Morgunblaðið - 15.02.1996, Blaðsíða 2

2 FIMMTUDAGUR 15. FEBRÚAR 1996
MORGUNBLAÐIÐ
FRÉTTIR
Borgin þarf að veita
6 milljarða í holræsi
AÆTLAÐUR heildarkostnaður
vegna nauðsynlegra framkvæmda við
aðalholræsakerfíð í Reykjavík, svo
það uppfylli þær kröfur sem borgar-
yfírvöld gera og kveðið er á um í
EFTA- og EBE-sáttmálum frá 1991,
er 8.440 milljónir króna. Um síðustu
áramót hafði Reykjavíkurborg varið
2,2-2,3 milljörðum króna til endur-
bóta á holræsakerfínu. Viðbótar-
kostnaður við holræsakerfíð er því
rúmir sex milljarðar kr. Guðrún Ag-
ústsdóttir, forseti borgarstjórnar,
segir að tekjur sem fáist af holræsa-
gjaldi verði eingöngu varið til hol-
ræsaframkvæmda. Næstu þijú ár að
minnsta kosti leggi Reykjavíkurborg
mun meira fé til þessara fram-
kvæmda en tekjumar af holræsa-
gjaldinu verða.
í greinargerð gatnamálastjóra og
borgárverkfræðings kemur fram að
nú er stefnt að því að aðalútrásir
holræsakerfísins verði þijár og
hreinsistöðvar við þær allar, þ.e. við
Ánanaust, á Laugamestanga og á
Geldinganesi. Útrásimar munu ná
2-4 km út frá ströndinni.
Aðalræsin meðfram ströndinni,
hreinsistöðvar, dælustöðvar og útrás-
ir ásamt yfirfallsútrásum, enu taldar
kosta 6.050 milljónir króna. í þessari
áætlun er miðað við hreinsistöðvar
með síum sem teljast jafngilda fyrsta
þreps hreinsun ef viðtaki, þ.e. sjór,
er talinn síður viðkvæmur. Reynist
hins vegar nauðsynlegt að bæta við
annars þreps hreinsun er viðbótar-
kostnaðurinn áætlaður 1.500 milljón-
ir kr. fyrir hveija hreinsistöð, eða
samtals 4,5 milljarðar kr. Þátttaka
nágrannasveitarfélaganna vegna
framkvæmdanna við Ánanaust er
áætluð 320 milljónir kr.
120 millj. kr. dælustöð
stendur ónýtt
Guðrún segir að þannig geti stað-
ið á framkvæmdum að sum árin
verði varið minni flármunum til
þessa verkefnis en borgin hefur af
holræsagjaldinu. Önnur ár verði
meiru varið til framkvæmdanna en
tekjurnar eru. Að jafnaði verði varið
703 milljónum króna til verksins á
ári þar til því lýkur, að meðtöldum
vaxtakostnaði og afborgunum af
þeim lánum sem sérstaklega hafa
verið tekin vegna þessa verkefnis.
„Samkvæmt þeirri áætlun sem við
höfum núna, og að því gefnu að
framlag fáist úr ríkissjóði, verða
framkvæmdir á þessu ári 60 milljón-
um krónum undir þeim tekjum sem
koma inn vegna holræsagjaldsins,
en tæpum 400 milljónum kr. yfír
tekjunum á næsta ári. 1998 stefnir
í að framkvæmdir verði 80 milljónir
kr. yfír tekjunum af holræsagjald-
inu,“ sagði Guðrún.
Guðrún segir að 120 milljónir kr.
hafí verið lagðar í dælustöð við
Skeljanes í Skeijafirði á sínum tíma.
„Hún stendur ónotuð og það vantar
tengingar við hana. Það er dýrt fyr-
ir borgina að ráðast í illa ígrundaðar
framkvæmdir. Reykjavíkurborg tók
lán fyrir þessari fjárfestingu sem
nú er greitt af án þess að dælustöð-
in sé nýtt. Það er þessi heildarsýn
að framkvæmdir verði sem hag-
kvæmastar sem embættismenn
borgarinnar vilja að borgaryfírvöld
hafí að leiðarljósi," sagði Guðrún.
Svipting flugrétt-
inda staðfest í dómi
HÉRAÐSDÓMUR Reykjavíkur hefur staðfest ákvörðun Flugmála-
stjómar um að svipta Öm Johnson til bráðabirgða rétti til að starfa
í loftfari. Öm var stjómandi flugvélarinnar TF-ULF þegar hann lét
lendingarhjól hennar snerta hafflöt við Kjalames með farþega um
borð 26. nóvember síðastliðinn.
í kjölfar þessa atviks svipti
Flugmálastjórn Örn til bráða-
birgða rétti til að stjóma loftfari.
Með bréfí til Héraðsdóms 14. des-
ember sl. bar Örn ákvörðun Flug-
málastjómar undir Héraðsdóm
Reykjavíkur og gerði þær kröfur
að umrædd bráðabirgðasvipting
yrði felld úr gildi og málskostnað-
ur yrði greiddur úr ríkissjóði.
Málið komið í hendur
ríkissaksóknara
Fiugmálastjóm taldi Öm hafa
gerst brotlegan gegn ákvæðum
loftferðalaga með óheimilu lág-
flugi yfir Kjalarnesi. Að mati
Flugmálastjórnar var um mjög
vítavert athæfi að ræða. Málinu
var vísað til RLR til rannsóknar
og talsmaður Flugmálastjómar
hefur upplýst við munnlegan
flutning málsins að ríkissaksókn-
ari hafí nú fengið málið til með-
ferðar.
Öm sagði fyrir dómi að hann
hefði flogið rúmlega 400 klukku-
stundir óhappalaust og aldrei-
fengið áminningu eða kæru.
Kvaðst Öm hafa umrætt sinn ver-
ið að æfa ákveðna tegund nauð-
Iendinga eða snertilendingu á
vatni og við þær aðstæður sé nauð-
synlegt að fara niður fyrir 500
feta flughæð. Kvaðst Öm margoft
hafa æft slíkar nauðlendingar og
geta sýnt fram á það með eðlis-
fræðilegum rökum að ekki væri
um hættulegt athæfí að ræða.
í niðurstöðum Héraðsdóms
Reykjavíkur segir að hafa beri í
huga að flugvél Arnar sé ekki
gerð til lendinga á vatni og hafí
hann réttlætt athæfí sitt með vísan
til eðlisfræðilögmála sem ekki hafa
hlotið skoðun íslenskra flugmála-
yfírvalda. Því beri að fallast á það
mat Flugmálastjórnar að rétt hafi
verið að svipta hann til bráða-
birgða rétti til að starfa í loftfari.
Morgunblaðið/Kristinn
Talsmaður samgönguráðuneytis Kanada um Canada 3000
Islendinga að ákveða
umfang leiguflugs
ÍSLENSKUM stjórnvöldum er í
sjálfsvald sett hvort þau leyfa
kanadíska flugfélaginu Canada
3000 að taka farþega við millilend-
ingu hér og flytja til Evrópu, þar
sem Canada 3000 er leiguflugfélag.
Aðrar reglur gilda hins vegar um
áætlunarflug, líkt og flug Flugleiða
til Kanada.
Þetta sagði Larry LaFleur, hjá
kanadíska samgönguráðuneytinu, í
samtali við Morgunblaðið í gær.
Canada 3000 hefur fengið leyfí
til að taka farþega um borð hér á
landi tvisvar í viku á leið sinni til
Kanada, en óskaði jafnframt eftir
heimild til að taka farþega um borð
á leið til Evrópu.
Halldór Blöndal, samgönguráð-
herra, hefur sagt að félagið geti
ekki fengið slíkt leyfi án breytinga
á loftferðasamningi sem íslendingar
gerðu við Kanada á síðasta ári.
Ekki stæði á íslenskum stjórnvöldum
hvað þetta varðaði.
Larry LaFleur sagði að Canada
3000 væri leiguflugfélag og það
væri undir íslenskum stjórnvöldum
komið hve víðtækar heimildir félagið
fengi. „Hvert ríki hefur fullan rétt
á að stjórna leiguflugi í samræmi
við eigin reglur. Ef Canada 3000
eða annað leiguflugfélag sækir um
að fá að fljúga til íslands, þá er það
alfarið í höndum íslenskra stjórn-
valda að afgreiða þá umsókn. Það
hefur ekkert með flug Flugleiða til
Kanada að gera. Það er áætíunar-
flug, sem þarf að fara með í sam-
ræmi við loftferðasamning eða ann-
að samkomulag ríkja.“
Larry LaFleur sagði að það væri
á misskilningi byggt að gagnkvæm-
ur loftferðasamningur væri í gildi
milli landanna. „Ríkin hafa undirrit-
að viljayfírlýsingu, sem heimilar
Flugleiðum að fljúga tvisvar í viku
tiI-Montreal og/eða Halifax og félag-
inu er í sjálfsvald sett hvenær það
hefur- flugið. Ekkert kanadískt flug-
félag hefur lýst áhuga á áætlunar-
flugi til íslands. Flugleiðir geta
starfað í samræmi við viljayfirlýsing-
una þar til breyting verður á.“
Þvegið enn
og aftur
í HLÁKUNNI, sem verið hefur
undanfarna daga, hefur myndast
vatnselgur og slabb á götum
borgarinnar. Leysingarvatnið er
æði tjörumengað og tjaran festist
á bílunum. Því þarf alltaf að vera
að skola af fararskjótunum, ella
festisttjaran í lakkinu. Á mynd-
inni er Rúnar Guðmundsson
leigubifreiðastjóri að skola
óhreinindin af bíl sínum.
Kæra vegna HM
Yfirlýsing-
ar að vænta
„STJÓRN Handknattleikssambands
Islands sendir frá sér yfírlýsingu á
næstu dögum vegna þessa máls,“
sagði Ólafur B. Schram, formaður
HSÍ, í samtali við Morgunblaðið.
Eins og fram kom í Morgunblaðinu
í gær vísaði ríkissaksóknari frá kæru
HSÍ á hendur Halldóri Jóhannssyni
um ætlaðan 20 millj. kr. fjárdrátt.
HM-nefndin óskaði eftir því við
RLR að könnuð yrðu viðskipti Hall-
dórs og Sparisjóðs Mývetninga. RLR
sendi máiið til ríkissaksóknara, sem
sagði rannsóknargögn ekki gefa til-
efni til frekari aðgerða.
Mikill áhugi á að reisa hótel á Fljótsdalshéraði
Félag stofnað um byggingu
nýs hótels á Egilsstöðum
Egilsstöðum. Morgunblaðið.
VÍÐA ERU umræður í gangi um hótelbyggingar
á Fljótsdalshéraði. Búið er að taka ákvörðun um
byggingu nýs hótels á Egilsstöðum, á Hallorms-
stað eru fyrirhugaðar framkvæmdir um sjálf-
stæða viðbyggingu Barnaskólans á Hallorrhsstað
sem gæti nýst sem heilsárshótel og uppi eru hug-
myndir um að vænlegt væri að reisa hótel við
Lagarfljót í Fellabæ.
Bæjarstjóm Egilsstaðabæjar hefur samþykkt
að gerast aðili að hlutafélagi um byggingu nýs
hótels á Egilsstöðum og leggja fram kr.
18.750.000,- sem hlutafé. Aðrir aðilar sem hafa
þegar samþykkt aðild að félaginu eru: Ferðaskrif-
stofa íslands, Ferðamiðstöð Austurlands, Kaupfé-
lag Héraðsbúa og Sjóvá-Almennar tryggingar hf.
Kostnaður við- fyrirhugaða hótelbyggingu er um
150 milljónir króna. Fyrsti áfangi hótelsins mun
hafa 36 herbergi auk þjónustueininga. Gert er
ráð fyrir að tvöfalda herbergjafjölda síðar. Einar
Rafn Haraldsson, formaður bæjarráðs Egilsstaða
sem hefur unnið að undirbúningi við stofnun fé-
lagsins, segir þessa skoðun að byggja nýtt hótel
á Egilsstöðum hafa fengið góðan hljómgrunn.
„Það er álit manna að það sé tímabært að byggja
gott og frambærilegt hótel. Það er ekkert nýtt
hótel af þessarri stærðargráðu á leiðinni frá Akur-
eyri til Kirkjubæjarklausturs." Fyrirhugað er að
framkvæmdir hefjist eins fljótt og kostur er og
að hótelið verði staðsett við Miðvang eða í hjarta
bæjarins en staðsetning verður endanlega ákveð-
in þegar stjórn félagsins tekur til starfa. Stofn-
fundur félagsins verður haldinn á Egilsstöðum í
dag.
Vantar betri nýtingu á Hallormsstað
Búið er að vinna rekstraráætlun fyrir Vallahrepp
um viðbótargistirými við Barnaskólann á Hall-
ormsstað. Katrín Ásgrímsdóttir, formaður at-
vinnumálanefndar Vallahrepps, segir að um sé
að ræða sjáfstæða viðbyggingu við skólann sem
hafi 22 herbergi. Hugmyndin sé að hægt verði
að samnýta hana sumarhótelinu en nota þetta
nýja rými sem möguleika fyrir ráðstefnu- og
fundagistingu yfir vetrartímann. Katrín segir litla
gistingu í boði á Hallormsstað eins og er og sé
reksturinn að mörgu leyti óhagkvæmur af þeim
sökum. „Menn eru bjartsýnir og sammála um að
Hallormsstaður sé vænlegur kostur til að dvelja
á, möguleikar fyrir afþreyingu eru góðir, hér er
sundlaug, íþróttahús og svo skógurinn og fljótið
með sína óendanlegu möguleika." Eftir er að
kynna hugmyndina fyrir sveitarfélögum og hugs-
anlegum hluthöfum en það verður gert á næst-
unni. Gangi það eftir að menn séu hlynntir hug-
myndinni verður hafist handa við framkvæmdir
strax í vor og opnað í júní 1997.
Hótelbygging í Fellabæ?
Hugmyndir hafa verið uppi um að reisa hótel
í Fellabæ og að hótelið verði staðsett við Lagar-
fljótið. Jón Ragnarsson, hótelstjóri á Hótel Órk
og Hótel Norðurlandi, hefur verið að kanna mögu-
leika á byggingu hótels í landi Skipalæks við
Lagarfljót. Hann segir hugmyndina vera stutt á
veg komna. Hann sé að skoða fjármögnunarleið-
ir, markaðsmál og staðsetningu hótelsins. Jón
telur þetta svæði vera vænlegt fyrir hótel, það
sé m.a. gott að fara í dagsferðir frá þessum stað.
Hann segist hafa mikinn áhuga á þessu máli og
hafi væntingar um að það geti orðið að veruleika
í framtíðinni, en segir ekkert meira um málið að
svo stöddu.