Morgunblaðið - 13.04.1996, Blaðsíða 56

MORGUNBLAÐIÐ, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÖLF 3040, NETFANG MBUSCENTRUM.IS / AKUREYRl: HAFNARSTRÆTI 85
LAUGARDAGUR 13. APRÍL1996
VERÐ í LAUSASÖLU 125 KR. MEÐ VSK
Strand-
veislaí
Nauthólsvík
EFNT var til mikillar strand-
veislu í Nauthólsvík í gær í til-
efni af því að tökur stóðu þá
yfir á síðasta þætti unglingaþátt-
arins Ó á vegum Ríkissjónvarps-
ins.
Til veislunnar var nemendum
í efstu bekkjum grunnskólans
boðið í samstarfi við Æskulýðs-
og tómstundaráð Reykjavíkur.
Kafarar voru á svæðinu, boðið
var upp á grillaðar pylsur og
gosdrykki og hljómsveit lék á
palli.
Til þess að líkja eftir suðrænni
sólarstemmningu var pálma-
trjám úr plasti stungið niður í
fjörusandinn.
Afallnar skuldbindingar LSR halda áfram að aukast umfram eignir
Talið að hækkunin hafi num-
ið 20 milljörðum kr. í fyrra
MARGT bendir til að áfallnar skuldbindingar Líf-
eyrissjóðs starfsmanna ríkisins hafi aukist um
a.m.k 20 milljarða króna á seinasta ári en þær
námu um 100 milljörðum kr. í ársbyrjun 1995.
Eignir sjóðsins hafi hins vegar aukist um hálfan
annan milljarð kr. eða í um 22 milljarða, sam-
kvæmt heimildum Morgunblaðsins.
Frágangur ársreiknings lífeyrissjóðsins fyrir
seinasta ár er á lokastigi. Er þessi niðurstaða
byggð á 2% ávöxtun eigna umfram hækkun lífeyr-
isskuldbindinga en til athugunar er hvort gera
megi ráð fyrir hærri ávöxtun og myndu þá upp-
hæðirnar breytast í samræmi við það. Einnig er
verið að kanna að hve miklu leyti á að taka tillit
til fyrirsjáanlegrar ávöxtunar á núverandi skulda-
bréfaeign lífeyrissjóðsins.
Samkvæmt upplýsingum blaðsins má rekja
rúman þriðjung af aukningu skuldbindinga líf-
eyrissjóðsins til tryggingafræðilegs endurmats á
eldri skuldbindingum eða breyttra forsendna við
matið. Nálægt 15 milljarða kr. stafar hins vegar
af hækkun launa og fjölgun sjóðsfélaga.
Lýsir alvarlegum vanda sjóðsins
Friðrik Sophusson fjármálaráðherra segir að
þær upplýsingar, sem nú eru til vinnslu hjá lífeyr-
issjóðnum, lýsi mjög vel hve alvarlegur vandi sjóðs-
ins er og hversu nauðsynlegt sé að gerðar verði
eðlilegar breytingar á lögum um sjóðinn, þannig
að iðgjaldagreiðslur, ásamt vöxtum, standi undir
útgreiðslu lífeyris sjóðsfélaga. „Til þess að svo
geti orðið þarf að draga úr óvissu sem orsakast
af núgildandi réttindafyrirkomulagi,“ segir Friðrik.
Fjármálaráðherra hefur ítrekað lýst yfir, sein-
ast í Morgunblaðinu í gær, að ef einstakir hags-
munahópar kæmu í veg fyrir eðlilegar breytingar
á lögum sjóðsins væri enginn annar kostur í stöð-
unni en að loka sjóðnum og ráða nýja ríkisstarfs-
menn á nýjum kjörum.
Félag járniðnaðarmanna vill þegar í stað hefja
undirbúning að gerð kjarasamnings
Vilja kjarasamning
sem gildi til aldamóta
ÖRN Friðriksson, formaður Félags
járniðnaðarmanna, segir að járniðn-
armenn séu fylgjandi því að gera
nýjan kjarasamning sem gildi til
aldamóta gegn því að með samn-
ingnum verði laun íslenskra járniðn-
aðarmanna hækkuð til samræmis
því sem gerist meðal járniðnaðar-
manna á hinum Norðurlöndunum.
„Við viljum að menn setji sér það
markmið að við náum um aldamót-
in þeim kaupmætti sem félagar
. . okkar á Norðurlöndunum hafa. Við
teljum að það sé rétt að láta reyna
á hvort þetta sé hægt með samn-
ingi til þess tíma. Eg tel að menn
verði að hugsa til lengri tíma. Ef
einungis er horft á kaupmátt næsta
árið er hætta á að menn endi í ein-
hveijum háum tölum sem verður
svo ekki grundvöllur fyrir að haldi
sér í kaupmætti," sagði Örn.
Örn sagði að þörfin á launahækk-
unum væri mjög mikil og nú væru
forsendur fyrir launahækkunum.
Það væri hins vegar mikilvægt að
nýir kjarasamningar byggðust á
stöðugleika og vaxandi kaupmætti
í áföngum í stað launasprengingar
sem færi út í verðlagið.
Örn sagði að réttilega hefði verið
bent á að sveiflur í hagkerfinu
væru mikilar, bæði niður á við og
upp á við. Með því að binda sig í
samningi til langs tíma væru laun-
þegar hugsanlega að missa af
launahækkunum á uppgangstíma.
Samningurinn þyrfti þess vegna að
innihalda skýr uppsagnarákvæði ef
forsendur hans næðu ekki fram að
ganga.
„Með langtímasamningi verður
skapað aðhald að fyrirtækjunum.
Þau sjá fyrir sér hvaða launaþróun
er framundan. Þau vita að þau geta
ekki velt hækkununum út í verðlag-
íð og neyðast þess vegna til þess
að hagræða hjá sér, sameinast og
stækka. Með langtímasamninga
eiga fyrirtækin og launþegar líka
auðveldara með að gera áætlanir
fram í tímann,“ sagði Örn.
Afskræming á lýðræði
Járniðnaðarmenn samþykktu
einnig ályktun þar sem frumvarp
ríkisstjórnarinnar um breytingar á
vinnulöggjöfinni er gagnrýnt. Full-
yrt er að frumvarpið feli í sér alvar-
lega íhlutun í málefni stéttarfélaga
og árás á uppbyggingu þeirra eftir
starfsgreinum og svæðum. Ákvæði
um atkvæðagreiðslur feli í sér af-
skræmingu á lýðræðislegum
ákvörðunarrétti þar sem minni hluti
greiddra atkvæða geti ráðið úrslit-
um og félög í öðrum starfsgreinum
geti ráðið niðurstöðu í atkvæða-
greiðslu um kjarasamning.
Útlitfyrir 170
þúsund tonna
þorskveiði í ár
AÐ MATI Jóns B. Jónassonar, skrifstofustjóra í sjávarútvegsráðuneyt-
inu, og Stefán Friðrikssonar, hjá Fiskistofu, er útlit fyrir að þorskveiði
á þessu fiskveiðiári verði 165-170 þúsund tonn. Heildarkvóti á þessu ári
er hins vegar 155 þúsund tonn. Þeir segja að ástæðan fyrir þessu muni
vera meiri veiði smábáta og flutningur veiðiheimilda milli fiskveiðiára.
Jón B. Jónasson sagði alveg ljóst
að þorskveiðin yrði meiri en 155
þúsund tonn á þessu fiskveiðiári.
Hann sagði erfitt að segja hvað
mikið yrði veitt fram yfir kvóta, en
165 þúsund tonn væri ekki ólíkleg
niðurstaða. Meginástæðan væri
meiri veiði smábáta en miðað var
við þegar kvótinn var ákveðinn.
Smábátar komnir með
9.000 tonn af þorski
í lögum um stjóm fiskveiða er
gengið út frá því að smábátar veiði
21.500 tonn af þorski. Um síðustu
mánaðamót höfðu smábátar veitt
9.000 tonn, sem er nokkru minna
en á sama tíma í fyrra, en þá fór
heildarveiðin í 36 þúsund tonn. Sum-
arið er besti veiðitími hjá smábátum
og afli þeirra ræðst að stórum hluta
af gæftum og aflabrögðum í sumar.
Stefán Friðriksson sagði ekki ólík-
legt að veiði smábáta færi í 30 þús-
und tonn á þessu fiskveiðiári.
7.000 tonn flutt
milli fiskveiðiára
Stefán benti á að um 7.000 tonn
af þorskveiðiheimildum hefðu verið
flutt frá síðasta fiskveiðiári og ef
þær heimildir yrðu allar nýttar nú
yrði veiði umfram kvóta á þessu
ári enn meiri.
Verulegar takmarkanir hafa ver-
ið settar á línutvöföldun og fellur
hún úr gildi þegar veiði á ýsu og
þorski er komin í 34 þúsund tonn.
Stefán sagði að talsvert meira hefði
veiðst af þorski en ýsu á línu í ár
og þess vegna myndi línutvöföldun-
in einnig hafa þau áhrif, eins og
oft áður, að meira yrði veitt af
þorski en kvótinn segði til um.
Munurinn væri þó ekki verulegur.
Að öllu samanlögðu sagði Stefán
ekki ólíklegt að heildarþorskveiði á
þessu fiskveiðiári yrði 170 þúsund
tonn.
Sakfellt og
sýknað í
kvótamáli
HÉRAÐSDÓMUR Vestfjarða sak-
felldi í gær þrjá menn fyrir hluta
sakargifta en sýknaði tvo menn að
öllu leyti af ákærum í máli sem höfð-
að var vegna kvótaviðskipta ís-
lenskra sjávarútvegsfyrirtækja við
þýska fisksölufyrirtækið Lubberts í
Bremerhaven.
Islenskur starfsmaður Lúbbert,
fiskútflytjandi og fyrrum útgerðar-
stjóri Ósvarar í Bolungarvík voru
sakfelldir en ákærum á fram-
kvæmdastjóra Frosta og Álftfirðings
í Súðavík og fyrrum framkvæmda-
stjóra var ýmist vísað frá dómi eða
þeir sýknaðir.
■ Þrír sakfelIdIr/8
------» » »
Neyðarkall
á Meðal-
landsfjöru
NEYÐARKALL barst SVFÍ frá
Meðallandsfjöru, skammt vestan við
Eldvatnsós í gær. Björgunarsveitir
frá Vík og Meðallandi voru komnar
í fjöruna í gærkveldi með miðunar-
tæki og bárust merkin frá sendi sem
var í miklu brimi í ósnum.
Samkvæmt upplýsingum Tilkynn-
ingaskyldu SVFÍ lék grunur á að
um væri að ræða neyðarsendi úr
gúmbát, sem erlent skip missti út-
byrðis 11. marz. Ekkert benti til
þess að neyðarsendirinn væri úr ís-
lenskum bát.