Morgunblaðið - 17.09.1996, Blaðsíða 29

MORGUNBLAÐIÐ
ÞRIÐJUDAGUR 17. SEPTEMBER 1996 29
MENNTUN
••
Samstarfsverkefni Olduselsskóla og foreldra
Hvers má vænta í upp-
hafi skólagöngu?
Morgunblaðið/Kristinn
FORELDRAR 6 ára barna í Ölduselsskóia eru áhugasamir um
skólagöngu ungviðisins og vilja góða samvinnu við skólann.
ÖLDUSELSSKÓLI og foreldrafélag
skólans hafa tekið höndum saman
um athyglisvert samstarf, sem feng-
ið hefur heitið Skólafærni og styrkt
er af Þróunarsjóði grunnskóla. Felst
það í þriggja kvölda námskeiði og
er ætlað foreldrum barna, sem hefja
nám í 1. bekk skólans. Hafa móttök-
ur verið mjög góðar því í skólann
eru 57 börn skráð í 1. bekk en 85
foreldrar sækja námskeiðið.
Daníel Gunnarsson, skólastjóri
Ölduselsskóla, sagði að námskeiðið
hefði þann tilgang að mynda sam-
stöðu meðal foreldra, að upplýsa þá
um hvers þeir geti vænst af skólanum
og hvers skólinn væntir af þeim.
Hann kvaðst þó ekki vilja fara nánar
út í það, en spurður hvort hann
vænti þess að foreldrar yrðu betur
meðvitaðir um aga og aðhald eftir
námskeiðið sagðist hann ekki endi-
lega kannast við það agaleysi sem
stöðugt væri klifað á. „Ég held að
allir foreldar sem eiga barn í skóla
geri sitt besta til að sú skólaganga
leiði til farsællar niðurstöðu. Við lif-
um hins vegar í barnfjandsamlegu
þjóðfélagi og fólki er ekki alltaf ljós
ábyrgð sín,“ sagði hann.
Kennarar áttu hugmyndina
Óskar Elvar Guðjónsson, sem er
í foreldrafélagi Ölduselsskóla, sagði
að hugmyndin um námskeiðið hefði
upphaflega komið frá kennurum og
undirbúningur hefði staðið yfir frá
ársbyijun. „Sex ára börn eru farin
að vera það lengi í skólanum að sinna
þarf þeim öðruvísi en áður. Þau koma
oft úr vemduðu leikskólaumhverfi
þar sem þau eru vön að vera 4-6 um
hvem fullorðinn, en í skólanum er
kannski einn fullorðinn með 20-22
böm. Umskiptin em töluverð og skól-
inn ætlar að reyna að gera foreldrum
grein fyrir því hvað breytist."
Hann sagði að fyrsta kvöldið hefði
tekist mjög vel og foreldrum hafí
greinilega þótt gaman. Þá sagði hann
athyglisvert hversu margir feður voru
viðstaddir. Þórkatla Aðalsteinsdóttir
og Margrét Guðmundsdóttir sálfræð-
ingar fluttu erindi um þroskaferil
bama. Eftir sameiginlega máltíð, sem
kennarar sáu um að elda, var bekkjum
skipt upp í hópa þar sem fjallað var
um einelti, samskipti og læsi. Nám-
skeiðinu lauk með póstaleik, þar sem
foreldrar fengu blað í hendur og áttu
að rata um skólann. Á næstu tveim-
ur kvöldum, sem eru byggð svipað
upp, verður meðal annars fjallað um
misþroska, ofvirkni og önnur
hegðunarfrávik, nemandann í skól-
anum og ýmislegt fleira.
Betri stuðningur á báða bóga
Að sögn Óskars vonast foreldrafé-
lagið til að námskeiðið skili sér í betri
stuðningi heimila við skólagöngu
bamanna og auknum skilningi á þvi
starfí sem fram fer í skólanum. „Einn-
ig vonumst við til að kennarar geri
sér betri grein fyrir hugmyndum for-
eldra um skólann. Og að skólinn verði
meðvitaðri um að það eru ekki ein-
ungis ný böm í skólanum heldur einn-
ig nýir foreldrar, sem þekkja ekki
alltaf til hvemig nútímaskóli er. Hann
hefur breyst mjög mikið frá því for-
eldrarnir voru I skóla,“ sagði Óskar.
Grunnskólakennarar í dönskunámi
Læra ritun í fjarnámi
og talmál í Danmörku
Morgunblaðið/Þorkell
ANNE Marie Sendergaard og Inga
Coello komu til landsins til að ýta
fjarnáminu úr vör, sem um 20 grunn-
skólakennarar taka þátt í.
TUTTUGU starfandi
grunnskólakennarar víðs
vegar að af öllu landinu eru
að hefja vetrarlangt ijarnám
í dönsku við Danmarks Lær-
erhojskole. Alls voru um-
sóknir hátt á sjötta tug fyr-
ir skólaárið 1996-97, að
sögn Brynhildar Ragnars-
dóttur kennsluráðgjafa og
starfsmanns Norrænu ráð-
herranefndarinnar á íslandi,
sem átti frumkvæðið að
námskeiðinu. „Hér er fyrst
og fremst um ritunarnám-
skeið að ræða, þar sem lögð
er áhersla á grunnþekkingu
á málkerfi og færni í mál-
notkun," sagði hún. Náminu er enn-
fremur ætlað að veita þátttakendum
nýtilegar hugmyndir í eigin kennslu.
í fyrra stunduðu sex grunnskóla-
kennarar tilraunanám við skólann,
sem tókst það vel að ástæða þótti
til halda áfram þeirri samvinnu. Síð-
astliðið vor var í kjölfarið tekið upp
samstarf við Studieskolen í Kaup-
mannahöfn um námskeið í munn-
legri dönsku sem nokkurs konar
framhald ritunarnámsins. „Þeir
kennarar sem tóku þátt í því voru
afar ánægðir með að geta sameinað
nám og sumarfrí. Kennt var fjóra
tíma á dag og síðan gátu inenn not-
ið þess að dvelja í dönsku umhverfi
og nýtt sér það sem æft hafði ver-
ið,“ sagði Brynhildur. Hún bætti við
að kennararnir hefðu haft orð á því
hversu mikilvægt væfi að vera á
námskeiði í sama málumhverfi.
Sjálfstraustið eykst
Ólafía Þórdís Gunnarsdóttir kenn-
ari við Grunnskóla Eyrarsveitar var
ein þeirra sem sótti tilraunanám í
fjarkennslu í fyrra og í kjölfarið nám-
skeið í munnlegri dönsku í Dan-
mörku. Hún segist ánægð með nám-
ið og þó einkum það sem fram fór
í Danmörku. „Framburður og talmál
er veikur punktur okkar sem höfum
„lent“ í að kenna dönsku. Þetta nám-
skeið gerði mér mjög gott og ég er
mun öruggari með mig,“ sagði hún.
Hún segir einnig að í kennsluefninu
í fyrravetur hafi fylgt námsefni fyrir
nemendur grunnskólans, sem hún
hafi notast við. Það hafi gert kennsl-
una íjölbreyttari og skemmtilegri.
Kirsten Friðriksdóttir formaður
Félags dönskukennara segir mjög
mikilvægt fyrir kennara á grunn-
skólastigi að hafa aðgang að endur-
og símenntun. „Margir grunnskóla-
kennarar eru óöruggir með kunnáttu
sína í dönsku og námskeið eins og
þessi bæta við þekkinguna. Kennar-
ana skiptir þó ekki síður máli að fá
staðfestingu á því að þeir kunna tölu-
vert í dönsku. Þeir verða öruggari
með sig í kennslunni sem er auðvitað
jákvætt," sagði hún. Þá sagði hún
fjarkennslu mjög mikilvæga fyrir
kennara úti á landi, sem ættu oft
erfiðara um vik að komast á nám-
skeið.
Fjölmiðla-
fræði í FÁ
UPPLÝSINGATÆKNI- og
tölvuval er nýr valkostur á fé-
lagsfræðibraut Fjölbrautaskól-
ans við Ármúla (FÁ) frá því í
haust. Um er að ræða 27 ein-
inga nám þar sem grunnurinn
byggist á ritvinnslu, tölvufræði,
upplýsingatækni og fjölmiðla-
fræði. í valáföngum geta nem-
endur fengið æfingar í frétta-
og greinaskrifum, útvarps- og
myndbandagerð og útgáfu
skólablaðs með öllu því sem
slíkri úgáfu tilheyrir.
I samræmi við lög um fram-
haldsskóla eru brautirnar að-
eins þijár til stúdentsprófs, en
nemendum bjóða ýmsir kostir á
hverri braut. Einnig hafa átt
sér stað ýmsar lagfæringar á
starfsmenntabrautum frá síð-
asta skólaári og nýjum brautum
verið bætt við. Ánnars vegar
námi fyrir fólk í félagslegri
heimaþjónustu, sem tekið verð-
ur upp í náinni samvinnu við
Félagsmálastofnun og hins veg-
ar viðskiptabraut. Báðar braut-
irnar eru miðaðar við um það
bil árs nám.
Heimili og skóli
Formannaskipti
JÓNÍNA Bjartmarz lögmaður
hefur tekið við formennsku í
samtökunum Heimili og skóli
af Unni Halldórsdóttur, sem
starfar áfram sem fram-
kvæmdastjóri. Jónína er í for-
eldraráði Ólduselsskóla.
Aðrir stjórnarmenn eru Axel
Eiríksson, Reykjavík, Agnes
Antonsdóttir, Rangárvalla-
sýslu, Björg Árnadóttir, Mý-
vatnssveit, Elvar Þorkelsson,
Reykjavík, Halldór Björnsson,
Reykjanesbæ og Kolbrún Odds-
dóttir, Reykjavík.
AÐSENDAR GREINAR
För flýtt fyrir
ættemisstapa
AÐ undanfömu hef-
ur fjármálaráðherra,
Friðrik Sophusson,
vakið verðskuldaða at-
hygli og aðdáun fyrir
röggsemi í starfi og
þó einkum fyrir far-
sæla og snjalla lausn
á sligandi lífeyris-
sjóðsskuldbindingum
ríkissjóðs. Hann hefur
í stuttu máli sagt skor-
ið upp herör gegn
gamlingjum, sem leyfa
sér þá fáheyrðu ós-
vinnu að lifa lengur
en góðu hófi gegnir
og verða þannig
óbærileg byrði fyrir
komandi kynslóðir eða
réttara sagt fyrir Friðrik Sophus-
son og eftirmenn hans í íjármála-
ráðuneytinu.
Snillingur þessi hefur ráð undir
rifi hveiju, fyrst leiðréttir hann t.d.
tvísköttun á ellilífeyrisþega, því
næst „leiðréttir“ hann sína eigin
leiðréttingu með því að tvískatta
þetta gamla og gleymda fólk aftur
á nýjan leik. Og eftir að Friðrik
frækni var búinn að fá fyrrverandi
forseta ASÍ til liðs við sig voru
heimatökin einkar hæg fyrir hann.
Þannig að með einu handtaki frek-
ar en tveimur tókst þessum nýbök-
uðu félögum að hirða 400 milljónir
af ellilífeyrisþegum í þeim göfuga
tilgangi að bæta kjör vinnandi
fólks í landinu. Auðsætt er að
Benedikt Davíðsson hefur reist sér
óbrotgjarnan minnisvarða með
þessu myndarlega framtaki sínu.
Er þetta ekki enn eitt frábært
dæmi um siðferðisþroska og göf-
uglyndi íslenskra ráðamanna?
Nýjasta ráðið til að stytta ævi-
daga þessara langlífisgemlinga eða
lífslíkur er fólgið í því að gera
læknaþjónustuna svo að segja
óvirka og fjölda lækna landflótta.
jafnskjótt og landið verður orðið
nær læknalaust mun dauðsföllum
fljótlega fjölga og hlutfallslega
mest meðal eldri og heilsutæpari
borgara. En hvers vegna ekki að
stíga skrefið til fulls og leyfa
mönnum ekki að lifa lengur en til
75 ára aldurs, spyija nú gárung-
arnir með gömlum galsarómi. Að
þeirra dómi ætti að setja á laggirn-
ar ævistyttingarþjónustu og það
hið bráðasta. Og þeir láta ekki þar
við sitja heldur leggja líka til að
þessi þarfa þjónusta verði falin
starfsmönnum fjármálaráðuneyt-
isins, enda engum öðrum betur
treystandi til þess en undirtyllum
Friðriks Sophussonar, sem er á
góðri leið með að losa okkur endan-
lega við þessa lækna, sem eru
sýknt og heilagt að ljúga upp á
mann heilsuleysi og alls konar
kvillum. Friðriki frækna yrði seint
fullþakkað fyrir þá miklu land-
hreinsun. Áður en ævistyttingar-
þjónustan tæki til starfa yrðu
starfsmenn fjármálaráðuneytisins
sendir á námskeið í nálarstungu
og það vitaskuld á kostnað ríkisins.
Alengdar stendur svo hárprúði
maðurinn með geislabauginn,
sjálfur forsætisráðherrann, sem
hefur helst unnið sér það til frægð-
ar að hafa kynnt okk-
ur fyrir MacDonald,
frumkvöðli skyndi-
bitamenningarinnar í
hinum siðmenntaða
heimi og svo síðast en
ekki síst fyrir að hafa
sungið forsetaemb-
ættinu tímabært eða
ótímabært „lof“, eftir
því hvernig á það er
litið.
Davíð Oddsson hef-
ur hreinan skjöld og
hreinar hendur, enda
felur hann öðrum að
Halldór moka flórinn á óðal-
Þorsteinsson sjörð sinni. Það er ekki
ofsagt að hann sé
helgur maður í helgum
steini og svo hátt hafinn yfir öll
skítverkin sem þarf þó að vinna,
að hann finnur ekki einu sinni
fnykinn frá flórnum. Réttur maður
Áður en ævistyttingar-
þjónustan tæki til
starfa, segir Halldór
Þorsteinsson, yrðu
starfsmenn fjármála-
ráðuneytisins sendir á
námskeið í nálarstungu.
á réttum stað. Það sama verður
ekki sagt um heilbrigðisráðherra,
enda er hann hálfgerð hornreka
og jafnan markaður svo þröngur
bás að hann getur lítið annað en
bölvað og ragnað í hljóði og fund-
ist það helvíti hart að heita ráð-
herra og fá svo engu að ráða.
En setjum svo að þetta fari allt
úr böndunum og ævistyttingar-
þjónustan komist aldrei á laggirnar
sökum þvergirðingsháttar og
þröngsýni, þá yrði fjandinn sjálfur
Íaus og ekkert framundan nema
glundroði og gjaldþrot.
Ég undirritaður yrði t.d. senni-
lega þungur baggi fyrir lífeyrissjóð
starfsmanna ríkisins, þar sem lífs-
líkur mínar hljóta að teljast
ískyggilega miklar í ljósi þess að
faðir minn var níræður, þegar hann
féll frá, og móðir mín var næstum
því hundrað og eins og svo átti ég
Ííka frænku sem varð hundrað og
þriggja ára. En við skulum bara
vona að allt fari á besta veg, enda
er mér tamt að einblína á björtu
hliðarnar eins og móðir mín sáluga
gerði líka oftast.
Að lokum langar mig til að bera
fram þá frómu ósk að Indriði Þor-
láksson, skrifstofustjóri í fjármála-
ráðuneytinu veiti mér náðarhöggið
eða réttara sagt gefi mér náðar-
sprautuna, enda er hann hinn
þekkilegasti náungi, ættaður úr
Mýrdalnum. Ég er fullviss um að
hann mun ekki skorast undan því
að gera mér þennan greiða, þegar
stóra stundin rennur upp.
Höfundur er skólastjóri Málaskóla
Halldórs.