Morgunblaðið - 01.12.1995, Blaðsíða 14

14 FÖSTUDAGUR 1. DESEMBER 1995
LANDIÐ
MORGUNBLAÐIÐ
AKUREYRI
Frumvarp að fjárhagsáætlun bæjarsjóðs Akureyrar
Áætlað að tekjur
verði 1,5 milljarðar
FRUMVARP að fjárhagsáætlun
bæjarsjóðs Akureyrar verður tekið
til fyrri umræðu á fundi bæjar-
stjórnar á þriðjudag.
Gert er ráð fyrir að tekjur bæjar-
sjóðs verði kr. 1.553.100.000 Þær
skiptast þannig að útsvör eru áætl-
uð rúmlega 1,1 milljarður, skattur
af verslunar- og skrifstofuhúsnæði
23 milljónir, skattar af fasteignum
rúmar 258 milljónir, framlag úr
jöfnunarsjóði 30 milljónir og frá-
veitugjöld 92 milljónir. í tekjuhlið
frumvarpsins er miðað við óbreytta
útsvarsprósentu frá þessu ári eða
9,2% og sömu álagningarprósentur
fasteignagjalda og þá giltu.
Minni tekjur og
aukinn kostnaður
Áætlað er að rekstrargjöld verði
kr. 1.159.618.000, fjármunagjöld
40 milljónir og að færðar verði til
gjaldfærðs stofnkostnaðar og
eignabreytinga rúmar 353 milljónir
króna.
Gísli Bragi Hjartarson bæjarfull-
trúi Alþýðuflokks sagði að mun
minna fé yrði til ráðstöfunar til
framkvæmda á næsta ári en á þessu
og munaði þar 60-70 milljónum
króna. Þar kæmu til minni tekjur
bæjarsjóðs og aukinn kostnaður við
reksturinn, en gert er ráð fyrir í
áætluninni að 75% af tekjum næsta
árs fari í rekstur. „Það hefðu allir
viljað hafa þessa áætlun með öðrum
hætti, menn hefðu gjaman viljað
sjá meiri tekjur þannig að við hefð-
um meira milli handanna til fram-
kvæmda," sagði Gísli Bragi, en
skýrt er tekið fram í frumvarpinu
að skuldir bæjarins verði ekki aukn-
ar.
Ákvarðanir um gjaldskrárbreyt-
ingar verða teknar milli umræðna
um fjárhagsáætlunina og eins um
skiptingu á fjárveítingu til gjald-
færðs og eignfærðs stofnkostnaðar.
Sigríður Stefánsdóttir,
Alþýðubandalagi, sagði í bókun að
nauðsynlegt væri að frumvarpið
yrði tekið til umræðu á næsta fundi
bæjarstjórnar svo hægt yrði að
afgreiða það fyrir áramót. í því
felist þó ekki að hún sé sammála
áætluninni eins og hún nú liggi
fyrir.
Ekki tekið á
gömlum vanda
„Lækkun tekna og hækkun
rekstrargjalda einkenna þessa
áætlun," segir í bókun Sigurðar J.
Sigurðssonar, Sjálfstæðisflokki.
Hann telur að ekki hafi verið leitað
leiða til að lækka útgjöld eða
hagræða í rekstri en að slíku hafi
verið stefnt á síðasta ári með
sérstöku átaki. „Því miður hefur
markvissum vinnubrögðum við
yfirferð rekstrar ekki verið beitt og
því blasa við gömul vandamál sem
ekki er tekið á.“
Morgunblaðið/Aðalheiður Högnadóttir
SIGURVINA Samúelsdóttir, eigandi Vörufells á Heliu, hefur
flutt verslunina og er búin að koma sér fyrir sunnan þjóðvegar.
Vörufell á nýjum stað
Hellu - Margir garðeigendur
þekkja verslunina Vörufell á
Hellu, sem í mörg ár hefur verið
starfrækt í bílskúr við hús eigand-
ans, en verslunin var fyrir löngu
búin að sprengja utan af sér þá
fermetra. Nýlega opnaði Sigur-
vina Samúelsdóttir, eigandi Vöru-
fells, verslunina á nýjum stað við
Suðurlandsveg.
Sigurvina, sem er betur þekkt
sem Vinsý, selur vörur sínar víða
um land. Hún flytur inn stórar
garðvörur s.s. gosbrunna, dælur,
ljós, tjarnir og margs konar stytt-
ur í garða og sólhýsi. I verslun-
inni fást gjafavörur, kerti, þurr-
skreytingar og silkiblóm svo fátt
eitt sé nefnt. Þá hefur Vinsý ver-
ið með árstíðabundnar vörur, s.s.
vor- og haustlauka, og nú eru
jólavörurnar alls ráðandi hjá
henni. I desember hyggst Vinsý
halda námskeið í jólaskreyting-
um, en í tilefni opnunarinnar
verður 10% afsláttur veittur af
öllum vörum út mánuðinn.
Skipulagsstjóri ríkisins
Messur
LAUFÁSPRESTAKALL: Kirkju-
skóli á morgun, laugardaginn 2.
desember kl. 11.00 í Svalbarðs-
kirkju og kl. 13.30 í Grenivíkur-
kirkju. Fermingarfræðsla í Greni-
víkurskóla á sunnudag kl. 11.00.
Guðsþjónusta í Grenivíkurkirkju kl.
14.00. Kyrrðar- og bænastund í
Svalbarðskirkju á mánudagskvöld
kl. 21.00.
-----» -♦.♦--
*
Arekstur vél-
sleða og bíls
UNGUR piltur var fluttur á Fjórð-
ungssjúkrahúsið á Akureyri eftir
árekstur vélsleða og fólksbíls í Hrís-
ey í gærdag.
Pilturinn ók vélsleðanum niður
Skólaveg í veg fyrir bíl sem ekið
var norður Norðurveg. Talið var að
pilturinn hefði fótbrotnað. Sam-
kvæmt upplýsingum lögreglu voru
bæði ökutækin á lítilii ferð.
Lítill afli við Grímsey
Grímsey - Aflabrögð á miðun-
um umhverfis Grímsey hafa
verið með lélegasta móti að
undanförnu og er eiginlega
alveg sama hvaða veiðarfæri
er notað. Hjól atvinnulífsins
snúast því afar hægt þessa
dagana, en sá litli afli sem að
landi kemur fer ýmist á fisk-
markaðinn eða er verkaður
hjá Garðari Olasyni. Þar var
þessi mynd tekin á dögunum,
en á henni eru þau Hulda Ein-
arsdóttir, Sæmundur Olason
og Gunnar Ásgrímsson að
störfum.
Sala a
Krossanesi
kynnt
DRÖG að samningi um sölu Fram-
kvæmdasjóðs Akureyrar á hluta-
bréfum í Krossanesi hf. að nafn-
verði 110 milljónir króna voru
kynnt á fundi bæjarráðs Akur-
eyrar í gær. Kaupendur eru Lán
hf. og Fimman hf. en söluverð
bréfanna er 150 milljónir króna.
Bæjarráð fól bæjarlögmanni að
halda samningaviðræðum við
kaupendur áfram.
Húsgögn fyrir
1,9 milljónir
FJÖGUR tilboð sem bárust í skrif-
stofuhúsgögn í nýtt skrifstofuhús-
æði félags- og fræðslusviðs að
Glerárgötu 26 voru kynnt á fundi
bæjarráðs í gær. Þar sem lægsta
tilboð 'veitti ekki tilskildar upplýs-
ingar um afhendingu vörunnar
var samþykkt að taka tilboði
Tölvutæki/A. Guðmundsson hf.
að upphæð kr. 1.887.860. en það
er 70,11% af kostnaðaráætlun.
Aform um upp-
byggingu
standast ekki
í ÁLYKTUN frá skólastjórum
grunnskólanna á Akureyri sem
send var bæjarráði nýlega kemur
fram að miðað við fjárframlög í
þriggja ára framkvæmdaáætlun
bæjarsjóðs takist ekki að standa
við áform bæjarstjórnar um upp-
byggingu grunnskólanna. Þá
barst. ráðinu einnig áskorun frá
35 manns, starfsfólki og foreldr-
um nemenda við Giljaskóla þar
sem skorað er á bæjaryfirvöld að
standa við fyrri áætlun um að
hefja byggingaframkvæmdir við
Giljaskóla á næsta ári.
Leikskólakennarar og annað
starfsfólk Iðavalla sendi bæjarráði
einnig harðorð mótmæli vegna
þeirrar ákvörðunar bæjarstjórnar
að fresta nýbyggingu við Ieikskól-
ann. Stjórn Foreldrafélags Odd-
eyrarskóla sendi bæjarráði líka
áskorun frá aðalfundi félagsins
þar sem farið er fram á að útbú-
inn verði starfsvöllur á Oddeyri
fyrir nemendur skólans.
Styrkur til
Flateyrar
AKUREYRARBÆR mun styrkja
Flateyrarhrepp með 1,1 milljón
króna framlagi vegna tekjumissis
og tjóns á eignum hreppsins af
völdum snjóflóðanna í lok október
síðastliðino^
Fundur um
Landsvirkjun
BORGARSTJÓRINN í Reykjavík
hefur óskað eftir því að komið
verði á fundi með iðnaðarráðherra
og bæjarstjóranum á Akureyri til
að ræða ýmis mál varðandi Lands-
virkjun. Undanfarið hafa farið
fram viðræður á vettvangi borgar-
mála um stöðu og framtíð Lands-
virkjunar, m.a. hugsanlega sölu
borgarinnar á eignarhlut sínum í
fyrirtækinu. Svipuð umræða hef-
ur verið á Akureyri.
Fallist á urðun
við Klofning
SKIPULAGSSTJÓRI hefur fallist á
urðun úrgangs við Klofning í Flateyr-
arhreppi með ákveðnum skilyrðum.
Úrskurðurinn er byggður á frum-
matsskýrslu, umsögnum, athuga-
semdum og svörum framkvæmdaað-
ila við þeim.
í niðurstöðu skipulagsstjóra kem-
ur fram að fyrirhuguð framkvæmd
hafi ekki verið nægilega vel kynnt
og að mikil óánægja sé með hvernig
hafi verið staðið að urðun á svæðinu
til þessa. Athugasemdir beinast eink-
um að ríkjandi ástandi og er fólk
vantrúað á að breytt verði til betri
vegar. Skógræktarsvæðið, sem er
ofan við urðunarstaðinn, sé ekki aðl-
aðandi til útivistar vegna rusls og
loftmengunar auk þess sem staður-
inn sé nálægt byggð-og til mikilla
lýta.
í samræmi við athugasemdir er
iagt til að urðunarstaðurinn verði á
10 þús. fermetra svæði í fyrsta
áfanga i gamalli malarnámu, þar sem
þegar er urðað. Ákveðið hefur verið
að urða ösku frá Funa, óbrennanlegt
sorp frá ísafirði og Flateyri, enn-
fremur alla kúskel, en af henni falla
til um 7 þús. tonn á ári. Ekki verður
heimilt að urða sóttnæman úrgang,
sprengi- eða spilliefni eða brotajárn.
Tekið er fram að í starfsleyfi verði
kveðið nánar á um hvað megi urða.
Oheimilt að
urða brotajárn
í úrskurðarorðum er fallist á urð-
un úrgangs við Klofning með þeim
skilyrðum að nánar verði kveðið á
um það í starfsleyfi hvort og þá hvað
verði heimilað að urða á svæðinu.
Jafnframt að tekið sé fram að urðun
brotajárns sé óheimil og að ítarleg
lýsing á tilhögun rekstrar á svæðinu
verði sett í starfsleyfi. Áður en leyf-
ið er gefið út skal liggja fyrir mat á
svæðinu með tilliti til viðnáms gegn
mengun og flokkun strandsvæðis.
í starfsleyfinu komi fram hvernig
fylgst verði með efnalosun úr úr-
gangshaugnum í grunnvatn og hugs-
anlegum áhrifum á lífríki í fjöru og
á sjó. Innan árs frá því starfsleyfið
er gefið út skal liggja fyrir lýsing á
lífríki fjörunnar næst urðunarstað,
lýsing á grunnvatnsstreymi við urð-
unarstað og kortlagning á hvar vatn
kemur undan urðunarsvæðinu niður
í íjöruna og skal henni skilað til
Hollustuverndar ríkisins.
Morgunblaðið/Björn Blöndal
Mílljón til íþrótta
Keflavík - Nýlega úthlutaði
íþróttaráð Reykjanesbæjar rúmlega
einni milljón króna úr afreks- og
styrktarsjóði íþróttaráðs. Styrkinn
hlutu sjö íþróttafélög fyrir gott og
þróttmikið unglingastarf og góðan
árarigur. Fram kom við afhending-
una að bæjarfélagið hefði getað
státað sig af 47 landsliðsmönnum
í 7 íþróttagreinum á síðasta ári og
60 sinnum hefði íþróttafólk úr
Reykjanesbæ verið valið í landslið
og tekið þátt í 30 landsliðsferðum.