Morgunblaðið - 24.10.1996, Blaðsíða 14
14 FIMMTUDAGUR 24. OKTÓBER 1996
AKUREYRI
MORGUNBLAÐIÐ
Sláturhússtjóri KEA segir fækkun sauðfjár ekki skýra samdrátt í slátrun
Ovenjumikið var um heima-
slátrun fjár á þessu hausti
UMTALSVERT færri dilkum var
slátrað hjá sláturhúsi Kaupfélags
Eyfirðinga á nýliðinni sláturtíð en
áður. Alls var slátrað tæplega
28.500 fjár, þar af um 26 þúsund
dilkum. KEA rekur nú þetta eina
sláturhús í Eyjafirði, en á liðnum
árum hafa sláturhús á Grenivík,
Ólafsfirði, Dalvík og Svalbarðs-
strönd verið lögð niður. Á síðasta
ári var slátrað rúmlega 34 þúsund
fjár í sláturhúsinu. Fækkunin nem-
ur því um 5.500 fjár. „Sauðfé hefur
verið að fækka jafnt og þétt í Eyja-
firði á síðustu árum, í fyrra var
töluvert um uppkaup ríkisins á full-
orðnu fé, en ég tel að aukin heima-
slátrun sé helsta skýringin á því
hversu fátt er um fé sem slátrað
er hjá okkur núna,“ segir Óli Valdi-
marsson, sláturhússtjóri. „Það var
óvenjumikið um heimaslátrun á
svæðinu í haust.“
Útflutningsskylda, sem kveður á
um að 19% af öllu því magni sem
lagt er inn í sláturhúsin skuli fara
til útflutnings, segir sláturhússtjóri
að ýti mönnum út í aukna heima-
slátrun. „Það er eins og þróist oft
eins konar neðanjarðarkerfi í kjölfar
svona hörkureglugerða. Mín skoðun
er sú að þetta eigi að vera fijálst,
það er heiðarlegast."
Mest heimaslátrun kringum
stóru kaupstaðina
Óli segir að ekki hafi verið mikið
um heimaslátrun á síðasta ári, en
af heimtöku nú megi ráða að hún
hafi aukist. Heimtökuréttur á hvern
heimilismann er nú 60 kíló, en var
80 kíló í fyrra. Heimtakan hefði því
átt að minnka um 25% milli ára,
en hún hefði minnkað meir en það.
Markaðsverð á óstimpluðu kjöti í
Eyjafirði er um 250 krónur á kílóið
en 300 ef það er stimplað. Fyrir
kjöt sem flutt er út gætu fengist
um 150-180 krónur á kíló. „Heima-
slátrun er mest í kringum stóru
kaupstaðina, þar sem auðveldast
er að losna við kjöt,“ segir Óli.
Dilkar voru óvenjuvænir á nýlið-
inni sláturtíð, en meðalfallþungi var
16,1 kíló.
Kexsmiðjan, ný afkastamikil kexverksmiðja hefur starfsemi
Bjartsýnir þótt
samkeppnin sé hörð
KEXSMIÐJAN er nafnið sem
varð fyrir valinu á nýrri kex-
verksmiðju á Akureyri, sem
fyrirtækið Hvannavellir ehf.
stofnaði í sumar. Fyrirtækið er
í eigu Upphafs ehf, sem á 75%
hlut, og Sölumiðstöðvar hrað-
frystihúsanna, sem á 25% hlut.
Framleiðsla
hefst á morgun
Eyþór Jósepsson, fram-
kvæmdastjóri Kexsmiðjunnar,
segir að framleiðslan fari í
gang á morgun, föstudag, en
að undanförnu hefur farið þar
fram tilraunabakstur á fjórum
smákökutegundum og fimm
kextegundum.
„Þessi tilraunaframleiðsla
hefur farið í kynningu og
smökkun hjá Hagvangi, Rann-
sóknarstofnun fiskiðnaðarins
og Strýtu og verið vel tekið.
Við teljum okkur því tilbúna
með vöruna á markað, bæði
smákökur og kex. Eftir jól
verður tegundum fjölgað og
framleiðslan aukin,“ segir Ey-
þór.
Ahersla lögð á gæði
og lágt verð
Verksmiðjan, sem er mjög
afkastamikil, var keypt erlend-
is frá og einnig fagleg þekking
og uppskriftir. Eyþór segir að
samkeppnin á þessum markaði
sé mjög hörð og mikið framboð
af innlendu og erlendu kexi.
„Við förum þó fullir bjartsýni
af stað, enda teljum við okkur
geta boðið betur í verði og
gæðum.“
Til að byrja með verða starfs-
menn Kexsmiðjunnar 8 en áætl-
að er að þeim fjölgi í 12-15
þegar framleiðslan verður auk-
in. Verksmiðjan er í leiguhús-
næði á Hvannavöllum 12.
Morgunblaðið/Kristján
INGÓLFUR Gíslason, framleiðslustjóri Kexsmiðjunnar, og Ey-
þór Jósepsson, framkvæmdastjóri, einbeittir á svip við bakstur
á smákökum með súkkulaði og hnetum.
Mikið tjón á
Rifsnesi SH
Viðgerð
fer fram
hjá Slipp-
stöðinni
SLIPPSTÖÐIN hf. hefur
samið við útgerðaraðila Rifs-
ness SH um að viðgerð á
skipinu fari fram á Akur-
eyri. Tug milljóna króna tjón
varð á Rifsnesi í strandinu
við Grímsey snemma á
mánudagsmorgun og er
áætlað að viðgerð taki um 5
vikur.
Miklar skemmdir urðu á
botni skipsins, veltibretti,
utanáliggjandi kælar og
botnstykki eru ónýt og einnig
urðu skemmdir á skrúfu og
stýri. Þá kom gat á byrðing-
inn og hráolía lak úr tönkum
skipsins á að minnsta kosti
tveimur stöðum.
Óvíst hvenær
sjópróf fara fram
Margrét EA kom með
Rifsnes til Akureyrar í fyrra-
dag en skipið var vélarvana.
Sjór fór að leka í vélarrúm
skipsins á leiðinni frá Gríms-
ey og þurfti að fá dælur frá
Dalvík til aðstoðar.
Samkvæmt upplýsingum
frá Héraðsdómi Norðurlands
eystra hefur ekki enn verið
ákveðið hvenær sjópróf
vegna strandsins fara fram.
Formaður Einingar um viðbrögð atvinnurekenda
Vilja vísa sérsamning-
um til heildarsamtaka
OROBLU
KYNNING
AFSLÁTTUR
af öllum OROBLU sokkabuxum
fimmtudaginn, 24. október
kl. 13.00-17.00.
■ PLAISIR 40 DEN
Frábærar lycra stuðnings/nudd-
sokkabuxur- 40 den.
Venjulegt verð 595 kr. - kynningarverð 476 kr.
Ath. Leitið ekki langt yfir skammt - lægsta verðið á 0R0BLU sokkabuxunum er á íslandi
■
L KÓPAVOGS APÓTEK Hamraborg 11, Kópavogi - Sími 554 0102
FORSVARSMENN Verkalýðsfé-
lagsins Einingar hafa að undanförnu
unnið að því að gera viðræðuáætlan-
ir við atvinnurekendur um sérsamn-
inga á félagssvæði Einingar í Eyja-
firði. Björn Snæbjörnsson, formaður
Einingar, er mjög óánægður með
viðbrögð margra atvinnurekenda,
sem hafa neitað að gera viðræðuá-
ætlanir við félagið og vilja vísa vinnu
við þá samninga til Reykjavíkur.
Verkamannasambandið hefur hins
vegar umboð Einingar við gerð við-
ræðuáætlunar vegna aðalkjara-
samnings.
„Þessir sérsamningar hafa alltaf
verið gerðir eftir að gerð aðalkjara-
samnings er lokið og snúa að ýmsum
málum á vinnustöðunum sjálfum.
Um helmingur þeirra fyrirtækja sem
við höfum verið með sérsamninga
við hér í heimabyggð hafa neitað
að gera við okkur viðræðuáætlanir
og vísað málinu til Vinnuveitenda-
sambandsins eða Vinnumálasam-
bandsins. Þessi fyrirtæki eru Út-
gerðarfélag Akureyringa, Strýta og
Söltunarfélag Dalvíkur, Möl og
sandur, frystihús KEA í Hrísey og
á Dalvík og Eimskip."
Vinnum samkvæmt óskum VSÍ
Aðalsteinn Helgason, fram-
kvæmdastjóri Strýtu, segir að fyrir-
tæki sitt sé aðili að VSI og því sé
eðlilegt að leitað sé aðstoðar þaðan.
„Við vinnum samkvæmt þeim vinnu-
brögðum sem VSÍ óskar eftir. Hins
vegar höfum við átt mjög vinsamleg
samskipti við Einingu alla tíð og
þetta hefur því ekkert með það að
gera. Sjálfur er ég ekkert allt of vel
að mér í þeim lögum og reglum sem
nú gilda um samningsgerðina og
þess vegna leita ég aðstoðar VSI.
Við höfum ekki verið í vandræðum
með að gera sérsamninga hér heima
en engu að síður notið aðstoðar VSI
við þá vinnu,“ segir Aðalsteinn.
Ari Þorsteinsson, framkvæmda-
stjóri sjávarútvegssviðs KEA, tekur
í sama streng en Vinnumálasam-
bandið mun hafa með samningsgerð
KEA að gera. „Sambandið er á laun-
um við það að sjá um samningsgerð-
ina og við kaupum þá þjónustu. Það
er búið að koma á ákveðinni verka-
skiptingu í landinu, sumir sjá um
að semja um kaup og kjör, aðrir sjá
um að gera út togara og hinir þriðju
að reka frystihús og sem betur fer
hafa menn nýtt sér þá þróun,“ sagði
Ari.
Uppby&ging ólýðræðisleg
Bjöm segir að fulltrúar vinnuveit-
enda hafí oft verið með í þessari vinnu
en sérsamningar hafa verið á milli
starfsmanna, fyrirtækja og Einingar.
„I sumum þeirra svarbréfa, sem okk-
ur bárust vegna þessa máls, kom
fram ósk um að þessar viðræður
færu fram í Reykjavík. Þessir aðilar
eru ekki sjálfstæðir vegna þess að
VSÍ og Vinnumálasambandið banna
þeim að gera viðræðuáætlanir. Reynt
er að setja alla í eina rétt, sem er
þvert ofan í það sem hin nýju lög
um stéttarfélög og vinnudeilur segja
til um og sýnir hvað uppbyggingin
hjá vinnuveitendasamböndunum er
ólýðræðisleg."
Björn segir að nýju lögin hafi átt
að ýta enn frekar undir lýðræði en
það gildi greinilega ekki um atvinnu-
rekendur. Hann telur því rétt að
Páll Pétursson félagsmálaráðherra
fari að skoða hvernig vinnuveitendur
hagi sér. Mönnum þætti ansi skrýtið
ef verkalýðshreyfingin hagaði sér
svona.
„Við gerðum viðræðuáætlanir við
sveitarfélög á svæðinu og nokkur
fyrirtæki til viðbótar. Þessir aðiiar
tóku á málinu með eðlilegum hætti,
þannig að þrátt fyrir allt eru atvinnu-
rekendur á svæðinu sem enn hafa
sjálfstæði og vilja vinna hlutina heima
í héraði. Þau atriði sem ekki náðist
samningur um eru komin til ríkis-
sáttasemjara og hefur hann tvær vik-
ur til að ákveða framhald þeirra,"
sagði Björn.
Fyrirlestur og tónleikar
EINAR Már Guðmundsson rithöf-
undur flytur fyrirlestur í kvosinni
í Menntaskólanum á Akureyri í
dag, fimmtudag. Hann hefst kl.
17 og er öllum opinn.
Fyrirlesturinn er liður í Unglist,
sem nú stendur yfir og það eru
einnig rokktónleikar sem haldnir
verða í kvöld kl. 21 í Sjallanum. Á
tónleikunum koma fram hljóm-
sveitirnar Botnleðja og Kolrassa
krókríðandi.
Annað kvöld, föstudag, verða
tónleikar í kvosinni kl. 20 en á
þeim koma fram ýmsar akureyskar
hljómsveitir.