Morgunblaðið - 17.09.1996, Blaðsíða 2

2 ÞRIÐJUDAGUR 17. SEPTEMBER 1996
MORGUNBLAÐIÐ
FRÉTTIR

aiiiBffl®

Morgunblaðið/Árni Sæberg
Ólympíuskákmótið
Naumur sigur í
fyrstu umferð
Jerevan. Morgunblaðið.
ISLAND vann Venesúela með 2lh
vinningi gegn llh í fyrstu umferð
Ólympíuskákmótsins í Jerevan.
Hannes Hlífar Stefánsson tefldi
á fyrsta borði og hafði hvítt gegn
alþjóðlega meistaranum Ostos.
Hannes var kominn með hartnær
unnið tafl en lék af sér og missti
skákina niður í jafntefli. Helgi
Ólafsson tefldi mjög stíft til vinn-
ings með svörtu gegn Sequera en
náði ekki að innbyrða sigurinn.
Þröstur Þórhallsson tefldi mjög
fallega sóknarskák gegn Hern-
andez á þriðja borði, lauk skákinni
með glæsilegri mannfórn og vann.
Skák Helga Áss Grétarssonar og
Torres á fjórða borði var allan tim-
ann í jafnvægi.
Þessi úrslit valda vissulega
nokkrum vonbrigðum þar sem
Venesúela er aðeins í '73. sæti
styrkleikalistans á mótinu. Á hinn
bóginn lentu margar geysisterkar
sveitir í vandræðum gegn mun
veikari sveitum. Rússinn
Rublevskí mátti til dæmis sætta
sig við jafntefli gegn öðrum vara-
manni Finnlands, Tapani Sam-
maluvo. Þá gerðu fjórir hollenzkir
stórmeistarar aðeins jafntefli gegn
Tadjíkistan sem er í 69. sæti.
Ekki er výtað hveijir verða and-
stæðingar íslendinga í annarri
umferð.
■ Búist við/8
■ íslendingarnir/11
Aldrei fleiri í pílagrímaflugi Atlanta til og frá Saudi-Arabíu
212 þúsund farþegar
á tæpiun sex mánuðum
Starfsmenn á fj’órða hundrað þegar þeir voru flestir
Morgunblaðið/Tryggvi Þormóðsson
INGVI Ragnarsson tæknimaður stendur í hreyfli Boeing-747 á
flugvellinum í Jedda.
Síðasta
sumarskipið
kveður
SKEMMTIFERÐASKIPIÐ Astor
lét úr Sundahöfn í Reykjavík í
gærkvöldi, eftir eins dags dvöl.
Astor er 51. skemmtiferðaskipið,
sem kom til Reykjavíkur í sum-
ar, en það er jafnframt það síð-
asta i ár. Farþegaskipakomur
sumarsins fluttu rúmlega 21.000
farþega hingað auk 10.000
áhafnarmeðlima, sem mun vera
svipaður fjöldi og í fyrra, þótt
ekki liggi endanlegar tölur fyrir.
Heldur þóttu vera fáir farþegar
um borð í siðasta skipi sumars-
ins. Héðan heldur Astor vestur
um haf.
----♦ ♦ ♦--
Rættum
meirihluta-
samstarf
Borgarnesi. Morgunblaðið.
MEIRIHLUTAVIÐRÆÐUR Fram-
sóknarflokks og Alþýðuflokks eru
hafnar í Borgarbyggð.
„Við byrjum formlegar viðræður
um meirihlutasamstarf á fundi kl.
níu í kvöld,“ (gærkvöldi), sagði Sig-
urður Már Einarsson, fulltrúi Al-
þýðuflokksins í bæjarstjórn Borgar-
byggðar, í samtali við Morgunblað-
ið í gærkvöldi.
Aðspurður sagði Sigurður að ef
af þessu meirihlutasamstarfi yrði
væri ljóst að kjósa þyrfti aftur til
bæjarráðs með úrskurði frá félags-
málaráðuneytinu. Óbreytt staða
gengi ekki því hann (Sigurður) hefði
ekki atkvæðisrétt í bæjarráði í dag.
FLUGFÉLAGIÐ Atlanta hefur ekki
flogið með fleiri farþega, pílagríma
og kennara, til og frá Jedda í Saudi-
Arabíu á ári en í vor og sumar.
Þóra Guðmundsdóttir, annar eig-
andi flugfélagsins, segir að flogið
hafi verið með tæplega 212 þúsund
farþega og heildarvelta flugfélags-
ins vegna flugsins í Saudi-Arabíu
hafi numið 1.750 milljónum króna.
Hún segir að flestir hafi starfs-
menn flugfélagsins í Jedda verið á
fjórða hundrað í sumar. Af þeim
hafi 60 til 65% verið íslendingar.
Eftir liðlega fimm og hálfs mánaðar
törn er fluginu að ljúka í ár. Stund-
vísi flugfélagsins var 96% í ferðun-
um í sumar.
Þóra sagði að annað af tveimur
verkefnum flugfélagsins í Saudi-
Arabíu væri fyrir ríkisflugfélag
Saudi-Arabíu, Saudia. Fjórar 747
Boeing-flugvélar á vegum Atlanta
hefðu verið í ferðum með pílagríma
milli áfangastaða víðsvegar í
heiminum til og frá Jedda I Saudi-
Arabíu og kennara frá Saudi Arabíu
í og úr leyfum til heimalanda sinna
og væru flestir frá Egyptalandi.
Kennaraflugið tæki við af píla-
grímafluginu um mitt sumar og
fram á haust. Ein 747 Boeing-flug-
vél sinnti minna verkefni Atlanta í
Saudi Arabíu. Verkefnið fól í sér
flug með indverska pílagríma, aðal-
lega frá Bombay, til og frá Jedda.
Þóra sagði að flogið hefði verið
með 198.087 farþega fyrir Saudia
og 13.800 til og frá Indlandi fyrir
yfírvöld á Indlandi. Alls væri því um
tæplega 212 þúsund farþega að
ræða og hefði ekki verið flogið með
fleiri farþega til og frá Jedda frá
því flugfélagið hóf starfsemi í Saudi-
Arabíu árið 1993. „Núna hófst flug-
ið í lok mars og því er að ljúka.
Starfsemin hefur gengið mjög vel
og ekki hægt að kvarta yfir neinum
sérstökum vandamálum. íslending-
arnir virðast t.a.m. venjast hitanum
ótrúlega fljótt. Hitinn er á bilinu 40
til 45 gráður frá júní til ágúst,“ sagði
hún og tók fram að íslensku starfs-
mennirnir, flugfreyjur, flugþjónar,
flugmenn, flugvirkjar, flugvélstjórar
og flugumsjónarmenn, hefðu staðið
sig mjög vel. Starfsmennirnir hafa
ýmist valið að koma heim í sumarfrí
eða starfa samfleytt í fluginu frá
því í vor eða sumar.
Yndislegir farþegar
Þóra hrósaði farþegunum. „Við
höfum undirbúið starfsmennina sér-
staklega og getið þess t.a.m. að
ekki sé æskilegt að kona aðstoði
mjög strangtrúaðan karlmann. Ann-
ars er svo sem ekkert sérstakt að
varast. Farþegarnir eru upp til hópa
yndislegir og afar þakklátir," segir
hún og fram kemur að túlkur sé í
hverri áhöfn.
Þóra sagði að stór hópur íslensku
starfsmannanna færi I skóla á haust-
in. Alltaf væri reynt að útvega sem
flestum öðrum vinnu yfir veturinn.
Um fyrirliggjandi verkefni vildi hún
hins vegar ekki upplýsa.
Deilt um
rækjuverð
á Siglufirði
Siglufirði. Morgunblaðið.
DEILUR eru nú í gangi milli for-
ráðamanna Þormóðs ramma hf. á
Siglufirði og áhafna Sigluvíkur SI
og Stálvíkur SI, sem bæði eru í
eigu Þormóðs ramma.
Deilurnar standa um verð á
rækju. Áhöfnin hefur fengið greitt
hingað til 77 kr. á kg af rækju og
er það með lægsta rækjuverði á
landinu. Forráðamenn Þormóðs
ramma hafa nú farið fram á að
lækka það niður í 71 kr. kg.
Stálvíkin er nú á rækjumiðum
fyrir norðan land, en Sigluvíkin
kom í höfn í gærmorgun til löndun-
ar og fundaði þá áhöfnin með
framkvæmdastjórum Þormóðs
ramma.
Ekki tókust sættir í málinu á
fundi sem stóð fram á ellefta tím-
ann í gærkvöldi og er óvíst hvenær
Stálvíkin fer á veiðar.
-----♦ ♦ ♦-----
Grunur um
30 milljóna
fjárdrátt
GJALDKERI hjá innflutningsfyrir-
tæki í Reykjavík hefur verið kærð-
ur til lögreglu vegna gruns um að
hafa dregið sér 30 milljónir króna
frá árinu 1992.
Stjórnendur fyrirtækisins upp-
götvuðu fjárdráttinn nýlega og
gerðu ráðstafanir til þess að upp-
lýsa málið. Er gjaldkeranum gefið
að sök að hafa dregið sér féð og
gert tilraun til þess að dylja brotið
með því að rangfæra bókhald og
stendur rannsókn málsins enn yfir
að sögn lögreglu.

Islenskunám ekki
lengur leyft í Jónshúsi
ÍSLENSKUM skólabömum, bú-
settum í Kaupmannahöfn og ná-
grenni, er ekki lengur boðin að-
staða í húsi Jóns Sigurðssonar til
ísleriskunáms.
Ákvörðun var tekin um að loka
húsinu meðan endurskipulagning
á rekstrinum stendur yfir en þrátt
fyrir það er ýmis önnur starfsemi
ennþá ieyfð í húsinu.
Það eru dönsk stjórnvöld sem
þjóða börnum og unglingum af
erlendum uppruna tungumáia-
kennslu og hafa útvegað til þess
aðstöðu I einum grunnskóla borg-
arinnar. Skólinn er hins vegar í
einu af úthverfum borgarinnar og
því hafa fleiri þjóðir en íslending-
ar fremur kosið að hafa kennsluna
í eigin félagsheimili.
Mikil óánægja ríkir meðal for-
eldra og skólabarna um þessa nið-
urstöðu. íslenskunemunum hefur
fækkað um helming frá því í
fyrravetur en þá voru um fjörutíu
nemendur skráðir í námið.
■ íslenskunemum/45
Strútar ferðbúnir í Svíþjóð
EF LEYFI fæst hjá íslenskum heil-
brigðisyfirvöldum til innflutnings á
strútum frá Svíþjóð gætu þeir verið
komnir til landsins eftir 2-3 vikur.
Að sögn Jimmys Larsons, ritara
Sænska strútaræktunarsambands-
ins, hefur þegar verið haft samband
við einstaka ræktendur varðandi
kaup á strútum sem henta í stofn
fyrir íslendinga. Hann segir að von-
ast sé eftir afgreiðslu íslenskra heil-
brigðisyfirvalda fljótlega, jafnvel í
dag.
Ingólfur Einarsson, deildarstjóri
hjá flugfélaginu Atlanta, segir að
spurt hafi verið um hvort möguleiki
væri að flytja strúta með vél sem
Gætu verið komn-
ir eftir 2-3 vikur
fer frá Stokkhólmi til íslands 26.
eða 27. september.
Áætlað er að flytja inn um 10-20
dýr. Það er Atvinnuþróunarfélag
Suðurlands sem hefur verið að
kanna möguleika á innflutningi
strúta í umboði fyrir ónafngreinda
íslenska aðila. Samkvæmt upplýs-
ingum frá landbúnaðarráðuneytinu
liggur enn ekkert fyrir um hvenær
leyfi verður veitt til innflutningsins
þar sem tilskilin gögn liggja enn
ekki fyrir.
Svíar fylgja strútunum
Ef af verður munu nokkrir Svíar
koma með strútunum, til að sjá um
þá á ferðalaginu og til að kenna
Islendingum umhirðu þeirra. Lar-
son segir Sænska strútaræktunar-
sambandið hafa mikla reynslu af
sllkum flutningum en þeir hafa á
síðustu árum flutt sex hundruð
strúta til ræktunar til Kanada.
Einnig hafa verið fluttir strútar frá
Svíþjóð til Noregs og Finnlands.
Heilbrigðisástand sænsku dýranna
er talið mjög gott og segir Larson J
að engin vandræði hafi komið upp
vegna sjúkdóma.