Morgunblaðið - 24.10.1996, Blaðsíða 23
MORGUNBLAÐIÐ
FIMMTUDAGUR 24. OKTÓBER 1996 23
LISTIR
Trio Nordica í forgrunni
á tónleikum Sínfóníuhljómsveitarinnar
Alltaf skemmtilegt að
takast á við eitthvað nýtt
TRIO Nordica verður í hlutverki ein-
leikara á tónleikum Sinfóníuhljóm-
sveitar íslands í Háskólabíói í kvöld.
Mun tríóið, sem skipað er Bryndísi
Höllu Gylfadóttur sellóleikara, Auði
Hafsteinsdóttur fiðluleikara og Monu
Sandström píanóleikara, flytja Þrí-
leikskonsert Beethovens en að auki
eru á efnisskránni forleikur að óper-
unni Oberon eftir Carl Maria von
Weber og Sjöunda sinfónía Sergeis
Prokofíevs. Hljómsveitarstjóri verður
Bretinn Adrian Leaper.
Ludwig van Beethoven lauk smíði
Þríleikskonsertsins árið 1804 en
fyrstu ár nítjándu aldarinnar voru
afar fijór tími á tónsmíðaferli hans.
Má nefna Eroica sinfóníuna, Wald-
stein- og Appassionata píanósónöt-
urnar og Leónóruforleikina sem
dæmi um verk frá þeim tfma. Samdi
Beethoven Þríleikskonsertinn fyrir
nemanda sinn, píanóleikarann Rúdolf
erkihertoga af Austurríki, sem frum-
flutti verkið ásamt húshljómsveit
sinni og einleikurum.
Auður Hafsteinsdóttir segir að
valið á Þríleikskonsertinum hafi ekki
verið flókið enda sé ekki um auðugan
garð að gresja þegar verk fyrir píanó-
tríó og hljómsveit séu annars vegar.
„Það eru skiptar skoðanir um Þrí-
leikskonsertinn. Verkið er í léttari
kantinum og sumir hafa jafnvel
gengið svo langt að kalla það
skemmtiverk," bætir Bryndís Halla
Gylfadóttir við. Þá segir hún að Rú-
dolf karlinn hafi að líkindum verið
frekar slakur píanóleikari því mun
meira mæði á flðlunni og sellóinu
en píanóinu. Það sé varla tilviljun.
Mikill heiður
Að sögn liðsmanna Trios Nordica
er ekki mikill munur á því að flytja
píanótríó á kammertónleikum og með
hljómsveit. Tónleikamir í kvöld verði
hins vegar sérstakir, þar sem það
sé mikill heiður að fá að koma fram
með Sinfóníuhljómsveit íslands, þó
það sé „alltaf jafn mikið sjokk að
spila í Háskólabíói" — hljómburður-
inn sé hræðilegur. „Síðan þykir okk-
ur alltaf skemmtilegt að takast á við
eitthvað nýtt — að bæta verkum við
efniskrána okkar,“ segir Auður.
Upphaflega stóð til að tónleikamir
yrðu síðastliðið vor en þá var þeim
frestað þar sem Bryndís Halla bar
bam undir belti — varð hún reyndar
léttari í sömu vikunni og tónleikarnir
áttu að fara fram. Og sellóleikarinn
er ekki eini meðlimur Trios Nordica
sem staðið hefur í stórræðum á þessu
ári, því í ágúst var röðin komin að
Auði að ala bam, „svona til að stað-
festa samkenndina í tríóinu", eins
og hún tekur til orða. Þá gekk Mona
{ það heilaga á dögunum en kveðst
hins vegar ætla að láta barneignir
bíða betri tíma.
Trio Nordica var stofnað árið 1993
en starfar að jafnaði ekki nema hluta
úr ári, þar sem stöllurnar standa víð-
ar í eldlínunni, meðal annars sem
einleikarar víða um heim. Þá hefur
Bryndís Halla haft störfum að gegna
sem sólósellisti Sinfóníuhljómsveitar
Islands síðastliðin sex ár, auk þess
sem Mona Sandström býr í Svíþjóð
þar sem hún starfar með kammer-
hljómsveit.
Um þessar mundir skipar Trio
Nordica hins vegar öndvegi en fram-
undan á næstu vikum era tónleikar
á Norrænu tónlistarhátíðinni í Kaup-
mannahöfn og þátttaka í norrænni
kammertónlistarkeppni á vegum
Ríkisútvarpsins í sömu borg. „Síðan
kemur stutt en vel þegið frí í nokkr-
ar vikur," segir Auður. I vor hyggur
Trio Nordica síðan á tónleikaferð um
Norðurlönd.
Bryndís Halla, Auður og Mona era
á einu máli um að tónleikaferðir sem
þessar skipti sköpum, ekki síst þar
sem þær veiti þeim tækifæri til að
spila sömu verkin oftar en einu sinni.
Til þess gefist eðli málsins sam-
kvæmt fá tækifæri hér heima. „Þeg-
ar maður er búinn að æfa verk lang-
tímum saman er svekkjandi að fá
ekki nema eitt tækifæri til að spila
það á tónleikum," segir Auður.
Fjölhæfur sljómandi
Hljómsveitarstjórinn Adrian Lea-
per lagði stund á nám í píanóleik,
hornleik, slagverksleik og hljómsveit-
arstjórn við Konunglegu akademíuna
í Lundúnum. Árið 1986 var hann
ráðinn aðstoðarhljómsveitarstjóri við
hina nafnkunnu hljómsveit Halle í
Bretlandi og hefur ekki litið um öxl
síðan. Leaper hefur stjómað mörgum
af fremstu hljómsveitum Evrópu og
er nú aðalhljómsveitarstjóri Fíl-
hai-móníuhljómsveitarinnar á Gran
Canaria sem stofnuð var um miðbik
síðustu aldar. Þá ver hann umtals-
verðum tíma í hljóðveri og hefur
meðal annars nýlokið við að hljóðrita
sinfóníur Carls Nielsens með Þjóðar-
hljómsveit Irlands.
Tónskáldið Carl Maria von Weber
var statt í dyragætt dauðans þegar
það samdi, samkvæmt beiðni, ópera
við sögu breska rithöfundarins James
Robinson Planche um álfakónginn
Oberon. Þrátt fyrir veikindin lauk
Weber við verkið og gott betur því
hann stjómaði rómaðri framsýningu
óperannar í Covent Garden 12. apríl
1824. Tveimur mánuðum síðar var
hann allur, einungis 39 ára að aldri.
Sergei Prokofíev fæddist í Úkraínu
árið 1891 en stundaði tónlistamám í
Pétursborg. Naut hann snemma á
ferlinum mikillar hylli fyrir djarfar
tónsmíðar sínar og fékk um árabil
að ferðast um heiminn án afskipta
alræðisaflanna heima fyrir. Dvaldist
Prokofíev lengi í Bandaríkjunum og
Frakklandi en sneri heim til Sovétríkj-
anna árið 1936 og settist að í Moskvu.
Hann lauk við Sjöundu sinfóníuna ári
fyrir andlátið, 5. mars 1953, en þann
dag syrgðu Sovétmenn annan son —
nafn hans var Jósef Stalín.
Morgunblaðið/Þorkell
TRIO Nordica á æfingu með Sinfóníuhljómsveit íslands í gærmorgun.
Varst
SÍBS
... jyrir lífið sjálft
Vinsamlegast látið vita í síma SÍBS 552 2150
þú 4 Reykjalundi ?
Laugardaginn 26. október klukkan 14.00 verður tekið upp að Reykjalundi lokaatriði sjónvarps-
myndarinnar „Ég sigra" eftir Einar Heimisson. Hún fjallar um fólk sem notið hefur endur-
hæfingar á Reykjalundi og komist út í þjóðfélagið á ný.
Öllum íslendingum sem dvalist hafa á Reykjaiundi fyrr eða síðar er boðið að koma á
staðinn og taka þátt í þessu atriði og þiggja veitingar á eftir.