Morgunblaðið - 15.06.1994, Blaðsíða 37

MORGUNBLAÐIÐ
MIÐVIKUDAGUR 15. JÚNÍ 1994 37
MINNINGAR
DR. ÁSKELL LÖVE
+ Dr. Áskell Löve grasafræð-
ingnr var fæddur í Reykja-
vík 20. október 1916. Hann lést
í Kaliforníu 29. maí síðastliðinn.
Bálför dr. Áskels fór fram í
Bandaríkjunum, en jarðneskar
leifar hans munu síðar hljóta
legstað í islenskri mold.
ÞEIR kveðja nú einn af öðrum sam-
stúdentarnir sem kvöddu gamla
Menntaskólann við Lækjargötu með
söng og gleðibrag einn bjartan sum-
ardag árið 1937.
Næstliðna mánuði hafa þrjú úr
þessum hópi kvatt, nú síðast dr.
Áskell Löve, grasa- og erfðafræð-
ingur, sem lést vestur í Kalifomíu
29%maí síðastliðinn.
Áskell kom í bekkinn okkar að
loknu gagnfræðaprófi vestan af
ísafirði. Hann vakti strax eftirtekt
í skólanum, hafði nokkuð framandi
orðfar og brá fyrir sig vestfirskum
framburði ef mikið þótti liggja við.
Fljótt bar á því að Áskell var
ófeiminn í framkomu, kjarkaður og
höfðingjadjarfur. Hann átti það til
að deila við suma kennarana sem
á þeim árum var fátítt.
Áhugamálin voru mörg, útivist,
vetrarferðir og félagsmál ýmiskon-
ar. Það var aldrei lognmolla kring-
um Áskel á þessum árum því áhug-
inn og dugnaðurinn var sérstakur
að hvaða máli sem hann beitti sér.
Á skólaárum okkar var Áskell í
forystusveit ungra jafnaðarmanna
og gegndi þar trúnaðarstörfum. Var
óvenjulegt að menntaskólanemar
hefðu svo formleg stjórnmálaaf-
skipti. Hann hafði mjög ákveðnar
skoðanir á þeim umbrotum sem þá
áttu sér stað í Evrópu, ekki síst
harmleiknum á Spáni, þar sem átök
andstæðra afla álfunnar komu bert
í ljós.
Oft bar Áskell í barmi sér þijár
örvar, baráttumerki jafnaðarmanna
þess tíma. Ég hygg að örvar hafí
verið baráttutákn sem meir höfðaði
til skapgerðar Áskels á skólaárun-
um heldur en rósin, sem nú er flagg-
að með.
JOHANNES TEIGLAND
+ Jóhannes Teig-
land var fædd-
ur í Tysnes í Noregi
5. nóvember 1926.
Hann lést að heimili
sínu í Tysnes 14.
mars síðastliðinn.
Jóhannes giftist
eftirlifandi eigin-
konu sinni Ólöfu
Þorvaldsdóttur
Teigland árið 1963.
Þau eignuðust tvö
börn, Jan Ove, f.
1964, og Inger Lise,
f. 1966. Útför hans
fór fram í Tysnes
18. mars síðastliðinn.
VIÐ viljum með nokkrum orðum
minnast mágs okkar og svila Jó-
hannesar Teigland sem varð bráð-
kvaddur á heimili sínu langt um
aldur fram. Jóhannes var hraust-
menni mikið og var andlátsfregn
hans því mikið reiðarslag.
Jóhannes starfaði lengst af í
Bandaríkjunum við þjálfun áhafna
fyrir stærstu siglingakeppnir heims
og má þar geta frábærs árangurs
í keppni um Ameríkubikarinn. Jafn-
framt var hann um ára-
bil skipstjóri á ýmsum
snekkjum við góðan
orðstír. Eftir farsælan
feril flutti hann á
heimaslóðir sínar í Tys-
nes í Noregi 1969 þar
sem hann starfaði sem
bankamaður.
Hjónaband þeirra
Jóhannesar og Olafar
var mikið gæfuspor hjá
báðum. Börnin urðu
tvö og barnabarnið
eitt.
Jóhannes var mikill
íslandsvinur og var
mjög fróður um land og þjóð. Má
geta þess að nú hin síðari ár lagði
hann á sig að læra íslensku og var
gaman að fylgjast með hversu
framfarir hans voru miklar.
Við viljum að leiðarlokum þakka
fyrir að hafa orðið þeirrar gæfu
aðnjótandi að kynnast Jóhannesi
og eiga með honum ógleymanlegar
stundir.
Elsku Óla og fjölskylda. Guð mun
geyma góðan dreng og verða ykkur
styrkur á sorgarstund.
Tengdafólk á íslandi og
í Bandaríkjunum.
Alla tíð var Áskell félagshyggju-
maður sem vildi bættan hag þeirra
sem sátu við skertan hlut, enda
þótt ævistarf hans yrði á öðrum
vettvangi og bóngóður var hann í
raun, það geta ýmsir vottað.
Að loknu stúdentsprófi hóf Áskell
nám í grasafræði við háskólann í
Lundi. Námsferill hans þar var
mjög glæsilegur og lauk með dokt-
orsprófi (fil.dr.) árið 1943. í Lundi
kynntist hann konu sinni Doris
Whalén sem studdi og styrkti bónda
sinn alla tíð og saman unnu þau
ýmis rannsóknarverkefni og birtu
um það fjölmargar greinar í vísinda-
ritum um grasa- og erfðafræði.
Þegar Áskell kom heim til ís-
lands að lokinni heimsstyijöldinni
réðst hann til starfa hjá Atvinnu-
deild Háskólans og starfaði þar um
sex ára skeið. Atvinnudeildin bjó
við þröngan kost, var vanbúin tækj-
um, oftast fjárvana og átti í erfið-
leikum með heppilegt jarðnæði fyr-
ir gróðurtilraunir. Þrátt fyrir kapp
og áhuga Áskels þótti honum ganga
hægt að þoka málum áleiðis og
koma þeim í viðhlitandi horf miðað
við það sem hann hafði vanist í
Svíþjóð. Af þessum og öðrum
ástæðum tók Áskell þá ákvörðun
að flytja vestur um haf árið 1951
og hvarf ekki aftur tii starfa á ís-
landi. Sú ákvörðun mun hafa verið
Áskeli erfið.
Vestanhafs naut Áskell vel-
gengni vegna þekkingar sinnar og
fádæma dugnaðar. Hann var fyrst
prófessor við háskólann í Winnipeg
og síðar við háskólann í Montreal
í Kanada en síðar í Bandaríkjunum
lengst af við Coloradoháskólann í
Boulder. Hann tók virkan þátt í
alþjóðlegum félögum og þingum á
sérsviði hans og valdist oft til for-
ystustarfa. Hann naut því virðingar
víða um lönd sem fyrirlesari, kenn-
ari og fræðimaður á sviði grasa-
fræði og erfðafræði. Tvær bækur
samdi Áskell á íslensku; íslenskar
jurtir 1945 og íslenska ferðaflóru
árið 1969. Eftir Áskel liggur geysi-
legur fjöldi vísindaritgerða, sem
bera vitni þeim einstaka dugnaði,
elju og áhuga sem einkenndi Áskel
alla tíð.
Við gömlu bekkjarfélagarnir
kveðjum nú mikilsvirtan og víð-
kunnan fræðimann, sem bar hróður
íslands víða. Við þökkum samfylgd
og minningafjöld frá löngu liðinni
tíð.
Blessuð sé minning Áskels Löve.
Páll A. Pálsson.
MAGNUS OSKAR
GARÐARSSON
+ Magnús Óskar Garðarsson
fæddist 25. mars 1946.
Hannn lést 31. maí 1994. Útför
hans fór fram 14. júní.
ÞEGAR okkur barst sú sorgar-
fregn, að vinur okkar og fyrrum
skipsfélagi, Magnús Óskar, hefði
látist, vorum við félagar hans af
ms. Reykjafossi staddir í slipp í
Hamborg í Þýskalandi. Magnús
byijaði á ms. Reykjafossi í maí
1985, þegar við fórum allir saman
til Þýskalands til þess að taka við
skipinu. Fæstir okkar þekktu hann,
en flestir höfðu heyrt hans getið.
Magnús byijaði ungur til sjós á
bátum og togurum, en var þó lengst
af á bv. Víkingi AK 100. „Fyrrver-
andi forhleramaður“ kynnti hann
sig gjarnan í góðra vina hópi, þegar
hann var að segja sögur af Víkingi
og öðrum skipum, sem hann haðfi
verið á. Magnús var frábær sagna-
maður og minni hans slíkt, að hann
gat sagt sögur í marga tíma og
haldið hlustendum sínum við efnið
og þá sagði hann gjarnan: „Ég get
+
Alúðarþakkir til ykkar allra, sem sýndu
okkur hlýhug og vinsemd við andlát og
útför
STEFANÍU GUÐJÓNSDÓTTUR
BALTRYM,
Keflavíkurf lugvelli,
áður Smáratúni 4,
Keflavík.
Walter Baltrym, Heiður Baltrym,
Ólöf Pétursdóttir,
Auður Guðjónsdóttir, Bjarni Halldórsson,
Björk Guðjónsdóttir, Ottó Jörgensen,
Ingibjörg Guðjónsdóttir, Sveinbjörn Jónsson
og systkinabörn.
sagt þér það og ég lýg því ekki.“
Einn skipsfélagi okkar bað hann
um áritaða bók um ævi hans, svo
hrifinn var hann af sögunni. Meðan
Magnús var með okkur á ms.
Reykjafossi hélt hann upp á 25 ára
siglingarafmæli sitt, hann hélt upp
á fertugsafmæli sitt, hann kvæntist
eftirlifandi eiginkonu sinni, Guð-
rúnu, og á þessum árum fæddust
þijú af fjórum börnum þeirra, svo
að af þessu má sjá, að við vorum
félagar hans á mörgum stórum
stundum í lífí hans.
Magnús Óskar var hjá okkur í
sjö ár, eða til haustsins .1992, er
hann réð sig á togarann Ögra RE,
sem nú heitir Akurey RE. Sjómaður
var Magnús mikill pg gekk að störf-
um sínum af miklu öryggi og kunn-
áttu. Hann hafði mikinn áhuga á
skipum og keypti og las allar þær
bækur um skip, sem hann komst
yfir. Sérstakan áhuga hafði hann á
herskipum, enda hafði hann verið
á varðskipum sem bátsmaður í
þorskastríðum.
Vorið 1993 veiktist hann og varð
að hætta til sjós og nú réttu ári
síðar er hann látinn. Svo margar
minningar eigum við gömlu skipsfé-
lagarnir tengdar Magga dropa, eins
og hann var alltaf kallaður, að þær
hefðu nægt í heila bók.
Elsku Guðrún, Jónas, Ingvar,
Alda og Oddrún, við sendum ykkur
okkar innilegustu samúðarkveðjur,
einnig móður, systkinum og öðru
venslafólki. Megi Guð styrkjaykkur
Skipsfélagar á.
ms. Reykjafossi.
Dagskrá
hátíðar-
halda 17.
og 18. júní
ÍBÚUM Hafnarfjarðar og Garða-
bæjar gefst kostur á að fagna 50
ára afmæli lýðveldisins íslands í
tvo daga, 17. og 18. júní, en Kópa-
vogsmenn halda upp á afmælið
iann 18nda. og segir í fréttatil-
kynningu þeirra, að svo sé til að
hátíðarhöld þeirra rekist ekki á við
hátíðarhöldin á Þingvöllum..
Hafnarfjörður
Hátíðarhöld í Hafnarfirði hefjast
snemma á föstudaginn kemur með
fánahyllingu og helgistund í Hafn-
arfjarðarkirkju kl. 8:15. Sérstök
hátíðardagskrá hefst síðan kl. 16
á Víðistaðatúni eftir skrúðgöngu
frá Hellisgerði. Þar verður boðið
upp á fjölbreytta dagskrá með hlé-
um til íd. eitt aðfararnótt 18. júní.
Hafnfirðingar fá í heimsókn Óperu-
smiðjuna en einnig vini Hafnar-
fjarðar, þá Sigga, Örn Árna og
Ladda. Hafnfirski leikhópurinn
Hermóður og Háðvör flytur leik-
láttinn „Vér mótmælum allir“,
Radíusbræður skemmta og dag-
skránni lýkur loks með dansleik
SSSólar.
íþróttir skipa veglegan sess í
hátíðarhöldum Hafnfirðinga þann
18. júní. Um morguninn verður
fijálsíþróttamót í Kaplakrika,
knattspyrna verður leikin á Víði-
staðatúni, götubolti við íþróttahús
Víðistaðaskóla og handboltamót
haldið á Strandgötunni kl. 17. Fjöl-
skylduhátíð hefst hins vegar kl. 13
á Víðistaðatúni og þaðan er haldið
í skrúðgöngu niður í miðbæinn.
Garðabær
Þjóðhátíðardagurinn hefst með
hefðbundnum hætti í Garðabæ kl.
átta um morguninn og er íbúum
m.a. boðið í morgunverð í sal
íþróttamiðstöðvarinnar. Aðal-
skemmtidagskráin hefst aftur á
móti í Ásgarði kl. hálf sex um eft-
irmiðdaginn en þangað er haldið í
skrúðgöngu frá ýmsum stöðum.
Þar er boðið upp á söng, dans,
þolfimi og fimleika en einnig verð-
ur sýnt atriði úr bamaleikritinu
Skilaboðaskjóðunni. Að dagskrá
lokinni er boðið til grillveislu undir
tónlistarflutningi.
Á laugardaginn gefst Garðbæ-
ingum kostur á að reyna með sér
í ýmsum íþróttagreinum, þrautum
og leikjum. Kl. 13 hefst „íþrótta-
dagur fjölskyldunnar" á íþrótta-
svæði bæjarins. Þar fer m.a. fram
víðavangshlaup fyrir börn og ungl-
inga og kassabílarallý en gestir
geta einnig tekið þátt í boltaíþrótt-
um og sundleikjum.
Kópavogur
Hátíðarhöldin í Kópavogi hefjast
kl. 10 að morgni 18. júní. Þá leikur
Skólahljómsveit Kópvogs við Kópa-
vogshælið og á sama tíma hefst
víðavangshlaup fyrir 16 ára og
yngri við Vallargerðisvöll. Verð-
laun fyrir hlaupið verða afhent á
Rútstúni kl. 11.
Klukkan 13.30 leggur skrúð-
ganga af stað frá Menntaskólanum
í Kópavogi á Rútstún. Dagskráin
verður þessi: 1. Skólahljómsveit
Kópavogs og unglingahljómsveit
frá Norrköbing leika. 2. Sigurður
Geirdal, bæjarstjóri í Kópavogi,
flytur hátíðaræðu. 3. Börn úr dans-
skóla Hermanns Ragnars dansa
þjóðlega dansa við íslenska tónlist.
4. Ávarp fjallkonunnar. 5. Skila-
boðaskjóðan - Leikarar úr íjóð-
leikhúsinu flytja söngva og dansa
dverganna úr leikritinu. 6. Nýstúd-
ent flytur ávarp. 7. Furðufjölksyld-
an flytur leikþætti, meðai annars
túlkar hún atriði úr Njálu að eigin
hætti. 8. Óperusmiðjan - hópur
úrvalssöngvara flytur nokkur lög
undir forystu Sigurðar Bragasonar
og við undirleik Þóru Fríðu Sæ-
mundsdóttur.
Auk þessarar formlegu dagskrár
verður margt til skemmtunar á
Rútstúni. Þar á meðal má nefna:
Skátar reka Tívolí, Hjálparsveit
skáta verður með sýningu og aðrar
uppákomur á hátíðarvæðinu og
selur veitingar í stóru tjaldi. Börn
úr fimleikadeild Gerplu sýna fím-
leika. Keppni í göngubolta og skot-
keppni fyrir alla aldurshópa verður
við Vallargerðisvöll í umsjón körfu-
knattleiksdeildar Breiðabliks.
Skráð verður í keppnina á staðnum.
Klukkan 21 hefst útidansleikur
í Hamraborg. Þar leika þijár hljóm-
sveitir fyrir dansi til miðnættis.
Þær eru: Hljómsveitin Alvara,
söngvarar Rut Reginalds og Örvar
Grétarsson, hljómsveitin Spoon,
söngkona Emiliana Torrini og
hljómsveitin Seope, söngkona Svala
Björgvinsdóttir.
Hátíðin á Hrafnseyri
Flateyri. Morgnnblaðið.
ÞRÁTT fyrir það að mikið verði
um að vera á Þingvöllum 17.júní á
50 ára afmæli lýðveldisins íslands
er það ekki svo að Vestfirðingar
ætli sér að sitja límdir við sjón-
varpsskjáinn á meðan. Það er
nefnilega svo að á Vestfjörðum er
fæðingarstaður Jóns Sigurðssonar,
forseta, nánar tiltekið á Hrafnseyri
við Arnarfjörð og þykir mönnum
fullt tilefni til þess að minnast 50
ára afmælis lýðveldisins þar á veg-
legan hátt.
Hátíðin hefst kl. 13.30 með því
að Þórhallur Ásgeirsson formaður
Hrafnseyrarnefndar setur hátíðina
og að því loknu verður hátíðarguðs-
þjónusta þar sem sr. Kristinn Sig-
urþórsson þjónar fyrir altari. Þá
mun dr. Jóhannes Nordal, sonur
Sigurðar Nordal sem flutti hátíðar-
ræðuna 1944, flytja hátíðarræðu
og síðan verða kaffiveitingar í boði
Kvenfélagsins Vonár á Þingeyri.
Mun að því loknu hefjast fjöl-
skylduskemmtun sem stendur fram
yfír miðnætti.
Fréttaritari hitti að máli Sigrúnu
Magnúsdóttur, formann undirbún-
ingsnefndar fjölskylduskemmtun-
arinnar. Að sögn Sigrúnar hafa
foreldrafélög grunnskólanna á
Flateyri, Mosvallahreppi og Þing-
eyri haft veg og vanda að allri
skipulagningu fjölskylduskemmt-
unarinnar En hvað skyldi svo vera
boðið uppá: „Ólafur Helgi Kjart-
ansson, sýslumaður, mun setja fjöl-
skylduskemmtunina og rekja í
máli sínu sögu Hrafnseyrar og síð-
an koma atriðin eitt af öðru. Þar
má telja, ljóðalestur barna úr
Grunnskóla Flateyrar, Söngur
Barnakórs Þingeyrar. Vikivaki
fluttur af börnum úr Grunnskólan-
um í Mosvallahreppi við söng Reyn-
is Ingasonar og undirleik Guð-
mundar Ingvarssonar harmonikku-
leikara á Þingeyri. Munu bömin
verða í þjóðbúningum saumuðum
af foreldrum. Börn frá Flateyri
munu flytja leikritið Búkollu undir
leikstjóm Eyvinds Erlendssonar
leikara. Þegar líða tekur á daginn
verður svo grillveisla Trúðamir
verða auðvitað þarna og selja blöðr-
ur og fána og eftir grillveisluna
mun gestur úr háloftunum dreifa
einhverju skemmtilegu yfir móts-
gesti. Árni Brynjófsson harm-
onikkuleikari og rokkbóndi frá
Vöðlum í Önundarfirði marserar
um svæðið með hátíðargestum og
mun svo hljómsveitin Þeir tveir slá
botninn í skemmtunina með dans-
leik.
Á skemmtuninni mun Guðmund-
ur Ingi Kristjánsson, skáld að
Kirkjubóli í Bjarnadal, minnast 50
ára áfmælis lýðveldisins í ljóði og
verður í framhaldi af því kallað
saman til hópmyndatöku það fólk
sem á staðnum verður og var á
hátíðinni 1944. Því þykir sérstök
ástæða til að hvetja alla sem þar
voru til þess að koma á hátíðina á
Hrafnseyri og auðvitað hvetjum við
alla Vestfirðinga til þess að fjöl-
menna þarna og sameinast á þess-
um mikla hátíðisdegi."