Morgunblaðið - 17.11.1992, Blaðsíða 55

5^
MORGUNBLAÐIÐ ÞRIÐJUDAGUR 17. NÓVEMBER 1992
Búðardalur
Nemendatónleikar
Tónlistarskólans
Búðardal.
TÓNLISTARSKÓLI Dalasýslu var með nemendatónleika laugardaginn
7. nóvember sl. í skólanum eru 60 nemendur sem eru að læra á hin
ýmsu hljóðfæri. Kennarar eru auk skólastjórans, Kjartans Eggertsson-
ar, þrír Halldór Þórðarson sem hefur kennt við skólann frá upphafi
og tveir stundakennarar.
Fyrsti skólastjóri og brautryðjandi
var Guðmundur Ómar Óskarsson frá
Svínhól í Miðdölum, nú tónlistar-
kennari í Mosfellsbæ. Með honum
kenndi fyrsta veturinn Hafdís Krist-
insdóttir frá Leirá í Leirársveit, en
þau settu skólann af stað með mikl-
um myndarbrag. Tónlistarskólinn
skilaði mjög góðum árangri og strax
fyrstu árin var stofnuð lítil lúðra-
sveit sem Guðmundur Ómar stjóm-
aði. Við hljómsveitinni tók síðan
Kristján Ólafsson sem var kennari
við Tónlistarskólann í nokkur ár en
þegar Kristján hætti lagðist lúðra-
sveitin niður. Nú er áformað að end-
urvekja hana og vonandi tekst vel til.
Þrátt fyrir ýmsa erfiðleika í
rekstri hefur skólinn verið mikil lyfti-
stöng fyrir allt tónlistarstarf í hérað-
inu. Hljóðfæri em á mörgum heimil-
um og tónlistaráhugi hefur löngum
verið mikill í Dölum. Tónlistarskólinn
starfað í félagsheimilinu Dalabúð og
að Laugum í Hvammsvík. Sæmileg
aðstaða er á báðum stöðum fyrir
nemendur og kennara. Aðsókn að
skólanum hefur yfirleitt verið mjög
góð enda em allir sammála um að
tónlistariðkun er öllum holl ekki síst
bömum og unglingum sem læra tón-
listamám og að æfing, ögun og
vandvirkni skiptir miklu máli. Einnig
læra þau að meta góða tónlist.
— Kristjana.
Morgunblaðið/Kristjana E. Ágústsdóttir
Frá nemendatónleikum Tónlistarskóla Dalasýslu.
Landgræðslufélag
í Oræfum stofnað
Hnappavöllum.
LANDGRÆÐSLUFÉLAG í Ör-
æfum var stofnað hinn 1. nóvem-
ber sl.. Tilgangur þess er að vinna
að uppgræðslu gróðurlítilla
svæða og reyna að hefa landbrot
vatnsfalla sveitarinnar.
Auk fólks úr Öræfum komu á
stofnfundinn þeir Halldór Blöndal
ráðherra, Egill Jónsson þingmaður
og Sveinn Runólfsson landgræðslu-
stjóri. Fyrsta verkefnið verður að
girða af fjalllendið milli Hofs og
Hnappavalla og em framkvæmdir
þegar hafnar við að slétta girðing-
arstæðið og setja niður homstaura.
- S.G.
Gamla elliheimilið i Mánagötu á sér nærri 100 ára gamla sögu.
ísafjörður
EUiheímilíð í Máiia-
götu hætt störfum
ísafirði.
UM áratuga skeið hafa verið uppi umræður um að hætta notkun á
gamla elliheimUinu á ísafirði sem er að verða aldargamalt og úr
öllum tengslum við nútima öldrunarþjónustu. Bæjarstjórn hefur
margoft lofað breytingum og fjöldi gjafa hefur komið til slíkrar
byggingar i gegnum tiðina auk þess sem gjald var lagt á aðgöngum-
iða kvikmyndahússins á ísafirði. Nú hafa vistmenn elliheimUisins
loksins flutt í vistleg einmenningsherbergi á efstu hæð í Hiif, heim-
Ui aldraðra.
Morgunblaðið/Úlfar Ágústsson
Það var Geirþrúður Charlesdótt-
ir, formaður starfshóps um gerð
vistrýmis á efstu hæð fyrsta áfanga
Hlífar í Torfunesi, sem afhenti Ein-
ari Garðari Hjaltasyni, forseta
bæjarstjómar, húsnæði við athöfn
í stofu heimilisins fyrir skömmu.
Saga gamla elliheimilisins er
orðin löng en það var byggt 1896
og tekið í notkun sem fyrsta sér-
byggða sjúkrahúsið hér í árslok
þess árs. Héraðslæknirinn á þeim
tíma var Þorvaldur Jónsson og þar
sem hann var jafnframt sparisjóðs-
stjóri bæjarins var bætt við hús-
næði fyrir sparisjóðina 1897. Þar
sem þetta var um svipað leyti og
farið var að mæla fyrir sérstökum
götum þvert yfir eyrina hlaut gatan
fyrst nafnið Sjúkrahúsgata eða
Spítalagata, en eftir að Landsbank-
inn yfirtók rekstur sparisjóðsins
1904 breyttist nafnið í Dankagötu
og var svo til 1929 að allar þvergöt-
umar fengu ný nöfn og heitir síðan
Mánagata.
Sjúkrahúsið hætti svo störfum
1925 þegar nýtt og glæsilegt
sjúkrahús tók til starfa. Þá var
húsinu breytt í elliheimili og um
tíma jafnfrarpt vistheimili fyrir
geðsjúklinga. Mikill fjöldi vist-
manna var þama lengst af og
óhætt að fullyrða að starfsfólkið
hefur oft þurft að vinna við erfiðar
og óviðunandi aðstæður.
Með tilkomu Hlífar minnkaði
álagið á elliheimilið gamla svo að
nú við flutninginn vom einungis
10 vistmenn eftir.
Eftir að bæjarstjóm tók um það
ákvörðun í árslok 1990 að innrétta
efstu hæðina í Hlíf og skipaði sér-
stakan vinnuhóp til að sjá um fram-
kvæmd verksins, en auk fulltrúa
bæjarins kom til samstarfs Baldur
Ólafsson frá heilbrigðisráðuneyt-
inu, var hafist handa við teikni-
Þorgerður Gestsdóttir í vist-
legu herbergi sínu á elli- og
hjúkrunardeild Hlífar á Torf-
nesi.
vinnu, en það var Ingimundur
Sveinsson arkitekt sem sá um
teikningar og verkið síðan boðið
út seint á síðasta ári. Tréver á
ísafirði sem tók að sér fram-
kvæmdina en heildarkostnaður
verksins er um 23 milljónir króna,
en inni í þeirri tölu er neyðarút-
gangur sem ekki var í húsinu og
boðkerfí fyrir húsið allt sem á ann-
að hundrað manns notar. í afhend-
ingarræðu sinni gat Geirþrúður
Charlesdóttir þess að kvenfélagið
Hlíf hefði gefín húsgögn í dagstof-
una, en þar hefur lengi verið safn-
að í sjóð til að kaupa húsgögn í
væntanlegt elliheimili. Rekstur elli-
heimilisins er nú í höndum félags-
málaráðs en formaður þess_ er Pét-
ur H.R. Sigurðsson. - Úlfar
Frá stofnfundi Landgræðslufclags Öræfa.
Morgunblaðið/Sigurður Gunnarsson
NÝIR eigendur hafa tekið við
Efnalauginni Svanlaugu, Engi-
hjalla 8, Kópavogi, en þar er
framkvæmd ahliða hreinsun,
pressun og þvottur.
Afgreiðslutími er mánudaga til
föstudaga kl. 8.30-18.30, laugar-
daga kl. 10-14. Við hreinsunina
starfa 5 manns, eigendur eru hjónin
Agnar Ámason og Hulda Hafsteins-
dóttir.
mjm
IMNN MN
FJÖLSKYLDA?
Heildarvinningsupphæðin:
121.678.752 kr.
46. leikvika - 14. nóvembor 1992
Röðin: 222-11X-121-1X12
13 réttir:
12 réttir:
11 réttir:
10 réttir:
217 raðir á
5.048 raðir á
54.594 raðir á
310.484 raðir á
151.390- kr.
4.090 - kr.
400 - kr.
0- kr.
Þar sem vinningur fyrir 10 rétta var undir 200 krónum þá flyst
vinningsupphaeöin yfir á 1. vinning í næstu viku. Þaö má því
búast viö aö 1. vinningur veröi yfir 80 milljónir. 1X2 - ef þú
spilar til að vinna !
-fyrirþig og þína fjölskyldu!