Morgunblaðið - 14.04.1992, Blaðsíða 58

58
MORGUNBLAÐIÐ ÞRIÐJUDAGUR 14. APRÍL 1992
Fjölbrautaskólinn á Sauðárkróki;
Opnir dagar tókust mjög’ vel
Sauðárkróki.
NÝLEGA er lokið í Fjölbrautaskóla Norðurlands vestra á Sauðár-
króki opnum dögum, en þá er öll hefðbundin kennsla brotin upp en
-n stað hennar koma fyrirlestrar og ýmiskonar námskeið og nemend-
ur vinna að margvíslegum verkefnum.
Nemendafélag skólans, í sam-
vinnu við skólayfirvöld, vinnur að
undirbúningi og framkvæmd opnu
daganna sem nú eru orðnir árviss
viðburður og fastur liður í skólalíf-
inu.
Að þessu sinni bar hæst ágæta
sýningu leikhóps skólans í félags-
heimilinu Bifröst, sem tók nú til
meðferðar þtjá einþáttunga eftir
jafnmarga íslenska höfunda undir
samheitinu: Menn, menn, menn.
Andrés Sigurvinsson leikstýrði
j^erkinu, en skemmtileg leikmynd
var hönnuð og unnin af Margréti
Soffíu Björnsdóttur. í leiksýning-
unni og dans- og söngsýningu á
árshátíð tóku þátt rúmlega 60
nemendur.
Sýningar á Menn, menn, menn
urðu alls fjórar og ágætlega sótt-
ar, enda mál manna að sérstaklega
hefði vel til tekist og hinir ungu
leikarar skiluðu erfiðum og vanda-
sömum hlutverkum með hinni
mestu prýði.
Einar Einarsson, formaður nem-
endafélagsins, sagði að sérstak-
lega hefði verið reynt að gera dag-
skrá opnu daganna fjölbreytta og
skemmtilega, með því að bjóða upp
á margbreytilega dagskrá fræðslu,
menningar og lista.
Á hótel Mælifelli var blús og
skáldakvöld, þar sem Blúsvíkingar
frá Húsavík léku, en skáldin Kjart-
itti Hallur Grétarsson, Óskar Árni
Óskarsson, Geirlaugur Magnússon
og Gyrðir Elíasson lásu upp úr
verkum sínum.
I húsnæði skólans flutti Þor-
steinn J. Vilhjáimsson, dagskrár-
gerðai-maður á Rás 2, fyrirlestur
um íjölmiðla og hélt námskeið í
dagskrárgerð, vottar Jehóva voru
með kynningu á starfsemi sinni,
þá var Rauði krossinn með kynn-
ingu á ungmennahreyfingu sam-
takanna og fjallaði um Vinalínuna.
Einar Þór Jónsson, formaður
Eyðnisamtakanna, og Halldóra
Bjarnadóttir hjúkrunarfræðingur
fluttu fyrirlestra um eyðni og aðra
kynsjúkdóma og Janus Guðlaugs-
son fjallaði um gildi íþrótta í fram-
haldsskóla og sérstaklega bóklega
íþróttafræði, einnig ræddi Janus
um atvinnumennsku í knattspyrnu.
Bragi Þór Haraldsson frá björgun-
arsveitinni SkagfirðingaSveit hélt
námskeið í notkun og meðferð
áttavita, en Hannes Hilmarsson
skólastjóri ræddi um vímuefnan-
eyslu og hélt námskeið í slökun.
Einar Thoroddsen vínsmakkari
fjallaði um uppruna og meðferð
eðalvína og fulltrúar á AFS og
Nordjobb kynntu samtök sín.
Hestaklúbbur skólans stóð fyrir
myndbandasýningum frá lands-
mótum hestamanna, en einnig voru
farnar hestaferðir í samvinnu við
Ingimar Pálsson og hestaleigu
hans.
Keppt var um titlana sterkasta
kona og sterkasti maður skólans
og þijú kvöld stóðu gestakokkar
fyrir veislu í mötuneytinu. Fyrsta
kvöldið voru þar
innanborðs nemar
á þroskabraut
skólans, annað
kvöldið var í hlut-
verki gestgjafa
Geirmundur Val-
týsson ásamt
hljómsveit sinni,
en Ólafur Arn-
björnsson aðstoð-
arskólameistari
lauk þessum
þætti opnu daganna.
Fram fór spumingakeppni milli
keppnisliða FÁS sem komið er í
átta liða úrslit í spurningakeppni
framhaldsskólanna og liðs kenn-
ara, en opnu dagarnir voru svo
brenndir út við veglegan varðeld á
Borgarsandi, en lokaatriðið var
árshátíð skólans í félagsheimilinu
Bifröst.
Dagblaðið Molduxi kom út alla
opnu dagana og flutti fréttir af
því sem hæst bar hverju sinni og
útvarpsstöðin Rás Fás útvarpaði
alla daga frá kl. 9 árdegis og fram
yfir miðnætti, en þessi útvarpsstöð
hefur verið starfrækt frá því síð-
astliðinn vetur í samvinnu við Aðal-
stöðina í Reykjavík.
Einar Einarsson sagði að starfið
þessa daga væri ómetanlegt: „Það
að brjóta upp skólastarfið lífgar
upp á tilveruna, það þjappar nem-
endum saman til þess að takast á
við og leysa vel af hendi allt aðra
hluti en þeir eru að glíma við á
venjulegum skóladegi, það bætir
andrúmsloftið og þroskar fólk að
vinna að svona verkefnum,“ sagði
Einar að lokum. ___
- BB
Gyrðir Eiíasson
les úr Ijódum sín-
um.
Borgarfj ör ður:
Söngvaseiður í Logalandi
Verkalýðsfélag Grindavík:
Nýtt hús tekið í notkun
Grindavík.
Hið nýja húsnæði Verkalýðsfélagsins.
Morgunblaðið/Frímann Ólafsson
Verkalýðsfélag Grinda-
víkur hefur nýlega tekið í
notkun nýtt húsnæði undir
starfsemi sína við Vík-
urbraut.
Húsið er 312 fermetrar
að stærð og mun kosta full-
búið með lóð um 26,5 millj-
ónir króna. Eigendur að hinu
nýja húsi eru Verkalýðsfélag
Grindavíkur og lífeyrissjóður félags-
ins að jöfnu.
Auk skrifstofa 'beggja félaganna
verða Sjóvá-Almennar með umboðs-
skrifstofu, Tölvík, sem er bókhalds-
og fasteignasala, og síðan Blóma-
og gjafavöruverslunin Akur.
- FÓ
Lionsmenn í Njarðvík:
Fatlaðir fá hjólastóla
Keflavík.
„GYLFI Guðmundsson skólastjóri Grunnskóla Njarð.víkur vakti
athygli okkar á nauðsyn þess að hjólastóla vantaði illilega við
sundlaugina til að auðvelda fötluðum að komast ferða sinna
og það varð tilefni þess að við réðumst í að safna fyrir og
kaupa þessa stóla,“ sagði Þórður Karlsson formaður líknar-
nefndar Lionsklúbbs Njarðvíkur þegar hann afhenti tvo hjóla-
stóla til notkunar í sundlauginni í Njarðvík nýlega.
Helga Margrét Guðmunds-
dóttir framkvæmdastjóri
Þroskahjálpar Suðurnesja sagði
við þetta tækifæri að þörfín fyr-
ir þessa stóla hefði verið mikil
því að sundlaugin í Njarðvík
væri mikið notuð af fötluðum
sem nýlega hefðu stofnað með
sér íþróttafélag. í máli Þórðar
kom einnig fram að hægt hefði
verið að fá fullkomnari stóla, en
það hefði kallað á verulegar
breytingar á húsakynnum og því
hefði verið ákveðið að kaupa ein-
faldari stóla sem hentuðu.
Anna Guðrún Sigurðardóttir
formaður íþróttafélagsins Ness
þakkaði gjöfina fyrir hönd fatl-
aðra og sagði að með tilkomu
þeirra yrði mun auðveldara að
komast ferða sinna til og frá
búningsklefum. Hún þakkaði
jafnframt starfsfólki sund-
laugarinnar fyrir veitta aðstoð
og að það hefði sýnt fötluðum
mikinn velvilja. BB
Hvannatúni í Andakíl.
ÞRÍR kórar úr Borgarfirði og Austur-Húnavatnssýslu héldu
nýlega fjölmenna söngskemmtun í Logalandi í Reykholtsdal.
Fullt hús áheyrenda tóku söngfólkinu frábærlega vel og klöpp-
uðu það upp margsinnis í lok hvers atriðis.
Tveir kórar úr Borgarfirði,
Kirkjukór Hvanneyrar undir
stjórn Hannesar Baldurssonar
og Freyjukórinn undir stjórn
Bjarna Guðráðssonar og Sam-
kórinn Björk,
A.-Húnavatnssýslu, undir stjórn
Rosmary Hewlett sungu lög úr
ýmsum áttum. Eftir að um 40
félagar úr Samkórnum luku
sinni dagskrá við undirleik Julian
Hewletts kom fram karlakvart-
ett úr Björkinni og síðan 10 kon-
ur úr kvennasveit Bjarkarinnar
með gítarundirleik.
Eftir söng kirkjukórsins
sungu Dagný Sigurðardóttir og
Snorri Hjálmarsson einsöng,
Gunnar Örn Guðmundsson og
Snorri tvísöng og síðan sungu
þau þrjú saman við undirleik
Ingibjargar Þorsteinsdóttur.
Sippubandið og Sirrý úr Reyk-
holtsdal sungu og spiluðu á gít-
ara nokkur lög frá síðustu árum,
flest við nýsamda texta.
Freyjukórinn flutti m.a. syrpu
úr söngvaseið eftir Rodgers og
Hammerstein í þýðingu Flosa
Ólafssonar. í lokin komu kórarn-
ir fram saman og sungu eitt lag
undir stjórn hvers stjórnenda,
síðasta lagið var Efst á Arnar-
vatnshæðum.
Eftir þessa þriggja stunda
dagskrá dansaði kórfólkið fram
eftir nóttu. Þessir kórar hafa
hist undanfarin ár ýmist norðan
eða sunnan heiðar og hafa góð
kynni tekist hjá öllu þessu fólki.
- D.J.
Hannes Baldursson sljórnar nærri 100 manna kór í lok dagskrár-
innar.
Morgunblaðið/Björn Blöndal
Frá afhendingu hjólastólanna, í aftari röð frá vinstri til hægri
eru: Stefán Bjarkason, íþrótta- og æskulýðsfulltrúi í Njarðvík,
Helga Margrét Guðmundsdóttir, framkvæmdastjóri Þroska-
hjálpar Suðurnesja, Þórður Karlsson, formaður líknarnefndar
Lionsklúbbs Njarðvíkur, og Jóhanna Árnadóttir, starfsmaður
íþróttahússins. I fremri röð í nýju hjólastólunum eru Sumarrós
Onundardóttir, til vinstri, og til hægri er Anna Guðrún Sigurðar-
dóttir, formaður íþróttafélagsins Ness.
Morgunblaðið/Jón H. Sigumiundsson
Anna Berglind danskennari með einn hópinn sem er hvað lengst kominn. Allir mættu prúðbúnir þar
sem sýning er á næsta leyti.
Dansskóli opnar í Þorlákshöfn
Þorlákshöfn.
í BYRJUN febrúar hóf dansskóli starfsemi sína í Þorlákshöfn.
Eigandi skólans og aðalkennari er Anna Berglind Júlíusdóttir.
Anna sem er fædd og uppalin á Þorlákshöfn lauk danskennara-
prófi 1990 frá Nýja dansskólanum.
Anna hefur kennt og aðstoðað
við danskennslu hjá Nýja dans-
skólanum síðan 1985 og meðal
annars hefur hún mikið verið við
kennslu á heimaslóðum fyrir aust-
an fjall. Önnu til aðstoðar við
kennsluna eru Katrín Marta
Magnúsdóttir og Benjamín Ómar
Þorvaldsson sem er nýbyrjaður að
dansa en Katrín hefur aðstoðað
við kennslu í nokkur ár.
Dansskóli Önnu Berglindar hef-
ur fengið inni í Félagsheimilinu í
Þorlákshöfn sem hefur fengið hlý-
legt útlit eftir að Anna setti upp
spegla og skreytti með blómum
ög myndum. Anna segir að áhugi
á dansi sé mikill í Þorlákshöfn og
skilningur á ágæti dansíþróttar-
innar sé mikill hjá ráðamönnum
sem sjáist best á því að öllum
nemendum í grunnskólanum hafi
verið boðið upp á daglega dans-
kennslu í heila viku endurgjalds-
laust.
Nemendur dansskólans eru yfir
80 og eru þeir á öllum aldri.
Dansæfingar eru tvisvar í viku hjá
yngri kynslóðinni en einu sinni hjá
þeim eldri, auk þess er boðið upp
á einkatíma sem þykja hentugir
og skila góðum árangri á stuttum
tíma, sagði Anna.
Margir krakkanna hafa náð
góðum tökum á dansinum og eru
farin að keppa og mikið hefur
verið um að danshópar hafi sýnt
á árshátíðum, þorrablótum og öðr-
um samkomum hér í Þorlákshöfn.
Anna sagði að til tals hefði komið
að stofna gömludansahóp þar sem
dustað væri rykið af nokkrum
dönsum án þess að um beina
kennslu væri að ræða, heldur kom-
ið saman og sett góð danstónlist
á fóninn og fólk ætti saman afs-
lappaða stund í góðum félagsskap.
- J.H.S.