Morgunblaðið - 15.06.1994, Blaðsíða 19

MORGUNBLAÐIÐ
MIÐVIKUDAGUR 15. JÚNÍ 1994 19
...ma eg þá frekar biðia um
ERLENT
Kardínálar funda
Lítthrifmr
af uppgjöri
við söguna
Páfagarði. Reuter.
KARDÍNÁLAR kaþólsku kirkj-
unnar hafa tekið heldur fálega
þeirri tillögu Jóhannesar Páls páfa,
að kirkjan geri hreint fyrir sínum
dyrum og verði búin að játa sínar
sögulegu syndir fyrir aldamót. Þeir
hafa hins vegar ákveðið að herða
baráttuna gegn mannfjöldastefnu
Sameinuðu þjóðanna og kalla hana
„menningarlega heimsvalda-
stefnu“ gagnvart fátækum þjóð-
um.
Kardínálarnir, 114 að tölu, hafa
verið á tveggja daga fundi með
páfa til að ræða hvemig fagna
skuli upphafi þriðja árþúsundsins
í sögu kristninnar. í setningarræðu
sinni sagði hans heilagleiki, að
kaþólska kirkjan ætti að hafa þrek
til að viðurkenna mistök sín í ald-
anna rás og væru aldamótin ágætt
tilefni til þess.
Talsmaður Páfagarðs, Joaquin
Navarro-Valls, sagði í gær, að
flestir kardínálarnir hefðu hins
vegar verið þeirrar skoðunar, að
aldamótahátíðin ætti að snúast um
ímynd Krists sem frelsara fremur
en um ákveðna þætti í sögu kirkj-
unnar.
Danski forsætisráðherrann
giftist Evrópuþingmanni
Skyrtustraujun-
kostaði hana
næstum stjórn-
málaferilinn
Kaupmannahöfn. Morgimblaðið.
DANSKA forsætisráðuneytið til-
kynnti í gær að Poul Nyrup Ras-
mussen forsætisráðherra hefði
gengið að eiga Lone Dybkjær sam-
býliskonu sína og nýkjörinn Evr-
ópuþingmann. Þau hafa búið saman
í tæp tvö ár, en láta nú verða að
því að fá pappír upp á sambandið.
Þau eru ekki úr sama flokki, Nyrup
er jafnaðarmaður en Dybkjær í
Róttæka vinstriflokknum. Flokk-
arnir eru hins vegar saman í stjórn.
Dybkjær hefur mátt þola að sjá
stjórnmálaferil sinn í lægð vegna
sambandsins, en nú er útlit fyrir
að hann taki aftur að rísa með þing-
kjörinu.
Það vakti óskipta athygli Dana
þegar Nyrup og Dybkjær mættu
hönd i hönd á Pavarotti-tónleika í
Kaupmannahöfn fyrir tæpum
tveimur árum. Síðan hafa staðið
yfir látlausar vangaveltur um hve-
nær og hvort þau létu staðar num-
ið við pappírslausa sambúð, eða
giftu sig.
Dybkjær sagði strax að þau
myndu gifta sig, þegar þau hefðu
tima. Ekki gekk það þó eftir, því
þau giftu sig i upphafi kosningabar-
átturnnar. Þau völdu þá þann kost-
inn að gifta sig i leyni á heimili
sínu, án nokkurs tilstands. í gær
buðu þau hins vegar blaðamönnum
að hitta sig á garðveitingahúsi á
Friðriksbergi, þar sem þau skáluðu
og stigu léttan vals fyrir blaða-
menn.
Það hefur komið í ljós að Dyb-
kjær hefur gengið illa að finna sér
fótfestu bæði sem stjórnmálamaður
og fylgikona forsætisráðherra. Hún
er fyrrverandi ráðherra og nýtur
mikils álits sem stjórnmálamaður,
þannig að hún hefði verið eðlilegt
ráðherraefni flokksins. Það lét hún
þó framhjá sér fara. Hún situr á
þingi, en sagði eftir trúlofunina að
hún ætlaði sér að hafa hægt um
sig, en það þótti ekki viturlegt af
þingmanni að segjast ekki ætla að
beita sér.
í upphafi tilhugalifsins lét hún
taka myndir af sér straujandi skyrt-
ur Nyrups og sú mynd virðist hafa
fest á sjónhimnu Dana, því hún
hefur sífellt mátt heyra glósur um
að nú ætlaði hún bara að sinna
heimilisstörfum. En fyrir nokkru
tilkynnti hún að nú væri hún hætt
að strauja, skyrturnar væru bara
sendar í þvottahús og hún stefndi
á Evrópuþingið. Þar með er hún í
hringiðu stjórnmálanna, en ekki
lengur alveg á sömu þúfu og eigin-
maðurinn. I gær gat hún svo bæði
fagnað glæsilegum kosningasigri
og brullaupstilkynningunni, eins og
eiginmaður hennar benti á, um leið
og hann bætti við að sjálfur gæti
hann aðeins fagnað. Allir skildu að
hann átti hér við slæma útreið hans
flokks.
HAGKAUP
GALLAJAKKI KR. 3.995,- SKYRTA KR. 1.195,-
GALLABUXUR KR. 2.495,- SKÓR KR. 3.595,-
JAKKIKR. 4.995,- KJÓLL KR. 2.995,-
SKÓR KR. 2.995,-
GALLASKYRTA KR. 2.495,- BUXUR KR. 1.995,-
BELTIKR. 989,- SKÓR KR. 3.595,-
BLÚSSA/VESTI KR. 1.995,- BUXUR KR. 1.995,- SKYRTA KR. 1.695,- VESTI KR. 2.995,- JAKKI KR. 5.495,- SKYRTA KR. 2.995,-
SKÓR KR. 2.995,- BUXUR KR. 1.995,- SKÓR KR. 3.595,- PILS KR. 3.495,- SKÓR KR. 3.995,-
Nýtt kortatímabil hefst í dag
Ef Hagkaup er ekki í byggðarlaginu, þá minnum við á grænt númer póstverslunar 99 66 80