Morgunblaðið - 01.09.1994, Blaðsíða 16

16 FIMMTUDAGUR 1. SEPTEMBER 1994
NEYTENDUR
MORGUNBLAÐIÐ
Saumanámskeið með
nýstáiiegu sniði
NANNA Lovísa Zophoníasdóttir,
klæðskerameistari, heldur í vetur
saumanámskeið með nýstárlegu
sniði. Fyrirkomulag er með þeim
hætti að þátttakendur fjárfesta í
saumakortum, sem þeir geta nýtt
sér þegar þörf krefur. Menn eru því
ekki bundnir við fyrirfram ákveðna
mætingatíma.
Hvert kort gildir í sex skipti á tíma-
bilinu frá september til maí. í hvert
skipti mætir fólk í þijá klukkutíma
í senn frá klukkan 20 til 23 á kvöld-
in eða frá klukkan 9 til 12 á morgn-
ana. Er nauðsynlegt að panta tíma
með l-2ja daga fyrirvara. Að sögn
Nönnu Lovísu eru aldrei fleiri en
fimm í hveijum hópi. í vetur hefur
hún fengið inni í húsnæði Vogue í
Skeifunni, en sú verslun gefur kort-
höfum 10% afslátt af efnum og
saumavörum. Þá er Nanna Lovísa
með kennsluaðstöðu heima hjá sér
að Tjamarbraut 15 í Hafnarfírði.
Hvert saumakort kostar 7.500 kr.
og fæst 10% afsláttur ef saman kem-
ur heill hópur. Nanna segir að með
saumakortunum ætti að vera hægt
að koma í veg fyrir ókláraðar flíkur
inni í skápum því fólk gæti mætt
þegar því hentaði og þyrfti á aðstoð
að halda.
Ræktin
er fyrir þig
l.flokks uekjttsalur með nýjum tœkjum frá Competition Line - eróbikk salur á dýnu - nýjir kennarar og timar í
eróbikk - námskeið gegn umframþyngd - ókeypis bamapössun - vatnsgufa - nuddpottur - Ijósabekkir
Súrsað græn-
meti er gott
til bragðbætis
NÚ ER grænmetistíminn í há-
marki og mikið og gott úrval af
grænmeti er í búðunum á góðu
verði. Mörgum finnst súrsað
grænmeti vera gómsætt, sérstak-
lega með karríréttum og sem við-
bit og á samlokur. Nú er tilvalið
að nota tækifærið og prófa að
súrsa grænmeti. I matreiðslubók-
inni Grænt og gómsætt er mælt
með að súrsa grænmeti, „pikkles",
og að gera kryddmauk, „chutney“.
Þar er sagt að saxa megi ýmsar
tegundir af súrsuðu grænmeti og
setja saman við olíusósur.
Ekki þarf að hafa sérstakar
krukkur til að setja súrsað græn-
metí í, nota má allar krukkur ef
þær eru sótthreinsaðar. Ymsar
fjölbreyttar og forvitnilegar upp-
skriftir að súrsuðu grænmeti og
kryddmauki eru í bókinni. Þegar
grænmeti er súrsað, er notað epla-
edik, salt og ýmsar samsetningar
af kryddi og öðrum bragðefnum,
og soðið í 20-30 mínútur, kælt og
lokað þétt í krukku.
1VEKT1N!
FROSTASKJÓU 6 • SlMI: 12815 OG 12355
Morgunblaðið/Kristinn
EIGENDUR Myndbandaskólans í Hagavík eru þeir Karl Jóhanns-
son og Sverrir Ármannsson og sjást hér á myndinni.
Tölvunám óháð
stað o g stund
Ræktin Frostaskjóli 6 býður nú upp á
stærri og viðameiri vetrardagskrá en
áður. Fjölbreyttir tímar í eróbikk fyrir byrjendur,
lengra komna og þá sem em í góðu formi en vilja
samt meira. Einn besti tækjasalur iandsins stendur
þér til boða, m.a. nýr tækjahringur frá Qjmpctition
Line og nýjir fullkomnir þrekstigar. Þjálfari í tækjasal
er þér til aðstoðar á meðan æfingum stendur.
Námskeið gegn umframþyngd hefjast 5. og 6. sept.
Nánari skýringar sjást í auglýsingu annarsstaðar í
blaðinu. Ókeypis barnapössun stendur þér til boða á
meðan æfingum stendur. Hjá okkur ættir þú að
finna eitthvað við þitt hæfi. Komdu í heimskókn eða
hringdu í Ræktina og fáðu nánari upplýsingar.
MEÐ tilkomu tölvuvæðingar á flest-
um sviðum þjóðlífsins má segja að
menn séu ekki lengur gjaldgengir á
hinum almenna vinnumarkaði nema
að kunna skil á tungumáli tölvunn-
ar. í boði eru fjölmargir menntunar-
möguleikar á þessu sviði sem flestir
eru háðir því að sækja þarf nám
ýmist í hefðbundinn dag- eða kvöld-
skóla. Komin er fram nýjung á sviði
tölvukennslu hérlendis sem felst í
því að hægt er að stunda tölvunám-
ið heima í stofu og það án þess að
þurfa að mæta á tilteknum tíma ein-
hvers staðar út í bæ. Menn ráða
með öðrum orðum ferðinni algjör-
lega sjálfir, óháðir stað og stund.
Um er að ræða tölvukennslu á
myndbönduim Þeir Karl Jóhannsson
og Sverrir Ármannsson stofnuðu
hlutafélagið Hagavík hf. um áramót
og. hafa síðan þá unnið að gerð ís-
lensks kennsluefnis, sem sniðið er
að þörfum íslenskra tölvunotenda.
Tölvuskólann sinn kalla þeir Mynd-
bandaskólann og eru þeir nú í fyrsta
sinn að markaðssetja efnið. Þetta
kennsluform hefur að undanförnu
rutt sér til rúms víða um heim og
þykir henta einkar vel sakir sveigj-
anleika og hagkvæmni.
í boði eru fjölmargir titlar þar sem
kennd er notkun flestra þeirra hug-
búnaðarkerfa, sem nú eru í notkun.
Námskeiðin skiptast í einn eða fleiri
hluta, sem hver um sig er brotinn
upp í sjálfstæðar einingar. Lengd
hvers hluta eða myndbands er á bil-
inu einn tii einn og hálfur klukku-
tími. Ekki er nauðsynlegt að hafa
tölvu við höndina þegar horft er á
námskeiðin því að efninu fylgja til-
búnir minnispunktar í formi heftis
sem nota má síðar meir þegar sest
er við tölvuna. Hveiju námskeiði
fylgir tímatafla, sem nota má til að
fara beint inn í ákveðin efnisatriði.
Notandinn getur því ýmist horft á
námsefnið í heild eða aðeins það,
sem vekur áhuga hveiju sinni.
Vinnutap og kostnaður
Karl og Sverrir segja að hingað
til hafi starfsmenn fyrirtækja staðið
frammi fyrir því að fara á hefðbund-
in tölvunámskeið sem haft hefur
bæði vinnutap og töluverðan kostnað
í för með sér. „En með því að setja
námskeiðin á myndbönd geta fyrir-
tækin keypt þau í eitt skipti fyrir
öll og látið sama námskeiðið ganga
á milli allra sinna starfsmanna.
Starfsmennirnir geta með öðrum
orðum fengið námskeiðin með sér
heim og horft á þau fyrir framan
sitt eigið sjónvarp með kaffibolla í
hendi þegar þeim hentar. Fyrir utan
það geta þeir valið þá kafla, sem
þeir þurfa að læra, í staðinn fyrir
að sitja undir einhverjum fyrirlestr-
um, sem þeir hafa ekkert með að
gera. Og hvað varðar upprifjun þá
er lítið mál að spóla myndbandið til
baka ef svo ber við. Þetta kennslu-
fyrirkomulag er til dæmis mjög gott
fyrir þá, sem ekki vilja opinbera
vankunnáttu sína. Þeir eru örugg-
lega fjölmargir, sem sitja í háum
söðli án þess að kunna skil á tölvu-
máli. Treysta fremur á undirmenn-
ina, sem eru þá mun færari á þeim
vettvangi."
Námskeið eru mislöng, frá
einni og upp í 3 spólur, sem
hver tekur einn til einn og
hálfan tíma í flutningi.
Nú þarf ekki lengur að
sækja tölvunámið út í
bæ. Hægt er að stunda
það heima í stofu á
hraða, sem maður velur
sér sjálfur. Jóhanna
Ingvarsdóttir kynnti
sér starfsemi Mynd-
bandaskóla Hagavíkur
Þrjár leiðir
Þeir félagar segja að það séu til
þijár leiðir til þess að læra á tölvur.
I fyrsta lagi með því að kaupa sér
bækur og fikta sig áfram sem sé
bæði seinvirk og ómarkviss leið. I
öðru lagi með því að fara á tölvun-
ámskeið í hefðbundnum skóla og í
þriðja lagi sé myndbandaleiðin nú
til staðar. Hver hluti kostar 4.980
krónur. Sem dæmi má nefna er
Microsoft Windows í einum hluta.
Microsoft Word og Word Perfect eru
í tveimur hlutum og kosta því 9.960
kr. Sem dæmi um námskeið, sem
eru á þremur myndböndum, eru
Microsoft Excel og Lotus á 14.940
kr. Fjöldi annarra myndbandanám-
skeiða eru einnig í boði.
Námskeið Myndbandaskólans
hafa m.a. verið prufukeyrð í íslands-
banka við góðan orðstír. Að sögn
Karis skiptir það fyrst og l'remst
máli að notandinn njóti góðs af og
læri eitthvað. Flottar umbúðir skipti
aftur á móti minna máli ef ekkert
gagn er af innihaldinu. Með þetta
að leiðarljósi hafi þeir félagar fyrst
og fremst unnið. „Þessa dagana
stöndum við í því að sannfæra fyrir-
tæki um að myndbandaformið sé
göfug og góð leið til þjálfunar starfs-
fólks á viðhlítandi hátt enda má
segja að hin hefðbundna námskeiðs-
aðferð, sem rekja má til forn-
Grikkja, sé fyrir löngu orðið úrelt
fyrirbæri með tilkomu tækninnar.
Til hvers að vera að safna saman
tugum manns í einn sal og mata þá
alla með sömu skeiðinni þegar þægi-
legri og kostnaðarminni möguleiki
býðst?“
t
I
I
r
I
i
I
Í
Í
L
■
B
1
I
i
í
i
í
I