Morgunblaðið - 05.08.1995, Blaðsíða 53

MORGUNBLAÐIÐ
LAUGARDAGUR 5. ÁGÚST 1995 53
FÓLK í FRÉTTUM
Rokkari
sem plötusnúður
Söngvari bresku rokkhljómsveitarínnar
Primal Scream, Bobbie Gillespie, er með-
al gesta Uxa-tónleikanna. Hann treður
þar upp í óvanalegu hlutverki, sem plötu-
snúður, og segist ætla að spila uppáhalds
tónlistina sína, bandaríska soul-tónlist.
Ljósmynd/Björg Sveinsdóttir
MEÐAL gesta á útitónleikunun
Uxi ’95 eru þeir Bobbie Gillespie,
söngvari og leiðtogi rokksveitar-
innar Primal Scream, og Andrew
Innes, gítarleikari sveitarinnar.
Þeir félagar koma hingað sem
plötusnúðar og hyggjast leika
tónlist eftir eigin höfði, aukin-
heldur sem allar líkur eru á að
þeir troði upp með einhverri
hljómsveitinni og taki nokkur lög.
Primal Scream er ein vin-
sælasta hljómsveit
Bretá og síðasta plata
sveitarinnar, Give Out
but Don’t Give Up,
naut mikillar hylli
þar í landi og ekki
síður hér, því lögin
Get Your Rock Off
og Cry Myself
Blind, komust hátt
á vinsældalista.
Primal Scream
telst ekki nýgræð-
ingur í bresku
poppi, því ein
besta plata ársins
1991 að mati bre-
skra blaða var
Screamadelica
þar sem Primal-
liðar undir
stjórn Bobbys,
sem áður var
trymbill í The
Jesus and the
Mary Chain,
blönduðu saman
gamaldags vaggi
og veltu og dans-
músík. Innan um
voru svo lög sem minntu á
gamla tíð með Jimmy Miller
við upptökutakkana, en
hann stjómaði m.a. upptök-
um á Rolling Stones-breið-
skífunum Let it Bleed og
Sticky Fingers. Rolling Sto-
nes-stimpillinn hefur reynd-
ar loðað við Primal Scream
alla tíð, og til gamans má
geta þess að margir breskir
gagnrúynendur sögðu Give
Out but Don’t Give Up bestu
Stones-skífuna síðan Exile
on Main Street kom út.
Velgengnin erfið
Bobby Gillespie segir að vel-
gengni Screamadelica hafi verið
sveitinni erfið, því eftir að tón-
leikaferð vegna hennar lauk hafði
hann fátt fyrir stafni en reika
stefnulaust um stórhýsi sitt. Eft-
ir þunglyndi og trega drifu liðs-
menn Primal Scream sig síðan
til Bandaríkjanna og settu saman
breiðskífuna í hótelherbergjum
og hljóðverum í Memphis og Los
Angeles. Obbinn af plötunni var
hljóðritaður í Muscle Shoals
hljóðverinu í Memphis undir
stjórn Toms Dowds, sem meðal
annars var við takkana hjá Aret-
hu Franklin í árdaga, en einnig
komu við sögu Jim Dickinson,
sem vann mikið með Rolling Sto-
nes, Memphis-hornaflokkurinn
og Muscle Shoals-hrynsveitin.
Frí frá plötupælingum
Bobbie Gillespie segist hafa
litist vel á hugmyndina að koma
hingað til lands og taka sér frí
frá plötupælingum. „Mér fannst
það strax spennandi að koma
hingað," segir hann, „enda hef
ég aldrei til íslands komið en
mikið heyrt frá því sagt. Ég ætla
líka að taka mér tíma til að kynn-
ast landinu eilítið, því ég verð
hér í fjóra til fimm daga.“ Bobby
Gillespie segir að þeir félagar
hann og Andrew Innes séu að
leggja drög að næstu breiðskífu
og hyggi á nokkra stefnubreyt-
ingu frá síðustu plötu. „Við
hyggjumst meðal annars vinna
með Chemical Brothers, sem eru
að fást við töluvert ólíka tónlist,“
segir hann.
Hingað kemur Bobbie Gillespie
sem plötusnúður eins og áður er
getið, en hann segist einmitt
hafa starfað þónokkuð sem slíkur
fyrir nokkrum árum. „Ég hef þó
ekki haft tíma til þess síðustu
ár,“ segir hann, „og það er gam-
an að komast í það aftur, því
mér finnst það mjög skemmtilegt
að fá borgað fyrir að spila uppá-
halds plötumar mínar." Hann
vill ekki taka fyrir að hann syngi
eitthvað á Uxa-tónleikunum,„við
sjáum til“, segir hann og kímir.
Gillespie segist munu leika
bandaríska soul-tónlist á
Klaustri, en slík tónlist var gríð-
arlega vinsæl á Norður-Englandi
á sjötta og sjöunda áratugnum
og kölluð þar Northern Soul.
„Það er uppáhalds tónlistin mín,“
segir hann og bætir við að þegar
sveitin fór til Memphis að taka
upp síðustu breiðskífu hafi það
verið einskonar pílagrímsför.
Óviðjafnanleg
► SÖNGKONAN Cindy Lauper
hefur alla tíð þótt vera öðruvísi
en annað fólk. Hún segist hafa
margsinnis
reynt að vera
venjuleg, en
það hafi ekki
borið árangur.
Hún sló í gegn
snemma á
níunda áratugnum með laginu
„Girls Just Want To Have Fun“
en er nú orðin 41 árs gömul.
Nýlega kom hún fram í við-
talsþætti Davids Lettermans,
þar sem hún jós úr skálum gleði
sinnar á óviðjafnanlegan hátt.
Þessi mynd var tekin við það
tækifæri.
Cosby snýr aftur
► G AM ANLEIKARINN Bill
Cosby, sem hætti með sjónvarps-
þætti sína árið
1992, hefur
ákveðið að snúa
aftur á sjón-
varpsskjá
Bandaríkja-
manna. Hann
hefur hafið sam-
starf með framleiðendum „The
Cosby Show“ um nýja sjónvarps-
þætti sem fjalla um atvinnulaus-
an mann og baráttu hans við
daglega lífið.
Forsljóri fyrirtækisins C-W,
sem framleiðir þættina, segir
þá líklega til vinsælda. „Skop-
skyn Cosbys hefur ávallt höfðað
til alls mannkyns".
í Hveradölum
askalinn
cPeys,i/i//iajv)ia/i/ia/i
wo/u/.
(íóo/jf//. /4- //
ff/oö/c/:
mrfiijpgwy í t t
ma/utA
André Bachmann, Hildur G. Þórhalls
og hljómsveitin.
GLEÐIGJAFAR
halda uppi dúndurstuði og stemningu til klukkan 3
í kvöld og sunnudagskvöld.
Glœsilegt happdratti:
Aðgöngumiðinn gildir sem happdrættismiði.
í vinning er gistinótt ásamt morgunverði fyrir tvo
á hvaða Edduhóteli sem er.
Verð aðgöngumiða: 830 kr.
Birgir og Baldur haldauppi
léttri og góðri stemningu á
MÍMISBAR
||