Morgunblaðið - 17.09.1996, Blaðsíða 47
MORGUNBLAÐIÐ
ÞRIÐJUDAGUR 17. SEPl'EMBER 1996 47
FRÉTTIR
Námstefnaum
gæðasljórnun í
menntakerfinu
| GÆÐASTJÓRNUNARFÉLAG ís-
lands stendur fyrir námstefnu um
Gæðastjórnun í Menntakerfinu á
Hótel Borg 27. september nk.
Dieane S. Ritter, fyrirlesari nám-
stefnunnar, starfar sem deildar-
stjóri menntasviðs hjá ráðgjafar-
fyrirtækinu GOAL/QPC í Banda-
ríkjunum. Hún hefur stundað
| rannsóknir á altækri gæðastjórn-
I un í menntakerfinu og unnið sem
ráðgjafi, bæði í grunnskólum,
1 framhaldsskólum og háskólum.
Diane Ritter er vinsæll fyrirles-
ari í Evrópu og í Bandaríkjunum
og flutti hún erindi á ráðstefnu
Samtaka evrópskra gæðastjórnun-
arfélag (EOQ) í Berlín í byijun
september. Diane Ritter hefur
starfað ötullega að gæðamálum
síðan 1980. Á námstefnunni verð-
ur lögð áhersla á umljöllun um
hvernig nota má verklag og að-
ferðir altækrar gæðastjórnunar í
menntakerfinu, einkum við stjórn-
un og skipulagningu skólastarfs
og í skipulegu umbótastarfi í skól-
um.
Námstefnan er ætluð öllu
áhugafólki um gæðastjórnun í
skólakerfmu og í fræðslumálum í
fyrirtækjum. Þ.e.a.s. skólastjórn-
endum, fræðslustjórum, starsfólki
í menntakerfinu, kennurum og
öðrum sem starfa beint eða óbeint
að gæðamálum.
Nánari upplýsingar fást á skrif-
stofu Gæðastjórnunarfélags ís-
lands, Garðastræti 41.
Ráðstefna Samvinnu hjúkrunar-
fræðinga á Norðurlöndum
Laun og vinnuaðstæður
hjúkrunarfræðinga á
Norðurlöndum
FÉLAG íslenskra hjúkrunarfræð-
inga verður gestgjafi á ráðstefnu
Samvinnu hjúkrunarfræðinga á
Norðurlöndum dagana 17.-18.
september á Scandic Hótel Loft-
leiðum. Von er á 66 fulltrúum frá
stéttarfélögum hjúkrunarfræð-
inga í Danmörku, Svíþjóð, Noregi
og Finnlandi sem munu taka þátt
í ráðstefnunni.
„Markmið ráðstefnunnar er að
bera saman stöðu kjara- og rétt-
indamála hjúkrunarfræðinga á
Norðurlöndum og leggja mat á
mismunandi aðferðir í baráttu fyr-
ir bættum kjörum. Ýmsar hug-
myndir og kenningar verða reifað-
ar, m.a. notkun starfsmats og
jafnrétti kynjanna í launamálum.
Á undanförnum árum hafa hjúkr-
unarfræðingar á öllum Norður-
löndum farið í verkföll eða beitt
aðferðum til að knýja fram bætt
kjör og samanburðurinn mun
væntanlega varpa ljósi á hvaða
áhrif það hefur haft á kjör þeirra,“
segir í fréttatilkynningu hjúkrun-
arfræðinga.
Jafnframt segir: „Sérstakur
gestur ráðstefnunnar verður Pat
Armstrong, prófessor og forstöðu-
maður School of Canadian Studies
í Ottawa í Kanada. Hún er sérfróð
um aðferðir til að tryggja kynhlut-
leysi í notkun starfsmats við
ákvörðun launa.
Fyrir nokkrum árum höfðaði
félag hjúkrunarfræðinga í Kanada
mál vegna starfsmats sem vinnu-
veitendur hugðust nota þar í landi
en hægt var að sýna fram á að
var ekki kynhlutlaust. Armstrong
aðstoðaði við rekstur þessa máls
og í erindi sem hún flytur mun
hún m.a. Ijalla um það.“
Ágóðasýning fyrir
börn með krabbamein
SAMBÍÓIN og íslenska miðlasam-
bandið efna til ágóðasýningar fyr-
■r börn með krabbamein miðviku-
daginn 18. september í Bíóborg-
inni við Snorrabraut. Kl. 20 mun
hefjast skyggnilýsing en því næst
verður nýjasta mynd John Tra-
volta, „Phenomenon", sýnd. Frum-
sýning verður 20. september. Miðl-
arnir sem sjá um skyggnilýsingu
eru Þórhallur Guðmundsson, Guð-
fún Hjörleifsdóttir, María Sigurð-
ardóttir og Símon Bacon.
Miðaverð er 1.000 krónur og
fnun allur ágóði renna til Styrktar-
félags krabbameinssjúkra barna
(SKB). I því sambandi má geta
þess að allir sem koma að um-
ræddum viðburði gefa vinnu sína.
Forsala miða er hafin og fer hún
fram í Sambíóunum Álfabakka og
Snorrabraut.
„Phenomenon" gerist í litlu
sveitaþorpi í Kaliforníu. Sagt er
frá George Malley (John Travolta)
en líf hans tekur óvænta stefnu á
37. afmælisdegi hans. Hann öðlast
nýja hæfileika sem m.a. felast í
að hann getur fært hluti með hug-
arorkunni einni, lært ný tungumál
á 20 mínútum, skynjað undanfara
jarðskjálfta, innbyrt innihald allt
að 5 bóka á sólarhring og fleira
mætti nefna. Vinum George og
þorpsbúum öllum verður brugðið
við hina nýju hlið á honum en
hann heldur sínu striki og fer að
einbeita sér að lífrænum rann-
sóknum og fleiri verkefnum sem
engan hafði órað fyrir. Samt
gleymir hann ekki draumadísinni
sinni, Lace (Kyra Sedgewick), sem
á fastan stað í hjarta hans hvað
sem á gengur.
Maðurinn er talinn nýta einung-
is um 20% af getu heilans. í mynd-
inni er þeirri spurningu varpað
fram hvað gæti gerst ef nýting
einhvers einstaklings myndi auk-
ast umtalsvert, segir í fréttatil-
kynningu.
Morgunblaðið/Golli
Hálf milljón til Sjálfsbjargar
AÐALÚTGÁFAN og Sjálfs-
björg hafa að undanförnu staðið
fyrir sölu á bók og snældu sem
saman nefnast Ferðafélagi
barnanna. Bókin er um 80 síður
og inniheldur leiki, söngva,
ævintýri, kvöldbænir, fróðleik
um ísland og myndir til að lita
svo eitthvað sé nefnt.
Snældan er tvískipt en á ann-
arri hliðinni syngur Ingunn
Gylfadóttir við undirleik Tóm-
asar Hermannssonar þekkt
barnalög. Peningarnir sem
safnast munu verða notaðir í
að byggja útivistarsvæði fyrir
fatlaða við Elliðavatn sem nefn-
ist Sólbakki. Þar eru þegar
komnar hjólastólabrautir og
fleira sem gerir fötluðum auð-
veldara að njóta náttúrunnar í
sérhönnuðu umhverfi.
Á dögunum afhenti Salvar
Halldór Björnsson, fram-
kvæmdastjóri Aðalútgáfunnar,
Sigurrós M. Siguijónsdóttur,
formanni Sjálfsbjargar Reykja-
víkur og nágrennis, hálfa millj-
ón króna sem er hluti af þeim
hagnaði sem þegar er búið að
innheimta, en sala stendur enn
yfir.
Björgun úr
rústum æfð á
Kjalarnesi
ÆFING í svokallaðri rústabjörgun
verður haldin í Saltvík á Kjal-
arnesi helgina 20.-22. september
nk. Æfingin er uppsett fyrir rústa-
hópa björgunarsveita á suðvestur-
landi en megintilgangur hennar
er að gera sveitirnar hæfari til að
bjarga fólki úr húsarústum og
öðrum mannvirkjum.
Frá árinu 1989 hafa 140 flokks-
stjórar frá björgunarsveitum og
slökkviliðum lokið 50 tíma nám-
skeiði í Saltvík sem haldin eru á
vegum Almannavarna ríkisins.
Þessum floksstjórum er síðan ætl-
að að þjálfa sínar sveitir og er
þessi æfing hluti af þeirri þjálfun.
Þessi æfing er talsvert frábrugðin
hefðbundnum æfingum og má
segja að hún sé spegilmynd af
æfingu sem einn leiðbeinendanna,
Þór Magnússon, tók þátt í með
björgunar- og slökkviliðum í
Virginíufylki í Bandaríkjunum
vor, segir í fréttatilkynningu.
Æfingin byggir á mörgum
verkefnum sem sveitirnar þurfa
að leysa hver á eftir annarri. Verk-
legar æfingar hefjast kl. 8 á laug-
ardagsmorgni þann 21. Búist er
við að þátttakendur verði yfir átta-
tíu og starfsmenn og aðstoð-
Síðasta þriðju-
dagsganga
í Viðey
SÍÐASTA þriðjudagsgangan í
Viðey á þessu sumri verður í
kvöld. Farið verður kl. 19 með
Viðeyjarfeijunni úr Sundahöfn.
Gangan hefst við kirkjuna og
verður farin leið sem liggur um
túnið sunnan Heljarkinnar, en síð-
an með gamla túngarðinum yfir
á norðurströnd Heimaeyjarinnar.
Eftir henni verður gengið vest-
ur í Eiðishóla en svo þaðan heim
að kirkju aftur. Sitthvað verður
einnig skoðað heima við, áður en
haldið verður í land aftur. Þetta
er síðasti hluti þriðju raðgöngunn-
ar um Viðey á þessu sumri og
um leið stysta gangan, tekur ekki
meira en hálfan annan tíma.
Þátttökugjald er ekkert annað
er feijutollurinn, sem er 400 kr.
fyrir fullorðna og 200 kr. fyrir
börn. Fólk er hvatt til að búa sig
eftir veðri.
FUF í Reykjavík
Brýnt að
breyta lögum
um LIN
FÉLAG ungra framsóknarmanna
í Reykjavík hélt aðalfund sinn í
fyrradag, þar sem m.a. var álykt-
að um að brýnt væri að lögum
um Lánasjóð íslenskra náms-
manna væri breytt á haustþingi.
FUF benti á í ályktun sinni að
framsóknarmenn hefðu gert til-
lögur í nefnd menntamálaráð-
herra um endurskoðun laga um
LÍN um mánaðarlegar greiðslur
lána til námsmanna og um lækk-
un endurgreiðsluhlutfalls.
Orðrétt segir í ályktuninni, „að
ef Sjálfstæðisflokkurinn fellst
ekki á þessar tillögur sé Fram-
sóknarflokknum rétt að fara fram
á nýja skiptingu málefna í 2. ráðu-
neyti Davíðs Oddssonar - þannig
að menntamál falli hér eftir fram-
sóknarmönnum í skaut.“
Ný stjórn FUF var kjörin á
fundinum. Formaður er Þorlákur
Traustason og aðalmenn í stjórn
eru Dagný Jónsdóttir, Finnur Þ.
Birgisson, Gísli Tryggvason, Guð-
mundur Gíslason, Steingrímur
Ólason og Svava Kristinsdóttir.
Háskólafyrir-
iestur um
guðfræði
DR. TÖBY Lehtsaar, prófessor við
guðfræðideild háskólans í Tartu,
Eistlandi, flytur opinberan fyrir-
lestur í boði guðfræðideildar Há-
skóla íslands miðvikudaginn 18.
september kl. 10.15 í kapellu há-
skólans.
Fyrirlesturinn, sem verður flutt-
ur á ensku, nefnist: „The Structure
and Function of Autobiographical
Religious Experiences“. v
Dr. Tönu Lehtsaar er forseti
guðfræðideildar háskólans í Tartu
og var gestur á fundi forseta guð-
fræðideilda við háskóla á Norður-
löndum sem haldinn var í Skál-
holti 13.-15. september sl.
Þrír jafnir í
helgarskák
ÞRÍR skákmenn urðu efstir og
jafnir á Helgarskákmóti Taflfélags
Reykjavíkur sem fram fór um helg-
ina. Lokastaða efstu manna varð
þessi:
1.-3. Arnar E. Gunnarsson 5‘A
vinning af 7, 1.-3. Tómas
Björnssoon 5'A, 1.-3. Einar Hjalti
Jensson 5‘/2, 4.-6. Arnar Þor-
steinsson 5, 4.-6., Björn Þorfinns-
son 5, 7.-12. Jón Viktor Gunnars-
son 4'/2, 7.-12. Björn Siguijóns-
son 4'A, 7.-12. Ingi Þór Einarsson
4'/2, 7.-12. Stefán Kristjánsson
4‘A, 7.-12. Arngrímur Gunnhalls-
son 4'A og 7.-12. Matthías Kjeld
með 4 'h vinning.
Helstu úrslit í síðustu umferð:
Arnar E. Gunnarsson - Tómas
Björnsson 'h-'h, Einar H. Jensson
- Jón Viktor Gunnarsson 1-0,
Arnar Þorsteinsson - Björgvin
Víglundsson 'h-'h og Björn Þorf-
innsson - Sverrir Sigurðsson 1-0.
Leiðrétt
Úrvalsferðir
Röng mynd birtist á sunnudag-
inn með frétt um nýjan vetr-
arbækling frá ferðaskrifstofunni
Úrval/Útsýn. Birtist hér rétta
myndin og jafnframt er beðist af-
sökunar á mistökunum.
V estfjarðagöng
I undirfyrirsögn fréttar af
greftri Vestfjarðaganga sl. laugar-
dag slæddist auka n inn í eignar-
fall fleirtöluorðsins göng og það
varð gangna í stað ganga. Orðið
er hvorugkyns og því er seinna
n-inu ofaukið. Eignarfall kven-
kynsorðsins göngur er hins vegar
gangna og vill brenna við, að þess-
um eignarfallsmyndum sé ruglað
saman. Mistökin urðu á síðasta
vinnslustigi síðunnar og hafa
glöggir lesendur vafalaust tekið
eftir, að eignarfallsmyndin er rétt
annars staðar í fréttinni.
Aðalritari en ekki formaður
í umfjöllun um ráðstefnu um sjálf-
bæra þróun á 21. öld, sem birtist
á sunnudaginn undir titlinum
„Framtíð alheimsnágrennisins
rædd“, var einn ráðstefnugesta,
Sir Sridath Ramphal, ranglega
sagður „fyrrverandi formaður
Brezka samveldisins". Rétt er að
hann gegndi um 15 ára skeið stöðu
aðalritara samtaka Samveldis-
landanna.
■ UMBOÐ Happdrættis SÍBS í
Hafnarfirði er flutt í Filmur og
framköilun sf., Miðbæ, Hafn-
arfirði. Á myndinni eru Alberl
Már Steingrímsson og Ólafía
Ólafsdóttir sem munu sjá um end-
urnýjun og afgreiðslu vinninga.