Morgunblaðið - 14.04.1992, Blaðsíða 31

30
31
MORGUNBLAÐIÐ ÞRIÐJUDAGUR 14. APRÍL 1992
MORGUNBLAÐIÐ ÞRIÐJUDAGUR 14. APRÍL 1992
Plírr0muMal>il>
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Flaraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1200 kr. á mánuði innanlands. í lausasölu 110 kr. eintakið.
Framsýnir og raun-
sæir kjara-
samningar
Stjórnir launþegafélaga í
Borgarnesi og á Selfossi
stóðu á dögunum að viðhorfs-
könnun meðal verkafólks og
verzlunarmanna til stöðunnar í
kjarasamningum á almennum
vinnumarkaði, sem og til þess,
hvern veg skuli við brugðizt.
Þetta vinnulag er lofsverð ný-
breytni. Það er rökrétt með til-
liti til þess að félagsfundir, sem
eru misvel sóttir, spegla ekki
endilega meirihlutavilja félags-
manna. Það er virðingarverð
tilraun til að ná fram stefnu-
mörkun hjá þeim breiða fjölda
sem málin varða fyrst og
frefnst.
Niðurstaðan í þessari við-
horfskönnun er einkar athyglis-
verð, ekkert síður en vinnulagið.
Mikill meirihluti þeirra, sem af-
stöðu tóku í könnuninni, vill
hefja viðræður á nýjan leik og
sem fyrst við vinnuveitendur á
svipuðum nótum og þegar upp
úr slitnaði viðræðunum fyrir
skömmu. Það virðist ráðandi
viðhorf að freista þess að ná
fram lítils háttar lagfæringum
á því, sem ASÍ telur að vinnu-
veitendur séu tilbúnir til að fall-
ast á, og undirrita samninga
eins fljótt og kostur er. Innan
við fimmtungur svarenda vill
hörð átök, það er boð» til verk-
falla, eins og mál horfa við á
líðandi stundu í Samfélaginu.
Þessi niðurstaða sýnir rétt
mat á stöðu 'atvinnu- og efna-
hagsmála á fimmta samdráttar-
árinu í röð í þjóðarbúskap okk-
ar. Líkur á skjótum efnahags-
bata eru nánast engar. Það er
borin von að búast megi við
auknum sjávarafla, sem er
hornsteinninn í verðmætasköp-
un landsmanna. Nýjustu upp-
lýsingar um stöðu þorskstofns-
ins taka af öll tvímæli í þeim
efnum. Ekki eru heldur líkur á
því að hægt verði að breyta
orkunni í fallvötnum okkar í
störf, verðmæti og lífskjör
næstu misserin, umfram það
sem þegar er gert, eins og horf-
ir á mörkuðum orkufreks iðnað-
ar. Umtalsverður efnahagsbati
í helztu viðskiptalöndum okkar,
sem gæti haft jákvæð áhrif á
stöðu okkar, er heldur ekki sjá-
anlegur. Raunar er viðskipta-
staða okkar út á við ekki jafn
örugg og vera þyrfti, þótt nú
sjái að vísu til himins gegnum
óvissuský hins Evrópska efna-
hagssvæðis.
Þar ofan í kaupið er atvinnu-
leysi í landinu meira en verið
hefur í tvo áratugi. Um 4.000
manns voru án atvinnu hér á
landi í fyrsta mánuði líðandi
árs. Atvinnuleysið nær til flestra
starfsgreina. Hjá Ráðningar-
skrifstofu Reykjavíkurborgar
voru 1.370 einstaklingar úr,40
starfsstéttum skráðir atvinnu-
lausir 3. marz síðastliðinn, þar
af um 670 karlar og 500 kon-
ur. Og senn flykkist skólafólkið
á vinnumarkaðinn. Atvinnuleysi
er hryggilegt böl fyrir einstakl-
inga og heimili, sem fyrir verða.
Og það dregur óhjákvæmilega
úr verðmætasköpun í þjóðarbú-
skapnum, enda er menntun og
starfshæfni fólksins helzta auð-
lind hverrar þjóðar.
Rekstraröryggi atvinnuveg-
anna og atvinnuöryggi almenn-
ings eru tvær hliðar á sama
fyrirbærinu. Þegar hvoru
tveggja á undir högg að sækja,
eins og nú gerist, bæta hörð
átök á vinnumarkaði, eins og
verkföll, sízt úr skák. Þvert á
móti. Slík átök stefna í tvísýnu
þeim árangri í hjöðnun verð-
bólgu, stöðugleika í efnahags-
lífí, gengi og verðlagi, sem þjóð-
arsáttin í febrúar 1990 færði
okkur. En það er einmitt sá
stöðugleiki sem er ljósið í
dimmu erfiðleikanna. Hann er
efniviður okkar í brú yfir til
betri tíðar fyrir atvinnulífið í
landinu, sem standa verður und-
ir lífskjörum okkar í bráð og
lengd.
Oft var þörf en nú er nauðsyn
að standa þannig að kjarasamn-
ingum áð þeir auki en veiki
ekki möguleika landsmanna til
að vinna sig út úr efnahags-
kreppunni. Sú óvissa á vinnu-
markaði, sem grúft hefur og
grúfír enn yfir atvinnulífinu,
veldur því og með öðru, að fyrir-
tæki og einstaklingar halda að
sér höndum um framkvæmdir
og starfsemi. Hugsanleg við-
brögð stjórnvalda vegna
ótryggs atvinnuástands tengj-
ast og trúlega lyktum kjara-
samninga.
Það er mikilvægara en flest
annað í þeim efnahagsþreng-
ingum, sem við er að glíma, að
fylgja fast eftir því tækifæri í
annars erfiðri stöðu í þjóðarbú-
skapnum, sem stöðugleikinn í
efnahagslífínu gefur, með
raunsæjum og framsýnum
kjarasamningum. Það verður
heldur ekki annað lesið út úr
viðhorfskönnum launafólks í
Borgarnesi og á Selfossi en að
það geri sér þessar staðreyndir
íjósar.
Hugmyndin um bygg-
ingu Ráðhúss Reykja-
víkur vaknaði á 17. öld
FYRSTI borgarstjórnarfundur-
inn í Ráðhúsinu við Tjörnina
verður haldinn í dag. Frá því að
bæjarstjórn var stofnuð árið
1836 hafa fundir bæjar- og borg-
arstórnar verið haldnir á fimm
stöðum. Salurinn að Skúlatúni 2
þar sem fundirnir hafa verið
haldnir sl. 34 ár verður látinn
halda sér í óbreyttri mynd og
verður væntanlega notaður fyrir
fundi og ráðstefnur, aðallega á
vegum embættis borgarverk-
fræðings. Fyrirhugað er að
koma upp bókasafni í tengslum
við það, líklega þar sem áhorf-
endapallarnir voru.
Frá árinu 1836 til 1874 voru
fundir haldnir í bæjarþingstofunni
í austurenda Landsyfirréttarhúss-
ins að Austurstræti 22.
Á árabilinu 1874 til 1903 voru
fundirnir haldnir í bæjarþingstof-
unni í Hegningarhúsinu við Skóla-
vörðustíg. Bæjarstjórn átti aðild að
byggingu hússins enda var það
kallað Dóm- og ráðhús Reykjavíkur
ásamt því að vera hegningarhús.
Hugmyndin um byggingu
ráðhúss frá 17. öld
Hugmyndin um að byggja eigin-
legt Ráðhús Reykjavíkur var þá
löngu vöknuð en talið er að hún
hafi fyrst komið fram seint á 17.
öld. Þó að hugmyndin væri reifuð
að nýju síðar, komst málið ekki á
rekspöl fyrr en árið 1918, þegar
þáverandi bæjarstjóri, Knud Ziems-
Frá 1932 til 1985 voru fundir bæjarstjórnar haldnir í kaupþingssaln-
um á efstu hæð Eimskipafélagshússins við Pósthússtræti.
Undanfarin ár hafa fundir borgarstjórnar verið haldnir í Skúlatúni 2.
Frá árinu 1836 til 1874 voru bæjarstjórnarfundir haldnir í bæjarþingstofunni í austurenda Landsyfirrétt-
arhússins að Austurstræti 22.
Á árabilinu 1874 til 1903 voru fundirnir haldnir í bæjarþingstofunni
í Hegningarhúsinu við Skólavörðustíg.
en, hafði forgöngu um skipun
nefndar til að annast undirbúning
byggingar ráðhúss. Bæjarstjórn
taldi lóðina á horni Kalkofnsvegar
og Hverfisgötu álitlega ráðhússlóð
og falaðist. eftir henni við eigand-
ann, stjórnarráðið, árið 1919. Ekk-
ert varð þó af þessum áformum og
var málið ekki tekið upp að nýju
fyrr en árið 1941.
Góðtemplarahúsið við Vonar-
stræti var fundarstaður bæjar-
stjórnar frá 1903 til 1932 en fund-
ir voru aflagðir í húsinu eftir Gúttó-
slaginn. Þá voru þeir fluttir í kaup-
þingssalinn á efstu hæð Eimskipa-
félagshússin við Pósthússtræti þar
sem þeir voru haldnir til ársins
1958.
Ráðhúsnefnd skipuð og efnt til
samkeppni um bygginguna
Á þessum tíma höfðu áform um
byggingu ráðhúss verið tekin upp
að nýju en árið 1941 var skipuð
sérstök ráðhússnefnd. Eftir tveggja
ára starf lagði nefndin til að ráðhús
yrði byggt við norðurenda Tjarnar-
innar á svæðinu milli Lækjargötu
og Tjarnargötu.
í desember 1945 ákvað bæjar-
stjórn að efna til samkeppni um
ráðhús. Þrjár lóðir komu til greina,
við norðurenda Tjarnarinnar, í
Gijótaþorpi gegnt Austurstræti og
í Gijótaþorpi norðan Túngötu.
Keppnin fór fram árið 1946 en
engin tillaga hlaut fyrstu verðlaun.
Arið 1952 lagði svokölluð sam-
vinnunefnd um skipulagsmál til að
ráðhúsi yrði valin staður við norður-
enda Tjarnarinnar. Nefndin hafði
áður athugað 16 lóðir undir fyrir-
hugað ráðhús.
Sex arkitektar hanna ráðhús á
átta árum
í árslok 1955 samþykkti bæjar-
ráð einróma að ráðhús skyldi byggt
við Vonarstræti sunnanvert á svæð-
inu milli Lækjargötu og Tjarnar-
götu og kaus 5 manna undirbún-
ingsnefnd. Ætlunin var sú að
nefndin stæði fyrir samkeppni með-
al arkitekta, en mál þróuðust þann-
ig að 6 arkitektum var boðið að
Góðtemplarahúsið við Vonarstræti var fundarstaður bæjarstjórnar frá
1903 til 1932.
hanna ráðhúsið undir forystu Þórs
Sandholts, arkitekts, semjafnframt
var framkvæmdastjóri ráðhúss-
nefndarinnar.
Arkitektarnir 6 lögðu tillögu sína
fyrir borgaryfirvöld á ársbyrjun
1964. Þar var gert ráð fyrir ráð-
húsi við norðurenda Tjarnarinnar.
Borgarstjórn samþykkti tillöguna
með 12 atkvæðum gegn einu en
tveir fulltrúar sátu hjá. Ekkert varð
þó úr framkvæmdum og um 1970
voru þessi áform lögð á hilluna.
Árið 1984 kynnti Davíð Oddson,
þáverandi borgarstjóri, hugmynd
sína um ráðhúsbyggingu á Bárulóð,
Tjarnargötu 11.
Undanfarin 34 ár eða frá 6. febr-
úar 1958 hafa fundir bæjar- og
borgarstjórnar’ verið haldnir að
Skúlatúni 2. Þar voru haldnir sam-
tals 675 fundir eða að meðaltali
tæplega tuttugu fundir árlega. Sal-
urinn verður nú í óbreyttri mynd
notaður sem funda- og ráðstefnu-
salur borgarverkfræðingsemb-
ættisins og er fyrirhugað að koma
upp bókasafni í tengslum við það.
Samningurinn um EES
staðfestur í Brussel í dag
Brussel. Frá Kristófer M. Kristinssyni, fréttaritara Morgunblaðsins.
SAMNINGUR Evrópubandalagsins (EB) og Fríversl-
unarbandalags Evrópu (EFTA) verður staðfestur
af aðalsanmingamönnum bandalaganna í Brussel í
dag. Gert er ráð fyrir að samningurinn verði undir-
ritaður af ráðherrum í byrjun maí annaðhvort í
Portúgal eða Brussel. Reikna má með því að leggja
megi samninginn fyrir þjóðþing aðildarríkja banda-
laganna beggja til staðfestingar fljótiega eftir undir-
ritun hans. Hannes Hafstein, sendiherra í Brussel,
sagðist telja að samningurinn væri endanlega í höfn.
Sá samningahópur'sem farið hefur með lagamál og
dómstóla í samningaviðræðunum kom saman til fundar
í Brussel í gær þar sem gengið var frá nauðsynlegum
breytingum á samningnum til að koma til móts við álit
Evrópudómstólsins frá því á laugardag. Samkvæmt
heimildum í Brussel var engin ágreiningu um þessar
breytingar í hópnum og samningurinn telst þess vegna
tilbúinn til staðfestingar í dag. Bæði bandalögin leggja
áherslu á að endanlegum frágangi samningstextans
verði lokið fyrir næstu mánaðamót. Heimildarmenn
Morgunblaðsins herma að Portúgalir hafi lýst áhuga á
að undirritun samningsins fari fram í Portúgal 1. maí
í tengslum vð óformlegan fund utanríkisráðherra EB í
Óportó. Samkvæmt sömu heimildum mun áhugi á því
að svo geti verið innan formennskulands EFTA. Al-
mennt hefur þó verið gert ráð fyrir undirritun samnings-
ins á utanríkisráðherrafundi ERB í Brussel 11. maí.
Strax að lokinni undirritun EES- samningsins er hægt
að leggja hann fyrir þjóðþing aðildarríkjanna til staðfest-
ingar. Óljóst er hvort samningurinn tekur gildi um
næstu áramót þar sem ekki er útséð um það hvort, Sviss-
lendingar nái að halda nauðsynlega þjóðaratkvæða-
greiðslu fyrir þann tíma. Þjóðaratkvæðagreiðslan í Sviss-
landi er fyrirhuguð 7. desember nk. en þá og því aðeins
að þingið hafi lokið umfjöllun sinni. Ríkisstjórn Davíðs
Oddssonar getur að öllum líkindum lagt samninginn
fyrir Alþingi um miðjan maí eða strax og það hentar
henni.
Kristín
Einarsdóttir:
Enn frekari
ástæða að
skoða hvort
EES standist
stjórnar-
skrána
KRISTÍN Einarsdóttir þingmaður
Kvennalista segir enn frekari
ástæðu til þess nú en áður að
skoða hvort samningur um evr-
ópskt efnahagssvæði sé i samræmi
við íslensku stjórnarskrána, eftir
að Evrópudómstóllinn samþykkti
samninginn nú um helgina.
„Niðurstaða dómstólsins kom ekk-
ert á óvart. Eins og við höfum sagt
var síðasta útgáfa samningsins með
þeim hætti að gengið var til móts
við allar kröfur dómstólsins. Það var
enn frekar hnykkt á um að EB hef-
ur tögi og hagldir í öllum málum
hvað varðar lagasetningu. Til dæmis
var sett inn ákvæði um að lög EES
séu æðri landslögum og að úrskurð-
ir EB-dómstólsins séu bindandi sé
til hans leitað. Það er því enn frekar
ástæða til þess að athuga hvort
samningurinn standist íslensku
stjórnarskrána, en ég hafði þá skoð-
un, áður en þetta kom til, að samn-
ingurinn gerði það ekki,“ sagði Krist-
ín Einarsdóttir.
Hún sagði
að nú væri
enn skýr-
ara en
áður, að
samningur-
inn um evr-
ópskst
efnahags-
svæði væri
í raun ekki
plagg sem
ætti fram-
tíð fyrir sér, heldur einungis anddyr-
ið að Evrópubandalaginu. „Ég held
að það sé rétt fyrir íslendinga að
gera sér grein fyrir því að þarna
verður ekkert stöðvast við, og við
erum í raun að ræða um aðild að
EB þegar verið er að ræða um EES,
þótt menn vilji ekki viðurkenna það
og séu enn að halda því fram að
þetta geti orðið endastöð fyrir ís-
land,“ sagði Kristín.
Aðspurð sagði Kristín að Kvenna-
listinn hefði ekki sérstaklega rætt
um hugmyndir um að kalla saman
sex vikna sumarþing til að ijalla um
EES-samninginn. „Hins vegar er
ljóst að það er fíarri öllum raunveru-
leika að sex vikur nægi til að fjalla
um þetta mál á Alþingi. Það þarf
miklu lengri tíma til að fjalla um
samninginn og öll þau frumvörp sem
nauðsynleg eru áður en hægt er að
ganga frá samningum. Ég held að
það sé óraunhæft að hægt verði að
ganga frá samningnum fyrr en á
næsta ári, enda held ég að okkur
liggi ekkert á þar sem öll hin þjóð-
þingin 20, sem fjalla þurfa um samn-
ingin, munu ekki ljúka þeirri vinnu
fyrir 1. janúar 1993,“ sagði Kristín
Éinarsdóttir.
Ólafur Ragnar
Grímsson:
Hinar EFTA—
þjóðirnar
hafa dæmt
EES-samning-
inn til dauða
ÓLAFUR Ragnar Grímsson for-
maður Alþýðubandalagsins segir
að samningurinn um evrópskt
efnahagssvæði (EES) hafi verið
dæmdur til dauða af hinum
EFTA-þjóðunum á meðan Evr-
ópudómstóllinn var að fjalla um
samninginn. Og margt benti til
þess að vænlegast sé að hefja
viðræður um tvíhliða samning við
Evrópubandalagið (EB) nú áður
en Norðmenn verði komnir EB-
megin við borðið.
„EES-
samningur-
inn, sem nú
er verið er
að tala um,
er í raun
allt annað
en það sem
rætt var um
í upphafi. Á
meðan Evr-
ópudóm-
stóllinn hef-
ur verið að fjalla um málið, fyrst í
haust og svo í vetur, hafa nokkur
EFTA-ríki ákveðið að sækja um
aðild að Evrópubandalaginu. Þar
með er orðið ljóst að EES-samning-
urinn hefur verið dæmdur til dauða
af þorra EFTA-ríkjanna því
stofnanaþáttur hans er á þann veg
að ísland og Liechtenstein gætu
ekki borið hann uppi. Því er sá
EES-samningur sem nú kemur frá
Evrópudómstólnum, í raun fyrirburi
sem ekki er hugað líf nema í hæsta
lagi tvö ár. Þá blasir við, jafnvel
þótt samningurinn yrði samþykkt-
ur, að ísland og Liechtensten yrðu
að fara í flóknar viðræður við EB
um tvihliða samning. Og það er
aðeins barnaskapur af utanríkisráð-
herra íslands að viðurkenna þetta
ekki. Vandinn er sá að að utanríkis-
ráðherra hefur bundið rnikinn pólití-
skan metnað í að fá þennan samn-
ing fram og lítið viljað gera úr þeim
breytingum sem orðið hafa frá því
lagt var upp í þessa för.
Við þurfum þess vegna að meta
það nú íslendingar: Er skynsamlegt
fyrir okkur að sækja eftir samning-
um við EB á meðan til dæmis Nor-
egur, sem er samkeppnisaðili okkar
í sjávarútvegi, er þar fyrir utan.
Eða fara í slíkar viðræður eftir að
EES-samningurinn hefur tekið gildi
og Noregur er komin EB-megin við
borðið til að gæta samkeppnishags-
muna sinna gagnvart íslandi? Mér
sýnist margt benda til þess að það
kunni að vera vænlegra fyrir okkur
að ræða við núverandi EB-ríki um
framtíðarskipun þessara mála í
krafti þess að hin EFTA-ríkin hafi
í reynd skorist úr leik, heldur en
gera það þegar Noregur verður
kominn hinum megin við borðið,“
sagði Olafur Ragnar.
Ólafur sagðist hafa lagt fram
minnisblað á fundi utanríkismála-
nefndar Alþingi í gærmorgun um
álit ýmissa lögfræðistofnana í Sví-
þjóð á EES-samningnum. Þar kæmi
m.a. fram að lagadeild Stokkhóls-
háskóla hefði sent sænsku ríkis-
stjórninni það álit sitt fyrir rúmu
ári, að samningurinn stangaðist á
við sænsku stjórnarskrána, og fleiri
þarlendar lagastofnanir og embætt-
ismenn hefðu komist að svipaðri
niðurstöðu.
„Kjarninn í þessum greinargerð-
um er að það ákvæði að EES-lögin
skuli vera æðri en lög einstakra
þjóðþinga samræmist ekki grund-
vallaratriðum sænskrar stjórnskip-
unar. Þetta er því enn á ný í þeirn
farvegi, að þegar ein hindrun er
ekki lengur við líði kemur önnur
fram í dagsljósið jafnóðum,“ sagði
Ólafur Ragnar Grímsson.
Steingrímur
Hermannsson:
Afstaðan til
EES ræðst
af mögu-
leikum til
að hafna EB
Steingrímur Hermannsson for-
maður Framsóknarflokksins seg-
ir að það muni ráða mestu um
endanlega afstöðu hans til samn-
ingsins um evrópskt efnahags-
svæði (EES), hvaða stöðu hann
veiti íslendingum til að hafna
aðild að Evrópubandalaginu
(EB).
Evrópudómstóllinn hefur nú sam-
þykkt ÉES-samninginn, eftir brey-
ingar sem gerðar voru á samningum
eftir athugasemdir dómstólsins. í
samtali við Morgunblaðið sagðist
Steingrímur Hermannsson fagna
því að dómstóllin hefði komist að
niðurstöðu og hægt væri að snúa
sér að því að skoða samninginn í
endanlegu formi.
„Ég held að það sé nú afar mikil-
vægt að menn snúi sér að því að
ná sem breiðustum sáttum með
þjóðinni um þetta mál. Mér finnst
af þeim viðræðum sem ég hef átt
við æði mikinn fjölda fólks upp á
síðkastið, að málið sé ekki vel kynnt.
Nú þarf að kynna það mjög vel og
skoða lagalega hlið þess. Mér finnst
það mikill galli að við skulum ekki,
eins og Svíar, hafa athugað
samninginn með tilltiti til stjórnar-
skrárinnar. Þar mega ekki verða
nein slys,“ sagði Steingrímur
Hann sagðist ekki sjá ástæðu til
þess að kalla þingið saman í sumar
til að fjalla um samninginn. „Mér
finnst að það eigi að nota tímann
til að kynna samninginn sem best,
fjalla um hann í nefndum þingsins,
til dæmis utanríkismálanefnd, kalla
inn sérfræðinga, og fá þessar laga-
breytingar fram. Það mætti svo
kalla þingið saman eitthvað fyrr í
haust,“ sagði Steingrímur.
Þegar Steingrímur var spurður
hvort afstaða hans til EES-samn-
ingsins væri nú jákvæðari en fyrst
eftir að samningurin lá fyrir, sagð-
ist hann hafa sömu afstöðu til samn-
ingsins og þegar hann tók þátt í
að koma þessu máli af stað. „Ég
vil fá að sjá
fyrirvarana
sem við
vorum sam-
mála um að
setja eða
lagabreyt-
ingar sem
ná sama til-
gangi með
girðingum,
eins og t.d.
í sambandi
við landakaupin. Ég vil einnig fá
að sjá sjávarútvegssamninginn
[milli Islands og EB] áður en ég tek
afstöðu til heildarsamningins svc
menn ættu að vinda sér í að vinna
hann. En í mínum huga, ef þessum
fyrirvörum er öllum fullnægt, þá
mun ráða mestu hjá mér hvar við
stöndum best í því að hafna Evrópu-
bandalaginu. Er það betra með
svona samning eða er það verra?
Ég vil einnig skoða það ef og þegar
þegar hin EFTA-ríkin ganga inn í
EB, hvort einhverjum erfiðleikum
verður háð að fá inn breytingar svo
þetta geti orðið eins og anddyri að
sérsamningi. Þar held ég að helst
þurfi að gera breytingar á stofnan-
aköflum EES-samningsins en ég
ímynda mér að viðskiptahlutinn
gæti staðið að mestu leyti.“
— Hefur „Norðurlandahraðlest-
in“ svokallaða inn í EB breytt af-
stöðu þinni til samningsins um evr-
ópskt efnahagssvæði?
„Hún breytir afstöðunni þannig
að við urðurn vitni að því í umræðu
um skýrslu utanríkisráðherra að
hún hefur mikinn sogkraft. Ég sá
ekki betur en utanríkisráðhen-a
væri kominn í kjölsogið svo það ei
vonandi að það hafi tekist að koma
á hann böndum," sagði Steingrímut
Hermannsson.