Morgunblaðið - 15.06.1994, Blaðsíða 18

18 MIÐVIKUDAGUR 15. JÚNÍ 1994
ERLENT
MORGUNBLAÐIÐ
[ÉjllllSESB
42 myrtir í
Sao Paulo
ALLS voru 42 myrtir í Sao
Paulo, stærstu borg Brasilíu,
um helgina, og segir lögregla
að þetta sé blóðugasta helgi í
sögu borgarinnar. Tólf fullorðn-
ir voru myrtir í húsi í úthverfí
borgarinnar, en þar var unga-
barni þyrmt. Að sögn lögreglu
höfðu flest hinna myrtu verið
við eiturlyfjaneyslu, og hafði
verið skotið í höfuðið. A öðrum
stað réðust þrír menn inn í hús
og skutu sex menn sem sátu
að snæðingi.
Arafat, Rabin
og Perez í
París
YASSER Arafat, leiðtogi PLO,
Yitzhak Rabin, forsætisráð-
herra ísrael og Shimon Perez,
utanríkisráðherra ísrael, munu
allir hittast í höfuðstöðvum
Mennta- og Menningarmála-
stofnunar Sameinuðu þjóðanna
(UNESCO) í París, þann 6. júlí
næstkomandi. Þar munu þeir
taka við friðarverðlaunum
stofnunarinnar, sem þeim voru
veitt í september, eftir að hafa
undirritað sögulegan friðarsátt-
mála
Bætur vegna
bíóbekkjar
ÍRA nokkrum, sem fyrir fimm
árum skaddaðist á baki þegar
bíóbekkur hrundi, voru í gær
dæmdar sem svarar rúmlega
11 milljónum króna í bætur.
Maðurinn hafði verið óvinnufær
frá því óhappið varð. Kvik-
myndahúsinu var gert að greiða
bæturnar.
Breytt viðhorf
til kynlífs
KYNLÍF veldur kínverskum
hjónum ekki lengur vandræð-
um, og nú á dögum ber það
jafnvel við að kínverskar eigin-
konur eiga frumkvæðið í kynlífi
hjóna. Samkvæmt niðurstöðum
skoðanakönnunar sem gerð var
í Kína, hafa orðið miklar breyt-
ingar á viðhorfí fólks til kynlífs
frá því kommúnistar tóku völdin
árið 1949. Rúmlega 70 prósent
svarenda kváðust ekki telja það
hjónum til skammar að stunda
kynlíf. Einungis eitt prósent
taldi getnað vera eina tilgang-
inn með kynlífi.
Palestínskur
lögreglumað-
ur skotinn
PALESTÍ N SKUR lögreglu-
maður lést af skotsári þar sem
hann var við skyldustörf á
Gazasvæðinu í fyrrinótt. Atvik-
ið átti sér stað um hálfan kíló-
metra frá bækistöð ísraels-
manna, en málið er að flestu
leyti óljóst. Útvarp í ísrael seg-
ir að lögreglumaðurinn hafí orð-
ið fyrir slysaskoti úr eigin
byssu. Palestínskir embættis-
menn vildu ekkert segja um
hvort einhver væri grunaður um
aðild að málinu. Þetta er í fyrsta
sinn sem palestínskur lögreglu-
maður lætur lífið við skyldu-
störf á Gazasvæðinu eftir að
lögregla tók við gæslu á svæð-
inu og í Jeríkó af ísraelsher,
fyrir rúmum mánuði.
SÞ vongóðar um
vopnahlé í Jemen
Dubai, Tókýó, Sanaa. Reuter.
LAKHDAR Brahimi sáttasemjari Sameinuðu þjóðanna (SÞ) í Jemen-
deilunni sagði í gær að skriður væri kominn á tilraunir til að koma
vopnahléi í kring í Jemen en það átti að koma til framkvæmda 1.
júní. Heimildir í Aden hermdu í gær að bardagar sem blossuðu upp
á mánudag hefðu Qarað út í gærmorgun.
Brahimi sagði að samkomulag
hefði náðst í gær um skipan nefnd-
ar til að framfylgja vopnahléi og
fylgjast með að það væri virt eftir
að norðanmenn féllust á þá tillögu
sunnanmanna að í nefndinni yrðu
óháðir erlendir foringjar til viðbót-
ar jemenskum liðsforingjum.
Saudi-Arabar neita því að þeir
hyggist búa Suður-Jemenum vopn
í hendur, og segja ásakanir Norð-
ur-Jemena um slíkt vera með öllu
tilhæfulausar. Norður-Kóreumenn.
hafa einnig borið af sér ásakanir
sama efnis. Þá hafa Norður-
Jemenar ennfremur sakað Saudi-
Araba um að hafa safnað herliði
við landamæri ríkjanna. Opinber
fréttastofa Saudi-Arabíu hafði eft-
ir embættismanni síðastliðinn
sunnudag að ásakanirnar væru
tilhæfuláusar, en kæmu ekki á
óvart.
Saleh sagði í síðustu viku að
Norður-Kóreumenn hefðu fallist á
að senda Suður-Jemenum orrustu-
þotur og eldflaugar. Talsmaður
utanríkisráðuneytis Norður-Kóreu
fullyrti í gær að þær ásakanir
væru „uppspuni frá rótum“.
Vill svipta
Zhirínovskíj
þinghelgi
Moskvu. Reuter.
SETTUR ríkissaksóknari Rúss-
lands, Alexej Ilyusjenko, fór í
gær fram á að þjóðernisöfga-
maðurinn Vladímír Zhírínovskíj
yrði sviptur þinghelgi svo hefja
mætti rannsókn á meintum
stríðsáróðri hans. Að sögn Int-
erfax fréttastofunnar er krafa
saksóknarans byggð á frum-
rannsókn á bók Zhírínovskíjs,
„Síðasti leikur að sunnan.“
í bókinni ræðir Zhírínovskíj
um að landamæri Rússlands
verði færð út að Indlandshafí
og Miðjarðarhafi. Saksóknarar
eru sagðir vilja að kærur gegn
honum verði meðal annars um
stríðsáróður, en refsing gæti
orðið allt að átta árum í fang-
elsi.
Reuter
Kurteisi í Rósagarðinum
AKIHITO Japanskeisari og Bill
Clinton, Bandaríkjaforseti, skála
í veislu sem haldin var í Rósa-
garði Hvíta hússins. Tilefnið var
heimsókn keisarans og keisara-
ynjunnar til Bandaríkjanna.
Þjóðhöfðingjarnir hafa verið
kurteisir hvor í annars garð og
ekki hefur verið minnst á þær
viðskiptadeilur sem ríkin hafa
átt í. Kurteisisvenjur vöfðust
dálítið fyrir gestum í veislunni í
Rósagarðinum. Flestir banda-
rísku gestirnir tóku hönd fyrir-
mennanna að amerískum sið, en
málið var öllu flóknara fyrir jap-
önsku gestina sem voru á báðum
áttum hvort þeir skyldu taka í
hönd eða hneigja sig. Ur varð
að þeir tóku í hönd Clintons,
hneigðu sig fyrir keisaranum,
tóku hönd forsetafrúarinnar og
hneigðu sig fyrir keisaraynjunni.
Rússneski sellistinn Mstislav
Rostropovitsj hafði sinn háttinn
á, og tók í hönd karlmönnunum
en hneigði sig fyrir konunum og
kyssti á hönd þeim. Eigikona
fréttafulltrúa japanska sendi-
ráðsins hneigði sig fyrir öllum.
Rússnesk stjórnvöld vara Bandaríkjamenn og Bosníu-Serba við
Segja afnám vopnasölubanns
geta leitt til heimsstyijaldar
Reutxir
FRANSKIR friðargæsluliðar í Sarajevó þiggja veitingar hjá þjóni í króatíska sendiráðinu. Tilefnið
var fyrsta heimsókn forseta Króatíu, Franjo Tudjman, til borgarinnar frá því stríðið í Bosníu hófst.
Moskvu, Sarajcvó. R*uter.
RÚSSAR hafa varað Bandaríkja-
menn við því að sniðganga vopna-
sölubann Sameinuðu þjóðanna
(SÞ) á stjómarherinn í Bosníu, þar
eð slíkt gæti ýtt undir deilur á
alþjóðavettvangi og jafvel leitt til
þriðju heimsstyijaldarinnar. An-
drei Kozyrev, utanríkisráðherra
Rússlands, sagði í gær að Serbar
skyldu fallast á friðartillögur SÞ
og láta af hendi mikinn hluta þess
lands sem þeir hafa unnið í bar-
dögum. Sir Michael Rose, yfírmað-
ur gæslusveita SÞ í Bosníu, segir
að herfylkingar þar hafi setið á
sér síðan samið var um vopnahlé
á fðstudaginn, og nú ríði á að
stjórnmálamenn komist að sam-
komulagi, áður en bardagar hefj-
ast að nýju.
Kozyrev notaði tækifærið í gær
þegar hann fundaði með Radovan
Karadzic, leiðtoga Bosníu-Serba,
og gagnrýndi bandaríska stjórn-
málamenn fyrir að samþykkja að
Bandaríkin beiti sér fyrir því að
vopnasölubanni á múslimi í Bosníu
verði aflétt. „Ef þeir taka þannig
afstöðu með múslimum mun það
breyta ástandi stjórnmálanna ...
Það myndi án efa verða kveikjan
að nýrri heimsstyrjöld,“ sagði Koz-
yrev við fréttamenn.
Serbum sagt til syndanna
Þetta eru hörðustu orð sem hann
hefur látið falla í garð Bandaríkj-
anna frá því átökin í fyrrum Júgó-
slavíu hófust. En til mótvægis sagði
hann að Serbar yrðu að láta af
hendi megnið af því landi sem þeir
hafa unnið. Hann tjáði Karadzic á
fundi þeirra að Serbar, sem eru
einunigs um 31% af íbúum Bosníu,
skyldu fallast á friðartillögur SÞ,
en í þeim er gert ráð fyrir að 51%
lands heyri undir ríkjasamband
Króata og múslima, og 49% til-
heyri Serbum. „Ef þið viljið halda
frið, þá getið þið treyst á afdráttar-
lausan stuðning Rússa,“ sagði Koz-
yrev við Karadzic, sem kom til
Moskvu til þess að taka við bók-
menntaverðlaunum.
Evrópskir, rússneskir og banda-
rískir embættismenn - tengslahóp-
urinn svonefndi - vinnur nú hörð-
um höndum að endanlegu korti
af Bosníu, þar sem landinu er skipt
milli múslima og Króata annars-
vegar og Serba hinsvegar.
Tengslahópurinn leggur til skipt-
ingu þar sem Bosníustjórn fær
heldur meira land en Serbar, en
deiluaðilar hafa báðir hafnað slík-
um tillögum hingað til. Rose sagði
við fréttamenn í Sarajevó í gær
að hermenn í landinu stæðu sig
vel, og stríðsfylkingar sætu á sér.
Það lægi mjög á því að stjórnmála-
mennirnir næðu samningum.