Morgunblaðið - 05.05.1995, Page 12

12 FÖSTUDAGUR 5. MAÍ 1995
MORGUNBLAÐIÐ
LANDIÐ
Attatíu ára afmæli Verkalýðsfélags Stykkishólms
Morgunblaðið/Árni Helgason
EINAR Karlsson, formaður Verkalýðsfélags Stykkishólms, en
félagið heldur upp á 80 ára afmæli sitt um þessar mundir.
Stofnunin
fyrst rædd
í landlegu
Stykkishólmi - Verkalýðsfélag
Stykkishólms er 80 ára um þess-
ar mundir. Þess var minnst á
1. maí samkomu félagsins í fé-
lagsheimilinu á Stykkishólmi.
Það var á haustmánuðum árið
1914 að vermenn í Höskuldsey,
er búsettir voru í Stykkishólmi,
ræddu í landlegu um stofnun
verkamannafélags í sinni heima-
byggð. Þá höfðu verið stofnuð
nokkur verkalýðsfélög á landinu
og fréttist af baráttumálum
þeirra. Þá var atvinna af skorn-
um skammti og afkoma heimila
slæm, en menn höfðu trú á að
með samtakamætti væri hægt
að tryggja betri afkomu. í árs-
byrjun 1915 var boðað til stofn-
fundar og verkamannafélagið
Framsókn stofnað. Fyrsti for-
maður var kjörinn Baldvin
Bárdal. Fyrsta verkefni félags-
ins var að semja við kaupmenn
um kauptaxta. Samið var um 35
aura á tímann og 5 aurum lægra
til þeirra sem fengu greitt í
peningum. Þá tíðkaðist að fá
greidd laun með vöruúttekt. Það
tók nokkra áratugi að beijast
fyrir því að laun væru greidd út
í peningum. Þá var dagvinna frá
kl. 6 að morgni til kl. 7 að kveldi.
Síðan þetta var hefur orðið gjör-
bylting, íslenska þjóðfélagið
hefur breyst úr örbirgð til alls-
nægta. Verkamannafélagið
Framsókn starfaði til 1924, en
stuttu síðar var Verkalýðsfélag
Stykkishólms stofnað. Núver-
andi formaður félagsins er Ein-
ar Karlsson.
Á 1. maí samkomunni nú flutti
fyrrverandi formaður félagsins,
Kristinn B. Gíslason, ræðu og
rakti nokkur atriði úr sögu fé-
lagsins. Guðrún Marta Áræls-
dóttir las ljóð, leikfélagið
Grímnir sá um skemmtiatriði og
Lúðrasveit Stykkishólms spilaði.
Að lokum var öllum boðið að
njóta veglegra veitinga. Fjöl-
menni sótti samkomuna.
Yfir Langanes
á vélsleðum
Þórshöfn - Langanesið hefur löng-
um haft aðdráttarafl. Þó sumum
þyki það bæði grýtt og grátt heillar
það til sín útivistarfólk á öllum árs-
tímum.
Slysvarnafólk er þar engin und-
antekning og í byijun apríl sýndu
félagar í björgunarsveitinni Hafliða
þá riddaramennsku að bjóða
kvennadeildinni í vélsleðaferð út á
Langanes því útivera og þjálfun í
vélsleðaakstri er björgunarsveita-
fólki nauðsynleg.
Veðrið sýndi ekki sínar bestu
hliðar en sleðafærið var sæmilegt
og sjö sleðakappar lögðu upp með
jafnmargar konur fyrir aftan sig
og mikið af góða skapinu. Tveir
jeppar voru einnig í ferðinni en
ekki voru mörg pund í dekkjum
þeirra á leiðinni út eftir.
Farið var yfir allt Nesið og göm-
ul bæjarstæði og eyðibýli skoðuð
en sumir höfðu aldrei komið þangað
áður. Upp kom sú hugsun hvernig
líf hefur verið þarna áður fyrr út
við yzta haf í hálfgerðri einangrun,
en þarna bjuggu forfeður margra
Þórshafnarbúa.
Breyttir lífshættir
Líf gömlu Útnesinganna var í
flesta staði frábrugðið lífi okkar
nútímamanna og var sjálfsþurftar-
búskapurinn allsráðandi og yfirleitt
ekki farið í kaupstað nema tvisvar
á ári. Hætt er við að einhveijum
þætti það súrt í broti nú á dögum
og víst er að ferðalangarnir myndu
ekki láta sér það nægja.
GÖMUL mynd af
Langanesfontinum.
Komið var við í neyðarskýlinu
Albertsbúð úti á Skálum og var
talstöðin prófuð. Allt var í bezta
lagi svo haldið var að Skoruvíkur-
vita og gengið út á Font, yzta hluta
Langanessins en þokan byrgði sýn
svo aðeins sást skammt út á grátt
og úfið Atlantshafið.
Skálað við Skoruvíkurvita
Útvörður í Skoruvík
Eins og einmanalegur útvörður
gnæfði Skoruvíkurviti yfir ferða-
fólkið sem fann þá fyrir smæð sinni.
Hafliðadrengirnir voru ekki á því
að láta kvennadeildina sína líða af
minnimáttarkennd og töfruðu þeir
að bragði fram kampavín og
skenktu frúnum með pomp og pragt
- en karlarnir fengu kaffi.
Félag frímerkjasafnara
Sýning ársins
£) ^
CO (U Jt=r r->
o cr aj _ <v
cu
a>
— oo —
(U >=■
U~ &
=r tv
_ = ///
£i£
C0 .
■’O J2±
co t— /- tu a. >
FRIMSVN 95
Safnaðarheimili Háteigskirkju
föstudag 5. maí kl. 17-20, laugardag 6. maí kl. 11-20,
sunnudag 7. maí kl. 11-20, mánudag 8. maí kl. 11-13
Z2T
Z7 CO
oæ
<C LLf
O*?
CDO
Námskeið í
fjármálum
heimilanna á
Egilsstöðum
Egilsstöðum - Búnaðarbanki
Islands stóð fyrir námskeiði
um fjármál heimilanna í Hót-
el Valaskjálf á Egilsstöðum.
Farið var ofan í mikilvægi
þess að halda heimilsbókhald
og gera áætlanir varðandi
rekstur heimilisins. Ennfrem-
ur var komið inn á húsnæðis-
kaup, skattamál o.fl. Þátttak-
endur voru 31 og leiðbeinandi
var Ingimundur Sigurmunds-
son, útibússtjóri á Selfossi.
Fyrirhugað er að halda fleiri
slík námskeið ef áhugi er fyr-
ir hendi.
Meiriháttar laugardagskynning á morgun í Tæknivali:
Einstakt tilboð á laugardegi:
Sound
BLASTER
i lö
I tilefni dagsins bjóðum viö þér hið
vinsæla Sound-Blaster 16 (value edition)
hljóðkortá hreintfrábæru veröi, aðeins
kr. 8.900 stgr.
Gildir aðeins þennan eina laugardag!
Við kynnum allt sem snýr að margmiðkm s.s. hin vinsælu hljóðfcort Sound-Blaster
frá Creative Labs, geisladrif frá Sony, Mitsumi o.fl., hátalara og úrval geisladiska
með leikjum, hugbúnaði og fræðsluefni. Missið ekki af meiriháttar laugardagskynningu G,
á margmiðlun sem er að gera allt vitlaust í tölvuheiminum í dag!
Hátækni til framfara
Tæknival
-'ovi
• Geisladrif, 2ja og4ra hraða.
• Hátalarar.
• Sound-BIaster hljóðkortin
vinsælu - allar gerðir.
• Úrval hugbúnaðar fyrir
margmiðlun. Allt það nýjasta
á markaðinum í dag!
Opió til 14.00 á laugardögum
Skeifunni 17 • Simi 568-1665 • Fax 568-0664