Morgunblaðið - 15.06.1994, Blaðsíða 4

4 MIÐVIKUDAGUR 15. JÚNÍ 1994
MORGUNBLAÐIÐ
FRÉTTIR
30 mánaða fangelsi og 20
milljóna bætur fyrir fjárdrátt
HÉRAÐSDÓMUR Reykjavíkur dæmdi í gær 45
ára gamlan mann, Stefán Hjaltested, til 30
mánaða óskilorðsbundinnar fangelsisvistar fyrir
að hafa í starfi hjá íslandsbanka, einkum sem
þjónustustjóri í Grafarvogsútibúi, dregið sér og
svikið út eða ráðstafað í heimildarleysi samtals
um 47,3 milljónum króna af reikningum og öðr-
um fiármunum viðskiptamanna sinna og bank-
ans. Brot mannsins voru framin á árunum 1989-
1993. Maðurinn var dæmdur til að greiða bank-
anum og einum viðskiptamanni samtals 20 millj-
ónir króna í skaðabætur.
Pjárdráttur mannsins var framinn með þeim
hætti að hann dró sér fé af 13 bankareikningum
eða fé sem honum bar að leggja inn á þá banka-
reikninga. Féð nýtti hann heimildarlaust í eigin
þarfir, ýmist með millifærslum á eigin reikn-
inga, reikninga eiginkonu sinnar og fyrirtækja
í eigu þeirra hjóna eða til endurgreiðslu inn á
reikninga viðskiptamanna sem hann hafði áður
dregið sér fjármuni af.
Hluti fjárdráttarins, um 4 milljónir, var af
sjóði sem ávaxtaður var á reikningi í bankanum
og einnig var maðurinn sakfelldur fyrir að draga
sér 2,6 milljónir af fé fólks sem hafði afhent
honum fé til ávöxtunar.
Setti skuldabréf til tryggingar skuldum
eigin fyrirtækis
Þá var maðurinn sakfelldur fyrir umboðssvik
með því að taka við til innheimtu í bankanum
skuldabréfum sem hann setti síðan að handveði
til tryggingar á greiðslu skuldar eigin heildversl-
unar í öðrum banka, samtals 1,2 millj. króna
og fyrir að hafa notað víxil sem hann fékk útgef-
ið og framselt frá viðskiptamanni til tryggingar
vegna yfirdráttarheimildar sama fyrirtækis í
íslandsbanka.
Eins og fyrr sagði var fjárhæð sú sem maður-
inn misfór með um 47 milljónir króna en hluta
þess hafði hann notað til að leggja inn á reikn-
inga sem hann hafði áður tekið af.
í dómi Allans Vagns Magnússonar héraðs-
dómara segir að brot mannsins hafi verið stór-
felld, fjártökur hans hafi numið háum ijárhæð-
um og bitnað á mörgum einstaklingum og sam-
tökum. Maðurinn hafi misnotað aðstöðu sína í
trúnaðarstarfi hjá bankanum þar sem hann
naut sérstaks trausts viðskiptavina bankans.
Maðurinn segist eignalaus og litlar líkur til að
hann geti bætt það tjón sem af brotum hans
leiði.
Auk 30 mánaða fangelsisvistar var maðurinn
dæmdur til að greiða allan sakarkostnað og um
20 milljónir króna í skaðabætur; rúmar 17 millj-
ónir til íslandsbanka og rúmar 2 milljónir til
konu sem brot hans höfðu bitnað á.
S VR á ný
borgar-
stofnun
BORGARRÁÐ hefur samþykkt,
að Strætisvögnum Reykjavíkur
hf., verði á ný breytt í borgar-
stofnun og að hlutafélaginu
verði slitið. Lagt er til að borgar-
stjóm kjósi fimm menn og jafn
marga til vara í stjórn SVR, frá
og með félagsslitadegi hlutafé-
lagsins.
Gert er ráð fyrir að um störf
stjórnar skuli gilda samþykktir
SVR frá árinu 1967 með breyt-
ingum á árinu 1974. Skal stjóm
SVR taka yfir hlutverk stjórnar-
nefndar um almenningssam-
göngur eftir því sem við á.
Borgarfulltrúar Sjálfstæðis-
flokks vísa í bókun sinni til
umsagnar Hjörleifs B. Kvaran
framkvæmdastjóra lögfræði- og
stjómsýsludeildar, sem gerð var
að beiðni fyrrverandi borgar-
stjórnar og fallast þeir á þá til-
lögu að SVR hf., verði að nýju
breytt í bprgarfyrirtæki.
Borgarráðsfulltrúar Reykja-
víkurlistans fagna því I sinni
bókun að fulltrúar Sjálfstæðis-
flokksins skuli hafa séð að sér
og snúið af braut einkavæðing-
arstefnu sem mörkuð var með
eftirminnilegum hætti fyrir ári.
Nú fari í gang fiókið ferli með
tilheyrandi kostnaði sem betra
hefði verið að losna við.
Staða lands-
bókavarðar
erláus
MENNTAMÁLARÁÐUNEYT-
IÐ hefur auglýst laust til um-
sóknar embætti landsbókavarð-
ar við Landsbókasafn íslands -
Háskólabókasafn. Umsóknar-
frestur rennur út 30. júní næst-
komandi.
Framkvæmdum við Þjóðar-
bókhlöðu er að ljúka og tekur
safnið formlega til starfa 1.
desember í ár undir nafninu
Landsbókasafn íslands - Há-
skólabókasafn. í samræmi við
nýsett lög um safnið verður ráð-
inn til safnsins sérstakur lands-
bókavörður til næstu sex ára.
Allar stöður við Landsbókasafn
og Háskólabókasafn verða Iagð-
ar niður frá og með 30. nóvem-
ber og starfsfólk ráðið til starfa
við nýtt safn. Núverandi lands-
bókavörður, Finnbogi Guð-
mundsson, varð sjötugur fyrr á
þessu ári og lætur af embætti
30. nóvember. Núverandi há-
skólabókavörður er Einar Sig-
urðsson.
Tillögu um aðstoðarmann vísað til borgarslj órnar
Fundur í borgarráði
Morgunblaðið/Kristinn
FYRSTI fundur borgarráðs nýs meirihluta var var haldinn í gær, og þar komu til fundar þau
Árni Sigfússon, Gunnar Eydal ritari borgarráðs, Ingibjörg Sólrún Gísladóttir borgarstjóri, Pétur
Jónsson og Guðrún Ágústsdóttir auk Vilhjálms Þ. Vilhjálmssonar og Sigrúnar Magnúsdóttur. Á
fundinum var borgarstjóri kjörinn formaður ráðsins og Pétur Jónsson varaformaður.
Ingibjörg vill ráða
Kristínu Arnadóttur
TILLÖGU um að heimila borgar-
stjóra að ráða mann sér til aðstoðar
utan stjórnsýslu borgarinnar var vís-
að til borgarstjómar á fundi borgar-
ráðs í gær. Ingibjörg Sólrún Gísla-
dóttir borgarstjóri sagði að sér væri
engin launung á að hún hefði Krist-
ínu Árnadóttur í huga sem aðstoðar-
mann. Gert er ráð fyrir að aðstoðar-
maður hverfi úr starfí um leið og
borgarstjóri og að laun og önnur
starfskjör verði sambærileg við kjör
aðstoðarmanna ráðherra.
Borgarráðsfulltrúar Sjálfstæðis-
flokksins Iögðu fram fyrirspurn
vegna ráðningarinnar, þar sem bent
er á að með ráðningu aðstoðarmanns
þyrfti líklega að breyta samþykktum
borgarstjórnar. Spurt er um verk-
svið aðstoðarmanns í stjómkerfi
borgarinnar, hvort það sé mat borg-
arstjóra að stjórnkerfíð verði skil-
virkara og opnara með ráðningunni
og hvort ráðgert sé að forseti borg-
arstjórnar ráði sér pólitískan aðstoð-
armann. Loks er spurt um heildar-
iaunakostnað vegna aðstoðarmanns.
Utan við stjórnsýslu
í bókun borgarstjóra segir að það
sé mat þeirra sem skoðað hafi mál-
ið, að ekki sé nauðsynlegt að gera
breytingar á samþykktum borgar-
stjómar vegna ráðningar aðstoðar-
manns. Fram kemur að aðstoðar-
maður vinni í umboði borgarstjóra
og að þeim verkum sem borgarstjóri
feli honum á hveijum tíma. Tillagan
feli í sér að hann stapdi utan við
stjómsýslu borgarinnar og hafi ekki
Morgunblaðiö/Kristinn
Lyklar afhentir
JÓN G. Tómasson borgarritari, afhenti Ingibjörgu Sólrúnu Gísla-
dóttur borgarstjóra lyklana að skrifstofu borgarstjóra, þegar
hún kom til vinnu á fyrsta starfsdegi sem borgarstjóri í gær.
sérstaka stjórnskipulega stöðu innan
borgarkerfisins. Það sé alkunna að
Sjálfstæðisflokkurinn hafi haldið um
stjórnartaumana og mótað starfsemi
borgarkerfsins í samfellt 60 ár. Það
sé markmið R-listans að kerfið verði
opnara og lýðræðislegra en verið
hafi. Það yrði ekki síst á ábyrgð
borgarstjóra að stýra því og til að
það takist hratt og vel ásamt öðru
telur borgarstjóri mikilvægt að fá
til liðs við sig persónulegan aðstoð-
armann.
í bókun borgarráðsmanna Sjálf-
stæðisflokks, segir að svörin beri
með sér að þau séu samin í flýti en
ekki ígmnduð sem skyldi. Eðlileg
vinnubrögð borgarstjórnar hefðu
verið að leita lögfræðilegs álits á
spumingunni um breytingar á sam-
þykktum fyrir stjórn Reykjavíkur-
borgar. Ekici verði séð að svo mikið
liggi á aðstoðarmanni borgarstjór-
ans, sem aldrei áður hefur verið tal-
in þörf fyrir, að ekki megi hafa vand-
aðan undirbúning að ráðningu hans.
Samþykktir í
borgarráði
Úttektá
fjárhags-
stöðu
BORGARRÁÐ hefur samþykkt
samhljóða tillögu R-listans um
að fela óháðum aðila utan borg-
arkerfisins að gera úttekt á
núverandi fjárhagsstöðu
borgarinnar. Það verði gert með
sambærilegum hætti og þegar
breyting varð á meirihluta
borgarstjórnar árið 1978 og
1982.
í bókun borgarráðsfulltrúar
D-lista, kemur fram að ekki sé
lagst gegn því að gerð verði
úttekt á fjárh'agsstöðu borgar-
innar af löggiltum endurskoð-
endum. Rétt sé að benda á að
í umfjöllun um borgarmál að
undanförnu hafi verið gerð ítar-
leg grein fyrir fjárhagsstöðu
borgarinnar. í rekstrar- og fjár-
hagsyfirliti ársreiknings borgar-
sjóðs vegna ársins 1993 komi
meðal annars fram að sameigin-
legar tekjur voru 14,5 milljarðar
og nettó skuldir 5,4 milljarðar,
þannig að nettó skuldir séu 37%
af sameiginlegum tekjum.
Staðan sterk
Félagsmálaráðuneytið miði
við að nettóskuldir sveitarfélaga
fari að jafnaði ekki yfir 50% af
sameiginlegum árlegum tekjum.
Þetta sýni að staða borgarsjóðs ■
sé afar sterk. Þá segir að á
þessu ári nemi aukafjárveitingar
um 590 millj., þar af um 400
millj. vegna atvinnumála, auk
væntanlegra útgjalda umfram
fjárhagsáætlun er nemi um 500
millj. vegna fjárhagsstöðu Fé-
lagsmálastofnunar og atvinnu-
mála skólafólks.
Atvinnu-
ráðgjafar
ráðnir
BORGARRÁÐ1 hefur samþykkt
tillögu atvinnumálanefndar um
að ráðið verði í tvær stöður at-
vinnuráðgjafa hjá Vinnumiðlun
Reykjavíkurborgar, sem tekur
til starfa undir lok mánaðarins
að Engjategi 11.
Vísað er til frásagnar starfs-
mannastjóra borgarinnar og
framkvæmdastjóra vinnumiðl-
unar borgarinnar af skipulagi
og framkvæmd vinnumiðlunar í
Noregi og Svíþjóð. Jafnframt til
draga að tillögu að skipulagi
Vinnumiðlunar Reykjavíkur-
borgar.
150 millj. til
sumarstarfa
BORGARRÁÐ hefur samþykkt
samhljóða að leggja til
150.610.000 króna aukafjár-
veitingu vegna sumarstarfa á
vegum borgarinnar.
Gert er ráð fyrir 275 störfum
hjá embætti gatnamálastjóra,
160 störfum hjá embætti garð-
yrkjustjóra, 150 störfum hjá
Skógræktarfélagi Reykjavíkur
og 32 störfum á vegum Iþrótta-
og tómstundaráðs eða samtals
617 störfum.
Jafnframt er lagt til að heim-
ild verði veitt til að ráða skóla-
fólk í samtals 80 störf á vegum
veitustofnananna þriggja. Fram
kemur að með þessum ráðstöf-
unum sé talið að tekist hafi að
tryggja öllu skólafólki í borginni
sumarstarf í átta vikur að jafn-
aði.