék við Hólanema á
skeifudaginn, blankalogn og
heiðskírt. Dagskráin hófst fyrir
hádegi með B-prófi í hlýðniæfing-
um og stóð þar efstur Jón Páll
Sveinsson á Brönu frá Stekkjardai
með 39,5 stig en næst kom Jó-
hanna Stella á Snældu frá Kölduk-
inn með 37 stig, þriðja varð Amdís
Eiðsdóttir frá Búlandi á Öldu frá
Stóru-Ásgeirsá með 30,5 stig. í
úrslitum þessara þriggja náði Jó-
hanna Stella fyrsta sætinu, Arndís
varð önnur og Jón Páll þriðji. Mjög
skemmtilegt var að sjá krakkana
Ieysa þetta verkefni af hendi og
eins og einkunnir bera með sér
voru þetta sýningar á landsmæli-
kvarða. Til gamans má geta þess
að sigurvegarar á Íslandsmótum
eru oftast með þetta 30 til 35 stig
og fullyrða má að dómarar hafi
ekki verið með neina linkind við
keppendur.
Eftir hádegi fór fram forkeppni
í fjórgangi þar sem riðið var fet,
brokk, hægt tölt og stökk en yfir-
ferðartöiti sleppt. Þar stóð efstur
eftir úrslit Hermann Þór Karlsson
frá Ytri-Bægisá II í Hörgárdal en
hann keppti á Rán frá Hólum. í
öðru sæti varð Arndís Eiðsdóttir á
Öldu frá Stóru-Ásgeirsá, þriðji
Guðni K. Ágústsson frá Hnífsdal á
Bón frá Hólum, Jóhanna Stella
íjórða á Snældu og Sigrún Eiríks-
dóttir frá Grafarbakka í Árnessýslu
á Asa frá Leysingjastöðum fimmta.
Það er heildareinkunn í hesta-
mennsku sem ræður úrslitum í
keppninni um hver hlýtur Morgun-
blaðsskeifuna en áður höfðu nem-
endur þreytt verkleg og bókleg próf
í frumtamningum og járningum.
Jóhanna Stella hiaut hæstu ein-
kunn, 7,30, annar varð Hermann
Þór með 7,11 og þriðja Sigrún
Katrín Halidórsdóttir frá Gilsfjarð-
armúla, en hún keppti á hryssunni
Sýn frá Hólum.
Engum sem fylgst hefur með
nemendum Hólaskóla í hesta-
mennsku síðustu tvö árin ætti að
dyljast að þarna eru að gerast
merkilegir hlutir á sviði hesta-
mennskunnar. Fullyrða má að skól-
inn útskrifi hestamenn með góða
grunnþekkingu á tamningu og
þjálfun hrossa og telja verður lík-
legt að nemendur hafi meiri og
betri möguleika en aðrir til að ná
góðum árangri á þessu sviði. Yfir-
menn skólans hafa greinilega mik-
inn áhuga og nauðsynlegt er að
Morgunblaðið/Valdimar Kristinsson
Bestum árangri í hestamennsku á Hólum 1992 náði Jóhanna Stella
Jóhannsdóttir og hlaut að launum Morgunblaðsskeifuna sem
Haraldur Sveinsson framkvæmdastjóri Árvakurs afhenti henni í
lok skeifudagsins. Jóhanna situr hryssuna Snældu frá Köldukinn.
stjórnmálamenn geri sér grein fyrir
þeirri jákvæðu og æskilegu þróun
sem hefur átt sér stað í hesta-
mennskunni á Hólum. Þörfm fyrir
vel menntaða tamningamenn og
reiðkennara hefur aukist ár frá ári
því öllum má ljóst vera að hesta-
mennskan er ekki lengur einka-
sport fámenns hóps sérvitringa. Er
vonandi að stjórnmálamenn gefi
Hólaskóla svigrúm til að þróast
áfram í þessa átt þannig að hann
verði innan fárra ára orðinn fyrsti
alvöru íslenski reiðskólinn. Rétt er
að minnast þess að slíkt gerist ekki
með fögrum orðum einum saman
því fjármunirnir verða að fylgja
með.
Að sjálfsögðu var gefin út móts-
skrá í tilefni skeifudagsins eins og
tíðkast, sem hafði að geyma ýmsar
gagnlegar upplýsingar. Má þar
nefna nafn, fæðingarstað, aldur, lit
og ættartöíu hrossanna sem þarna
komu fram. En þarna voru líka
nokkuð nýstárlegar upplýsingar
sem helst gagnast þeim er vantar
tamningamann eða menn til ann-
arrar vinnu og var getið um hjú-
skaparstétt nemenda. Um Her-
mann Þór Karlsson segir t.d.: 25
ára, bráðvantar konu, starfar við
tamningar í Keldudal út júní. Sig-
rún Katrín er 21 árs, ólofuð en
vantar einn með kvóta, starfar við
hross í Svíþjóð fram í miðjan júní.
Vafalítið geta þeir aðilar sem bráð-
vantar vinnukraft og konu- eða
mannsefni fengið eitt eintak af
mótsskrá Hólanema og moðað úr
því sem þar er kynnt. Sannarlega
snjöll hugmynd þetta.
I