Morgunblaðið - 28.12.1995, Page 20
20 FIMMTUDAGUR 28. DESEMBER 1995
ERLENT
MORGUNBLAÐIÐ
Jeltsín slær ákvörðun
um Kozyrev á frest
Moskvu. Reuter.
FRAMTÍÐ Andrejs Kozyrevs sem utanríkisráð-
herra Rússlands verður ákveðin eftir að Borís
Jeltsín forseti snýr aftur til starfa í Kreml. Var
það ákveðið á fundi þeirra í gær en kommúnist-
ar hafa krafist þess, að Kozyrev verði rekinn.
Samkvæmt lokatölum frá rússnesku yfirkjör-
stjórninni fá kommúnistar nærri 160 þingmenn
af 450 alls í dúmunni.
Kozyrev var kjörinn á þing fyrir Múrmansk
í kosningunum 17. desember en samkvæmt rúss-
neskum lögum getur ráðherra ekki jafnframt
verið þingmaður.
Endanleg niðurstaða þingkosninganna í Rúss-
landi var sú, að kommúnistar fengu 22,31% at-
Kommúnistar hlutu 158
þingsæti af 450
kvæða og 158 þingmenn af 450 alls. Rússneska
föðurlandið, flokkur Víktors Tsjernomyrdíns for-
sætisráðherra, er með næststærsta þingflokkinn,
54 menn, og í þriðja sæti kemur Fijálslyndi lýð-
ræðisflokkurinn, þjóðemissinnaflokkur Vladím-
írs Zhírínovskís, með 51 þingmann. Hann fékk
þó fleiri atkvæði sein flokkur, 11,06% á móti
9,89%, en ekki nema einn mann kjörinn í ein-
menningskjördæmi á móti 10 hjá flokki Tsjerno-
myrdíns.
Jabloko, flokkur umbótasinnans Grígorís Javl-
ínskís, fékk 45 menn kjörna og eru þá taldir
þeir fjórir flokkar, sem komust yfír 5%-hlutfallið
er þurfti til að koma manni á þing samkvæmt
hlutfallskosningakerfinu. Það gilti um helming
þingsætanna, 225 af 450.
Hinn helmingurinn var kjörinn í einmennings-
kjördæmum. Þar komust ýmsir flokkar á blað
þótt þeir væru undir 5%, til dæmis Bændaflokk-
urinn, sem á nú 20 fulltrúa á þingi. Óháðir þing-
menn í einmenningskjördæmum eru 77 talsins.
Staðan á þingi er nú sú, að það er næstum
óstarfhæft. Hvorki kommúnistar né ríkisstjórnin
hefur þingstyrk til að koma sínum málum áleiðis.
Mikíð vetrar-
ríki í Norður-
Evrópu
Neyðarástand á Hjaltlandi vegna
snjóa og frosthörkur á Norðurlöndum
London. Reuter.
Reuter
MIKIÐ hefur snjóað víða í Evrópu í norðanáhlaupinu síðustu
daga, m.a. í Sviss en myndin var tekin í Ziirich í gærmorgun.
Mest er þó fannfergið á Hjaltlandi og í Skotlandi þar sem ýmsar
byggðir hafa verið einangraðar og rafmagnslausar í nokkra daga.
SANNKALLAÐ vetrarveður var í
Norður-Evrópu um jólin og fann-
fergi og frost víða meira en elstu
menn muna. Á Hjaltlandi var lýst
yfir neyðarástandi af þessum sök-
um á annan í jólum og margar
byggðir í Skotlandi voru einangrað-
ar og rafmagnslausar. í Danmörku
voru jólin hvít í fyrsta sinn í 14 ár
og í Helsinki var frostið það mesta,
sem mælst hefur í nærri 30 ár.
Verst var ástandið á Hjaltlandi
en þar kyngdi niður meiri snjó en
dæmi eru um áður. Lokuðust allir
vegir á eyjunum og stór hluti
byggðarinnar var rafmagnslaus.
Var lýst yfir neyðarástandi þegar
snjóplógarnir gáfust upp við að
ryðja vegina og var þá gripið til
þess að flytja fólki, sem hafði verið
innilokað og rafmagnslaust í allt
að þijá sólarhringa, vistir með
þyrlu.
Veðmangarar töpuðu
Svipað ástand er víða í Skotlandi
og á Suðureyjum og samgöngur
hafa farið úr skorðum á Norður-
írlandi, í Norður-Englandi og suður
til Wales. Var öllum kappreiðum á
Bretlandseyjum á annan í jólum
frestað og einnig mörgum knatt-
spymuleikjum.
í Bretlandi er veðjað um allt
milli himins og jarðar og meðal
annars um það hvort jólin verði
hvít eða rauð. Er það síðarnefnda
miklu líklegra og því áttu margir
veðmangarar ekki jafn gleðileg jól
og oft áður. Hafa þeir orðið að
borgar miklar fúlgur fjár til þeirra,
sem veðjuðu á, að jólin yrðu hvít.
í Danmörku voru jólin hvít eins
og áður sagði og þar var spáð miklu
frosti, allt að 20 gráðum, aðfarar-
nótt annars dags jóla. í Helsinki í
Finnlandi var 24 stiga gaddur á
jóladag og hefur ekki verið kaldara
þar á jólum síðan 1967. Mesta frost
í landinu var þá 38 gráður í Muonio
í Lapplandi.
í Áustur-Frakklandi flæddu ár
yfir bakka sína vegna mikilla rign-
inga og á Spáni týndu að minnsta
kosti fímm manns lífi af völdum
veðurs, ýmist úrhellisrigninga eða
snjóa.
Mikið
manntjón
í flóðum
í S-Afríku
Edendale. Reuter.
AÐ minnsta kosti 124 manns fórust
í miklum flóðum í Edendale í KwaZ-
ulu-Natal-héraði í Suður-Afríku á
jóladag en þá flæddu tvær ár yfir
bakka sína. Skoluðu þær burt kofa-
þyrpingum á bökkunum en talið er,
að um helmingur látinna sé börn.
Búist er við, að tala þeirra, sem fór-
ust, eigi eftir að hækka.
Miklir þurrkar hafa verið í Suður-
Afríku að undanförnu en fyrir
nokkrum vikum fór að rigna og hef-
ur lítið lát verið á úrkomunni síðan.
Olli það flóðbylgju í ánum Slangs-
pruit og Umsunduzi en vatnsborð í
þeim hækkaði um 8,5 metra á að-
eins 20 mínútum.
Vitað var í gær um 124 látna en
víst þykir, að miklu fleiri hafi farist
enda er margra manna og heilla fjöl-
skyldna saknað.
Edendale var lengi vettvangur
mikilla átaka milli stuðningsmanna
Nelsons Mandela og Zuluhöfðingj-
ans Mangusuthu Buthelezis en til-
tölulega kyrrt hefur verið þar eftir
kosningarnar í apríl í vor. A jóladag
var þó friðurinn úti en þá myrtu
Zulumenn 16 fylgismenn Afríska
þjóðarráðsins og Mandela í ná-
grannaþorpinu Shobashobane.
Fjórir
komust af
LJÓST er nú orðið að Qórir
komust af en 160 fórust í flug-
slysinu í Kólombíu fyrir jól,
björgunarmenn eiga enn eftir
að fínna tvö lík. Rannsóknar-
menn segjast vera að kanna
hvort mannleg mistök hafi
valdið slysinu en Boeing 757
þotuna, sem var á leið frá
Flórída til borgarinnar Cali,
bar af einhveijum ástæðum
mjög af réttri leið. Flugum-
ferðarstjóri í Cali sagði að
skemmdarverk skæruliða á
ratsjárstöð hefðu komið í veg
fyrir að hægt væri að vara
flugmennina við. Ekkert hefur
enn fundist sem bendir til bil-
unar í þotunni og hvorki virð-
ist hafa komið upp eldur eða
orðið sprenging áður en hún
rakst á fjallið San Jose.
Akajev sigrar
í Kírgístan
BÚIÐ var að telja rúm 80%
atkvæða í forsetakosningum í
Kírgístan í gær og benti allt
til þess að Askar Akajev for-
seti hefði fengið minnst 60%
fylgi. Akajev hefur staðið fyrir
róttækustu umbótum f anda
markaðshyggju sem þekkst
hafa í fyrrverandi sovétlýð-
veldum Mið-Asíu.
Díana hjá sál-
fræðingi
DIANA prinsessa af Wales er
sögð hafa eytt jólunum ein í
íbúð sinni í Kensingtonhöll og
á þriðjudag ræddi hún við
Susie Orbach, sálfræðing er
hún leitar til þegar eitthvað
bjátar á í andlegum efnum,
að sögn blaðsins Daily Mirror.
Synir Díönu, Vilhjálmur og
Harry, voru um jólin hjá föður
sínum, Karli prins, í Sandring-
ham-höll. Malcom Rifkind, ut-
anríkisráðherra Bretlands,
sagði á þriðjudag að Elísabet
drottning myndi hafa síðasta
orðið þegar svarað yrði beiðni
Díönu um að fá að verða sér-
stakur sendiherra.
Eigendur
stórverslunar
fangelsaðir
FEÐGAR sem áttu og ráku
margra hæða stórverslun í
Seoul er hrundi og varð um
500 manns að bana sl. sumar
voru í gær dæmdir fyrir
„glæpsamlega vanrækslu".
Aðaleigandinn hlaut 10 og
hálft ár. Dómarinn sagði að
spilling í eftirlitskerfi hins op-
inbera og vanræksla mann-
anna hefði valdið því að húsið
hafi verið mjög ótraust.
Gagnrýnir
Svisslendinga
TALSMAÐUR franskrar þing-
nefndar gagnrýndi í gær sviss-
nesk stjórnvöld fyrir að fylgj-
ast ekki betur með atferli sér-
trúarsafnaðarins er kenndi sig
við musteri sólarinnar og
starfaði í Sviss. Lík 16 félaga
safnaðarins fundust nýlega í
afskekktu skóglendi í Frakk-
landi, er talið að tveir þeirra
hafa skotið hina 14 og síðan
fyrirfarið sér. Lík rúmlega 50
félaga úr söfnuðinum fundust
í fyrra í Sviss og Kanada.
* NAUTALUND CARPACCIO MEÐ
SOYARISTAÐRI HÖRPUSKEL
OG ENGIFER VINAIGRETTE.
* HEITT KJÚKLINGASEYÐI MEÐ
TRUFFLU PASTAKNÖLLUM.
* GÆ5ALIFRARMÚS OG
GRAFIÐ HREINDÝR.
* HUMAR MOUSSELINE MEÐ
KÓNGASVEPPUM OG
DJÚPSTEIKTÚM RLAÐLAUK.
* VILLIÖND MEÐ fiALSAMICSÓSU,
SÆTUM RÖSTY, FENNEL OG FÍKJUM.
* GEITAOSTUR í KRYDDHJÚP Á SAIATI.
* SÚ KKUIAOIFANTAS íA. - 2^ ~ .
NAUTALUND CARPACCIO MEÐ
SOYARISTAÐRI HÖRPUSKEL
OG ENGIFER VINAIGRETTE.
* HUMAR MOUSSELINE MEÐ
KÓNGASVEPPUM
OG DJÚPSTEIKTUM BLAÐLAUK.
* VILLIÖND MEÐ BALSAMICSÓSU
SÆTUM RÖSTY,
FENNEL OG FÍKJUM.
SÚKKULAÐ i FANTAS í A.
5.000 KR.
7.000 KR.
BORÐAPANTANIR I SÍMA 552 5700
":flf '' ' ■■■■