Morgunblaðið - 28.12.1995, Síða 6

6 FIMMTUDAGUR 28. DESEMBER 1995
MORGUNBLAÐIÐ
íbúi í nágrenni við
Straumsvík
Gagnrýni
vegna yfír-
lýsingar
frá ÍSAL
ÍBÚI í nágrenni við álverið í
Straumsvík lýsir allri ábyrgð á
hendur íslenska álfélaginu, iðnað-
arráðuneytinu og Hafnarfjarðarbæ
vegna hugsanlegra áhrifa yfirlýs-
ingar talsmanna álversins um hugs-
anlega mengun í nágrenni álversins
sem muni þá hafa áhrif á sölumögu-
leika húss síns.
Grétar Þorleifsson, Vesturholti
9, segir í bréfí til íslenska álfélags-
ins, iðnaðarráðuneytisins og Hafn-
arfjarðarbæjar að með tilliti til yfir-
lýsinga talsmanna íslenska álvers-
ins eftir undirritun samnings um
stækkun álversins í Straumsvík um
að varhugavert væri, vegna aukinn-
ar hljóð- og efnamengunar, að reisa
íbúðir á fyrirhuguðu byggingar-
svæði frá Vesturholti í átt að álver-
inu hljóti hann að lýsa allri ábyrgð
á hendur þessum aðilum.
Óskað eftir upplýsingum
Grétar gagnrýnir harðlega
vinnubrögð áðumefndra aðila í
tengslum við ákvörðun um stækkun
álversins og gerir kröfu um að íbú-
ar á nýlega yfirlýstu hættusvæði
verði fullkomlega upplýstir um
málið og til hvaða ráða fyrirhugað
sé að grípa til að bregðast við þess-
ari stöðu.
„Jafnframt ber ég fram þá sjálf-
sögðu kröfu að verða upplýstur um
á hvem hátt eftirliti hefur verið
háttað með mengunarmálum og
hvemig fyrirhugað er að haga því,“
segir í bréfinu og bréfritari tekur
fram að hvorki upplýsingar sem
felist í einhveijum meðaltölum á
langtímamengun né vindrósir sem
teiknaðar séu upp séu fullnægj-
andi. „Ég geri kröfu um að verða
upplýstur um mjög nákvæmar dag-
legar mælingar á þessu svæði,
bæði varðandi hávaða- og efna-
mengun," segir í niðurlagi.
Fimm
sendibíl-
sljórar
dæmdir
HÉRAÐSDÓMUR Reykjavík-
ur hefur dæmt fimm sendibíl-
stjóra fyrir að hafa brotið lög
um leigubifreiðar og tekið
gjald fyrir akstur farþega, en
samkvæmt lögunum mega
þeir einir stunda leigubílaakst-
ur sem fengið hafa sérstakt
leyfi til þess. Einn bílstjóri,
sem lögreglan kærði, var
sýknaður af ákærunni.
Brotin áttu sér stað í sumar
og haust. Bílstjóramir voru
dæmdir til að greiða 40 þúsund
krónur í sekt. Einn bílstjór-
anna var fundinn sekur um tvö
brot og var hann dæmdur í
80 þúsund króna sekt.
Að sögn Sigfúsar Bjarna-
sonar, formanns Frama, stétt-
arfélags leigubílstjóra, er lög-
reglan í þessum málum að
taka á brotum afmarkaðs hóps
sendibílstjóra. Hann sagði að
fleiri mál sömu gerðar væru
til meðferðar hjá lögreglu. Sig-
fús tók fram að þessi mál sner-
ust ekki um deilu leigubílstjóra
við sendibílstjóra um verksvið
heldur væri verið að taka á
skýrum lögbrotum.
FRÉTTIR
Tekur dýralífsmyndir fyrir sjónvarpsstöðina Discovery
DJÚPMYND HF. hefur fest kaup
á neðansjávarmyndavél, þeirri
fullkomnustu sinnar tegundar
hér á landi. Vélin, sem kostaði
10 milljónir króna, kemst niður
á rúmlega 600 metra dýpi og er
fjarstýrt frá landi. Hún mun
nýtast til fjölbreyttra starfa m.a.
við að skoða veiðarfæri, síma-
strengi og rafmagnsstrengi en
fyrirtækið hefur unnið slík störf
með eldri vél sem það eignaðist
árið 1987. Nýja vélin er með stað-
setningartæki og sónar sem nýt-
ist t.d. vel i leit að skipum á hafs-
botni að sögn Stefáns Hjartarson-
Hægtað
mynda á
600 m dýpi
ar þjá Djúpmynd. „Vélin hefur
griparm sem getur tekið upp
hluti af hafsbotni. Hún er knúin
áfram af átta skrúfum og vinnur
líkt og lítill kafbátur. Inni í vél-
inni er myndavél sem ég lét setja
sérstaklega í hana. Hún skilar
sömu gæðum og sjónvarps-
myndavélar sjónvarpsstöðvanna
og mun nýtast strax því eitt af
fyrstu verkefnunum sem hún fer
í er að taka upp dýralífsmyndir
fyrir Discovery-sjónvarpsstöð-
ina,“ sagði Stefán. Hann sagðist
búast við nægum verkefnum fyrir
vélina bæði fyrir innlenda og er-
lenda aðila. „Við erum að athuga
með stór verkefni erlendis, bæði
í rannsóknarvinnu og í dýralífs-
myndatöku. Vélin getur farið í
fjölbreytt verkefni og margir aðil-
ar koma til með að nota hana.“
Fyrirhuguð vegagerð í Mývatnssveit
Nýr vegnr í stað
þess hættulega
SKIPULAG ríkisins hefur unnið
frumathugun að mati á umhverfís-
áhrifum af lagningu 4,4 km vegar
í Mývatnssveit frá Garðsgrundum
um Kálfastrandarvoga og Mark-
hraun að Geiteyjarströnd. Tillagan
sem fyrir liggur gerir ráð fyrir að
núverandi vegi verði fylgt eins og
kostur er.
í frumathugun kemur fram að
framkvæmdin er liður í bættu vega-
sambandi á Norðurlandi. Núverandi
vegur um Kálfastrandarvoga er
hlykkjóttur, hæðóttur og hættuleg-
ur malarvegur með háa slysatíðni
auk þess sem ryk þyrlast upp af
veginum á þurrum sumardögum
vegfarendum og ferðamönnum til
ama. Þegar rignir losnar um efsta
lag leirsins og hann verður háll.
Bættar samgöngur
Þá segir að nauðsynlegt .sé að
byggja nýjan veg um Kálfastrand-
arvoga til að bæta samgöngur og
umferðaöryggi í Mývatnssveit og á
hringvegi. Stefnt er að því að fram-
kvæmdatímanum verði skipt í tvo
hluta. Hluti vegarins mun verða
endurnýjaður vorið 1996 á tímabil-
inu maí til mánaðamóta júní-júlí.
Aætlað er að lokið verði við vegar-
kaflann að fullu með bundnu slit-
lagi. Á aðal ferðamannatímanum
munu framkvæmdir liggja niðri.
Síðari hluti vegarins verður end-
umýjaður haustið 1996. Reiknað
er með að framkvæmdir hefjist um
miðjan ágúst og að reynt verði að
koma bundnu slitlagi á vegarkafl-
ann fyrir veturinn.
Samráð við heimamenn
Við hönnun vegarins var haft
samráð við Náttúrurannsóknarstöð-
ina við Mýavatn, Náttúruvemdar-
ráð, sveitarstjórn Skútustaðahrepps
og landeigendur. Tillaga að fram-
kvæmdinni og skýrsla um mat á
umhverfísáhrifum hennar liggur
frammi til kynningar frá 22. desem-
ber 1995 til 29. janúar 1996 hjá
Skipulagi ríkisins í Reykjavík og á
skrifstofu Skútustaðahrepps,
Reykjahlíð, á afgreiðslutíma. Allir
hafa rétt til að kynna sér fram-
kvæmdina og leggja fram athuga-
semdir. Skulu þær vera skriflegar
og berast eigi síðar en 29. janúar
1996 til Skipulags ríkisins.
Björn
þjálfar
bridsliðið
BJÖRN Eysteinsson hefur ver-
ið ráðinn landsliðsþjálfari í
brids á ný eftir þriggja ára hlé
en hann gegndi þessu starfi
áður 1990-1992.
Björn var þjálfari og fyrir-
liði bridslandsliðsins sem vann
Bermúdaskálina í Japan 1991
og Norður-
landamótið í
opnum
flokki 1992.
Hann settist
síðan við
spilaborðið
og spilaði
sjálfur í
landsliðinu
1993.
„Taugar-
nar til bridsíþróttarinnar em
sterkar og því var erfitt að
skorast undan þegar leitað var
til mín aftur,“ sagði Björn
Eysteinsson við Morgunblaðið.
„Þótt þetta hafí að mörgu leyti
verið erfitt tímabil þá fennir
yfír það með tímanum og
maður vonast til að geta gefið
aftur af sér það sem nægir til
að kveikja neista hjá landslið-
inu,“ sagði Björn.
Kristján Kristjánsson for-
seti Bridssambands íslands
sagði sambandið vænta mikils
af samstarfinu við Björn.
Spennandi verkefni
Helstu verkefni bridslands-
liðsins á næsta ári eru Norður-
landamót í Danmörku í júní
og Ólympíumót í Grikklandi í
október. ísland hefur unnið
Norðurlandamótið í brids í tvö
síðustu skipti og sagði Björn
að stefnan væri tekin á þriðja
sigurinn í röð. Það myndi
bijóta blað í sögu mótsins því
engri þjóð hefði tekist að vinna
mótið þrisvar í röð.
„Meira spennandi verkefni
er þátttaka á Ólympíumótinu.
Á það höfum við Islendingar
ekki náð að setja mark okkar
enn en munum leggja allt í
sölurnar til að komast í úrslit
mótsins," sagði Bjöm.
Hann sagðist telja, að 12-15
þjóðir hefðu burði til að sigra
á Ólympíumótinu og í þeim
hópi væru íslendingar. „Ég
geri mér fulla grein fyrir því
að nokkrar aðrar þjóðir, sem
geta valið úr fjölda atvinnu-
spilara, eiga meiri möguleika.
En okkar styrkur er fólginn í
því að við höfum nægan metn-
að, og erum tilbúnir til að
leggja á okkur mikla vinnu,“
sagði Björn Eysteinsson.
Björn
Eysteinsson
Skáldsagan Tímaþjófurinn eftir Steinunni Sigurðardóttur gefin út í Frakklandi
Frakkar vilja gera kvikmynd
FRANSKA kvikmyndafyrirtækið
Film par film hefur áhuga á að
kaupa réttinn til að gera kvik-
myndahandrit eftir skáldsögu
Steinunnar Sigurðardóttur, Tíma-
þjófinum. Fyrirtækið hefur réttinn
í átján mánuði og síðan verður sér-
staklega samið um kvikmyndarétt-
inn, ef til þess kemúr.
Skáldsagan Tímaþjófurinn kom
fyrst út á Islandi árið 1986, en var
gefin út í franskri þýðingu í októ-
ber s.l. í vikunni fyrir jól barst
Steinunni fyrirspurn frá franska
fyrirtækinu um það hvort kvik-
myndarétturinn að bókinni væri
laus. „Við höfum verið að faxast á
og ræða í síma um tilhögun mála,
fjármálahliðina og annað slíkt", sagði Steinunn
í samtali við Morgunblaðið. „Fyrirtækið kaupir
Steinunn
Sigurðardóttir
ulega allt
svokallaða “option“ til átján mán-
aða til að gera kvikmyndahandritið,
síðan er sérstaklega samið um rétt-
inn til að kvikmynda. Mér fínnst
þetta alveg stórkostlegt og ég veit
að þetta er trúverðugt fólk sem ég
er að semja við. Á þessu stigi máls-
ins eru Frakkarnir greinilega mjög
áhugasamir, en maður veit auðvit-
að ekkert hvað úr þessu verður.“
Aðspurð hvort miklir peningar
séu í spilinu segir Steinunn að svo
sé ekki, a.m.k. í fyrstu. „Mér þykir
frekar ólíklegt að ég geti farið að
heimta einhveijar prósentur. Þó að
þessi bók mín hafi komið út í
Frakklandi er ég ekki beinlínis Isa-
bel Allende, þetta byggist náttúr-
á því hver höfundurinn er. En ég
ímynda mér að þetta verði nokkur búbót.“ Þess
má geta að Tímaþjófurinn mun koma út í Sviss,
Belgíu og Hollandi á næsta ári, og ef til vill
víðar.
„Mér finnst nokkuð líklegt að kvikmyndatök-
ur fari fram hér á íslandi, ef af þessu verður,
en þó er of snemmt að fullyrða nokkuð um það
nú. Myndin yrði tekin annaðhvort á frönsku
eða ensku. Það er heillandi að ímynda sér að
Tímaþjófurinn verði kvikmyndaður, enda liggur
það alls ekki beint við. Ég er spennt að vita
hvers konar kvikmyndaefni þeir sjá í sögunni",
sagði Steinunn.
Að sögn Steinunnar átti nokkuð þekktur
franskur kvikmyndaleikstjóri, Ives Angelo, hug-
myndina að því að kvikmynda Tímaþjófinn.
Franska fyrirtækið Film par film er gamalgróið
kvikmyndafyrirtæki sem hefur framleitt margar
þekktar myndir, m.a. Tous les matins du monde
og Un coeur en hiver, sem sýndar hafa verið
í íslenskum kvikmyndahúsum nýlega.