Morgunblaðið - 01.09.1994, Blaðsíða 8

8 FIMMTUDAGUR 1. SEPTEMBER 1994
MORGUNBLAÐIÐ
FRÉTTIR
Svalbaröadeilan:
Norðmenn sagðir tilbúnir
til viðræðna í nóvember
Getið þið ekki reynt að vera til friðs rétt á meðan ég er að gabba lýðinn í ESB .
Myndlyklaskipti á næstu vikum á Stöð 2
Ekkí fjármögnuð með
hærri áskriftargjöldum
HAFIST VERÐUR handa við dreif-
ingu nýrra myndlykla Stöðvar 2
uppúr mánaðamótum og á dreifingu
að vera lokið um mitt næsta ár.
Jafet S. Ólafsson, útvarpsstjóri,
segir að 450 milljóna króna fjárfest-
ing vegna verkefnisins verði ekki
fjármögnuð með hærri áskriftar-
gjöldum. Með tæknilega fullkomn-
ari myndlyklum væri hægt að koma
í veg fyrir myndlyklaþjófnað og
ólöglegar fjöltengingar.
Jafet sagði einfalda ástæðu fyrir
skiptunum. „Tækniþróun hefur orð-
ið það ör að gamli myndlykillinn
er orðinn úreltur. Framleiðslu hans
hefur verið hætt. Varahlutir eru
ófáanlegir eins og stendur og við-
gerðir mjög dýrar,“ sagði Jafet.
Hann sagði að komið hefði verið
til móts við áskrifendur með fríum
viðgerðum og nú væri áskrifendum
afhentur annar og betri myndlykill
án greiðslu, endur- eða skilagjalds.
Ekki þarf að slá inn lykilnúmer
heldur er það lesið sjálfkrafa inn í
Morgunblaðið/Þorkell
SIGURÞÓR Jónsson, starfs-
maður tölvudeildar, sýnir
fram á kosti nýja myndlykils-
ins. Hann skilar m.a. betri
mynd en sá gamli. Til hliðar
við Sigurþór stendur Jafet
Ólafsson útvarpsstjóri.
myndlykilinn eftir að áskriftardeild
Stöðvar 2 hefur borist staðfesting
um greiðslu áskriftargjalds. Mynd-
lyklinum fylgir fjarstýring, hægt
er að setja barnalæsingu á tilteknar
rásir, skjámynd er skýrari og
víðómur tekur við af einóma hljómi
þar sem slík útsending næst.
Inn á rúman helming heimila
Um 400 manns koma að mynd-
lyklaskiptum hjá 52.000 áskrifend-
um Stöðvar 2. Byijað verður á
Akranesi mánudaginn 5. september
og síðan hefst dreifing á Suður-
landi mánudaginn 26. september.
Dreifingunni lýkur á höfuðborgar-
svæðinu þar sem hún hefst 6. nóv-
ember.
Áskrifendum verða póstsendar
upplýsingar um tilhögun afhending-
ar á hvetju svæði.
Eftir að lyklinum hefur verið
dreift á hvert svæði' verður ekki
hægt að ná læstri dagskrá Stöðvar
2 í gegnum gamla myndlykilinn.
SAMKEPPNI
Við leitum að frumlegasta
myndefninu í lit.
Kynntu þér reglurnar
hjá okkur og taktu þátt
í spennandi samkeppni.
Skilafresturertil
20. september nk.
SAMKEPPNI
Tæknival
Skeifunni 17 - Sími 681665
* -P

SS
70 ára afmæli Rauða kross íslands
Því miður fer þörf-
in ekki minnkandi
Guðjón Magnússon
Rauði kross íslands
á 70 ára afmæli á
þessu ári. Að sögn
Guðjóns Magnússonar,
formanns RKÍ, eru félags-
menn nú um 18.000 talsins
og starfa þeir í 50 deildum
um land allt. Stærsta verk-
efni deildanna eru sjúkra-
flutningar en önnur verk-
efni eru ótalmörg og
margvísleg, bæði hér
heima og á alþjóðlegum
vettvangi Aðalfundur fé-
lagsins verður haldinn um
næstu helgi í. Suður-
nesjabæ.
- Hvers konar hreyfing
er Rauði krossinn?
„Sérstaða Rauða kross-
ins miðað við önnur þýð-
ingarmikil félög er sú að
hann starfar skv. alþjóða-
lögum sem kveða á um að
aðeins eitt félag sé starf-
rækt í hveiju landi. Forsenda fyr-
ir því að hægt sé að viðurkenna
félag er að það starfi í sjálfstæðu
ríki.
Rauða kross-félög eru skyldug
til að hjálpa hvert öðru þegar
eftir er leitað og vá steðjar að.
Þessa höfum við notið, einkum í
Vestmannaeyjagosinu 1973 þeg-
ar hingað bárust framlög frá
íjölda Rauða kross- og Rauða
hálfmána-félaga um allan heim.
Annað einkenni Rauða kross-
hreyfingarinnar er hlutleysi. Hún
tekur ekki þátt í eða hefur af-
skipti af pólitískum deilum né
tekur afstöðu til þeirra. Þriðja
höfuðatriðið í starfinu er að hreyf-
ingin starfar í þágu mannúðar."
- Hvernig var upphaf starfs
Rauða krossins hér á landi?
„Rauði kross íslands var form-
lega stofnaður 10. desember 1924
í Eimskipafélagshúsinu og var
Sveinn Björnsson, síðar forseti,
fyrsti formaður hans. Starfsemin
fór mjög vel af stað. Eftir eitt
ár var félagatalan komin í tæp-
lega 1.400 oggengu læknanemar
ötullega fram við að afla nýrra
félaga sem voru af öllu landinu.
Félagið fór mjög fljótt í að st.yðja
við sjómenn og á eins árs afmæl-
inu voru þeir fjölmennasta stéttin
í félaginu."
- Hver eru heistu verkefnin
nú?
„Stærstu verkefnin eru sjúkra-
flutningar, neyðarvarnir skv.
samningi við Almannavarnir rík-
isins, og skyndihjálp. RKÍ hefur
forystu í skyndihjálparfræðslu og
er ábyrgur fyrir útgáfu á kennslu-
efni og námskeiðahaldi fyrir leið-
beinendur. RKÍ hefur gert
kennsluefni sem er til afnota fyr-
ir grunnskóla og það
nýjasta er tölvuforrit.
Með því verður hægt
að læra grunnatriði í
skyndihjálp.“
Guðjón nefnir fjöl-
mörg önnur verkefni,
m.a. aðstoð við aldr-
aða og sjúka, flóttamannahjálp,
Rauða kross-húsið, símaþjónustu,
sjúkrahótel, athvarf fyrir geð-
sjúka, viðamikið fræðslustarf og
starf kvennadeildar.
- Hvernig er aiþjóðastarfinu
háttað?
„Alþjóðastarfið skiptist í
tvennt, annars vegar neyðarað-
stoð og hins vegar þróunaraðstoð.
Við reynum að svara um 50 beiðn-
um um neyðaraðstoð á ári sem
berast frá landsfélögum í gegnum
alþjóðahreyfinguna og sendum
25-30 íslendinga utan á hveiju
ári. Undanfarið hefur mikið starf
verið unnið í fyrrum Júgóslavíu
og einnig til aðstoðar flóttamönn-
um frá Rúanda.
► Guðjón Magnússon fæddist
4. ágúst 1944 í Reykjavík. Hann
varð stúdent frá Menntaskólan-
um í Reykjavík 1964 og lauk
læknaprófi frá Háskóla Islands
1971. Hann stundaði fram-
haldsnám í Skotlandi og Sví-
þjóð og tók doktorspróf frá
Karolinska Institutet í Stokk-
hólmi 1980. Guðjón var aðstoð-
arlandlæknir frá 1980-90,
skrifstofustjóri og staðgengill
ráðuneytisstjóra í heilbrigðis-
ráðuneyti frá 1990. Hann var
kosinn í stjórn Rauða kross Is-
lands 1982, var varaformaður
1983-85 og hefur verið for-
maður frá 1986. Guðjón er
kvæntur Sigrúnu Gísladóttur,
skólastjóra Flataskóla. Þau
eiga þijá syni.
Þróunaraðstoðin felst meira í
langtímaverkefnum. Þar höfum
við í allmörg ár verið með stórt
verkefni í Eþíópíu auk verkefna
á Fiji-eyjum, Grenada, í Leshoto
og Gambíu.“
- Verða boðaðar nýjar áherslur
á 70 ára afmælinu?
„Það sem við höfum verið að
leggja áherslu á undanfarin ár
er eiginlega komið í miðpunktinn,
en það er á þá sem minnst mega
sín í samfélaginu, t.d. geðsjúka,
fanga og alnæmissjúklinga. Við
viljum þó athuga með hvaða hætti
við getum stutt betur við aðra
hópa sem minna mega sín í sam-
félaginu og ætlum í því skyni að
gera könnun á hverjir minnst
mega sín í íslensku þjóðfélagi."
- Hvernig sérðu framtíðina
fyrir þér, fer þörfin fyrir starf
Rauða krossins
minnkandi?
„Því miður er ekki
svo. Átök hafa blossað
upp víða í A-Evrópu
og þar leikur Rauða
kross-hreyfingin afar
stórt hlutverk. Við
sjáum hvað er að gerast í Afríku
og hvílík hætta er á að átök breið-
ist þar út. Við vitum að fjöldi
þeirra sem þarf á aðstoð vegna
náttúruhamfara að halda eykst
stöðugt og er kominn í um 300
milljónir á ári. Við sjáum vanda-
málin heima fyrir. Við búum við
vaxandi ofbeldi og vaxandi ein-
angrun í þjóðfélaginu. Við sjáum
að börnin okkar eru allt of oft
alin upp við ótryggar aðstæður
og að slysatíðni þeirra er hér
hærri en eðlilegt er. Þetta kallar
á að við hugum betur að fjölskyld-
unni, búum uppalendum betri
aðstæður og börnunum betri
framtíð," segir Guðjón Magnús-
son.
Áhersla á að
aðstoða þá
sem minnst
mega sín