Morgunblaðið - 05.05.1995, Side 60

MORGUNBLAÐIÐ, KRINGLAN I, 103 REYKJAVlK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRI: HAFNARSTRÆTl 85
FÖSTUDAGUR 5. MAÍ 1995
VERÐ í LAUSASÖLU 125 KR. MEÐ VSK
Ekki tókst að ná samkomulagi á fjögrirra landa fundi um stjórnun síldarstofnsins
Viðræður við Færeyinga
um einhliða kvóta hafnar
Noregur bauð um 70.000 tonna kvóta
en ísland vildi yfir 100.000
VIÐRÆÐUR íslendinga og Færey-
inga, um að löndin tvö komi sér
saman um að setja einhliða síldar-
kvóta fyrir skip sín í Síldarsmug-
unni, hófust í Reykjavík í gærkvöldi
eftir að tveggja daga viðræðufundi
með Rússum og Norðmönnum lauk
án samkomulags. Þorsteinn Pálsson
sjávarútvegsráðherra segir að ís-
land og Færeyjar muni, ef sam-
komulag næst þeirra á milli, ákveða
sér sanngjarnan kvóta og hugsan-
lega gagnkvæmar veiðiheimildir
innan fiskveiðilögsögu landanna.
Mikið bar á milli Islands og Fær-
eyja annars vegar og Norðmanna
og Rússa hins vegar á fjögurra
landa fundinum. Samkvæmt heim-
ildum Morgunblaðsins gerði ís-
lenzka viðræðunefndin í upphafi
kröfu um yfir 150.000 tonna kvóta
af síld, og mun hafa gert ljóst að
íslendingar gætu ekki samþykkt
minni kvóta en sem næmi eitthvað
á- annað hundrað þúsunda tonna.
Talið er að íslenzki flotinn hafí getu
til að veiða allt að 200.000 tonn í
Síidarsmugunni í sumar, ef miðað
er við þær veiðar íslenzkra skipa
sem þar fóru fram í fyrrasumar.
Norðmenn og Rússar vildu hins
vegar ekki samþykkja nema 70.000
tonn til handa íslandi. Norðmenn
hafa ákveðið 650.000 tonna síldar-
kvóta í norskri lögsögu á þessu ári
og koma 100.000 tonn hans í hlut
Rússa. Norðmenn hafa sjálfir veitt
um 350.000 tonn af sínum kvóta.
Meiri kröfur í
endanlegum samningi
Þorsteinn Pálsson sjávarútvegs-
ráðherra sagði í samtali við Morg-
unblaðið að niðurstaðan væri mikil
vonbrigði. Norðmenn virtust líta svo
á að síldarstofninn væri einkaeign
þeirra, en í sögulegu Ijósi væri hann
eign þjóðanna fjögurra. „Við vorum,
þrátt fyrir þá afstöðu Norðmanna á
undanförnum árum að neita um við-
ræður, tilbúnir að gera bráðabirgða-
samkomulag, sem á þessu ári hefði
þýtt minni hlutdeild okkar en við
hljótum að gera kröfu til í endanleg-
um samningi/ sagði Þorsteinn og
bætti við að Islendingar hefðu sýnt
að þeir væru reiðubúnir að slaka á
kröfum sínum.
Halldór Ásgrímsson utanríkisráð-
herra sagði að enn sem komið væri
hefðu engin tilmæli verið gefin til
íslenzkra skipa, sem hygðu á veiðar
í Síldarsmugunni, um að takmarka
þær. Fundi landanna fjögurra væri
lokið, og veiðamar héldu áfram. Það
væri síðari tíma ákvörðun að ákveða
hvort og með hvaða hætti veiðarnar
yrðu takmarkaðar.
Samráð við úthafsveiðinefnd
Eftir að fjögurra landa fundinum
lauk í gær átti íslenzka viðræðu-
nefndin fund með sjávarútvegsráð-
herra, utanríkisráðherra og úthafs-
veiðinefnd ríkisstjómarinnar, en í
henni sitja fulltrúar þingflokka og
hagsmunasamtaka í sjávarútvegi.
Að sögn Halldórs Ásgrímssonar var
talið mikilvægt að hafa samráð við
nefndina, ekki sízt þar sem ný utan-
ríkismálanefnd Alþingis hefur ekki
verið kjörin.
Geir H. Haarde, formaður úthafs-
veiðinefndarinnar, sagði að á fund-
inum hefði komið fram eindreginn
stuðningur við stefnu ríkisstjórnar-
innar í málinu og samhljómur verið
með nefndarmönnum um framhald-
ið, þ.e. viðræður við Færeyinga um
fyrirkomulag áframhaldandi veiða í
Síldarsmugunni.
■ Síldarviðræðum lauk/4
A annan
tug skipa í
Síldar-
smugunni
Á ANNAN tug skipa var við
veiðar eða á leið til veiða í
Síldarsmugunni í gærkvöldi.
Reytingsafli hafði verið, að
sögn skipverja á Berki NK,
sem Morgunblaðið náði tali
af í gær.
Þá hafði Börkur fengið
um 500 tonn af vænni síld,
Hólmaborgin var einnig
komin með talsverðan afla,
sem og Júpíter sem sagður
var á landieið.
Skipin voru, að sögn skip-
veqa, skammt utan við
mörk færeysku lögsögunnar
og voru aðstæður hentugar
til veiða.
Níu skip voru talin á
svæðinu um hádegi en síð-
degis í gær fréttist af fleiri
skipum á leið á svæðið. Auk
þeirra sem fyrr var getið
var þar m.a. um að ræða
Súluna EA, Jón Kjartansson
og Guðrúnu Þorkelsdóttur
SU og Höfrung AK.
Virkur gos-
hver verði
innan borg-
armarka
STJÓRN veitustofnana hefur falið
Hitaveitu Reykjavíkur að kanna
möguleika á að opna virkan goshver
í Reykjavík. Helgi Hjörvar, flutn-
ingsmaður tillögunnar, segir að
framhaldið ráðist af niðurstöðum
verkfræðinga um hvernig hægt sé
að framkvæma hugmyndina. Niður-
stöður könnunarinnar skulu liggja
fyrir eigi síðar en 1. júlí í sumar.
Helgi sagði að tillagan væri ekki
ný. Sigurður E. Guðmundsson, fyrr-
verandi borgarfulltrúi, hefði fengið
samþykki hennar í borgarstjórn fyr-
ir um 10 árum. Eftir afgreiðslu
málsins virtist hugmyndin hins veg-
ar hafa gufað upp og ekkert hefði
orðið úr framkvæmdum.
„Eitt helsta stolt okkar Reykvík-
inga er hitinn og hitaveitan. Við
teljum verkþekkingu okkar í hita-
véituframkvæmdum eitt af því sem
við stöndum fremst í og getum selt
öðrum þjóðum. Við höfum verið að
selja verkþekkingu til Kina og til
Austur-Evrópu svo eitthvað sé nefnt.
Auðvitað hljótum við að sýna getu
okkar í þvi,“ sagði Helgi.
Tákn um nafn Reykjavíkur
Hann nefnir, í greinargerð með
tiliögunni, að ekki rjúki lengur í
hverum á höfuðborgarsvæðinu eins
og gert hafi á dögum Ingólfs. Reyk-
víkingar aki tugi kílómetra til að
sýna ferðamönnum heita hveri og
séu þó möguleikar á virkum goshver-
um í borholum innan borgarmark-
anna, s.s. í Laugarnesi. „Nú þegar
við höfum byggt hitaveitu okkar svo
myndarlega upp er tímabært að
leyfa einum goshver að njóta sín og
minna á þá sýn sem blasti við Ing-
ólfi og sem tákn um nafn borgarinn-
ar, Reykjavík," segir í greinargerð-
inni.
Morgunblaðið/Kristinn
EFLAUST eiga krakkarnir í sumarskólanum eftir að vera mikið í útileikjum í sumar. Hér eru félagarnir Þorsteinn Birgisson, Aron
Bergsson, Krislján Hrafn Bergvinsson og Haraldur Guðbjörn Gunnarsson að viðra sig úti.
Heilsdags sumarskóli fyrir 6 til 9 ára börn
SKÓLAMÁLARÁÐ Reykjavíkur
hefur samþykkt að starfrækja heils-
dags sumarskóla fyrir 6 til 9 ára
börn í 6 tii 8 grunnskólum í höfuð-
borginni í sumar. Gjald fyrir heils-
dagsvistun verður 9.800 kr. og fyrir
hálfsdagsvistun 6.500 kr. Léttur
hádegisverður kostar ekki meira en
170 kr. og morgun og eftirmiðdags-
hressing ekki meira en 70 kr.
Júlíus Sigurbjörnsson, deildar-
stjóri skólaþjónustudeildar Skóla-
skrifstofu Reykjavíkur, sagði að til-
raun hefði verið gerð með rekstur
heilsdagsskóla í Olduselsskóla og
Seljaskóla síðasta sumar. Nú væri
ætlunin að bjóða hana í fleiri skólum
og stefnan væri að hafa alla skóla
opna allt árið.
Júlíus sagði ekki tímabært að
nefna hvaða skóla væri um að ræða
6 til 8 skólar
opnir í sumar
enda hefði enn ekki verið gengið frá
samningum við alla skólana. Hins
vegar væri áhersla lögð á að bjóða
upp á vistun þar sem skóladagheim-
ili hefðu verið sameinuð heilsdags-
skóla. Hann sagði að innritunarblöð
bærust foreldrum fljótlega og hefðu
börn innan hvers skólahverfis for-
gang um vistun. Eftir að þau hefðu
verið tekin inn yrði hugað að því
hvort hægt væri að bjóða börnum í
öðrum hverfum upp á vistun. Reynt
verður að bjóða þjónustuna á sem
dreifðustu svæði.
Börnin fái 4 vikna frí
Hvað tímasetningar varðaði sagði
Júlíus að gert væri ráð fyrir að heils-
dagsskólinn yrði opinn í júní og ág-
úst í flestum skólum. Ef sumarleyfis-
þörf foreldra væri mjög á skjön yrði
sú ákvörðun endurskoðuð. Engu að
síður yrði reynt að tryggja að börn-
in fengju a.m.k. fjögurra vikna sum-
arfrí. Áætlanir gera ráð fýrir að
skólarnir verði a.m.k. opnir frá
klukkan korter fyrir átta á morgn-
ana til klukkan korter yfir fimm á
daginn. Ýmist verði börnin allan eða
hálfan daginn í vistun og er gert ráð
fyrir að þau hafi með sér nesti eða
fái mat í skólanum.
Starfsmenn heilsdagsskólans eru
kennarar, leikskólakennarar og ófag-
lært starfsfólk. Þeir gæta barnanna
og sjá þeim fyrir fjölbreyttri og skap-
andi dagskrá úti og inni í sumar. Má
í því sambandi nefna íþróttir, vett-
vangsheimsóknir, útileiki o.fl.