Morgunblaðið - 17.09.1996, Blaðsíða 26

26 ÞRIÐJUDAGUR 17. SEPTEMBER 1996
LISTIR
MORGUNBLAÐIÐ
Norræn kvennastórsveit
Tónleikar sjöttu RúRek jazzhátíðar-
innar haldnir alla daga næstu viku
RÍKISÚTV ARPIÐ, Reykjavíkur-
borg og Jazzdeild Pélags íslenskra
hljómlistarmanna efna til sjöttu
RúRek jazzhátíðarinnar í Reykja-
vík dagana 22.-28. september.
Hatíðin verður sett í Tónleikasal
FÍH við Rauðagerði sunnudaginn
22. september kl. 17.00 og kemur
þar fram fjöldi hljóðfæraleikara.
Óllum er heimill aðgangur meðan
húsrúm Ieyfir.
Um kvöldið leikur Non-æna
kvennastórsveitin (April Light
Orchestra) á Hótel Sögu. Hljóm-
sveitina skipa tuttugu hljóðfæraleik-
arar, þar á meðal íslenski gítarleik-
arinn Guðrún Hauksdóttir. Söng-
kona hljómsveitarinnar, Almaz Ye-
bio, er frá Svíþjóð, en einnig syngur
Andrea Gylfadóttir með sveitinni.
Tvennir tónleikar verða að auki
á Hótel Sögu. Skúli Sverrisson
bassaleikari leikur þar á fimmtu-
dagskvöld með bandarískri hljóm-
sveit sinni og daginn eftir verða
stórtónleikar RÚV og RúRek. Þar
leikur Sextett Sigurðar Flosasonar
í beinni útsendingu Ríkisútvarpsins
víða um Evrópu og síðar um kvöld-
ið leikur Svíngkvintett Levinsons
og Schevings lög af efnisskrá
Benny Goodmans. Meðal liðsmanna
kvintettsins er píanistinn John
Weber sem halda mun einleikstón-
leika í Menningarstofnun Banda-
ríkjanna, auk þess sem hann mun
leika með Bjarna Sveinbjörnssyni
og Guðmundi Steingrímssyni verk
af efnisskrá Guðmundar Ingólfs-
sonar.
Frá Kanada koma söngkonan
Tena Palmer og gítarleikarinn
Justin Haynes og halda tónleika á
Sóloni íslandusi og frá Hollandi
tríó píanistans Wolferts Brederode.
Þá er Pétur Östlund gestur á Rú-
Rek og leikur með Eyþóri Gunnars-
syni og Þórði Högnasyni á Píanói
í Hafnarstræti á mánudagskvöld
en Jakob Frímann Magnússon leik-
ur með Agli Ólafssyni og tríói
Björns Thoroddsens í Leikhúskjall-
aranum á þriðjudagskvöld.
Kvartett danska gítaristans Pi-
erre Dorge leikur á lokatónleikum
hátíðarinnar á Hótel Borg hinn 28.
og sama dag leikur Stórsveit
Reykjavíkur í Útvarpshúsinu og er
gestum og gangandi heimill að-
gangur meðan húsrúm leyfir.
Fjöldi annarra íslenskra hljóm-
sveita kemur fram á hátíðinni. Má
þar nefna Brunahanana og hljóm-
sveit Stefáns S. Stefánssonar sem
efna til tónleika í Leikhúskjallaran-
um á miðvikudagskvöld. Þá leikur
í Djúpinu tríó Péturs, Hilmars og
Matthíasar er hefur spuna og nýja
tónlist á efnisskránni. Að auki verð-
ur jazz á fjölmörgum veitingahúsum
öll kvöld og eftirmiðdagsjazz á
smurbrauðsstofunni Jómfrúnni síð-
degis alla daga. Að vanda verður
útvarpað frá RúRek á Rás 1 alla
dagana, yfirleitt frá klukkan 23 til
24.
September-
tónleikar Sel-
fosskirkju
FJÓRÐU tónleikarnir í tónleikaröð
Selfosskirkju nú í haust, verða í
kvöld þriðjudag kl. 20.30. Organ-
isti er Kári Þormar.
Kári Þormar hefur lokið prófum
í orgelleik frá Tónskóla Þjóðkirkj-
unnar og er nú við framhaldsnám
í Dusseldorf.
Á efnisskránni eru verk eftir
Pál ísólfsson, Jón Nordal, J. S.
Bach og Cesar Franck. Lengd tón-
leikanna er um 45 mínútur.
Aðgangur er ókeypis.
-----» ♦—»-----
• Lindee Climo, listakona sem
búsett er í Nova Scotia, er höf-
undur myndraðar, sem byggð
er á þekktum listaverkum en
þar sem sauðfé er í aðalhlut-
verki. Alls eru myndirnar 23
og á meðal verkanna má nefna
„Monu Lisu-kind“ og „Venusar-
kind“. Eru verkin nú til sýnis í
Washington, í Bandaríska
kvennalistasafninu. Þar segir
m.a. um verk Climo, að þau
dragi dár að sjálfumgleði mann-
skepnunnar.
Smástyttu-
akur
BRESKI listamaðurinn Antony
Gormley fetar sig um nýjasta verk
sitt, sem hann kallar „Field for the
British Isles“ (Akur fyrir bresku
eyjarnar) og getur að líta í Hayw-
ard-galleríinu í London. Eitt hund-
rað sjálfboðaliðar veittu Gormley
hjálparhönd við gerð verksins og
mótuðu alls 40.000 smástyttur sem
mynda verkið. Sést hluti þeirra
hér á myndinni.
Reuter
Nýjar bækur
• ÓTRÚLEG lífsbarátta eftir bíl-
slys! er eftir Ólaf Þór Eiríksson.
í bókinni segir frá afleiðingum
umferðarslyss í Grímsnesi 23. sept-
ember 1975, þar sem tveirmenn
létustpg tveir slösuðust lífshættu-
lega. Ólafur Þór Eiríksson segir frá
lífsreynslu sinni og baráttunni við
að fóta sig í samfélaginu eftirend-
urhæfingu. I kynningu segir Árni
Hilmarsson: „Þessi hreinskilnings-
lega lýsing höfundar á sigrum sín-
um og ósigrum í
endalausri barátt-
unni lætur engan
ósnortinn. Baráttu
sem enn heldur
áfram.“
Ótrúleg lífsbar-
átta eftir bílslys!
er 115 blaðsíður
Ólafur Þór prentuð hjá Grág-
Eiríksson ás íKeflavík. Út-
gefandi er höfundur.
T ! X aæ pm m
1T o N
_ * -s!í5SJÉ N
TONLEIKAR I HASK0LABI0I
FIMMTUDAG 19. SEPTEMBER KL. 20.00
06 í ÍÞRÓTTAHÚSINU
A TORFNESI, ISAF1RÐI,
LAUGARDAG 21.
SEPTEMBER KL. 16.00
Petri Sokari,
hljómeitarstjóri
Erling Blöndal Bengtsson
einleikmi
Efnisskró
Richard Wagner: Meistarasöngvararnir
fró Nurnberg, forleikur
Jón Nordal: Sellókonsert
Antonin Dvorak: Sinfónía nr. 8
SINFÓNÍUHLjÓMSVEIT ÍSLANDS (^í
Háskólabíói vib Hagatorg, sími 562 2255
MIÐASALA Á SKRIFSTOFU HLJÓMSVEITARINNAR OG VIÐ INNGANGINN
THE American Boychoir
Amerískur drengja-
kór í heimsókn
AMERÍSKI drengjakórinn The Am-
erican Boychoir helldur tónieika í
kvöld þriðjudagskvöld kl. 20.30. í
Grensáskirkju. Drengjakórinn þiggur
boð barnakórs Grensáskirkju og
dvelur hér á landi í þijá daga eftir
að hafa haldið tónleika í Danmörku
og Þýskalandi.
Kórinn skipa 36 drengir á aldrin-
um 11-14 ára. Kórinn var stofnaður
1937 og er samkvæmt kynningu tal-
inn einn þriggja bestu drengjakóra
heims ásamt Vínardrengjakómum
og King’s College-kórnum.
Kórdrengirnir koma víðsvegar að úr
Bandaríkjunum og stunda tónlist-
amám ásamt almennu námi í Prince-
tonkórskólanum í New Jersey.
Dr. James Litton er stjórandi kórs-
ins. Kórinn syngur á öllum helstu
tónlistarhátíðum vestra og einnig
koma drengirnir fram sem sólistar
með kórum og sinfóniuhljómsveitum
og einnig í óperusýningum.
Verkefnaskrá tónleikanna í Grens-
áskirkju verður bæði kirkjuleg og
veraldleg. Undirleikari með kórnum
er Thomas Goeman.
Tökum
lokið á
„Maríu“
NÚ er lokið tökum á kvikmyndinni
„Maríu“ í leikstjórn Einars Heimis-
sonar. „María“ er framleidd af Is-
lensku kvikmyndasamsteypunni fyr-
irtæki Friðriks Þórs Friðrikssonar og
þýska kvikmyndafyrirtækinu Blue
Screen Film.
Myndin fjallar um þýskar flótta-
konur sem komu til Islands eftir
seinni heimsstyijöldina til að starfa
á íslenskum bóndabæjum. Sögð er
magnþrungun örlagasaga einnar
þeirra, Maríu sem leikin er af þýsku
leikkkonunni Barbörnu Auer. Onnur
helstu hlutverk eru í höndum Arnars
Jónssonar, Hinriks Ólafssonar,
Helgu E. Jónsdóttur, Kjartans Bjarg-
mundssonar, Björn Karlssonar, Ald-
ísar Baldvinsdóttir, Rúriks Haralds-
sonar og Kjartans Guðjónssonar.
Tökur fóru meðal annars fram á
Snæfellsnesi, Reykjanesi og í
Reykjavík. Kvikmyndataka var í
höndum Sigurðar Sverris Pálssonar
sem nýlega hlaut verðlaun fyrir kvik-
myndatöku á myndinni Tár úr steini
á kvikmyndahátíðinni í Prag. Árni
Páll Jóhannsson hannaði leikmynd-
ina og endurgerði meðal annars Hót-
el Borg þriðja áratugarins í Rafha-
húsinu í Hafnarfirði. Aðstoðarleik-
stjóri var María Sigurðardóttir.
Áætlað er að frumsýna „Maríu“
vorið 1997.
VERK eftir Ingnnni Láru
Flókateppi í
Umbru
TIL 9. október stendur yfir kynning
á flókateppum, verkum þriggja list-
nema og kennara þeirra í þessari
ævafornu aðferð við gerð klæðis.
Teppin eru eftir Ingunni Láru Brynj-
ólfsdóttur, Söndru Laxdal og Björgu
Pétursdóttur auk þrívíðs forms eftir
kennara þeirra, Onnu Þóru Karls-
dóttur.
Að þæfa ull til klæðisgerðar er
elsta aðferð sem þekkt er og hefur
verið notuð allt fram á þennan dag
og við gerð teppa og klæðis hjá hirð-
ingjum og þjóðum í Mið- og Austur
Asíu en lítið notuð á síðari árum,
þó aðferðin við gerð flóka hafi aldrei
lagst af.
Breyttur opnunartími Gallerísins
út september verður þriðjudaga til
föstudaga kl. 15-18, laugardaga
13-18 og sunnudaga 14-18.
------»_»_*----
Myndverk fyr-
ir heimsvefinn
SETT hefur verið upp sýningin „Hús-
ið er eins og frumskógur" eftir Hlyn
Helgason á heimsvefnum, sam-
tengdu tölvuneti.
I kynningu segir: „Talsvert hefur
verið um það að myndverk hafa ver-
ið gerð fyrir þennan vettvang, en
ekki er þar með sagt að hann njóti
viðurkenningar sem slíkur eða að
möguleikar hans séu almennt nýttir.
Þetta verk, sem heitir „Húsið er eins
og f'rumskógur" í íslensku útgáfunni
(„The House, the Forest" í þeirri
ensku), hefur verið sérstaklega búið
til með möguleika netsins í huga:
Það notast bæði við myndir og texta
og sérstök áhersla er lögð á samsetn-
ingarmöguleika heimsvefsins, á
„matrixu“-möguleikana.“
Netfangið er:
http://www.saga.is/hlynur