Morgunblaðið - 24.11.1995, Blaðsíða 4

Morgunblaðið - 24.11.1995, Blaðsíða 4
4 FÖSTUDAGUR 24. NÓVEMBER 1995 MORGUNBLAÐIÐ FRETTIR Skuldir sveitar- félaga aukast um 3 milljarða SKULDIR sveitarfélaganna í landinu námu alls tæpum 34,8 milljörðum króna í árslok 1994. Samkvæmt at- hugun Sambands íslenskra sveitarfé- laga er útlit fyrir að heildarskuldir 30 stærstu sveitarfélaganna vegna ársins 1995 aukist um tæpan einn milljarð en áður hafði verið gert ráð fyrir því að skuldirnar lækkuðu um 300 milljónir kr. á árinu. Vilhjálmur Þ. Vilhjálmsson, for- maður Sambands íslenskra sveitar- félaga, sagði í setningarræðu á ráð- stefnu um fjármál sveitarfélagánna í gær að atvinnuleysi hefði aukist verulega á undanförnum árum sem leitt hefði til þess að ýmis félagsþjón- usta sveitarfélaga hefur aukist jafnt og þétt. Einnig hafí kröfur á hendur sveitarfélaga verið auknar með nýrri löggjöf og reglugerðum, einkum í sambandi við umhverfis- og velferð- armál og félagslega íbúðakerfið. Skuldirnar jukust um 7,2 milljarða í fyrra Vilhjálmur sagði einnig að rekstr- arafgangur sveitarfélaga hefði verið um 3,3 milljarðar kr. 1993, eða 12,9% af skatttekjum en árið 1994 var rekstrarafgangurinn aðeins 1,8 milljarðar, eða 6,8% af skatttekjum. „Milli áranna 1992 og 1993 jukust skuldir sveitarfélaganna um 4,7 milljarða kr. en milli 1993 og 1994 um 7,2 milljarða kr.," sagði Vilhjálm- ur. Greiðslubyrði lána sveitarfélaga var árið 1993 2,8 milljarðar kr. en 1994 var hún 3,6 milljarðar kr. Vil- hjálmur hvatti alla sveitarstjórnar- menn til að taka höndum saman við þá fjárhagsáætlunargerð sem nú fer í hönd hjá sveitarfélögunum og leggja grunn að aukinni hagræðingu og sparnaði, stöðvun skuldasöfnunar og ýtrustu varkárni hvað varðar þátt- töku í atvinnurekstri og ábyrgð sveit- arfélaga. Skuldir sveitarfélaganna á hvern íbúa voru að landsmeðaltali 131 þús- und kr. en hæstar voru þær á Vest- fjórðum, 202 þúsund kr., og Reykja- nesi, 179 þúsund kr. en lægstar á Norðurlandi eystra, 85 þúsuríd kr. Af einstökum sveitarfélögum skuldaði Kjalarneshreppur mest mið- að við íbúafjölda. Heildarskuldir voru í árslok 206,6 milljónir kr. sem sam- svarar því að hver íbúi skuldi tæpar 416 þúsund kr. Heildarskuldir Suður- eyrarhrepps voru 131,4 milljónir kr. sem samsvararþví að hver íbúi skuldi 410 þúsund kr. Heildarskuldir Flat- eyrarhrepps voru 144,3 milljónir kr. sem samsvarar því að hver íbúi skuldi 380 þúsund kr. Heildarskuldir Þing- eyrarhrepps voru 156,5 milljónir kr. sem samsvarar því að hver íbúi skuldi 326 þúsund kr. í Reykhólahreppi voru skuldir á hvern íbúa 314 þúsund kr. í átta öðrum sveitarfélögum er skuld á hvern íbúa yfir 200 þúsund kr., þ.e. í Þórshafnar-, Skorradals-, Lundarreykjadals-, Súðavíkur-, Hrís- eyjar-, Svalbarðs-, Skeggjastaða- og Grímsneshreppi. Flutningur grunnskólans til sveitarfélaganna Morgunblaðið/Sverrir FRIÐRIK Sophusson, fjármálaráðherra, og Vilhjálmur Þ. Vilhjálmsson, formaður Sambands íslenskra sveitarfélaga, ræðast við á fjármálaráðstefnu ssveitarfélaganna í gær. Kostnaðarauki talinn um 6,4 milljarðar á næsta ári UM 400 sveitarstjórnamenn af öllu landinu sitja ráðstefnu um fjármál sveitarfélaga sem hófst í gær og lýkur í dag. Ráðstefnan er haldin á Hótel Sögu og var gærdagurinn að mestur helgaður umræðu um flutn- ing grunnskólans til sveitarfélag- anna, en í dag verður fjallað um fjár- mál sveitarfélaganna á undanförn- um árum, helstu forsendur efna- hagsáætlana fyrir komandi ár og félagslega íbúðakerfið. í ræðum Vilhjálms Þ. Vilhjálms- sonar formanns Sambands íslenskra sveitarfélga, Friðriks Sophussonar fjármálaráðherra og Bjórns Bjarna- sonar menntamálaráðherra kom fram að verkefnisstjórn og nefndir hafa verið að störfum frá því í sum- ar til að undirbúa væntanlegan flutn- ing sem taka á að fullu gildi 1. ág- úst 1996. Ein þessara nefnda áætlar að kostnaður vegna nýrra ákvæða, s.s. fjölgunar kennslustunda, lengingar starfstíma, kostnaðarauka vegna kjarasamninga o.fl. verði samtals um 6,4 milljarðar króna á næsta skólaári. Þá hefur nefndin metið beinan kostnaðarauka við þessi sömu verk- efni, sem falla til á árunum 1997- 2000 og er hann áætlaður um 300 milljónir króna árlega. Um er að ræða frekari fjölgun vikustunda og fjölgun kennsludaga. „Gera má ráð fyrir því að kostnaðarauki hinna ýmsu sveitarfélaga vegna þessa geti orðið mismunandi og að sama gildi almennt um tekjur þeirra," sagði Friðrik Sophusson. Starfsemi Stöðvar 3 hefst formlega klukkan 19.30 í kvöld Forsætisráðherra hefur útsendinguna FORMLEG útsending á dagskrá Stöðvar 3 og endurvarpsrása á hennar vegum hefst í kvöld klukk- an 19.30. Fyrsta endurvarpsút- sendingin var klukkan 19 í gær- kvöldi með beinni útsendingu frá Evrópsku tónlistarverðlaununum 1995 á sjónvarpsstöðinni MTV. Davíð Oddson f orsætisráðherra sendir fyrsta dagskrárliðinn í loft- ið en þar er um að ræða fyrsta þátt nýrrar þáttaraðar með grín- leikaranum Rowan Atkinson. Strax á eftir verður sýnt einkavið- talið sem BBC-sjónvarpsstöðin átti við Díönu prinsessu en þátturinn var sýndur í Bretlandi síðastliðinn mánudag. Síðar um kvöldið verða sýndar tvær sjónvarpsmyndir, sem eru undanfari þáttaraða með sama nafni, og kvikmyndin Sláttu- maðurinn. Á laugardag verður bein út- sending frá leik Bayern Uerding- en og Borussia Dortmund í fyrstu deild þýsku knattspyrnunnar og sýnt frá viðureign Arsenal og Blackburn Rovers í ensku úrvals- deildinni á sunnudag. Lífshættir ríka og fræga f ólks- ins verða til umfjöllunar laugar- dagseftirmiðdag og daginn eftir sjá ofurfyrirsætan Cindy Craw- ford og leikarinn William Baldwin um kynningu í þætti þar sem kvik- mynda- og tónlistarstgörnur eru heiðraðar með verðlaunum. Báða dagana verður sýndur þáttur með háðfuglinum Benny Hill milli 19 og 20, þvínæst hefst útsending efnis fyrir alla fjöl- skylduna að kvöldi laugardags og Morgunblaðið/Kristinn að því búnu tekur hrollvekjan við. Á sunnudagskvöld verður sýnt frá ýmsum íþróttaviðburðum og klukkan 11 tekur David Letter- man við í spjallþætti sínum. Hæstiréttur SIS sýknað af kröfum KRON HÆSTIRÉTTUR sýknaði í gær Samband íslenskra sam- vinnufélaga af kröfum þrota- bús KRON um að rift verði greiðslum KRON til búvöru- deildar Sambandsins árið 1990. Því var haldið fram af hálfu þrotabúsins að KRON hefði í raun verið komið í þrot þegar greiðslur þessar voru inntar af hendi. Héraðsdómur hafði dæmt þrotabúinu í vil í málinu og rift rúmlega 18 milljóna króna greiðslu sem deilt var um. Andlát ELLY VILHJALMS SÖNGKONA ELLY Vilhjálms söng- kona, lést í Reykjavík 16. nóvember síðastlið- inn. Útför hennar var gerð í kyrrþey í gær. Henny Eldey Vil- hjálmsdóttir fæddist á Merkinesi í Höfnum 28. desember 1935. Foreldrar hennar voru Vilhjálmur Hinrik ívarsson og Hólmfríð- ur Oddsdóttir. Þau lét- ust bæði á síðasta ári. Elly lauk landsprófi frá Laugarvatnsskóla og síðar á ævinni fór hún í Öldungadeild MH stúdentsprófí 1985. Hún ritfær og skrifaði greinar og lauk var vel í tímarit. Elly var ein ástsælasta söngkona íslenzk. Ung hóf hún að syngja með hljómsveitum og á ævi- ferli sínum söng hún um 100 lög inn á plöt- ur, þar af allnokkur með Vilhjálmi bróður sínum, sem lést í um- ferðarslysi í Lúxem- borg fyrir hálfum öðr- um áratug. Elly söng um árabil með hljómsveit Sva- vars Gests. Þau giftust 5. júlí 1966 og eignuð- ust tvo syni; Mána og Nökkva. Soninn Atla Rafn og dótt- urina Hólmfríði Ástu átti Elly í fyrri hjónaböndum. Þorsteinn Pálsson um gagnkvæmt tryggingakerfi veiðiríkja Teljum hugmyndina geta verið skynsamlega ÞORSTEINN Pálsson, sjávarút- vegsráðherra, segist styðja hug- mynd Halldórs Ásgrímssonar, utan- ríkisráðherra, um gagnkvæmt tryggingakerfi veiðiríkja í norður- höfum til að jafna sveiflur. Sam- staða væri um það í íslensku ríkis- stjórninni að halda hugmyndinni á lofti þó ekki sé líklegt að hún verði hluti af sjálfri lausn samningavið- ræðna við Norðmenn nú. „Ef ég á að vera raunsær, þá væri ef til vill möguleiki á því að menn gætu orðið sammála nú um að reyna að vinna þessa hugmynd áfram enda efast ég stórlega um að hægt sé að ná saman um hug- mynd af þessu tagi á skömmum tíma." Þorsteinn segir að fyrst og fremst sé verið að horfa til þorskveiða. Þeir Halldór hafi reifað hugmynd- ina við Norðmenn nú í nokkurn tíma án þess að Norðmenn hafi sýnt henni áhuga þótt þeir hafi svo sem ekki útilokað umræður um þær. „Það er alveg ljóst að þetta er mjög vandmeðfarið mál og hlýtur að byggjast á miklu gagnkvæmu trausti um skynsamlega nýtingu auðlindanna. Það er ekki víst að þetta geti orðið hluti af lausn máls- ins nú, en hugsanlega geta samn- ingar um lausn deilunnar í Barents- hafi falið það í sér að þjóðirnar muni skoða möguleika á því að koma slíkri skipan á. Því höfum við verið að reifa þessa hugmynd á undanförnum misserum og teljum að hún geti verið skynsamleg," seg- ir Þorsteinn. Sjávarútvegsráðherra segir að ekki sé óeðlilegt að íslenskir útvegs- menn sýni hugmyndum af þessu tagi ákveðna tortryggni, eins og vart hefur orðið, á meðan að and- rúmsloftið er eins og raun ber vitni milli íslands og Noregs.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.