Morgunblaðið - 28.12.1995, Page 27

MORGUNBLAÐIÐ
FIMMTUDAGUR 28. DESEMBER 1995 27
LISTIR
Tilraunatónlist
TONLIST
J a z z
DOFINN
mjómsveit Hilmars Jenssonar.
Flytjendur: Hilmar Jensson gítar,
Tim Berne, altósaxófónn, Chris
Speed, tenórsaxófónn og klari-
nett, Andrew D’Angelo, altósaxó-
fónn og bassa klarinett, Skúli
Sverrisson bassi, Jim Black,
trommur. Útgefandi Jazzís, 1995.
Upptaka og hljóðblöndun fór
fram í Systems II Brooklyn í
New York í júní 1995.
HILMAR Jensson hefur glatt
áhugamenn um tilraunatónlist af
því tagi sem hann fæst við með
mörgum tónleikum hér á landi.
Skemmst er að minnast tónleika
Hilmars með sömu tónlistarmönn-
um og leika á Dofinn á Rúrek djass-
hátíðinni síðastliðið haust.
Sjö lög eru á Dofmn, öll eftir
Hilmar nema eitt sem er spuni
hans og Skúla. Mikið er um end-
urtekningar á tiitölulega einföldum
tónaröðum, stundum með hljóma-
grunnum undir en stundum án
þeirra. Hilmar nær skrítnum tónum
úr gítarnum sem stundum minnir
reyndar á sítar. Fyrr en varir smell-
ur tónlistin inn í örlítið „grúv“ eða
jafnvel laglínuígildi á stundum. En
þetta eru raunar örstutt augnablik.
Þanþol þess sem hefur verið sett
fram er kannað til hlítar og án
þess að dvalist sé lengi í kunnug-
legu landslagi rytma og harmóníu.
Tónlist Hilmars verður að nálg-
ast með allt öðrum hætti en flest
annað. Hún vekur stundum upp
sýnir af tónlistarmanni sem að
kvöldi dags situr við hljóðfæri sitt
og nennir ekki að spiia það sem
hann kann og hefur spilað svo oft
áður. Hann sækir á ný mið og dreg-
ur úr djúpunum alls kyns furðu-
fiska. Þetta er ekki ný tónlist í
þeim skilningi að hún hafi ekki
verið iðkuð áður. Margir djasstón-
listarmenn hafa fengist við svipaða
hluti í mismunandi núönsum, allt
frá Albert Ayler til Bill Frisell, fyr-
ir utan alla þá sem hafa hljóðritað
fyrir ECM-útgáfuna. Tónlist Hilm-
ars er ný í þeim skilningi að leitað
er á ný mið í tónsköpun og hann
er orðinn viðurkenndur víða um
heim fyrir sitt framlag til framsæk-
innar djasstónlistar.
Oft er leikið of veikt á saxófóna
á Dofinn. Þá koma fram fölsk tón-
brigði, eins og í Tingle, Tingle sem
gefur tónlistinni dulmögnuð áhrif.
I Tingle, Tingle er einmitt að finna
einna frískustu sprettina út úr og
inn í íhyglina sem verkið er.
Hljóðfæraleikur er allur mjög
þroskaður. Stundum er hann jafn-
vel hefðbundinn - það er spilað
sterkt eða veikt, stakkato eða
bundnir tónar en svo eru gerðar '
tilraunir með jaðartóna, reynt er
að kljúfa einn tón í tvo og fleira í
þeim dúr.
Tónlist Hilmars gegnir talsverðu
hlutverki því ef enginn væri til að
kanna nýja stigu í tónmáli, ef eng-
ar tilraunir hefðu verið gerðar,
væri engin frarúþróun.
Umslagið myndu margir telja
óspennandi en það er algjörlega í
takt við þá heimspeki sem skín út
úr Dofmn — að hafna því viðtekna
og gera tilraun til að umbylta fag-
urfræðinni.
Guðjón Guðmundsson
Eitt brúð-
kaup og
fæðing
KVIKMYNPIR
Rcgnboginn/
Isafjarðarbíó
NÍU MÁNUÐIR
„NINE MONTHS" ★ ★
Leikstjórn og handrit: Chris Colum-
bus. Aðalhlutverk: Hugh Grant, Jul-
ianne Moore, Robin Williams, Jeff
Goldblum. 20th Century Fox. 1995.
HUGH Grant lifir í furðulegri
gerviveröld í nýjustu gamanmynd
sinni, Níu mánuðum. Hann er uppa-
tetur sem finnst líf sitt fullkomið;
rauði sportbíllinn, gömlu vínyl-
hljómplöturnar, kötturinn, menn-
ingarlegt starf, æðisleg kærasta.
Það finnst ekki kaffiblettur í þess-
ari veröld. Og Grant nýtur þess
eins og lítið barn með allar nýju
afmælisgjafirnar. Svo kemur rot-
höggið. Kærastan er ólétt. Þau
munu eignast bam. Hinn fullkomni
uppaheimur springur í loft upp.
Barn! Það er verra en geisladiskar.
Það er eins og banvænn sjúkdómur.
Leikstjórinn og handritshöfund-
urinn Chris Columbus (Aleinn
heima) einfaldar bæði persónur og
atburðarás auðvitað mjög til að
draga fram skýrar andstæður milli
hins kærulausa uppalífs annars
vegar og fjölskyldulífs, sem er
hryllilegur kostur í þessari sögu.
Einföldun er ágæt en hér gengur
hún of langt og myndin verður ein-
feldingsleg og ómerkileg og vanda-
málin gervileg. Hugh er á fertugs-
aldri og mesta hræðslan við að
eignast barn er að missa æsku-
blómann. Hann þarf að skipta á
æðislegum sportbílnum fyrir æðis-
legan fjölskyldubíl. Hann þarf
hugsanlega að gefa eitthvað eftir
af tennistímum.
Nú á þetta sjálfsagt að vera
fyndið en virkar það sjaldan undir
stjórn Columbusar. Hugh Grant er
hér enn einu sinni í hlutverki breska
aumingjans, einhvern veginn
hræddur við allt umhverfi sitt,
breytingar, kærustuna, missa kött-
inn sinn, og er farinn að endurtaka
sig talsvert svo maður veit ná-
kvæmlega að hveiju maður gengur
orðið. Þegar við bætist að hann fær
væmnustu andartökin í myndinni
og þessi mynd býður sannarlega
upp á nokkur slík, er maður farinn
að hlæja að honum á kolröngum
forsendum.
Aukaleikararnir eru miklu
skemmtilegri eins og Tom Arnoid,
sem er frísklegur fjölskyldufaðir
og sérstaklega Robin Williams í
hlutverki rússnesks fæðingalæknis,
sem virðist aldrei vita hvað hann
er að gera. Myndin nær sér tals-
vert á strik í seinasta hlutanum
eftir þungan millikafla og verður
ijörug og fyndin. En maður þarf
að bíða lengi eftir því hún vakni til
lífsins.
Arnaldur Indriðason
Þeir sem keyptu hlutabréf í Hlutabréfasjóðnum
Auðlind hf. hafa aukið eign sína um 60% á síðustu
12 mánuðum.
Kaupverð 1. des. 1995 260.000
Gengishækkun á einu ári 60.000
Arður 5% gr. í okt. 95 11.111
Skattaafsláttur gr. í ágúst 95 90.000
Samtals eign 1. des. 1995 421.111
Heildarauktiing 62%
Þú þarft aðeins eitt símtal til þess að tryggja þér hluta-
bréf í Hlutabréfasjóðnum Auðlind hf. Kaupverðið má
setja á boðgreiðslur VISA/EURO.
Auðlindarbréf fást hjá Kaupþingi hf., Kaupþingi Norðurlands hf.,
í Búnaðarhankanum og sparisjóðunum.
KAUPÞING HF
- elsta og stærsta
verðbréfafyrirtæki larulsins
• •