Morgunblaðið - 13.04.1996, Blaðsíða 2

2 LAUGARDAGUR 13. APRÍL 1996
MORGUNBLAÐIÐ
FRÉTTIR
Harpa Rós
fegurðar-
drottning
Reykjavíkur
HARPA Rós Gísladóttir, 18
ára Garðbæingur, var kjörin
fegurðardrottning Reykja-
víkur í fegurðarsamkeppni
Reykjavíkur 1996 á Hótel
íslandi í gærkvöldi. Harpa
Rós var jafnframt kjörin
ljósmyndafyrirsæta keppn-
innar.
I öðru sæti varð Bergljót
Þorsteinsdóttir, 22 ára stúd-
ent frá Reylqavík. Bergljót
var einnig kjörin vinsælasta
stúlkan. I þriðja sæti varð
María Helga Gunnarsdóttir,
20 ára nemi í HÍ frá Sel-
tjarnarnesi.
ÁTVR
1,5 milljarðar
frá áramótum
SALA áfengis nam ríflega 1.455
millj. kr. fyrstu þijá mánuði þessa
árs. Mest var sala í vínbúð ÁTVR í
Kringlunni, um 12,80% af heildar-
sölu. Næst á eftir er vínbúðin í Holta-
görðum.
Á þessu tímabili nam heildarsala
áfengis að meðtöldum bjór tæpum
1,8 milljónum lítra eða 1.792.074
lítrum alls, sem jafngildir 173.721
alkóhóllítrum. Heildarsala nef- og
munntóbaks nam 3.212 kílóum sem
er 0,7% aukning frá sama tíma í
fyrra, heildarsala reyktóbaks nam
2.824 kílóum sem er 11,35% sam-
dráttur frá fyrra ári. Heildarsala
vindlinga jókst um 0,4% frá fyrra
ári og heildarsala vindla um 0,53%.
Mest magn var selt af bjór,
1.346.495 lítrar, þá af rauðvíni,
108.566 lítrar, af vodka 85.752 lítr-
ar, hvítvíni 56.869 lítrar, rósavíni
25.239 lítrar og viskíi 22.850 lítrar.
Noregnr gefur í fyrsta sinn eftir í síldardeilunni en ekki nóg að mati íslands
Samkomulag um veiðar
þessa árs úr sögunni
NORSK stjómvöld gáfu í fyrsta
sinn eftir í deilunni um norsk-
íslenzka síldarstofninn og buðust
til að lækka eigin kvóta lítillega á
samningafundi íslands, Noregs,
Rússlands og Færeyja, sem lauk í
Moskvu í gær. ísland taldi tillögu
Noregs óaðgengilega og lauk því
viðræðunum án samkomulags. Þor-
steinn Pálsson sjávarútvegsráð-
herra segist telja að þar með hafi
síðasta tækifærið til að ná sam-
komulagi um síldveiðarnar á þessu
ári farið forgörðum.
Á fundinum í Moskvu gerðu
Norðmenn tillögu, sem gerði ráð
fyrir að Færeyjar og ísland fengju
sameiginlegan síldarkvóta upp á
245.000 tonn, en löndin hafa nú
þegar ákveðið sér 330.000 tonna
kvóta. Af þessu hefði ísland fengið
181.000 tonn miðað við það skipti-
hlutfall, sem gildir samkvæmt
samningi við Færeyjar. Samkvæmt
upplýsingum Morgunblaðsins gerðu
Norðmenn hins vegar tillögu um
sameiginlegan kvóta til að komast
framhjá kröfu Rússa um að fá sama
kvóta og íslendingar.
Þá lagði norska sendinefndin til
að Rússland fengi 165.000 tonn í
stað þeirra 150.000, sem því hefur
verið úthlutað, og að Evrópusam-
bandið fengi 60.000. ESB hefur
lýst yfir að náist ekki samkomulag
um síldarkvóta muni það einhliða
taka sér 150.000 tonna kvóta og
eru danskir bátar nú þegar byijaðir
að veiða í Síldarsmugunni.
Aukinheldur buðust Norðmenn til
að lækka eigin síldarkvóta úr
725.000 tonnum niður í 695.000
tonn. Samkvæmt þessari tillögu
hefði heildarkvótinn orðið
1.165.000 tonn, sem er 165.000
tonn umfram þau milljón tonn, sem
fiskifræðingar hafa lagt til. Saman-
lagðar kvótakröfur síld veiðiríkj -
anna nema nú hins vegar 1.355.000
tonnum og stefnir allt í að sú verði
veiðin á komandi sumri takist ríkj-
unum að ná öllum kvóta sínum.
Fyrst og fremst ísland og
Færeyjar sem lækka
Þorsteinn Pálsson segir að vissu-
lega hafi verið um skref í áttina
að ræða. „Þegar menn skoða þetta,
sjá þeir hins vegar að það eru fyrst
og fremst við og Færeyingar, sem
lækkum, en Rússar og Norðmenn
lækka mjög óverulega saman. Auk
þess teljum við að Evrópusamband-
ið fái óeðlilega mikinn hlut. Niður-
staðan varð sú að við gátum ekki
fallizt á þetta, Evrópusambandið
gat það ekki heldur og ekki Færey-
ingar. Það voru því aðeins Rússar
og Norðmenn, sem studdu tillög-
una.“
Nýr fundur hefur ekki verið boð-
aður í deilunni. Þorsteinn segir hins
vegar að nauðsynlegt sé að reyna
að frekari samræður til þess að
fjalla um stjóm síldveiðanna á
næsta ári. Aðspurður hvort búið sé
að gefa slíkt samkomulag upp á
bátinn fyrir árið í ár, segir hann:
„Mér sýnist að þetta hafi verið síð-
asti möguleikinn til að ná utan um
það. Því miður tókst það ekki, þótt
þetta hafi verið hreyfing í áttina.“
Brynjar og Sesselja sigruðu
Blackpool. Morgunblaðið.
BRYNJAR Örn Þorleifsson og
Sesselja Sigurðardóttir sigruðu
og Benedikt Einarsson og Berg-
lind Ingvarsdóttir urðu í öðru
sæti í úrslitakeppni í jive á óop-
inberri heimsmeistarakeppni
bama og unglinga í dansi í Black-
pool í gærkvöldi. Davíð GiU Jóns-
son og Halldóra Halldórsdóttir
urðu í 5. sæti í flokki 12 ára og
yngri þar sem keppt var í öUum
suður-amerísku dönsunum.
Fjárframlög samkvæmt ákvörðun ríkisstjórnar á árinu 1995
84 milljónir kr. í
ólík viðfangsefni
í FYRRA var, samkvæmt ákvörðun
ríkisstjómarinnar, veitt fé að upp-
hæð samtals um 84 millj. kr. til
mismunandi viðfangsefna. Ráðstöf-
unarféð er af sérstökum fjárlagalið
til áð mæta ýmsum útgjöldum sem
em á ábyrgð ríkisstjórnarinnar allr-
ar. Auk þess höfðu einstakir ráðherr-
ar samtals 18 millj. til ráðstöfunar
vegna óvæntra útgjalda.
Framlögin voru um 5 millj. kr.
lægri en útgjaldaheimild fjárlaga.
A sundurliðuðum lista yfir fram-
lög ríkistjómarinnar, sem birtur er
í skýrslu Ríkisendurskoðunar um
framkvæmd fjárlaga 1995, kemur
fram að stærstu upphæðirnar voru
21 millj. kr. framlag vegna stofn-
kostnaðar við stækkun á glasa-
fijóvgunardeild Ríkisspítala og tíu
millj. kr. framlag í sjóð til styrktar
Féþagi hrefnuveiðimanna.
Á listanum kemur m.a. fram að
Olympíunefnd Islands fékk 3 m. kr.
framlag, 2,5 m.kr. styrkur var veitt-
ur Kiwanishreyfingunni vegna land-
kynningar erlendis, 8 m.kr. voru
veittar til undirbúnings og viðræðna
við önnur ríki um gerð tvísköttunar-
samninga, 2 m.kr. til Ara Trausta
Guðmundssonar vegna útgáfu bókar
um Guðmund frá Miðdal og 5,5
m.kr. vegna viðgerða á ráðherrabú-
staðnum á Þingvöllum.
Veittar voru 2 m.kr. til styrktar
samstarfs Hagfræðistofnunar Há-
skóla íslands við háskólann í
Tromsö, 2 m.kr. til neyðaraðstoðar
vegna flóttamannavanda í Rúanda
og nágrannaríkjum, 1,5 m.kr. til
greiðslu kostnaðar af útgáfu rits um
stefnu ráðherranefndar um ríkisfjár-
mál, 5 m.kr. til að efla Nýsköpunar-
sjóð námsmanna og 1 m.kr. til
greiðslu helmings kostnaðar við
lokahóf HM í handbolta.
Sjávarútvegsráðherra ákveður á mánudag* hvort þorskkvótinn verði aukinn
ÞORSTEINN Pálsson sjávarútvegsráðherra
mun eiga fund með fulltrúum hagsmunaðila í
sjávarútvegi um helgina þar sem fjallað verður
um hvort tilefni sé til að auka þorskveiðiheim-
ildir á þessu fiskveiðiári. Hann segist í fram-
haldi af fundinum taka ákvörðun í málinu nk.
mánudag. Jakob Jakobsson, forstjóri Hafrann-
sóknastofnunar, segir að ef ríkisstjórnin taki
ákvörðun um að auka þorskveiði á þessu fisk-
veiðiári sé hún að bijóta nýtingarreglu sem
stjómin samþykkti fyrir ári um að nýta árlega
25% af veiðistofninum.
Forsætisráðherra sagði í Morgunblaðinu í
gær að í ljósi niðurstöðu togararalls Hafrann-
sóknastofnunar virtist óhætt að auka þorsk-
veiðikvóta á þessu fiskveiðiári. Þorsteinn var
spurður um þessa yfirlýsingu, en hann sagðist
einungis ítreka það sem hann hefði áður sagt
um mælingar Hafrannsóknastofnunar.
„Þorskstofninn er mjög að styrkjast. Venju
samkvæmt á ég samráðsfundi með sjómönnum
og útvegsmönnum áður en ákvarðanir eru
teknar á grundvelli gagna frá Hafrannsókna-
stofnun. Þessi samtök hafa flest staðið mjög
fast með þeim ákvörðunum sem teknar hafa
verið á undanfömum árum. Þess vegna vil ég
ekki taka endanlega ákvörðun nema að höfðu
samráði við þessa aðila.
Þarna geta vitaskuld ýmis sjónarmið komið
til álita. Mér er ljóst að það eru skiptar skoðan-
ir innan atvinnugreinarinnar. Sumir telja
óhætt, á þessum grundvelli, að leyfa nokkra
Hagsmunaaðilar
boðaðir til fundar
um aukinn kvóta
Jakob Jakobsson segir stjórnina brjóta
nýtingarreglu þorsks verði kvótinn aukinn
hækkun. Aðrir vara við því af ýmsum ástæð-
um. Þetta vil ég vega og meta með þeim sem
þama eiga hlut að máli svo sem venja er áður
en ákvarðanir eru teknar,“ sagði Þorsteinn.
Virða ber 25% nýtingarhlutfallið
„Við höfum lagt fram niðurstöðu úr togara-
rallinu og jafnframt því höfum við gert bráða-
birgðaathugun á því hvaða áhrif þetta hefði á
úttekt á ástandi þorskstofnsins fyrir yfirstand-
andi fiskveiðiár. Niðurstaða okkar er að stofn-
inn virðist nokkru stærri en við gerðum ráð
fyrir í síðustu úttekt sem er að verða árs göm-
ul,“ sagði Jakob Jakobsson.
„Samkvæmt samþykktri aflareglu ríkis-
stjómarinnar átti aflinn á yfírstandi fískveiði-
ári að vera 140 þús. tonn, en vegna ákvæðis
um lágmarksafla varð niðurstaðan 155 þús.
tonn. Þessi nýjasta mæling gefur til kynna að
óhætt sé að veiða 155 þús. tonn ef miðað er
við reikniregluna. Ég sé því ekki að þessar
niðurstöður gefi tiiefni til að auka núverandi
kvóta miðað við þá aflareglu sem samþykkt
var í 'ríkisstjóminni í fyrra. Ef menn ætla að
fara að bijóta hana strax á fyrsta ári sér
maður tæplega tilganginn í þessari samþykkt."
Jakob sagði að sú ákvörðun ríkisstjórnar að
nýta árlega 25% af veiðistofni byggðist á ýtar-
legum athugunum sérfræðinga á Hafrann-
sóknastofnun og Þjóðhagsstofnun á hag-
kvæmestu leið við að byggja upp og nýta þorsk-
stofninn. Þegar ákvörðun var tekin hefði ríkis-
stjórnin haft í höndum skýrslu sem var afrakst-
ur 2 'h árs vinnu þessara stofnana
Meðafli vandamál
Jakob sagðist geta tekið undir að erfitt
væri fyrir sjómenn að nýta veiðiheimildir í
öðrum botnfiskstegundum vegna mikils þorsks
sem meðafla. Það væri hins vegar ekki við
veiðiráðgjöf Hafrannsóknastofnunar að sakast
nema að litlu leyti vegna þess að sjávarútvegs-
ráðuneytið hefði tekið ákvörðun um að veiða
meira af grálúðu, karfa og ýsu en stofnunin
mælti með. Stofnunin hefði að vísu mælt með
aukinni sókn í ýsu fyrir 2-3 árum. Það hefði
verið gert á grundvelli upplýsinga um sterka
árganga sem væru að koma inn í veiðina. Síð-
ar hefði komið á daginn að árgangarnir hefðu
ekki skilað sér eins og vænst var. Jakob sagði
að færa mætti rök fyrir því að nær væri að
minnka veiðar á öðrum botnfiski til samræmis
við eðlilega nýtingu þorskstofnsins frekar en
að auka veiðiheimildir í þorski.