Morgunblaðið - 01.12.1995, Síða 59

MORGUNBLAÐIÐ
FÖSTUDAGUR 1. DESEMBER 1995 59
AÐYENTU-
KRANSAR
AÐVENTAN fer í
hönd. Þá skreyta
margir heimili sín
með greni og kerta-
ljósum. Við fengum
skreytingameistar-
ana Uffe Balslev og
Guðbjörgu Jóns-
dóttur til að sýna
okkur gerð hefð-
bundins aðventu-
krans.
1. Það sem þarf
í aðventukrans:
Hálmhringur,
greni, u.þ.b. 1 kg,
bindivír, borðar,
kerti, könglar og
annað skraut. Bútið
grenið niður í 5-8 sm búta.
2. Festið vírinn í hálmhring-
inn. Haldið hringnum í vinstri
hendi og bindið með þeirri hægri.
Bindið utan frá og inn.
3. Fullbundinn krans.
4. Slaufa: Borðinn klemmdur
milli þumalfingurs og vísifing-
urs. Búnar til lykkjur sem á víxl
eru lagðar upp og niður, 2-4
sinnum hvoru megin. Leggið vír-
inn um miðjuna og
snúið þétt um.
5. Klippið 2
borða, u.þ.b. 1,5 m
langa hvom. Bindið
fast við kransinn á
4 stöðum.
6. Stingið slauf-
um í kransinn við
hverja bindingú3 og
kertum í álkerta-
hlífum á milli.
7. Bindið borða
um þar sem böndin
krossast. Festið
slaufum, grenibút-
um og könglum sitt
hvorum megin við
samskeytin.
8. Kransinn tilbúinn.
4.
BLÓM
VIKUNNAR
326. þáttur
Umsjón Ágústa
Björnsdóttir
Listi yfir greinar ársins
nr. fyrirsögn höfundur dags.
306 Vorþankar Sigríður Hjartar 21.5.
307 Garðyrkjufélag íslands 110 ára Sigríður Hjartar 25.5.
308 Vorsóley (ranunculus ficaria) Sigríður Hjartar 1.6.
309 Maíepli Sigríður Hjartar 8.6.
310 Plöntur í pottum og kerum Kolbrún Finnsd. 11.6.
311 Kryddjurtaræktun Kolbrún Finnsd. 27.6.
312 Sæhvönn (ligusticum scoticum) Ingibjörg Steingrímsd. 12.7.
313 Laukur til matar Sigríður Hjartar 27.7.
314 Laukur til Skrauts Sigríður Hjartar 3.8.
315 Þurrkuð blóm Sigríður Hjartar 45.8.
316 Risafífill Sigríður Hjartar 19.8.
317 Nellikur (dianthus) Kolbrún Finnsd. 26.8.
319 Fagurklukka Sigríður Hjartar 8.9.
320 Ber vikunnar Sigríður Hjartar 17.9.
321 Haustlilja (colchicum) Sigríður Hjartar 27.9.
322 Hanaspori (corydalis lutea) Sigríður Hjartar 4.10.
323 Svífur að hausti Einar I. Siggeirsson 12.10.
324 Krydd og kransar Kolbrún Finnsd. 19.10.
325 Grænni vetur Hermann Lundholm 11.11.
326 Aðventukrans - blóm ársins Umsj. 1.12.
Frímerkjasýningar
á liðnu hausti
FRJMERKl
Nordjuncx 95
í No rcg i
NORÐURLANDAKEPPNI
UNGRA FRÍMERKJA-
SAFNARA
Á SÍÐUSTU mánuðum hafa
verið haldnar frímerkjasýningar
erlendis, þar sem íslenzkir safnar-'
ar hafa sýnt söfn sín og hlotið
fyrir verðlaun og viðurkenningar.
Nordjunex 95
Dagana 6. til 8. október var
haldin í Þrándheimi í Noregi hin
árlega norræna unglingafrí-
merkjasýning, sem ber hið fasta
heiti Nordjunex. Svo sem menn
muna, var þessi sýn-
ing haldin hér í
Reykjavík á síðasta
ári. Þátttakendur héð-
an voru fimm og hlutu
eftirtalin verðlaun.
Guðni Friðrik Árnason
fékk 81 stig og gyllt
silfur fyrir safn sitt
um Kristófer Kólum-
bus og fund Ameríku.
Að auki fékk safnið
heiðursverðlaun. Yoru
þetta hæstu verðlaun
í flokki hans, B-flokki,
16-17 ára: í sama
flokki fékk safn Björg-
vins Inga Ólafssonar,
Fuglar á eyjum í Norð-
ur-Atlantshafi, 76 stig
og stórt silfur og auk
þess heiðursverðlaun. í þessum
flokki var enn fremur safn Gísla
Geirs Harðarsonar, Fimm evrópsk
tónskáld á klassískum tíma, sem
hlaut 71 stig og silfur, og safn
Steinars Arnar Friðþórssonar,
Styijöldin í Evrópu og N-Afríku
1939-1945, sem fékk einnig 71
stig og silfur. í C-flokki, 18-19
ára, fékk Pétur H. Ólafsson 67
stig og silfrað brons fyrir safn sitt
um Síðari heimsstyijöldina. Dóm-
ari af hálfu íslands á Nordjunex
95 var Sigurður R. Pétursson.
Spurningakeppni unglinga
Svo sem venja hefur verið á
unglingasýningum á Norðurlönd-
um, var haldin keppni í Þrándheimi
milli unglinga þessara landa um
það, hveijir vissu mest um frí-
merki og frímerkjafræði Norður-
landa. Liði okkar stýrði Kjartan
Þór Þórðarson, en í því voru Björg-
vin Ingi Ólafsson, Guðni Friðrik
Árnason og Steinar Örn Friðþórs-
son. Keppnin var tvísýn sem oft-
ast áður, en úrslitin urðu þau, að
ísland hlaut 55 stig, Noregur 53
stig, Finnland 51 stig, en Svíþjóð
og Danmörk ráku lestina, hvort
land með 47 stig. Er þetta þriðja
árið í röð, sem íslenzku ungling-
arnir vinna þessa keppni og koma
heim með silfurelginn, sem er far-
andgripur keppninnar. Frammi-
staða þeirra hlýtur að vekja verð-
skuldaða athygli á íslenzkum frí-
merkjasöfnurum. Er því svo sann-
arlega ástæða til að óska ungling-
um okkar til hamingju með þennan
árangur, en hann fæst auðvitað
aðeins með mikilli vinnu og þraut-
seigju.
Nordia 95
Samnorræna frímerkjasýningin
Nordia 95 var haldin nokkru síðar
en sýningin í Þrándheimi eða dag-
ana 27.-29. október í Malmö í
Svíþjóð. Þar sýndu sömu unglingar
okkar aftur söfn sín, en tveir bætt-
ust í hópinn, þeir Gunnar Garðars-
son og Jón Þór Sigurðsson. Þessi
sýning var að sjálfsögðu með öðru
sniði en unglingasýningin í Þránd-
heimi og kröfur því um sumt nokk-
uð strangar. Er enginn efi á, að
það hafði sín áhrif á dómsniður-
stöður, sem vafalaust hafa valdið
ýmsum vonbrigðum. En þannig
verður oft erfitt að bera bæði sýn-
ingar og dóma saman, og það
læra menn smám saman af reynsl-
unni. Að þessu sinni fékk safn
Guðna Friðriks af Kristóferi Kól-
umbusi hæstu verðlaunin eða 84
stig og gyllt silfur og eins heiðurs-
verðlaun. Voru það langhæstu
verðlaun í aldursflokki hans,
16-17 ára. Þá fékk Gísli Geir
næsthæstu verðlaun í sama flokki
fyrir tónskáldin sín eða 77 stig
og stórt silfur. í þriðja sæti þessa
flokks varð svo Steinar Örn Frið-
þórsson með safn sitt frá styijöld-
inni í Evrópu og N-Afríku
, 1939—45 og fékk stórt silfur og
75 stig. í fjórða sæti sama flokks
varð Björgvin Ingi með fuglasafn
sitt í Norður-Atlantshafi og hlaut
73 stig og silfur. Telja verður það
frábæran árangur á Mordiu-sýn-
ingu, að íslenzkir unglingar skyldu
skipa fjögur efstu sæti þessa ald-
ursflokks. Þá varð Gunnar Garð-
arsson langhæstur í sínum aldurs-
flokki, undir 15 ára aldri. Hlaut
safn hans af Fuglum í útrýmingar-
hættu 80 stig og gyllt silfur og
að auki heiðursverðlaun. Þess má
geta, að næsta safn í þessum
flokki hlaut 68 stig og silfrað
brons. í flokki 18-19 ára hlaut
Pétur H. Ólafsson 71 stig og silfur
fyrir safn sitt úr seinni heimsstyij-
öldinni. Varð hann í þriðja sæti
þessa flokks. Þá fékk Jón Þór Sig-
urðsson 67 stig og silfrað brons í
þessum sama flokki fyrir safn sitt
úr sögu flugsins. Þegar litið er á
framángreinda heildarniðurstöðu
hjá unglingum okkar, verður að
telja hana frábæra.
Því miður áttu fullorðnir ís-
lenzkir safnarar einungis tvö söfn
á Nordiu 95. Garðar Jóhann Guð-
mundarson sýndi í opnum flokki
safnið „Fólk og fleira fólk“ og
fékk fyrir 71 stig og silfur. Þá
sýndi undirritaður safn sitt: Dan-
mörk - tvílitu frímerkin frá 1870-
1905. Fékk það safn 76 stig og
stórt silfur. Sem betur fer mátti
þó sjá söfn íslenzkra frímerkja á
sýningunni. I meistaraflokki átti
danski læknirinn Ebbe Eldrup safn
sitt: ísland 1827-1902. Er þetta
mjög vel þekkt safn og eitt með
beztu söfnum, sem eru í eigu út-
lendra safnara. Keppti það um
verðlaunin Grand Prix Nordia 95
á móti safni Knuds Mohr, sem
fjallar um póst- og stimplasögu
Kaupmannahafnar, en
það hlaut verðlaunin.
Varð vissulega mjótt á
munum, en íslenzka
safnið hefði að mínum
dómi átt þessi verðlaun
skilið. í samkeppnis-
deild var kunnugt safn
af Tveimur kóngum,
-sem Svíinn Stig Öster-
berg á, og fékk það
81 stig og gyllt silfur.
Annar Svíi, Sigvard
Grelsson, sýndi þarna
safn frá 1876-1904,
þ. e. frá aura- og I
gildi-tímanum. Fékk
það 73 stig og silfur.
Loks vil ég geta þess,
að í Opnum flokki var
safn danskrar konu, ,
Solveig Agerbo, sem hún nefnir:
Island - Historie, Natur og Sam-
fund. Þetta er einkar skemmtilegt
og sérstætt safn, enda hlaut hún
fyrir 75 stig og stórt silfur. Loks
leyndist íslenzkt efni í öðru safni
þessa flokks, þar sem Anna Jörg-
ensen frá Svíþjóð sýndi einkum
jólamerki frá Norðurlöndum.
Dómarar af hálfu íslands voru
þeir Ólafur Elíasson og Sigurður
R. Pétursson. Nordia 95 var haid-
in í svonefndum Malmö Masshall-
ar, sem er geysimikil bygging nið-
ur við höfnina, enda upphaflega
reist af Kockum-skipasmíðastöð-
inni. Oft er kvartað undan því, að
sýningarsalir séu heldur litlir og
þá fullþröngt milli sýningar-
ramma. Hér var aftur á móti hið
gagnstæða. Fyrir bragðið var sýn-
ingarefni dreift fullmikið um þetta
svæði, svo að gangur var oft mik-
ill og þreytandi. Framkvæmd sýn-
ingarinnar fór að flestu leyti vel
úr hendi, en auðvitað má lengi
finna eitthvað að, ef menn eru á
þeim buxunum. Eg sem umboðs-
maður sýningarinnar hér á landi
þurfti ekki að kvarta undan öðrum
aðbúnaði en vegalengdum innan
hallarinnar. Þar kom víst einnig
til hár aldur minn og nokkur fótfúi!
Annars varð ég ekki var við annað
en menn væru almennt ánægðir s
bæði með sýningarefni, sem var
mjög fjölbreytt, og eins skipulag
sýningarinnar í heild.
Jón Aðalsteinn Jónsson
ALHUÐATÖLVUKERFI
BÓKHALDSKERFI
KJÖRINN FYRIR WINDQWS
FYRIR W0RKGR0UPS
NETKERFI
KERFISÞROUN HF.
Fákafeni 11 - Sími 568 8055