Morgunblaðið - 16.04.1994, Qupperneq 4

4
MORGUNBLAÐIÐ LAUGARDAGUR 16. APRIL 1994
Kristján Ragnarsson formaður LÍÚ um frumvarp um stjóm fískveiða
Hömlur á framsal í anda
sjónarmiða sjómanna
KRISTJÁN Ragnarsson, formaður LÍÚ, segir að þær breytingar, sem
nú séu lagðar til í lögum um stjói-n fiskveiða, gangi út á að takmarka
frekar en verið hafi framsal á aflaheimildum. Það felist í því að gera
mönnum skylt að veiða stærri hlut en áður af heimild hvers skips, eða
50% í stað 25% að meðaltali í tvö ár, þó að teknu tilliti til þess ef skip
veiða utan lögsögu. Þá sé bannaður flutningur aflaheimilda til skips,
sem hafi flutt frá sér meira en 15% af hverri einstakri tegund. Bæði
atriðin þrengi framsal og þau hafi bæði komið upp í viðræðum við
sjómenn í vetur, þegar rætt hafi verið hvernig ætti að minnka umsvif
kvótaviðskipta. Þá hafi ekki náðst sameiginleg niðurstaða, því ákveðið
hafi verið að reyna að setja upp samstarfsnefnd, sem tæki á þeim
málefnum sem ágreiningur var um. Nú séu þessi atriði tekin upp og
samstarfsnefnd jafnframt komið á fót. Þessi niðurstaða sé útvegsmönn-
um óhagstæðari en ef þeir hefðu samið um málið við sjómenn. Hún
sé rnjög hliðholl sjónarmiðum sjómanna, sem sett voru fram í kjaradeil-
unni í vetur.
Kristján sagði að allt sem gert
væri til að hindra eðlilegt framsal
aflaheimilda rýrði gildi kerfísins og
hagkvæmni þess. „Við vitum um
dæmi þar sem menn hafa misnotað
þetta og við líðum greinilega fyrir
þær örfáu undantekningar."
Þá sagði Kristján að hlutur smá-
báta væri allt of hár í hlutfalii við
aðra. „Þar á ég fyrst og fremst við
krókaleyfisbáta undir 6 tonnum, en
verði þetta að lögum rýrna veiðiheim-
ildir annarra skipa um 10%, þar með
einnig 6-10 tonna báta, sem eru inn-
an vébanda félags smábátaeigenda.
Kröfugerð smábátafélagsins veldur
því stórum hluta þeirra félagsmanna
stórum skaða. í þessum tillögum er
svo enn rýmkað til með að fækka
þeim dögum sem þeim er gert að
vera í landi og sækja ekki sjó. Þetta
er algjörlega óviðunandi niðurstaða."
Yfirtaka skuldbindinga
Kristján sagði að megin ókostir
þróunarsjóðsfrumvaipsins væru yfir-
taka skuldbindinga atvinnutiygg-
ingasjóðs og hlutabréfasjóðs Byggða-
stofnunar, þar sem útlán síðustu rík-
isstjómar væru ekki lengur ríkis-
tryggð, heldur á ábyrgð útgerðarinn-
ar og þar á meðal þeiira sem aldrei
nutu fyrirgreiðslu á sínum tíma.
í Morgunblaðinu í gær var haft
eftir Einari Svanssyni, framkvæmda-
stjóra Fiskiðjunnar Skagfirðings, að
til greina kæmi að sigla skipum í
land yrði staðreyndin sú að menn
ætluðu að eyðileggja kvótakerfið.
Kristján Ragnarsson sagði aðspurður
að slíkt væri svo alvarlegt mál að
ekki yrði gripið til þess nema í al-
gjörri neyð. „Ég tel svo mikla neyð
ekki fylgja þessu máli,“ sagði hann.
VEÐUR
/ DAG kl. 12.QQ
Heimild: Veöurstofa íslands
(Byggt á veöurspá kl. 16.15 f geer)

£ ’á m
T ▼' / VEÐUR VÍÐA UM HEIM
kl. 12.00 í gær að ísl. tíma
hiti veAur
Akureyri 6 skýjað
Reykjavlk 4 skýjað
Bergen 10 léttskýjað
Helsinki 4 súld
Kaupmannahöfn 7 alskýjað
Narssarasuaq +2 léttskýjað
Nuuk +2 aiskýjað
Ósló 11 léttskýjað
Stokkhólmur 4 alskýjað
Þórshöfn 8 hálfskýjað
Algarve 17 léttskýjað
Amsterdam 8 súld á síð.kls.
Barceiona vantar
Berlín 11 skýjað
Chicago 16 alskýjað
Feneyjar 12 rigning
Frankfurt 10 skýjað
Glasgow 12 léttskýjað
Hamborg 9 skýjað
London 7 rigning
Los Angeles 14 þokumóða
Luxemborg 7 skýjað
Madríd vantar
Malaga vantar
Mallorca vantar
Montreal 7 þokumóða
NewYork 11 mistur
Orlando 23 þokumóða
Parls 6 alskýjað
Madeira 16 skýjað
Róm 18 alskýjað
Vín 16 skýjað
Washington 17 heiðskírt
Winnipeg +1 léttskýjað
VEÐURHORFUR í DAG, 16. APRÍL
YFIRLIT: Á vestanveröur Grænlandshafi er minnkandi lægöardrag, en grunn smá-
lægö um 1200 km suösuðvestan af landinu hreyfist norður. Hæðarhryggur skammt
suður af Vestmannaeyjum þokast norðaustur.
SPÁ: Sunnan og suðaustan gola eða kaldi um mest allt land, víða verður léttskýj-
að um norðan- og austanvert landið, en skýjað og sums staðar dálftil súid suðvest-
anlands. Hiti á bilinu 3 tll 10 stig, hlýjast austanlands.
VEÐURHORFUR NÆSTU DAGA:
HORFUR Á SUNNUDAG OG MÁNUDAG: Hæg breytileg eða vestlæg átt. Skýjað,
en úrkomulítið á suðvestur og Vesturlandi og eins með norðurströndinni, en um
landið sunnar. og austanvert verður léttskýjeð, svo og í innsveitum norðanlands.
Hiti 4 til 9 stig að deginum, en næturfrost á stöku stað.
HORFUR Á ÞRIÐJUDAG: Útlit er fyrir ákveðnari vestan átt, með mildu og björtu
veðru um mest allt land, síst þó vestanlands og á Vestfjörðum.
-:q
Heiðskírt
r r r
f r
r r r
Rigning
Léttskýjað Hálfskýjað
* * * *
* *
* * *
Snjókoma
Skýjað Alskýjað
■ * _*
V V V
Skúrir Slydduél Él
Sunnan, 4 vindstig.
Vindörin sýnir vindstefnu
og fjaðrirnar vindstyrk,
heil fjöður er 2 vindstig.
10° Hitastig
Súld .
Þoka '
V
FÆRÐA VEGUM: (Kl. 17.30 (gær)
Á Vestfjörðum er skafrenningur á Breiðadals- og Botnsheiðum og einnig á Stein-
grímsfjarðarheiði og má búast við að færð spillist á þessum heiðum með kvöld-
inu. Annars er viðast góð færð á vegum en nokkuð er farið að bera á aurbleytu
■á ýmsum hliðarvegum, einkum á Suöurlandi og á Austjförðum.
Upplýsingar um færð eru veittar hjá Vegaeftirliti i síma 91-631B00 og í grænni
línu 99-6315. Vegagerðin.
Morgunblaðið/Kristiíin
Málverk af Þorvaldi Garðari í þinginu
MÁLVERK af Þorvaldi Garðari Kristjánssyni, fyrrum forseta samein-
aðs þings, var afhjúpað í þingflokksherbergi Sjálfstæðisflokksins í
Alþingishúsinu í gær. Salome Þorkelsdóttir, forseti Alþingis, afhjúp-
aði málverkið að Þorvaldi Garðari viðstöddum.
* *
Alyktun stjórnar Blaðamannafélags Islands
Undirstrikar ábyrgð
blaða- og fréttamanna
NÝLEGUR dómur yfir blaðamanni undirstrikar þá ábyrgð sem felst í
störfum blaða- og fréttamanna, að mati stjórnar Blaðamannafélags
Islands. Stjórnin telur mikilvægt að blaða- og fréttamenn fái skýr svör
hjá vinnuveitendum sínum hver staða þeirra er ef til málareksturs
kemur. Stjórn blaðamannafélagsins fundaði um þetta mál í gær og
sendi frá sér eftirfarandi samþykkt:
„Nýgenginn dómur Héraðsdóms
Reykjavíkur þar sem fyrrum blaða-
maður á Dagblaðinu/Vísi var einn
dæmdur ábyrgur fyrir fyrirsögn á
fréttagrein sem merkt var upphafs-
stöfum hans undirstrikar þá ábyrgð
sem felst í störfum blaða- og frétta-
manna. Sú ábyrgð hefur hins vegar
verið lítils metin í launakjörum stétt-
arinnar.
Niðurstaða dómsins, burtséð frá
efnisatriðum, lýsir á hinn bóginn
mikilli vanþekkingu á vinnubrögðum
á ritstjórnum fjölmiðla, þar sem hlut-
ur frétta- og ritstjóra við endanlegan
frágang frétta virðist í engu metinn.
Þar sem umræddur dómur héraðs-
dóms gengur þvert á fyrri dóma í
málum svipaðs eðlis er afar mikil-
vægt að starfandi blaða- og frétta-
menn fái skýr svör um það hjá yfir-
mönnum og stjórnendum á hverjum
vinnustað, hver staða þeirra er ef til
málareksturs kemur meðan þessi
réttaróvissa ríkir.
Blaðamannafélagið mun ganga
eftir því að slík svör liggi fyrir hið
allra fyrsta. Fáist ekki skýr svör hlýt-
ur það að kalla á að blaðamanna-
stéttin bregðist við með viðeigandi
hætti."
Nafn á nýtt sveitarfélag
Sveitarstjóm-
ir mega setja
regluraar
Félagsmálaráðuneytið telur að
sveilarstjórnir Keflavíkur, Njarð-
víkur og Hafna hafi heimiid til að
selja þær reglur um skoðanakann-
anir um nýtt nafn, sem þær telja
réttar og heppilegar, svo fremi
sem þær bijóta ekki í bága við 54.
gr. sveitarstjórnarlaga. I því felst
að sveitarstjórnum er heimilt að
ákveða um hvaða nöfn skuli kosið.
Þetta kemur fram í minnisblaði
sem félagsmálaráðuneytið hefur sent
sveitarstjórnunum vegna skoðana-
könnunar, sem fram fer 16. apríl.
Ráðuneytið gerir því ekki athuga-
semdir við eftirfarandi í samþykkt
sveitarstjórnanna: „Öll nöfn, örnefni,
jafnt og nýyrði eru gjaldgeng. Kjós-
endur gæti þess eins að nafnið geti
orðið samnefnari nýs sveitarfélags
og núverandi nöfn verði einungis
hverfanöfn."
Oskar Olason látinn
ÓSKAR Ólason, fyrrum yfirlög-
regluþjónn, lést aðfaranótt 15.
apríl á Landspítalanum. Óskar
fæddist árið 1916 1 Reykjavík, son-
ur Óla Vigfússonar sjómanns og
Grétu Þorsteinsdóttur.
Óskar stundaði nám i Héraðsskól-
anum á Laugarvatni 1936-1938,
vann ýmis störf, bæði á sjó og landi,
og sótti námskeið fyrir lögreglumenn
1943 og 1945. Hann hélt síðan utan
til hálfs árs náms í sænska lögreglu-
skólanum í Stokkhólmi 1946. Hann
starfaði sem lögreglumaður í Reykja-
vík frá 1943-1949, þegar hann hóf
störf í rannsóknarlögreglunni. Óskar
varð aðalvarðstjóri hjá Lögreglunni
í Reykjavík 1962, yfirlögregluþjónn
umferðarmála frá 1966 og barðist
alla tíð fyrir bættri umferðarmenn-
ingu. Eftir að hann lét af störfum
yfirlögregluþjóns árið 1986 sökum
aldurs, hóf hann störf sem móttöku-
stjóri utanríkisráðuneytisins. Óskar
gegndi ýmsum trúnaðarstörfum í
Lögreglufélagi Reykjavíkur, m.a.
sem meðstjórnandi, ritari og varafor-
maður í stjórn þess, ásamt því að
sitja í samninganefnd og sjóðsstjórn.
Hann var sæmdur orðum frá öllum
Norðurlöndum og hertogadæminu
Lúxemborg, s.s. hinni dönsku orðu
riddara af Dannebrog árið 1973, hinni
konunglegu norsku orðu heilags Ólafs
árið 1974, sænsku orðunni riddari af
konunglegu Norðurstjömu-orðunni
árið 1975. Riddaragráðu finnsku
Ljónaorðunnar árið 1977, efstu ridd-
aragráðu finnsku orðunnar Hvítu
rósarinnar árið 1982 og heiðursorðu
stórhertogans af Lúxemborg árið
1986. Hann hlaut heiðurspening for-
seta íslands árið 1980 og riddara-
kross jslensku Fálkaorðunnar árið
1985. Óskar kvæntist eftirlifandi eig-
inkonu sinni, Ástu Einarsdóttur, árið
1939. Þau 'éignuðust tvö börn.