Morgunblaðið - 13.04.1995, Síða 36

36 FIMMTUDAGUR 13. APRÍL 1995
MORGUNBLAÐIÐ
Stofnandi fyrstu íslensku ferðaskrifstofunnar í einkaeigu á tímamótum
MIKIL veðursæld er við Karíbahafið
KLETTAFJOLL Vestur Kanada
VIÐSKIPIT
SNÚAST
UMTRAUST
„Ferðalög hafa gildi fyrir alla, þau
gera ungt fólk fullorðið og fullorðið
fólk ungt. Sagan endurtekur sig en
ekki ferðasagan vegna þess hve
heimurinn breytist hratt nú á dög-
um,“ sagði Ingólfur Guðbrandsson
ferðamálafrömuður og tónlistarmað-
ur meðal annars í samtali sem Guð-
rún Guðlaugsdóttir átti við hann
um störf hans, en 40 ár eru nú liðin
frá því hann stofnaði ferðaskrifstof-
una Útsýn og opnaði íslendingum
leið til umheimsins svo um munaði.
INGÓLFUR Guðbrandsson
INGÓLFUR Guðbrandsson er
löngv orðin þjóðsagnaper-
sóna á íslandi. Umsvif hans
á sviði ferða- og tónlistar-
mála hafa mörgum þótt með ólík-
indum mikil. í samtali við blaða-
mann Morgunblaðisns segist hann
lítið vera gefínn fyrir að flíka sjálf-
um sér, segist heldur vilja ræða
um atburði og málefni en um sjálf-
an sig og sinn feril. Með semingi
segir hann þó frá því hvað vakti
áhuga hans á að leggja fyrir sig
ferðalög og tónlistarstörf. „Ég ólst
upp á prestssetri austur í sveitum
og var ekki gamall þegar ég laum-
aðist í kirkjuorgelið. Og það var
lykt af útlöndum í Vestur-Skafta-
fellssýslu á þeim tíma, það strönd-
uðu útlend skip í brimgarðinum
fyrir utan, margir hlutir á bæjum
voru úr þeim komnir. Þetta ásamt
öðru hefur kannski vakið áhuga
minn á að ferðast, en hvem langar
ekki til að ferðast, annað væri óeðii-
legt, skortur á eðliiegri forvitni og
mannlegri náttúru. Ég hafði
snemma ríkt ímyndunarafl. Mig
hefur dreymt um fjarlæga staði frá
því ég man eftir mér.“
Ekki vill Ingólfur dvelja lengi við
æskuár sín. Hann stiklar líka á
stóru þegar menntun hans er til
umræðu. „Ég tók kennarapróf og
las seinna menntaskólann utan-
skóla og stundaði nám í erlendum
málum við Háskóla íslands, ásamt
tónlistamámi hér heima. Það Ieiddi
til þess að ég fór tii tónlistar- og
tungumálanáms í útlöndum, fyrst
í Bretlandi, seinna í Þýskalandi og
á ítalíu." Ekkert af þessu finnst
honum þó verulega frásagnarvert.
Það lifnar ekki að marki yfir honum
fyrr en ferðamálin ber á góma. Þá
tekur frásögnin að neista af þeim
áhuga sem vafalítið hefur verið
aflvaki hans brautryðjandastarfa á
þessp sviði.
„Ég var fjögur sumur fararstjóri
í ferðum íslendinga í útlöndum á
námsárum mínum. Það var lær-
dómsrík reynsla, ekki síst lærði ég
hvemig ferðalög eiga ekki að vera,“
segir hann. „Það vantaði alla yfir-
sýn, betri skilyrði og aðbúnað fyrir
farþegana." Þegar Ingólfur ákvað
að stofna ferðaskrifstofuna Útsýn
var engin ferðaskrifstofa starfandi
hér á landi nema Ferðaskrifstofa
ríkins. Það er margra manna mál
að Ingólfur Guðbrandsson hafí með
störfum sínum í ferðamálum gert
almenningi á íslandi kleift að kynn-
ast heiminum, langt umfram aðra
samtíðarmenn sína.
Menningarferðir farnar
Fyrstu árin var Ingólfur með
menningarferðir um Evrópu sem
mæltust vel fyrir og alltaf var upp-
selt í. Árið 1958 skipulagði hann
svo sína fyrstu ferð til Spánar.
„Fram að þessum tíma höfðu ís-
lendingar nánast ekkert ferðast
nema til náms, aðallega í Kaup-
mannahöfn, og í viðskiptaerindum.
En. ferðalög til þess að skoða sig
um var nánast óþekkt fyrirbrigði á
þessum árum,“ segir Ingólfur. Það
má því segja að þarna hafí Ingólfur
brotið blað í íslenskri ferðamála-
sögu. Þessi fyrsta ferð Ingólfs til
Spánar var „hrein menningarferð“
eins og hann orðar það sjálfur.
„Fólkið í ferðinni var alveg heiliað