Morgunblaðið - 04.04.1997, Blaðsíða 12

12 FÖSTUDAGUR 4. APRÍL 1997
MORGUNBLAÐIÐ
FRÉTTIR
Laun yfirmanna
Pósts og síma hf.
Ráðherra
verði skylt
að svara
ÁSTA R. Jóhannesdóttir, Þing-
flokki jafnaðarmanna, hefur lagt
fram þingsályktunartillögu um að
samgönguráðherra verði gert skylt
að gefa upp laun yfirmanna Pósts
og síma hf.
Ásta lagði fyrir nokkru fram
fyrirspurn til ráðherrans um þessi
efni en hann neitaði að svara á
grundvelli þess, að stjórnsýslu-
tengsl ríkisins og fyrirtækisins
hefðu verið rofin þegar því var
breytt í hlutafélag og launaupplýs-
ingar væru trúnaðarmál milli
stjórnar og starfsmanna.
Ásta segir að réttindi þingmanna
þessara upplýsinga séu tryggðar í
hlutafjárlögum og stjórnarskrá.
Launakjör yfirmanna Pósts og síma
séu í raun aðeins lítill hluti máls-
ins, meginatriðið sé samband lög-
gjafarvalds og framkvæmdavalds
og hvernig líta beri á upplýsinga-
skyldu um ríkisfyrirtæki sem breytt
hafi verið í hlutafélög.
-----»--»■-♦---
Ila'gl miðar
hjá flug--
mönnum
HÆGT miðar í samningaviðræðum
flugmanna og Flugleiða en átjándi
fundurinn er rágerður í dag. At-
kvæðagreiðsla um verkfallsboðun
Félags íslenskra atvinnuflugmanna
stendur nú yfir og á henni að ljúka
síðdegis miðvikudaginn 9. apríl.
FÍA hyggst boða þriggja daga
verkfall sem hefjast á klukkan 20
föstudaginn 18. apríl og standa til
miðnættis þann 20. Ótímabundið
verkfall er síðan boðað frá mið-
nætti föstudagsins 25. apríl.
Fulltrúar FIA vilja sjá fyrir end-
ann á viðræðum á meðferð á starfs-
aldurslista félagsins vegna
stofnunar Flugfélags íslands áður
en eiginlegar kjaraviðræður hefj-
ast. Hefur aðeins lítils háttar verið
fjallað um kröfur flugmanna en
meðal þeirra er krafa um hærra
álag á næturflug sem í dag er
15%. Kemur sú krafa til vegna
aukins næturflugs á síðustu árum.
Krefjast félagsfundar í Dagsbrún/Framsókn
Fiindað um samn-
inga á sunnudag
STJORNIR Dagsbrúnar og Fram-
sóknar samþykktu í gær að verða
við áskorun félagsmanna í félög-
unum að halda fund til að íjalla
um nýgerða kjarasamninga fé-
lagsins. Forystu Dagsbrúnar voru
afhentir undirskriftalistar 570
manna þar sem krafist var félags-
fundar. Fundurinn verður í Bíó-
borginni kl. 13.30 næstkomandi
sunnudag.
Forsvarsmenn undirskriftalist-
anna segja það sanngjarna og
eðlilega kröfu að haldinn verði
félagsfundur þar sem félagsmönn-
um gefst kostur á að koma með
fyrirspurnir og tjá sig um nýgerða
samninga. í yfirlýsingu frá þeim
segir: „Athuga ber að tilgangur
og tilverugrundvöllur verkalýðsfé-
laga er að höndla með kjarasamn-
inga félagsmanna. Ef ekki er
ástæða til að halda félagsfund og
ræða kjarasamninga. Hver er þá
tilgangur félagsfunda?"
Samkvæmt fréttatilkynningu
frá stjórnum Dagsbrúnar og
Framsóknar reyndust 105 nöfn af
þeim 570 sem voru undir áskor-
uninni ekki að finna í félagsskrám.
„Við teljum að við höfum staðið
vel að kynningu á samningunum.
Við höfum sent út 8.000 bréf rneð
samningum til félagsmanna. Ég
man ekki eftir svo ítarlegri kynn-
ingu á samningum síðan ég kom
í Dagsbrún. Áður var kannski
skrifað undir að morgni og samn-
ingar bornir undir fund seinna um
daginn. Ef hins vegar fjöldi félags-
manna skorar á okkur að halda
félagsfund þá tökum við henni.
Okkur dettur ekki í hug að stinga
henni undir stól,“ sagði Halldór
Björnsson, formaður Dagsbrúnar.
Atkvæðagreiðsla
að hefjast
Atkvæðagreiðsla um samninga
Dagsbrúnar og Framsóknar hefst
8. apríl og lýkur 10. apríl. Greidd
verða atkvæði á skrifstofu Dags-
brúnar í Skipholti 50a milli kl. 9
og 19. Félagsmenn í Dagsbrún og
Framsókn fengu kjarasamningana
senda í pósti í þessari viku.
Á kjörskrá eru rösklega 6.000
félagsmenn. 20% þurfa að greiða
atkvæði til að atkvæðagreiðslan
teljist gild. Ef þetta lágmark næst
ekki teljast samningarnir sam-
þykktir óháð niðurstöðu atkvæða-
greiðslunnar.
Halldór sagðist ekki eiga von á
öðru en að samningurinn yrði sam-
þykktur í atkvæðagreiðslunni.
Þetta væri góður samningur. Hann
sagðist að vísu gjarnan hafa viljað
ná lægstu tölunum upp í 70 þús-
und krónur strax, en það mætti á
móti segja að það væri tæplega
við því að búast að fallist yrði á
kröfu félaganna um 40% hækkun
á lágmarkstaxta í einum samn-
ingi. „Einhvern tímann hefði þótt
góður árangur i samningum að
hækka lægsta taxta félagsins um
12.000 krónur."
Morgunblaðið/Kristinn
-■ FÉLAGAR í Dagsbrún, sem stóðu að undirskriftarsöfnuninni, gengu á fund Halldórs Björnsson-
ar formanns félagsins í hádeginu í gær.
Grunnslóð
verði lokuð
stórum
fiskiskipum
í UMRÆÐUM á Alþingi í gær um
heildarlög um veiðar í landhelginni
lýstu nokkrir stjórnarandstöðu-
þingmenn yfir vilja sínum til þess
að grunnslóð væri lokuð stórum
fiskiskipum og réttur smábáta í litl-
um byggðarlögum til veiða á þess-
um svæðum væri sérstaklega
tryggður.
Kristinn H. Gunnarsson, þing-
maður Alþýðubandalags, taldi rétt-
ast að grunnslóð væri í þessu sam-
bandi miðuð við tuttugu mílna flar-
lægð frá ströndunum. Hann sagði
að með núverandi frumvarpi væri
að nokkru leyti opnað fyrir að ráð-
herra gæti látið byggðasjónarmið
ráða við veiðar, en að lengra ætti
að ganga í þeim efnum.
Guðný Guðbjörnsdóttir, þingmað-
ur Kvennalista, sagði að íslendingar
gætu töluvert lært af Færeyingum
varðandi það að veija hagsmuni
byggða og að tryggja fiskvinnslu-
fólki mannsæmandi laun. Þorsteinn
Pálsson sjávarútvegsráherra sagði
fiskveiðistefnu Færeyinga vera nán-
ast það sömu og Kvennalistans, en
miðað við það ástand sem ríkti í
Færeyjum væri lítt fýsilegt að fara
þá leið. Guðný sagði að finna yrði
milliveg milli hagkvæmnissjónarm-
iða, sem væru allsráðandi hér á
landi, og byggðasjónarmiða sem
öllu réðu í Færeyjum.
------» ♦ ♦----
1.500 milljónir
til stöðvunar
uppblásturs
EGILL Jónsson, þingmaður Sjálf-
stæðisflokks, hefur lagt fram þings-
ályktunartillögu á Alþingi um að til
ársins 2005 verði 1.500 milljónum
króna varið til stöðvunar jarðvegs-
og gróðureyðingar til viðbótar þeim
íjárveitingum sem Landgræðslu rík-
isins er þegar veitt.
Þingmaðurinn vísar til þings-
ályktunar sem samþykkt var á ár-
inu 1990 um að uppblástur á helstu
sandfokssvæðum yrði stöðvaður
um aldamótin 2000. Hann segir
að Ijóst sé að sú áætlun náist ekki,
en stefna eigi að þessu marki eftir
aldamót.
Bæjarfulltrúar um mótmæli íbúa Setbergshverfis við breikkun Reykjanesbrautar
Ósáttir við að fallið sé
frá Ofanbyggðarvegi
Bæjarstjórinn í Hafnarfírði lýsir skilningí á andstöðu íbúa í Setbergs-
hverfi við skipulagstillögu í aðalskipulagi Hafnarfjarðar sem gerír ráð
fyrir tvöföldun Reykjanesbrautar með mislægum gatnamótum við
hverfíð. Bæjarfulltrúi sjálfstæðismanna segist mótfallinn tillögunni.
„ÉG SKIL íbúana mætavel. Þetta
eru miklar breytingar frá því sem
var og ég eins og þeir átti von á
því að hér kæmi svokallaður Ofan-
byggðarvegur sem hefur verið á
dagskrá lengi og Hafnfirðingar hafa
horft lengi til,“ sagði Ingvar Vikt-
orsson, bæjarstjóri í Hafnarfírði.
„En svo virðist sem í þeim tillögum
sem nú eru í gangi frá Vegagerð-
inni sé Ofanbyggðarvegurinn því
miður ekki inni í myndinni.
Hins vegar segja skipulagsfræð-
ingar mér að þó svo Ofanbyggðar-
vegurinn kæmi mundi hann ekki
verða notaður nema að litlu leyti
vegna þess að sú umferð sem er á
Reykjanesbrautinni sé fyrst og
fremst umferð Hafnfirðinga
sjálfra, það sé lítill hluti sem fari
alla leið suður eftir.“
Ingvar var spurður hvort það
hafí verið mistök að byggja upp
Setbergshverfið á þann hátt sem
gert var á árunum um 1980. „Það
má kannski segja það. Menn gerðu
alltaf ráð fyrir Ofanbyggðarvegi
og ég hef enn þá trú að hann komi
og ég tel að það skipti máli hvar
hann á að koma. Það var alltaf
talað um að hann kæmi þar sem
Flóttamannavegurinn kemur til
Hafnarfjarðar og þá yrði hann á
svipuðum slóðum og tillögur gera
ráð fyrir að Reykjanesbrautin verði
þegar búið er að færa hana til.“
Reykjanesbraut er þjóðvegur í
eigu og umsjá Vegagerðarinnar.
Um það hvort bæjarstjórn Hafnar-
fjarðar réði þar af leiðandi engu
um staðsetningu vegarins sagði
Ingvar Viktorsson að svo væri ekki.
„Vegagerðin veður ekkert yfir okk-
ur en þeir eru með peningana í
þetta. Tvöföldun Reykjanes-
brautarinnar hefur verið inni í
myndinni og við höfum lengi vitað
að þessi vegur er of þröngur.“
Ingvar sagði að fundur yrði hald-
inn með íbúum í Setbergshverfi um
málið á mánudag.
„Mér fmnst nauðsynlegt að leita
annarra lausna heldur en að fara út
í svona mikla mannvirkjagerð. Ég
legg mjög mikla áherslu á að halda
bænum heilum og reyna að finna
aðra lausn en að btjóta upp Hafnar-
fjörð með þessari stofnbraut,“ sagði
Valgerður Sigurðardóttir, bæjarfull-
trúi Sjálfstæðisflokksins, þegar leit-
að var álits hennar á skipulagstillög-
unni um tvöföldun Reykjanesbraut-
ar með mislægum gatnamótum við
Setbergshverfí.
Skaðar fasteignamat
„Ég vil fínna aðra lausn á þess-
um umferðarþunga sem er þarna
innanbæjar," sagði Valgerður.
„Það er mikill þung umferð á
Reykjanesbrautinni og það er verið
að tala um að leysa þennan vanda
með mislægum gatnamótum á
Reykjanesbraut og Lækjargötu en
þetta verða gríðarlega mikil mann-
virki og ég er ósammála því að
þetta verði gert.“
Um það hvaða lausna hún vildi
leita í staðinn sagðist Valgerður
vilja athuga hvort ekki væri hægt
að breikka götuna eins og gert er
ráð fyrir í gildandi skipulagi og
hafa tvær akreinar í hvora átt án
mislægra gatnamóta. „Ég held að
þessar framkvæmdir komi til með
að skaða Setbergshverfið. Hús
þurfa að víkja til að þessar fram-
kvæmdir geti gengið í gegn og ég
lít þannig á að það skaði fasteigna-
mat í hverfinu þegar hús þurfa að
víkja og það eru komin svona mik-
il mannvirki við einbýlishúsahverfi
eins og Setbergshverfið er,“ sagði
Valgerður.
Valgerður kvaðst einnig leggja
áherslu á að fara þurfi strax í það
að byggja upp Ofanbyggðarveg og
verja þeim peningum, sem setja
ætti í tvöföldun Reykjanesbrautar
og gerð mislægra gatnamóta, í
Ofanbyggðarveginn. Jafnframt
þurfi að finna Iausn á því í viðræð-
um við Garðbæinga hvernig teng-
ingu brautarinnar við Garðabæ
verði háttað.