Morgunblaðið - 13.04.1996, Blaðsíða 43

MORGUNBLAÐIÐ
LAUGARDAGUR 13. APRÍL 1996 43
íslendingar í andliti
Jóns forseta
MJÓLKURSAMSALAN í Reykja-
vík hefur g-efið út veggspjald sem
um þessar mundir er verið að
senda til allra grunnskóla lands-
ins. Á því eru ljósmyndir af 625
Islendingum sem í sameiningu
mynda andlit Jóns Sigurðssonar
og er með því lögð áhersla á
þátt tungumálsins í sjálfstæði
þjóðarinnar. Flestar myndanna
eru af þjóðkunnum íslendingum;
rithöfundum, leikurum, söngvur-
um, stjórnmálamönnum o.fl. sem
mikið hafa notað íslenska tungu
í starfi sínu og listsköpun. Á bak-
hlið veggspjaldsins eru nöfn allra
einstaklinganna, fæðingarár
þeirra o.fl. tíunduð.
I fréttatilkynningu segir að
veggspjaldið sé liður í því verk-
efni Mjólkursamsölunnar, sem
unnið er í samráði við Islenska
málnefnd og Málræktarsjóð, að
hvetja landsmenn til þess að
standa vörð um móðurmálið þeg-
ar ógn steðjar að því úr jafn
mörgum áttum og raun ber vitni.
Sérstaklega má gera ráð fyrir
að tungan eigi í vök að verjast á
meðal skólabarna og ungs fólks
og einmitt þess vegna er með
þessu veggspjaldi gerð tilraun til
þess að koma skemmtilegri og
lifandi hvatningu til skóiafólks á
framfæri.
Samhliða veggpspjaldinu er
gefið úr sérstakt tilraunahefti
fyrir kennara. í því er m.a. að
finna nöfn allra einstalinga á
veggjispjaldinu, bæði í stafrófs-
röð og eftir staðsetningu í hnita-
kerfi. Jafnframt hafa einstakling-
ar verið flokkaðir saman eftir því
á hvaða vettvangi þeir hafa starf-
að. Einnig eru gefin nokkur dæmi
um hvernig hægt er að nýta vegg-
spjaldið til verkefna fyrir náms-
fólk. Veggspjaldið er hannað af
GSP almannatengslum og auglýs-
ingastofunni Hvíta húsinu.
Minjagangan -
ný raðganga
Ferðafélagsins
NÝ RAÐGANGA Ferðafélagsins í 8
ferðum hefst sunnuaginn 14. apríl.
Markmiðið í göngunni er að kynna
áhugaverða sögu- og minjastaði inn-
an borgarmarka Reykjavíkur og í
næsta nágrenni borgarinnar.
í fyrstu ferðina er mæting við fé-
lagsheimili Ferðafélagsins að Mörk-
inni 6 og rútuferð þaðan kl. 13 út í
Laugarnes þar sem gangan hefst.
Þar verður litast um og fræðst um
minjar og staðhætti af Birgiett Spur
en síðan verður gengið upp í Laugar-
dal og áð við þvottalaugarnar sem
er sérlega skoðunaiverður staður
eftir að þær voru endurgerðar nýver-
ið. M.a. má lesa um sögu lauganna
á mörgum skýringamyndum.
Göngunni lýkur um fjögurleytið við
Mörkina 6. Þátttakendur geta einnig
mætt úti í Laugarnesi. Þetta er auð-
veld og skemmtileg ferð fyrir alla.
Ekkert þátttökugjald í þennan fyrsta
áfanga.
Sunnudaginn 21. apríl mun Bjarni
Einarsson, fornleifafræðingur, segja
frá fornmunum í Elliðaárdal m.a.
minjurn frá tímum Innréttingana.
Leið raðgöngunnar liggur síðan
áfram upp að Elliðavatni, Þingsnesi,
Hólmi, um Lækjarbotna, Elliðakot,
Almannadal og Grafarsel í Grafard-
al. Raðgöngunni lýkur 23. júní.
Skólar í Horsens
kynna starf sitt
Á UPPLÝSINGAFUNDI á Hótel
Sögu í Reykjavík þriðjudaginn 16.
apríl nk. kl. 19 munu Eli Ellendersen
og Peder Larsen frá Horsens Polytec-
hnic ásamt Anders Möller frá Hors-
ens Handelsskole kynna nám þessara
tveggja skóla.
Nú eru um 25 íslendingar í námi
við Horsens Polytechnic skólann.
Langflestir eru við nám í byggingar-
iðnfræði eða byggingarfræði. Islend-
ingafélagið á staðnum telur um 120
meðlimi.
Á fundinum á Hótel Sögu mun
Horsens Polytechnic kynna nánar
það framhaldsnám er skólinn hefur
upp á að bjóða. lðnsveinar, tækni-
teiknarar og stúdentar geta í Hors-
ens lært véltæknifræði, korta- og
landmælingatækni, byggingariðn-
fræði og byggingarfræði. I bygging-
ariðnfræði og byggingarfræði geta
nemendur sérhæft sig annars vegar
á byggingalínu og hins vegar á fram-
kvæmdalínu.
FRÉTTIR
Fornleið gengin úr
Leiruvogi að Illaklifi
í SJÖUNDA áfanga landnáms-
göngunnar, raðgöngu Utivistar
1996, verður gengin fornleið frá vaði
á Úlfarsá með Leiruvogi og upp
Mosfellsdal, Bringluleið að Illaklifi.
Gefinn verður kostur á að stytta leið-
ina en hún er um 18 km. Vegna
votviðris er rétt að vera vel skóaður.
Farið með rútu frá Umferðarmið-
stöðinni að vestanverðu kl. 10.30 á
sunnud. 14. apríl. Hægt verður að
koma í rútuna við Árbæjarsafn eða
slást í hópinn við Blikastaði kl. 11.
Menningardagar í
Hafnarfirði
MENNINGARDAGAR standa nú
yfir í félagsmiðstöðvunum Vitanum
og Verinu í Hafnarfirði, en þeir hóf-
ust á ljósmyndamaraþoni á fimmtu-
dag. Einnig verður stuttmyndamara-
þon sem hefst mánudaginn 15. apríl.
Nokkrar smiðjur eru í gangi í
dagsstarfinu, m.a. listförðunar-
smiðja, teyjó-snú, snúsmiðja, teknó-
smiðja, stuttmyndasmiðja, baksturs-
smiðja, slagorðasmiðja og plakata-
gerð svo eitthvað sé nefnt. Dagskrá
verður um kvöldið og m.a.
afró/calypsó kennslu, keppni í list-
förðun, kaffihúsakvöld, úrslit í stutt-
myndamaraþoni og ball með
Stjömukisa.
BARNASTARFIÐ í Grensáskirkju.
Lokapredikanir
guðfræðinema
FIMM guðfræðinemar flytja loka-
predikanir laugardaginn 13. apríl í
Háskólakapellunni. Athafnirnar
verða tvær. Sú fyrri hefst kl. 13.30.
Þá predika Einar Sigurbergur Ara-
son, Guðmunda Inga Gunnarsdóttir
og Hans Markús Hafsteinsson. Síð-
ari athöfnin hefst kl. 15. Þá predika
íris Kristjánsdóttir og Þorgils Hlynur
Þorbergsson.
Suzuki sýning
SUZUKI bilar hf. í Skeifunni verða
með bílasýningu um helgina. Þar
verður meðal annars frumkynntur
nýr tveggja sæta jeppi, X-90, sem
þykir um margt sérstæður bíll.
Einnig verða aðrir bílar Suzuki
kynntir, boðið verður upp á mengun-
armælingu og hemlamælingu á bílum
gestum að kostnaðarlausu. Sýningin
verður opin frá 12-17 í dag og á
morgun.
Erindi um hjóna-
bandið 1 Neskirkju
BENEDIKT Jóhannsson, sálfræðing-
ur, flytur erindi sem hann nefnir
Farsælt hjónaband - hvað þarf til? á
fundi hjá hjónaklúbbi Neskirkju nk.
sunnudagskvöld kl. 20.30. Fundur-
inn er haldinn í safnaðarheimili kirkj-
unnar og er öllum opinn.
Sunnudaga-
skóli í Perlunni
SUNNUDAGASKÓLINN í
Grensáskirkju bregður út af
venjunni og fer í gönguferð í
Öskjuhlíðina nk. sunnudag. Ætl-
unin er að hittast við Grensás-
kirkju kl. 10.50 og fara þaðan á
einkabílum í Öskjuhliðina við
Perluna. j
Þá er ætlunin að fara í göngut- 1
úr og í kaffiteríu Perlunnar með \
nokkurs konar sunnudagaskóla. \
Þar verður lagið tekið, sögur
sagðar og sitthvað fleira. Allir
eru velkomnir með en ætlunin
er að hefja gönguferðina frá bíla-
stæðinu við Perluna um kl. 11.
------»■ 4 ♦---
■ LEIKRITIÐ Tanja Tatara-
stelpa verður sýnt í dag í Ævintýra-
Kringlunni, 3. hæð í Kringlunni.
Leikritið hefst kl. 14.30 og kostar
300 kr. á sýninguna. Ólöf Sverris-
dóttir leikkona leikur Tönju en hún
samdi þáttinn fyrir nokkrum árum
og flutti á leikskólum borgarinnar.
Framvegis verða Ieiksýningar á laug-
ardögum en á fimmtudögum kl. 17
verða leiklistarnámskeið eða eitthvað
annað í boði Ævintýra-Kringlunnar.
Ævintýra-Kringlan er opin frá kl.
14-18 virka daga og frá kl. 10-16
laugardaga.

LlLUJ ’ j T mB-'Tj pr i JP §?§§
Upplýsingar um Honda Civic 5 dyra S9S:
— kraftmikill 30 hestafla léttmálmsvél
— 16 venta og bein innsprautun
— hraðatengt vökva- og veltistýri
— þjófavörn
— rafdrifnar rúður og speglar
— viðarinnrétting í mælaborði
— 1-4 tommu dekkjastaerð
— útvarp og kassettutaeki
— styrktarbitar í hurðum
— sérstaklega hljóðeinangraður
— fóanlegur sjálfskiptur
— samlassing á hurðum
— sportseeti
— rúðuþurrka fyrir afturrúðu
— framhjóladrifin
— 4ra hraða miðstöð
með inntaksloka
— hæðarstillanlegur
framljósageisli
— stafraen klukka
— bremsuljós í afturrúðu
— eyðsla 5,6 I ó 30 km/klst.
— 4,31 metri ó lengd - boðar nýja tima -
— pyðvönn og sknáning innifalir.
(H)
Gunnar Berahard hf., Vatnagöiðum 24, Reykjavik, sími 568 9900