Morgunblaðið - 03.12.1994, Qupperneq 14

14 LAUGARDAGUR 3. DESEMBER 1994
MORGUNBLAÐIÐ
MESSUR
AKUREYRI
Meirihluti bæjarráðs vill fullnýta heimild til útsvarsprósentu
Hækkun útsvarsprósentu
úr 9% í 9,2% lögð til
1,5 milljarðar
Á bæjarráðsfundinum var gengið
frá frumvarpi að fjárhagsáætlun
bæjarsjóðs Akureyrar og er í tekju-
hlið frumvarpsins miðað við að út-
svarsprósenta hækki frá fyrra ári
úr 9% í 9,2% en tekjur verði sam-
bærilegar af fasteignaskatti og
voru á yfirstandandi ári. Rekstrar-
áætlun frumvarpsins hljóðar upþ á
tæpan 1,5 milljarð króna.
I athugasemdum bæjarráðs
vegna afgreiðslu frumvarpsins
kemur m.a. fram að lagt sé til að
leikskólagjöld, sem verið hafi
óbreytt frá ársbyijun 1993 verði
hækkuð til samræmis við breyting-
ar á launavísitölu eða um 2%. Þá
er einnig lagt til að sorphreinsigjald
af hverri íbúð hækki um 1.000 krón-
ur. Fram kemur einnig að til þess
sé ætlast að fagnefndir, en ekki
bæjarráð fjalli um og afgreiði allar
beiðnir um styrki og aðra fyrir-
greiðslu við félagasamtök og ein-
staklinga sem væntanlega berast á
árinu. Til gjaldfærðrar og eign-
færðrar ijárfestingar eru áætlaðar
300 milljónir króna.
Aukin skattheimta
í bókun Sigríðar Stefánsdóttur
fulltrúa Alþýðubandalags í bæjar-
stjóm kemur fram að enn þurfi að
leggja að hennar mati mikla vinnu
í gerð fjárhagsáætlunarinnar og
setji hún fyrirvara á ýmsa liði í
þeim tillögum sem fyrir liggi, m.a.
um þá auknu skattheimtu sem lögð
sé til.
„Fjölmörg atriði þyrfti að yfir-
fara nánar til að lækka rekstrar-
gjöld í stað þess að auka skatt-
heimtu. Ekki er gerð tilraun til
lækkunar skulda bæjarsjóðs og um
verulega skuldaaukningu er að
ræða hjá framkvæmdasjóði," segir
í bókun Sigurðar J. Sigurðssonar
fulltrúa Sjálfstæðisflokks vegna
frumvarps um fjárhagsáætlun, en
hann gerir ekki athugasemd við að
drög að áætluninrii verði lögð fram
til fyrri umræðu.
Gert upp árið eftir
Samkvæmt lögum um tekju- og
eignaskatt er sveitarfélögum heim-
ilt að leggja á útsvar á bilinu
8,4%-9,2%, og þarf tilkynning um
álagninguna að berast fjármála-
ráðuneytinu fyrir áramót. Þær upp-
lýsingar eru síðan vegnar hlutfalls-
lega á landsvísu miðað við meðalút-
svar yfirstandandi árs, og þar með
fæst sú útsvarsprósenta sem fer inn
í staðgreiðsluhlutfall skatta sem
gildir fyrir árið á eftir. í þeim sveit-
arfélögum, þar sem útsvarsprósent-
an er lægri en meðaltalið sem mið-
að er við í staðgreiðslunni, kemur
það til frádráttar við álagningu
þinggjalda um mitt árið á eftir, en
þar sem útsvarsprósentan er hærri
er gjaldendum gert að greiða mis-
muninn.
Maraþontónleikar í Akureyrarkirkju
AKUREYRARPRESTAKALL: Guðs-
þjónusta á Fjórðungssjúkrahúsinu
kl.10. á morgun. Sunnudagaskóli kl.
11. Guðsþjónusta í Akureyrarkirkju
kl. 14. Kór Akureyrarkirkju syngur
undir stjóm Björns Steinars Sól-
bergssonar. Kvenfélag Akureyrar-
kirkju verður með súkkulaði og klein-
ur í Sáfnaðarheimilinu eftir guðsþjón-
ustu. Guðsþjónusta verður á Dvalar-
heimilinu Hlíð kl. 16.30 á morgun,
séra Gunnlaugur Garðarsson messar,
kór Glerárkirkju syngur. Æskulýðs-
félagið verður með fund í Kapellunni
kl. 17. á sunnud’ag, biblíulestur verð-
ur í Safnaðarheimilinu á mánudags-
kvöld kl. 20.30.
Glerárkirkja: Biblíulestur og bæna-
stund fellur niður í dag, laugardag,
vegna Leikmannaskóla kirkjunnar.
Barnasamkoma kl. 11.00. Messa kl.
14.00 á sunnudag. Kirkjudagur
Kvenfélagsins Baldursbrár. Eftir
messu verður kvenfélagið með súkk-
ulaði og smákökur í safnaðarsalnum.
Helgistund kl. 16.30 í Dvalarheimil-
inu Hlíð. Fundur æskulýðsfélagsins
verður kl. 18.00. Kyrrðarstund í há-
deginu á miðvikudögum.
HJÁLPRÆÐISHERINN: Sunnu-
dagaskóli kl. 13.30 á morgun, hjálp-
ræðissamkoma kl. 20. IngibjörgJóns-
dóttir talar. Heimilasamband fyrir
konur kl. 20. á mánudagskvöld.
HVÍTASUNNUKIRKJAN: Sam-
koma í umsjá ungs fólks í kvöld kl.
20.30. Safnaðarsamkoma kl. 11.00 á
morgun. Skírnarsamkoma kl. 15.30.
Biblíulestur, Vörður Traustason á
miðvikudag kl. 20. Kristileg krakka-
samtök á föstudögum kl. 17.15 og
kl. 20.30 er bænasamkoma.
KAÞÓSLKA KIRKJAN: Eyrar-
Iandsvegi 26. Messa kl. 18 í dag,
laugardag, og kl. 11 á sunnudag.
MEIRIHLUTI bæjarráðs Akureyrar
hefur lagt til að útsvarsprósenta í
staðgreiðslu opinberra gjalda á
Akureyri á næsta ári verði 9,2%.
Útsvarsprósentan var 9% áður. Þá
hefur meirihluti bæjarráðs lagt til
að fasteignaskattur verði 0,36% af
álagningarstofni, vatnsgjald 0,16%
af álagningarstofni, fráveitugjald
0,18% og að sérstakur fasteigna-
skattur af verslunar- og skrifstofu-
húsnæði verði 1,25%. Gjalddagar
fasteignagjalda verða 8 á næsta
ári, 10. dagur hvers mánaðar frá
febrúar til september. Þá verði lagt
sorphreinsigjald á íbúðarhúsnæði,
2.000 krónur á hveija íbúð, en
bæjarráð leggur til að sorphreinsi-
gjaldið hækki um helming, eða úr
1.000 krónum.
Á fundi bæjarráðs var einnig lagt
til að fasteignaskattur af eigin íbúð
ellilífeyrisþega, sem verða 70 ára
eða eldri á árinu 1995, verði lækk-
aður um allt að 14.800 krónum.
Jafnframt var lagt til að fasteigna-
skattur af eigin íbúðum örorkulíf-
eyrisþega verði lækkaður um sömu
upphæð hjá einstaklingum með
tekjur allt að 900 þúsund krónum
og hjónum eða fólki í sambúð með
tekjur allt að 1.200 þúsund krónum.
BJÖRN Steinar Sólbergsson
organisti Akureyrarkirkju
heldur maraþontónleika í
kirkjunni á morgun, sunnu-
daginn 4. desember, frá kl.
16-19. Þeir eru til styrktar
orgelsjóði Akureyrarkirkju en
fyrir liggur stórfelld viðgerð
á orgeli kirkjunnar.
Fyrirkomulag tónleikanna
er þannig að á hverjum
klukkutíma leikur Björn Stein-
ar í 45 mínútur en síðan er
hvíld í 15 mínútur.
Efnisskráin er þrískipt, í
fyrsta hluta verða flutt verk
eftir Bach, í öðrum hluta ís-
lensk efnisskrá í tilefni af 50
ára afmæli íslenska lýðveldis-
ins og loks verða flutt vinsæl
verk franskra tónskálda.
Um nokkurs konar opið hús
verður að ræða, tónleikagestir
geta komið og farið að vild.
Aðgangur er ókeypis, en tekið
við frjálsum framlögum í org-
elsjóð. Allir sem gefa í sjóðinn
fá sérstakt gjafabréf og þeir
sem gefa meira en 2.500 krón-
ur fá bókina „Saga Akur-
eyrarkirkju" eftir Sverri Páls-
son sem þakklætisvott.
Jólafundur
AGLOW-samtökin á Akur-
eyri efna til jólafundar í fé-
lagsmiðstöð aldraðra við Víði-
lund á mánudagskvöld kl. 20.
Samtökin eru kristileg al-
þjóðasamtök kvenna og starfa
um allan heim óháð kirkju-
deildum. Ingibjörg Jónsdóttir
talar.
Félagsvist
FÉLAGSVIST verður spiluð
í Hamri, félagsheimili Þórs, við
Skarðshlíð sunnudagskvöldið
4. desember kl. 20.
Djass
DJASSTRÍÓIÐ Fitlar leikur
á Kaffi Krók á Sauðárkróki í
kvöld, laugardagskvöld, frá kl.
23. Á morgun, sunnudag, leik-
ur tríóið á Bakkanum á Húsa-
vík frá kl. 14-16.
Svæðisskrifstofa málefna fatlaðra
á Norðurlandi eystra
Forstöðumaður fyrir sambýli
Laus er til umsóknar staða forstöðumanns á sambýli fyrir
þroskahefta með 4 íbúum. Það er hlutverk forstöðumanns
að annast daglegan rekstur sambýlisins og móta þjónustu
þess í samvinnu við íbúa, starfsmenn sambýlis og sér-
fræðinga Svæðisskrifstofunnar.
Umsækjendur skulu hafa menntun þroskaþjálfa eða aðra
sambærilega menntun. Stjórnunarreynsla er æskileg.
Ráðið verður í stöðuna frá jan./feb. 1995 og er umsóknar-
frestur til 15. des. nk. Umsóknir skulu vera skriflegar.
Nánari upplýsingar um stöðuna veitir framkvæmdastjóri
Svæðisskrifstofunnar í síma 96-26960.
Framkvæmdastjóri.

Skyrýrá KEA er sannkal
rctðlicrruskyr og fæ,
fícstum mut’vöriL
iHið cr cina skyríð scm c
nötturul cga fitusnautt