Morgunblaðið - 28.09.1993, Blaðsíða 20

20
MORGUNBLAJDIÐ ÞRIÐJUPAGUR 28. SEFfEMBgR 1993
íbúar Glæsibæjar-
hrepps um samein-
ingu sveitarfélaga
Flestir vilja
að fjórir
hreppanna
sameinist
EINN íbúi Glæsibæjarhrepps
er hlynntur þvá að öll sveitar-
félög á Eyjafjarðarsvæðinu
sameinist. Þetta er niðurstaða
skoðanakönnunar sem
hreppsnefnd gekkst fyrir
meðal íbúanna nýlega þar sem
spurt var um vilja fólks hvað
skipan sveitarfélaga í framtíð-
inni varðar.
Hreppsnefnd Glæsibæjarhrepps
gekkst fyrir skoðanakönnun varð-
andi sameiningu sveitarfélaga á
Eyjaíjarðarsvæðinu nýlega, en að
tillögu umdæmanefndar verður
kosið um sameiningu allra 15
sveitarfélaganna í Eyjafirði í eitt
21 þúsund manna sveitarfélag.
íbúar Glæsibæjarhrepps voru
spurðir hvemig þeir vildu hafa
skipan sveitarfélaga í framtíðinni
og voru spumingalistar sendir út
til 155 íbúa, þ.e. þeirra sem hafa
kosningarétt.
Gefnir voru þrír möguleikar á
svari, í fyrsta lagi að sameina fjóra
hreppa í einn, þ.e. Glæsibæjar-
Arnames- Skriðu- og Öxnadals-
hrepp, í öðru lagi að sameina öll
sveitarfélög í Eyjafirði í eitt og í
þriðja lagi óbreytt skipan.
Fjögurra hreppa sameining
Niðurstaða könnunarinnar var
sú að 103 svarseðlar bárast, eða
66,5% og vildu langflestir eða
60,1% að af sameiningu hrepp-
anna fjögurra yrði, 36 eða tæp
35% svarenda vildu óbreytt sveit-
arfélög áfram og 0,97% eða einn
svarenda vildi stórsameiningu
Eyjafjarðar.
I umræðum um sameiningu
sveitarfélaga í hreppsnefnd kom
fram að allir sveitarstjórnarmenn
era andvígir stórsameiningu Eyja-
fjaðarsvæðisins, en þeir telja slíka
sameiningu skapa fleiri vandamál
en hún leysi, að því er fram kemur
í frétt frá oddvita Glæsibæjar-
hrepps.
Nýja Bautabúrið tekur eina fullkomnustu kjötvinnslu landsins í notkun
Selja til Japans kjöt
af 25 hrossum á viku
ÚRBEINING og frágangur á hrossakjöti sem fer á Japansmarkað
hefst hjá Nýja Bautabúrinu í næsta mánuði, en áætlað er að vinna
kjöt af 25 hrossum á viku næstu mánuði. Þá mun fyrirtækið senn
hefja framleiðslu ýmissa tilbúinna rétta á innanlandsmarkað. Nýja
bautabúrið tók í notkun um helgina eina fullkomnustu kjötvinnslu
landsins.
Morgunblaðið/Rúnar Þór
í nýju húsnæði
BJÖRN Arason og Sævar Hallgrímsson eigendur Nýja Bautabúrs-
ins fylgjast með Þuríði Steindórsdóttur pakka áleggi i hinu nýja
húsnæði kjötvinnslunnar. I loftinu má sjá að notuð er svokölluð
pokakæling, þar sem kuldinn síast niður úr pokum sem hanga í
loftinu og þykir mun hentugri en eldri kælingaraðferðir.
Síðastliðin tíu ár hefur Bautinn
hf. rekið Bautabúrið í litlu oggömlu
húsnæði, sem háði starfseminni
nokkuð og var því ákveðið síðastlið-
ið vor að festa kaup á um 600 fer-
metra húsnæði við Dalsbraut 1, þar
sem áður var lagerpiáss á vegum
Sambandsverksmiðjanna, en
Landsbankinn átti húsnæðið. Því
hefur verið breytt í fullkomna kjöt-
vinnslu sem uppfyllir allar ströng-
ustu kröfur um aðbúnað og frá-
gang. Þá voru einnig keypt marg-
vísleg tæki til vinnslunnar.
Hrossakjöt til Japans
Á næstu fimm mánuðum mun
Nýja bautabúrið sjá um úrbeiningu
og frágang á hrossakjöti fyrir SH
sem fara mun á markað í Japan.
Sævar Hallgrímsson einn eigenda
kjötvinnslunnar var í Japan nýlega
og sagði hann að Japanir vildu
kaupa allt það hrossakjöt sem fyrir-
tækið gæti útvegað. Sævar sagði
að fyrirhugað væri að slátra um
25 hrossum á viku á næstu mánuð-
um og vinna fyrir Japansmarkað-
inn, en hrossin kæmu úr Skaga-
firði og að einhveiju leyti Eyja-
firði. Jafnframt verður hugað að
frekari nýtingu hrossakjötsins og
ýmsar nýjungar reyndar í því skyni.
f eldhúsi Nýja Bautabúrsins
hefst á næstunni framleiðsla á
ýmsum tilbúnum réttum og sagði
Sævar að ætlunin væri að prófa
eitthvað nýtt, vera ekki með það
sama og aðrir framleiðendur.
Þing Alþýðusambands Norðurlands var haldið á Illugastöðum í Fnjóskadal um helgina
Kjarasamiiiiigar verði
lausir frá áramótum
SAMÞYKKT var á þingi Alþýðusambands Norðurlands á Illugastöðum
í Fnjóskadal um helgina að „sköpuð verði samstaða um það innan verka-
lýðshreyfingarinnar á næstu vikum að segja upp gildandi kjarasainning-
um, þannig að þeir verði lausir frá 1. janúar,“ eins og segir í ályktun.
Miklar umræður urðu um kjara-
mál og lýstu fulltrúar vonbrigðum
með þróun þeirra á undanfömum
árum. Kaupmáttur lágmarkslauna
með hámarkseingreiðslum kjara-
samninga hefði rýmað verulega eftir
gerð þjóðarsáttarsamninga 1990.
Gengisfellingin í sumar hefði verið
hnefahögg í andlit launafólks. At-
vinnuleysi hefði stóraukist og yrði
að fara aftur til kreppuára til að finna
samjöfnuð.
Alþýðusamband Norðurlands vill
að kröfur við samninga verði skýrar
og höfði til réttlætiskenndar fólks
og það verði því reiðubúið að berjast
fyrir þeim, en eingöngu verði krafist
hækkunar lægstu launa. „Það er
brýnasta verkefni verkalýðshreyf-
ingarinnar að sameinast um þessa
réttlátu kröfu og gera jafnframt at-
vinnurekendum og stjórnvöldum al-
veg ljóst að þeim verði fylgt eftir
af fullri alvöru," segir í kjaramálaá-
lyktun þingsins.
Ný og óþekkt tækifæri við
sameiningn sveitarfélaga
ÞING Alþýðusambands Norðurlands sem haldið var um helgina hvet-
ur félaga sína til að gefa gaum þeirri vinnu sem nú er í gangi varð-
andi stækkun sveitarfélaga.
Jogurt
— vildir þú
vera án hennar? íslenskir bændur
Fram kemur í ályktun sem sam-
þykkt var á þinginu að með því
að styrkja sveitarstjórnarstigið séu
frekari möguleikar á að styrkja
atvinnulífið, efla þjónustu við
þegnana og koma á greinagóðri
og skynsamlegri skiptingu verk-
efna milli ríkis og sveitarfélaga.
Óþekkt tækifæri
Vakin er athygli á að með þessu
gefíst ný og áður óþekkt tækifæri
til að sameina og efla verkalýðsfé-
lögin og gera þau að öflugri og
sterkari málsvörum launþega.
Bent er á nauðsyn þess að tillög-
)
ur umdæmanefnda um samein-
ingu sveitarfélaga verði kynntar
rækilega áður en til kosninga kem-
ur þannig að almennir kjósendur
geti gert sér glögga grein fyrir
um hvað er kosið og jafnframt
hvetur þingið til almennrar þátt-
töku í kosningunum sem fram fara
20. nóvember næstkomandi.
Þá tók Alþýðusamband Norður-
lands einnig undir ályktun frá
Verkalýðsfélagi Austur-Húnvetn-
inga um að skora á ráðherra iðnað-
ar, landbúnaðar og sjávarútvegs
að gera árið 1994 að ári íslerisks
matvælaiðnaðar, þar sem áhersla
yrði lögð á ómengaðar hágæðavör-
ur jafnt úr sjávarfangi sem land-
búnaðar-.
Innanlandslina Flugleiða
Farpantanir og sala farmiða í innanlandsflugi.
Upplýsingar um ferðargjöld og ferðir innanlands.
Opið alla daga frá
FLUGLEIÐIR
kl. 08.00 - 18.00. INNANLANDS
Morgunblaðið/Rúnar Þór
Guðmundur Ómar Guðmunds-
son.
Nýr formaður
tekur við
GUÐMUNDUR Ómar Guðmunds-
son var kjörin formaður Alþýðu-
sambands Norðurlands á þinginu
á Illugastöðum í Fnjóskadal. Hann
tekur við af Kára Arnóri Kárasyni
sem verið hefur formaður síðustu
tvö ár, en var ráðinn forstöðumað-
ur Lífeyrissjóðs Norðurlands sem
nýlega tók til starfa.
Guðmundur Ómar er formaður
Félags byggingamanna í Eyjafírði,
hann hefur verið í forsvari fyrir Tré-
smiðafélag Akureyrar frá 1981.
Dregið úr vigtinni
Hann sagði að starf formanns
Alþýðusambands Norðurlands væri
nú orðið hlutastarf sem fælist fyrst
og fremst í samskiptum við verka-
lýðsfélög á svæðinu og að vera mál-
svari sambandsins. Hann sagði að á
síðustu árum hefði dregið nokkuð
úr vigt sambandsins, en það hefði
ekki verið lagt niður í núverandi
mynd þar sem það ætti einn mann
í aðaikjarasamninganefnd ASÍ. Á
síðasta þingi ASÍ hafi Norðlending-
um þótt þeir bera skarðan hlut frá
borði við kjör í miðstjórn, þannig að
menn vildu fyrir alla muni ekki missa
sinn mann úr samninganefnd líka.
Hinn nýkjörni formaður Alþýðu-
sambands Norðurlands sagði að
starfíð framundan réðist nokkuð af
stöðu kjaramálanna, en á þingi sam-
bandsins var hvatt til breiðrar sam-
stöðu um uppsögn samninga. „Starf-
ið framundan ræðst af því hvað
verkalýðsfélögin gera,“ sagði Guð-
mundur Ómar, en hann bætti við að
yrði kjarasamningum sagt upp yrðu
menn að leggja niður fyrir sig hvað
þeir ætluðu að sækja og hvernig.