Morgunblaðið - 01.12.1995, Side 64

>4 FÖSTUDAGUR 1. DESEMBER 1995
MORGUNBLAÐIÐ
p|is»r@mttIírIW>í®>
BRÉF
TIL BLAÐSINS
Kringlan 1 103 Reykjavík • Sími 5691100 • Símbréf 569 1329
Rökleysa o g rang-
ar fullyrðingar
Þuríði Ottesen svarað
Grettir
Ljóska
Ferdinand
SPURÐU hundinn þinn
hvort hann vilji koma
út að leika
i pon't knowmv
SOCIAl SECURITY NUMBER
Ég veit ekki kennitölu
mína
Frá Rafni Líndal:
VEGNA þeirrar stöðu að ég hef
lent í smá ritdeilu við innflytjanda
Medisana Turbo buxna langar mig
til að fá að svara stuttlega bréfi
Þuríðar Ottesen í Mbl. 24.11. Svar
mitt er svohljóðandi.
Reynt að breiða yfir
blekkingar
Ég hefði mátt vita betur en að
ætla að benda fólki á dæmi þar sem
ég tel fólk vera blekkt. Fyrst sú
staða er komin upp mun ég svara
Þuríði Ottesen, innflytjanda Medis-
ana Turbo buxnanna.
1. „Cellulite" er „bara“ fita und-
ir húðinni og ef einhverjir vita það
eru það læknar sem vinna daglega
við „fitusog". Dr. Peter Fonde, for-
maður samtaka bandarískra lækna
sem stunda fitusog, segir: „Það eru
engin eiturefni eða vatn sem ekki
kemst burt. Cellulite er bara venju-
leg líkamsfita sem situr undir húð-
inni í litium pokum aðskildum af
bandvef“ (I).
Það er elsta blekking megrunar-
fræði að halda því fram að „cellu-
lite“ sé annað en fita og eru þær
blekkingar komnar frá þeim aðilum
sem eiga hagsmuna að gæta í sölu
afurða sem eiga að vinna á því.
Hvorki krem, nuddhanskar eða
buxur geta unnið á hlut sem er
undir húðinni. Cellulite-krem hafa
engin áhrif séu þau notuð, þó því
sé haldiðfram í auglýsingabæklingi
með buxunum. Rangt mataræði og
hreyfingarleysi eru aðalorsakirnar.
Það að „cellulite“ líti út eins og það
gerir er vegna þess að fitufrumur
í hrúgu sem bandvefur er strengd-
ur yfir undir húðinni fær þetta út-
lit. Engum hefur nokkru sinni tek-
ist að sýna fram á að cellulite sé
nokkuð nema fita. Ef einhver held-
ur því fram, eins og Þuríður, að
þetta sé einhver undrafita sem lúti
öðrum lögmálum verður að sýna
fram á það. Ástæða þess að fitan
er svo föst á lærum og rassi kvenna
og safnast aðallega þar er að fitan
er ætluð sem „forði" til meðgöngu
og hefur haft það hlutverk frá örófi
alda. Fitan er undir stjórn kyn-
hormóna en ekki stresshormóna
eins og fitan á maga fólks. Þegar
konur hafa börn á brjósti er hag-
stæðasta hormóna umhverfið til að
losna við fitu af rassi og lærum.
Utan þess tíma þarf mikið aðhald
í mataræði og mikla hreyfíngu til
að minnka cellulite. Appelsínuhúð
á mjöðmum, rassi og lærum hefur
ekkert með stífJur í sogæðakerfmu
að gera eins og stendur í auglýs-
ingabæklingi með buxunum. (1.2.)
2. Varðandi vísindarannsóknir
eru þær ekki marktækt plagg nema
rannsóknirnar birtist í vísindatíma-
ritum þar sem greinar eru yfírfarn-
ar áður en þær eru birtar. (Yfírfar-
in vísindatímarit). Til er fullt af
tímaritum sem birta greinar án
yfirferðar af hálfu annarra sér-
fræðinga en þær greinar eru oft
svo illa gerðar að alvöru vísinda-
tímarit líta ekki við þeim. Buxur
sem eiga að eyða appelsínuhúð
geta verið fullgóðar buxur þótt þær
geri ekkert fyrir appelsínuhúð ann-
að en að hylja hana. Franska rann-
sóknin sem vitnað í mældi ummál
í sm, og húðþykkt en ekki fitu-
magn. Þegar vatn fer tímabundið
úr vefjum minnkar ummál og húð-
þykkt þar sem fitan þjappast sam-
an. Aðeins mælingar með tölvu-
sneiðmyndum eða DEXA tækni
geta sýnt hvort fita er raunverulega
að minnka staðbundið.
3. Mér er fullkunnugt um starfs-
fólk World Class og þekkingu þess
á lífeðlis- og lífefnafræði offitu og
megrunar og að bendla það við
„ítarlegar prófanir" á buxum til
megrunar er ekki Þuríði samboðið.
Það að kenna fólki að hreyfa sig
og viðhafa skynsamlegt mataræði
er það sem starfsfólk World Class
gerir best og það er akkúrat það
sem eyðir appelsínuhúð hvort sem
menn eru í buxum við það eða
ekki. í pappírunum sem notaðir eru
til að auglýsa buxurnar eru ábend-
ingar frá kennurum í World Class
og þar er hvergi minnst á að bux-
urnar hjálpi mönnum að tapa fitu,
aðeins að menn svitni í þeim enda
er það tilgangur þeirra að þurrka
upp vefi svo þeir virðist grennri
eins og ég hélt fram.
4. Margt fólk trúir því enn að
það sem fæst í apótekum hljóti að
vera mjög gagnlegt, megrunar-
plástrar og áðurnefndar buxur eru
dæmi um að svo er ekki alltaf.
5. Það vill svo til að undirritaður
er læknir sem hefur árum saman
meðhöndlað og aðstoðað vel á ann-
að þúsund manns við megrun. Auk
þess er undirritaður áskrifandi að
fjölda vísindatímarita, annarra
tímarita og bóka sem fjalla ein-
göngu um heilsu, hreyfingu og
megrun, auk þess að vera meðlimur
í fagsamtökum sem láta sig málið
varða. Mér er því fullkunnugt um
hvað gerir gagn og hvað ekki.
Medisana buxurnar eru bara
„gúmmí“ buxur sem þurrka vatn
úr húðinni með hitaáhrifum.
6. Pappírar sem liggja frammi á
sölustöðum eru ekki vísindagögn
og er hvergi að sjá á þeim að þeir
séu komnir úr vísindatímariti held-
ur eru þeir auglýsing með tilvitnun-
um.
Niðurstaða: Því miður er allt sem
Þuríður heldur fram byggt á rök-
leysu og röngum fullyrðingum án
nokkurra vísindalegra staðreynda.
Það sem ég held fram er hinsvegar
byggt á fræðilegri þekkingu, til-
vitnunum í sérfræðinga og viður-
kenndar tilraunir auk eigin reynslu.
Þó ég þjáist ekki af appelsínuhúð,
enda hreyfi ég mig mjög mikið og
borða lítið rusl, þá læt ég mig aðra
varða enda er það starf mitt og
sannfæring.
RAFN LÍNDAL,
læknir.
Allt efni sem birtist i Morgunblaðinu og Lesbók verður framvegis varðveitt i
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan' hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.