Morgunblaðið - 05.05.1995, Blaðsíða 19

MORGUNBLAÐIÐ
FÖSTUDAGUR 5. MAÍ 1995 19
FRÉTTIR: EVRÓPA
FRAMKVÆMDASTJÓRN Evrópusambandsins.
SUZUK3 SWIFT GLSi
Aflmikill, sparneytinn, lipur.
Þaö eru góö kaup í Suzuki.
Verð frá
kr. 998.000
$ SUZUKI
lW> —.....
SUZUKI BÍLAR HF SKEIFUNNI 17 - SÍMI S68 5100
Tillögur framkvæmdastjórnar ESB
vegna ríkjaráðstefnunnar á næsta ári
ESB verður að
styrkjast áður
en það stækkar
FRAMKVÆMDASTJÓRN Evrópu-
sambandsins telur að styrkja verði
ákvarðanatöku innan sambandsins
og auka skilvirkni og samheldni,
áður en hægt sé að veita nýjum
ríkjum inngöngu í ESB. Jafnframt
verði að gera umbætur í lýðræðis-
átt og vinna að nýju traust hins
almenna borgara á ESB. Skortur á
skilvirkni í stofnunum sambandsins
býður heim þeirri hættu að hinn
efnahagslegi ávinningur af innri
markaðnum glatist.
Þetta er kjarninn í skýrslu fram-
kvæmdastjórnarinnar vegna ríkja-
ráðstefnu ESB á næsta ári, að því
er Svenska Dagbladet greindi frá í
fyrradag. Blaðið segir að skýrslan
verði gerð opinber 10. maí. Hún
verður framlag framkvæmdastjórn-
arinnar til vinnu „hugleiðingarhóps-
ins“, vinnuhóps sem heija á störf
2. júní næstkomandi og undirbúa
tillögur að breytingum á Rómar-
sáttmálanum, sem gert er ráð fyrir
að ríkjaráðstefnan fjalli um.
Tillögur um róttækar
breytingar
Samkvæmt heimildum SvD voru
framkvæmdastjórnarmenn að
miklu leyti sammála um þær áherzl-
ur, sem leggja skyldi í skýrslunni,
er þeir ræddu hana á fundi 20.
apríl síðastliðinn. Blaðið segir að
framkvæmdastjórninni sé afar um-
hugað að gera ekki sömu mistök
og stjórn Jacques Delors gerði við
samningu Maastricht-sáttmálans;
að þekkja ekki sinn vitjunartíma
og beita sér fyrir breytingum, sem
urðu til þess að kastaðist í kekki
með framkvæmdastjórninni og að-
ildarríkjunum.
Engu að síður segir blaðið að þær
ályktanir, sem draga megi af
skýrslu framkvæmdastjórnarinnar,
bendi til róttækra breytinga á
starfsháttum ESB.
Lýðræðislegri og opnari
starfshættir
Framkvæmdastjórnin telur að
gera verði starfshætti ESB lýðræð-
islegri og opnari. Stofnanir ESB séu
of fjarlægar borgurunum og hafi á
sér yfirbragð ógagnsæs skrifstofu-
veldis.
Framkvæmdastjórnin telur að
ákvarðanatökuferli innan sam-
bandsins sé alltof flókið og órökrétt
og eigi almenningur að geta skilið
það, þurfi mikla einföldun til.
Styrkja verði réttarfarslegt og fjár-
hagslegt eftirlit með stofnunum
sambandsins. Nálægðarreglan, sem
kveðið var á um í Maastricht-sátt-
málanum, sé enn sem komið er fyrst
og fremst dauður bókstafur.
í skýrslunni kemur fram að ráð-
herraráðið, sem er helzta löggjafar-
stofnun ESB, hafi orðið aðgengi-
legra að undanförnu, en umræður
þar séu þó ekki opnar almenningi
nema þegar allir séu sammála. Átök
milli andstæðra sjónarmiða, sem
séu eðlileg í lýðræðislegu kerfi, fari
fram fyrir luktum dyrum.
Nýjar stoðir óskilvirkar
Með Maastricht-sáttmálanum
voru settar á fót tvær „stoðir" Evr-
ópusambandsins, samhliða hinu
gamla Evrópubandalagi. Önnur er
samstarfið í dóms-, lögreglu- og
innflytjendamálum og hin er sam-
starfíð um öryggis- og utanríkis-
stefnu. Báðar byggjast hins vegar
á milliríkjasamstarfi, þar sem allar
ákvarðanir verður að taka sam-
hljóða, andstætt við hið yfirþjóðlega
samstarf í Evrópubandalaginu.
Framkvæmdastjórnin telur að
þessi blanda milliríkjasamstarfs og
yfirþjóðlegs valds sé óheppileg og
grafi undan skilvirkni ESB, sérstak-
lega í nýrri stoðunum tveimur, þar
sem neitunarvald sérhvers aðildar-
ríkis þvælist fyrir raunverulegum
árangri.
Grafið undan efna-
hagssamstarfinu?
í skýrslu framkvæmdastjórnar-
innar koma fram þungar áhyggjur
af því að vöntun á gagnsæi og lýð-
ræðislegu lögmæti í augum borgar-
anna, óskilvirkni og skortur á sam-
heldni geti til lengri tíma litið graf-
ið undan efnahagssamstarfi ESB-
ríkjanna - og þar með sjálfum til-
verurétti sambandsins. Þess vegna
verði að grípa til aðgerða, áður en
nýjum aðildarríkjum verði hleypt
inn.
------» ♦ ♦
86% vita
ekki af
ríkjaráð-
stefnunni
• NÝLEG skoðanakönnun á
vegum framkvæmdastjórnar
ESB leiðir i ljós að 86% af íbúum
Evrópusambandsríkjanna hafa
ekki hugmynd um að halda á
ríkjaráðstefnu á næsta ári til að
ákveða framtíðarskipulag stofn-
ana sambandsins. Könnunin virð-
ist sýna fram á að bæta verði
aðferðir stjórnvalda við að upp-
fræða almenning um starfsemi
ESB.
Stendur mikið til?
Langtímalán til framkvœmda
vib fasteignir
Islandsbanki veitir langtímalán til allt ab 12 ára vegna viöamikilla
framkvœmda á fasteignum svo sem til vibhalds á húsnœbi, viöbyggingar
eöa annarra endurbóta. Þessi lán henta vel einstaklingum sem hyggja á
slíkar framkvœmdir,
• Lánin eru skuldabréfalán, tryggö meö veöi í fasteign
• Upphceö láns og vaxtakjör taka miö af greiöslugetu
umscekjanda, tryggingum og fyrirhuguöum framkvcemdum
• Hámarkslánsfjárhœö er 3.000.000 kr.
• Hámarkslánstími er 12 ár
• Afborganir eru mánaöarlega
Ábur en lán er tekiö abstobar starfsfólk bankans viöskiptavini vib ab
gera sérgrein fyrir greibslubyröi lánsins og þeim kostnaöi sem
lánsvibskiptum fylgja og bera saman vib greibslugetuna. Á þann hátt er
metiö hvort lántakan er innan viörábanlegra marka.
Láttu ekki skynsamlegar framkvœmdir stranda á fjármagninu.
Langtímalán íslandsbanka er kostur sem vert er aö athuga.
Kynntu þér möguleikana í ncesta útibúi bankans.
ÍSLANDSBANKI