Morgunblaðið - 04.04.1997, Blaðsíða 31

30 FÖSTUDAGUR 4. APRÍL1997
MORGUNBLAÐIÐ
MORGUNBLAÐIÐ
FÖSTUDAGUR 4. APRÍL 1997 31
STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.
AÐ BREYTA
FORSENDUM
AKVARÐANIR skipulagsyfirvalda raska á stundum
högum fólks og rýra eignir þeirra. íbúar Setbergs-
hverfis í Hafnarfirði eru þeirrar skoðunar að það eigi við
um nýjar skipulagstillögur, sem þeir telja að gangi á for-
sendur þessarar tiltölulega nýlegu byggðar. Hjalti Arn-
þórssson, talsmaður íbúa, segir í viðtali við Morgublaðið
í gær, að fólk hafi fjárfest i húsnæði á þessu svæði á
ákveðnum staðfestum skipulagsforsendum, sem gerðu
m.a. ráð fyrir því að Reykjanesbraut yrði tvöfölduð, en
yrði áfram tengibraut með 40 til 60 km hámarkshraða.
Ný skipulagstillaga breyti forsendum umtalsvert, sem
staðarval bygginga var reist á, ef hún nái fram að ganga,
þ.e. aðstæðum í hverfinu og rýri verðmæti húseigna.
Jóhannes Kjarval, skipulagsstjóri Hafnarfjarðar, segir
á hinn bóginn, að tillagan sé tæknilegt svar við auknum
umferðarþunga, þegar orðnum og fyrirsjáanlegum. Fallið
hafi verið frá áður ráðgerðum ofanbyggðavegi þar sem
Hafnfirðingar hafi ekki möguleika á þriðju stofnbrautinni
inn í bæinn. Sú braut þyrfti að liggja um Garðabæ, sem
hafnað hafi framkvæmdinni.
Árekstrar vegna skipulagsbreytinga og byggðaþróunar,
sem sveitarfélög ráða ferð um, hafa ítrekað sagt til sín
undanfarið. Af þeim sökum er óhjákvæmilegt að horfa til
réttar fólks, sem breytingar af þessu tagi bitna illa á,
þegar búsetuskilyrði versna umtalsvert og eignir rýrna í
verði. Einstaklingar og fjölskyldur taka ákvarðanir um
framtíðarheimili og fjárfestingu í íbúðarhúsnæði að teknu
tilliti til ákveðinna forsendna, m.a. skipulagsforsendna,
sem sveitarfélög hljóta að bera ábyrgð á gagnvart viðkom-
andi. Það er alls ekki viðunandi að sveitarfélög breyti
þessum forsendum eftir á, ef það raskar umtalsvert högum
fólks eða rýrir eignir þess. Krefjist heildarhagsmunir slíkra
breytinga þurfa fullar bætur að koma fyrir. Rétt einstakl-
inga og fjölskyldna gagnvart stjórnvaldsákvörðunum af
þessu tagi þarf að tryggja sem kostur er.
MEIRA RÉTTLÆTIOG
LÆGRI SKATTAR
BARÁTTA gegn skattsvikum skilar vaxandi árangri,
miðað við þær tölur, sem komu fram í svari Friðriks
Sophussonar fjármálaráðherra við fyrirspurn á Alþingi
fyrr í vikunni. Frá því embætti skattrannsóknarstjóra var
stofnað fyrir fjórum árum hefur starfsemin skilað rúmlega
milljarði króna í ríkissjóð, sem ella hefði verið stungið
undan. Þar af komu 555 milljónir í ríkissjóð á síðasta
ári, ríflega helmingi meira en árið áður.
Þessi árangur er skref í rétta átt. Betur má þó ef duga
skal. Samkvæmt mati nefndar á vegum fjármálaráðherra,
sem skilaði skýrslu fyrir fjórum árum, má ætla að árlega
verði ríkissjóður og sveitarfélögin af um ellefu milljarða
króna tekjum vegna skattsvika. Á fjórum árum hefur því
aðeins tekizt að ná í u.þ.b. einn tuttugasta hluta þeirrar
upphæðar.
Hert eftirlit með skattsvikum og efldar skattrannsókn-
ir stuðla í fyrsta lagi að auknu réttlæti í skattkerfinu.
Það er óþolandi fyrir almenna launþega, sem standa skil
á skatti af hverri krónu sem þeir vinna sér inn, að horfa
upp á að stór hluti þeirra, sem afla tekna, borgi lítið sem
ekkert í sameiginlegan sjóð landsmanna - að minnsta
kosti miklu minna en þeim ber. Þetta á ekki sízt við um
ýmsa hópa, sem stunda sjálfstæðan atvinnurekstur. Að-
gerðaleysi stjórnvalda gagnvart skattsvikurum grefur
undan skattasiðferði og stuðlar beinlínis að auknum skatt-
svikum.
í öðru lagi liggur beint við að takist að draga verulega
úr skattsvikum og fletta ofan af margvíslegri svartri at-
vinnustarfsemi mun það auka tekjur ríkissjóðs, sem síðan
ætti að gera stjórnvöldum kleift að lækka skatthlutfallið.
Og lægra skatthlutfall stuðlar að betri skattskilum.
Það eru því hagsmunir hins almenna, heiðarlega skatt-
greiðanda að skattaeftirlit og skattrannsóknir verði efld
og haldið verði áfram á sömu braut og undanfarin fjögur
ár. Til lengri tíma litið eru það einnig hagsmunir al-
mennra skattgreiðenda að stuðla að því að minnka neðan-
jarðarhagkerfið, til dæmis með því að afþakka „nótulaus“
viðskipti.
Bókagerðarmenn fagna aldarafmæli samtaka sinna í dag
, :.v
Morgunblaðið/Ól.K.M.
HÉR er Styrkár Sveinbjörnsson, sem nú er látinn, við blýsetningarvél í Odda.
Fyrsta sjukrasam-
lagið stofnað af HÍP
MARKMIÐ með stofnun
Hins 'íslenzka prentar-
afélags er orðað svo í
annarri grein félagslag-
anna: „Tilgangur félags vors er að
efla og styrkja samheldni meðal
prentara á íslandi; að koma í veg
fyrir að réttur vor sé fyrir borð bor-
inn af prentsmiðjueigendum; að
styðja að öllu því, er til framfara
horfir í iðn vorri, og að svo miklu
leyrti sem hægt er, tryggja velmegun
vora í framtíðinni." Aðalhvatinn að
stofnun HÍP var öryggisleysi í at-
vinnumálum og lágt kaup og snýst
félagsstarfið um þessa tvo aðalþætti
mörg næstu ár. Einnig var deilt mik-
ið um nema og vinnu þeirra.
Rúmum áratug áður en HÍP er
stofnað höfðu prentarar í Reykjavík
stofnað Kveldvökuna, sem kallað er
skemmti- og fræðslufélag. Gaf það
út Kveldstjörnuna í nokkur ár og þar
kemur m.a. fram að í félagsmönnum
blundar einnig sú hugmynd að ná
samstöðu í viðskiptum sínum við at-
vinnurekendur. Má telja stofnun
Kveldvökunnar vísi að stofnun sjálfs
stéttarfélagsins og 2. janúar 1887
er prentarafélagið gamla stofnað.
Starfar það aðeins í þijú ár og leggst
niður vegna atvinnuleysis meðal
prentara þegar þeir hverfa til ann-
arra starfa.
Fyrsta sjúkrasamlagið
En aftur að HIP. Strax á þriðja
fundi félagsins er farið að ræða
stofnun styrktar- og sjúkrasjóðs og
fyrsta sjúkrasamlag hérlendis er
stofnað af prenturum i ágúst 1897.
Greiddu atvinnurekendur sjúkrasam-
laginu 10 aura vikulega fyrir hvern
starfsmann og félagsmenn 20 aura.
Sjúkrasamlagið starfaði í fjóra ára-
tugi og stóðu félagsmenn allan þann
tíma einir undir sjúkratryggingum
félagsmanna. Síðar var stofnaður
atvinnuleysistryggingasjóður sem
starfræktur var í rúma hálfa öld og
komið er á ellitryggingu og eftir því
sem almannatryggingakerfið dafnaði
breyta prentarar starfsemi þessara
sjóða og stofna síðar lífeyrissjóð.
HÍP lætur margvísleg málefni til
sín taka og vinnur m.a. ötullega að
því að komið sé á stöðugri iðn-
fræðslu fyrir prentnema. Nemar gáfu
félaginu bókasafn snemma á öldinni
við inngöngu sína í félagið og hafa
sífellt bæst í það bækur sem félags-
menn og útgefendur hafa gefið.
Þá hafa konur alla tíð verið virkir
Tólf prentarar komu saman sunnudaginn 4.
apríl 1897 og stofnuðu Hið íslenzka prentara-
félag en allmörg misserí áður höfðu prentarar
rætt nauðsyn þess að stofna stéttarfélag. í
dag starfa samtök bókagerðarmanna undir
einum hatti en Félag bókagerðarmanna var
stofnað árið 1980. Sameinastþar stéttarfélög
heillar starfsgreinar og fagnar greinin nú ald-
arafmæli sínu og miðar við stofnun HIP.
MORGUNBLAÐIÐ í pressunni. Viðar Janusson notar kústskaft til
að ýta við stilliskrúfunum fyrir farfann en hann var lengi pressu-
maður, fyrst í blýinu og síðar á offsetvélunum. Myndin er tekin
í þáverandi húsnæði prentsmiðju Morgunblaðsins við Aðalstræti.
Tónlist eftir prentara
á afmælishátíð
AFMÆLISHÁTÍÐ bókagerðar-
manna fer fram í Borgarleikhúsinu
í Reykjavík í dag og hefst klukkan
15. Lúðrasveit verkalýðsins leikur
frá klukkan 14.40 í anddyrinu.
Meðal dagskráratriða má nefna
ræðu Sæmundar Árnasonar, for-
manns Félags bókagerðarmanna,
hljómsveit bókagerðarmanna und-
ir stjórn Magnúsar Ingmarssonar
leikur lög eftir prentara, sönghóp-
ur starfsmannafélags Frjálsrar
Ijölmiðlunar syngur lög eftir
prentara, fluttur verður leikþáttur
undir stjórn Arnar Árnasonar,
Karls Ágústs Ulfssonar og Sigurð-
ar Siguijónssonar, Flosi Ólafsson
flytur hátíðarhugvekju og Jósef
Gíslason leikur einleik á píanó.
Að lokinni dagskrá verða gest-
um boðnar veitingar. Allir bóka-
gerðarmenn, fyrrverandi og núver-
andi, eru velkomnir til þessarar
afmælishátíðar.
þátttakendur í prentverki. Fyrst er
getið Kristjönu _ Markúsdóttur sem
hóf störf hjá ísafoldarprentsmiðju
árið 1892 við ílagningu í hraðpressu.
Bættust fleiri í hópinn eftir því sem
pressum fjölgaði en þær voru einnig
dijúgar við störf í bókbandi. Var
stofnað Félag prentsmiðjukvenna
árið 1918. Aðeins þijár konur luku
prófi í setningu og þrjár í bókbandi
fyrir sameiningu bókagerðarfélag-
anna en síðan hefur þeim fjölgað ört.
Á lýðveldisárinu var stofnað Bygg-
ingasamvinnufélag prentara og voru
fyrst reist þijú hús við Hagamel í
Reykjavík þar sem eingöngu bjuggu
prentarar fyrstu árin en síðar þijú
stórhýsi við Nesveg, Laugarnesveg
og Sólheima. Eignuðust mun færri
prentarar íbúðir þar. Þá festi HÍP
kaup á jörðinni Miðdal í Laugardal
og er þar nú mikið sumarhúsahverfi
þar sem bæði félagið og félagsmenn
eiga sína bústaði.
Félagið keypti árið 1941 húsið við
Hverfisgötu 21 í Reykjavík og er þar
nú aðsetur bókagerðarmanna. Rætt-
ist þar langþráður draumur um fé-
lagsheimili. Nutu félagsmenn aðstoð-
ar Kvenfélagsins Eddu sem er félag
eiginkvenna prentara. Eddu-konur
höfðu löngum sýnt hug sinn til prent-
arafélagsins, meðal annars í dyggri
aðstoð í verkfallsátökum og aðstoð
við félagsheimili prentara sem vígt
var 1. maí 1956.
Vinnuvikan styttist
Eins og fyrr segir hafa kjara- og
atvinnumál löngum verið fyrirferðar-
mikil viðfangsefni HÍP. Árið 1906
var samið við Gutenberg og Isa-
foldarprentsmiðju um tíu stunda
vinnudag sex daga vikunnar, hálfs
mánaðar veikindafrí og 52% álag á
auka- og næturvinnu. Ekki var um
sumarfrí að ræða á þessum tíma.
Árið 1954 var vinnuvikan orðin átta
stundir fimm daga vikunnar á sumr-
in, unnið hálfan laugardag hálfan
maí og september en annars unnið
alla laugardaga. Sumarleyfi var 12
dagar eftir eins árs starfsaldur, 15
eftir tíu ára starf og 18 dagar eftir
18 ár í iðninni. Aukavinnuálag var
60% og nætur- og helgidagaálag
100% og veikindadagar 12 árlega. I
dag er unnið átta tíma fimm daga
vikunnar, sumarleyfi eru 25 dagar
eftir ár í starfi og 28 eftir áratug.
Þeir sem hafa 9 ára starfsreynslu
geta óskað eftir vetrarorlofi og leng-
ist þá heildarorlofið í 33 daga.
Saganí 100 ár
og stéttartal
AFMÆLISRIT og stéttartal bóka-
gerðarmanna í 400 ár koma út í
dag í tilefni af 100 ára afmæli sam-
taka bókagerðarmanna. Er stéttar-
talið í tveimur bindum og hefur
að geyma æviskrár 2.200 manna
og afmælisritið er rúmlega 700
blaðsíðna bók með fjölda mynda.
Þá verður í dag sérstök afmælishá-
tíð í Borgarleikhúsinu í Reykjavík
þar sem tímamótanna verður
minnst í máli og myndum.
Tæp þrjú ár eru síðan samið var
við dr. Inga Rúnar Eðvarðsson fé-
lagsfræðing um að taka saman þá
sögu bókagerðarmanna sem kemur
út í dag. Með honum störfuðu í
ritnefnd þau Svanur Jóhannesson,
Sæmundur Árnason og Þóra Elfa
Björnsson. Bókin nefnist „Samtök
bókagerðarmanna í 100 ár“ og er
þar fjallað um þau féiög sem ís-
lenskir bókagerðarmenn hafa átt
með sér allt frá stofnun Prentara-
félagsins 1887 og starfaði stutt.
Rakin er starfsemi Hins íslenzka
prentarafélags sem stofnað var
fyrir einni öld, Bókbindarafélags
íslands, stofnað 1906, Prentmynda-
smiðafélags íslands 1947 og Offset-
prentarafélags íslands 1951. Tvö
síðastnefndu félögin voru samein-
uð í Grafíska sveinafélaginu árið
1973. Félögin þijú sameinuðust síð-
an í Félag bókagerðarmanna 2.
nóvemberárið 1980.
Mikil framsýni
Ingi Rúnar Eðvarðsson sagði er
bókin var kynnt í gær að honum
hefði fundist merkilegast að kynn-
ast þeirri framsýni sem prentarar
sýndu á margan hátt, m.a. með
stofnun fyrsta sjúkrasamlagsins í
landinu, styrktar- og sjúkrasjóðs
og sjóðs til tryggingar vegna at-
vinnuleysis. Þá sagði hann að
kjarabarátta hefði Iöngum verið
varnarbarátta um að halda kaup-
mætti en prentarar bjuggu við
þokkalega góð kjör á kreppuárun-
um. Hafi prentarar um margt ver-
ið fremstir í flokki í kjarabaráttu
og vísað öðrum félögum veginn í
þeim efnum. Ingi Rúnar kvaðst
hafa reynt að skyggnst nokkuð inn
í líf og kjör þeirra sem komu við
sögu félaganna og lífga uppá efni
bókarinnar. Fyrsti prentarinn hér-
lendis er talinn Jón sænski, sem
einnig var prestur og hafði lært í
Svíþjóð. Starfaði hann við prent-
verk Jóns Arasonar á Hólum og
sonur Jóns sænska, Jón, var í læri
hjá honum og því talinn fyrsti
prentneminn.
Nýtt stéttartal bókagerðar-
manna er í tveimur bindum, alls
824 blaðsíður, og annaðist Þor-
steinn Jónsson ættfræðingur rit-
sljórn þess. Ritnefnd var skipuð
þeim Svani Jóhannessyni, Sæmundi
Arnasyni og Guðbrandi Magnús-
syni. Prentaratal hafði komið út á
árunum 1953-54, bókbindaratal að
hluta á árunum 1965-69 og Bóka-
gerðarmenn komu út árið 1976.
Hafði margs kyns heimildasöfnun
farið fram vegna útgáfu þessara
bóka og er að nokkru byggt á henni
og síðan bætt við nýjum félögum.
Alls eru birtar æviskrár 2.200
manna og má segja að tugþúsundir
manna komi auk þeirra við sögu.
Rúmlega 1.100
félagsmenn
Sæmundur Arnason formaður
Félags bókagerðarmanna kynnti
bækumar en prentvinnsla þeirra
fór fram hjá Odda. Hægt er að fá
bækurnar saman í öskju eða hvort
rit í sínu lagi. Sæmundur sagði jafn-
framt í stuttu ávarpi að félagsmenn
séu í dag rúmlega 1.100 en hafi
verið um 700 við sameiningu félag-
anna árið 1980. Um 30% em konur
og í sjö manna stjórn samtakanna
em tvær konur. Sæmundur sagði
atvinnuástand í stéttinni þokkalegt,
atvinnuleysi væri um 4% og helst
bitnaði það á elstu félögunum og
þeim sem ekki byggju yfir tölvu-
kunnáttu en stórstígar breytingar
hafa orðið í allri prentvinnslu á síð-
ustu tveimur áratugum.
Morgunblaðið/Ásdís
HOFUNDAR stéttartals og sögu bókagerðarmanna. Þorsteinn Jóns-
son (t.v.) og Ingi Rúnar Eðvarðsson.
SVANUR Jóhannesson, nýkjörinn heiðursfélagi (t.h.), og Sæmundur
Árnason, formaður FBM, sátu í báðum ritnefndunum.
ASÍ ogVSÍ gagnrýna ákvæði
í lífeyrisfrumvarpi
Grundvöllur
lífeyrismála
að riðlast?
Ákvæði í nýju frumvarpi ríkisstjómarínnar
um lífeyrísmál hefði í för með sér gerbreytta
uppbyggingu lífeyrískerfisins að mati
Alþýðusambandsins og Vinnuveitenda-
sambandsins. Fjármálaráðherra segirþessa
gagnrýni byggða á misskilningi.
RÍKISSTJÓRNIN breytti á
miðvikudag nokkrum
ákvæðum í frumvarpi um
skyldutryggingu lífeyris-
réttinda og starfsemi lífeyrissjóða. Var
m.a. breytt ákvæði um lágmarksið-
gjald til lífeyrissjóðanna þannig að það
verði 10% og renni að öllu leyti til
samtryggingar í almenna lífeyrissjóði.
Jafnframt var breytt ákvæði um
aðild að lífeyrissjóði. í fyrri frum-
varpsdrögum sagði að aðildin færi
eftir því sem kveðið væri á um í kjara-
samningum stéttarfélaga og atvinnu-
rekenda og í samþykktum hlutaðeig-
andi lífeyrissjóðs. í frumvarpinu, sem
ríkisstjornin afgreiddi á miðvikudag,
segir að aðild að lífeyrissjóði fari eft-
ir því sem kveðið er á um í sérlögum,
ráðningarsamningum eða kjarasamn-
ingum stéttarfélaga og atvinnurek-
enda og í samþykktum hlutaðeigandi
lífeyrissjóðs.
Ari Skúlason, framkvæmdastjóri
ASÍ, segir að þessi breyting sé ger-
samlega óviðunandi og út í hött, því
þarna væri verið að opna fyrir að
atvinnurekendur geti ráðið lífeyris-
sjóðsaðild starfsmanna sinna.
Hann sagði að með þessu væri ver-
ið að stíga mjög afdrifaríkt skref sem
gengi þvert á það sem gengi og gerð-
ist í öðrum löndum: að auka mögu-
leika á séreignalífeyri með því að
ganga á samtryggingu.
„Með frumvarpinu, eins og það kom
fyrst fram, var búið að taka út ákvæði
um að fólk eigi að vera í lífeyrissjóði
viðkomandi starfsstéttar eða starfs-
hóps. Það viljum við fá inn aftur. Þá
er þarna verið að útiloka lífeyrissjóðina
frá því að sýsla með viðbótariðgjaldið
[það sem er umfram 10%] og við viljum
gjarnan að lífeyrissjóðirnir geti verið
með séreignadeildir," sagði Ari.
Gerbreytt skipulag
Þórarinn V. Þórarinsson, fram-
kvæmdastjóri VSÍ, sagði að sér sýnd-
ist að með ákvæðinu um ráðningar-
samninga væri verið að gerbreyta því
skipulagi í lífeyrismálum, sem nú gilti,
því sjóðirnir hlytu þá eðli málsins sam-
kvæmt að fara að keppa um viðskipti
við fyrirtæki.
„Ef það á að vera fqalst val um
sjóðina hlýtur það að leiða til þess, að
mismunandi aidurslíkur karla og
kvenna hafa áhrif á réttindamyndun
þeirra og því munu karlar og konur
ekki hafa sömu lífeyrisréttindi. Yfir
höfuð muni vátryggingasjónarmiðin
ráða réttindunum en ekki þessi al-
mannatryggingasjónarmið, sem hafa
verið lögð til gi'undvallar uppbyggingar
lífeyrissjóðakerfisins," sagði Þórarinn.
Ilagsmunir Landsbanka?
Þórarinn benti á að Landsbankinn
hefði nýlega keypt helmingshlut í
Vátryggingafélagi Islands með það
að yfirlýstu markmiði að geta gerst
umsvifamikill á lífeyristrygginga-
markaði. Því væri útilokað annað en
horfa á málið í því samhengi.
„Fjárhagslegir hagsmunir þessara
aðila sýnast því hafa meira vægi en
þjóðfélagsleg stefnumótun um hvernig
eigi að tryggja hagsmuni aldraðra.
Þetta er einnig efnahagspóiitískt mál,
því ef samfélagstryggingin er skert,
þannig að ákveðnir hópar fái lítil rétt-
indi, þá þýðir það að stærri hluti af
framfærslubyrði þessa fólks lendir aft-
ur á almannatryggingakerfinu sem
kallar aftur á aukna skatta. En Vinnu-
veitendasambandið hefur litið mjög
ákveðið á uppbyggingu lífeyrissjóða-
kerfisins sem þátt í að halda aftur af
vexti ríkiskerfisins,“ sagði Þórarinn.
Misskilningur
Friðrik Sophusson íjármálaráð-
herra sagði að þessi gagnrýni væri
byggð á misskilningi. Frumvarpið
gerði ráð fyrir því að öllum launa-
mönnum væri gert að taka þátt í fé-
lagslegri samtryggingu lífeyrissjóða-
kerfisins. Það sem réði lífeyrissjóðsað-
ild væri í fyrsta lagi sérlög, t.d. um
lífeyrissjóði bænda, ríkisstarfsmanna
óg sjómanna. Að slíkum lögum sleppt-
um giltu kjarasamningar á vinnu-
markaði en þegar hvorki lögum né
kjarasamningum væri til að dreifa
gætu gilt ráðningarsamningar.
„Ástæðan er sú að til eru lífeyris-
sjóðir sem starfsfólk greiðir í sam-
kvæmt ráðningarsamningi. Dæmi um
það er Samvinnulífeyrissjóðurinn.
Breytingin er því fyrst og fremst sú,
að þeir sem tilheyra starfsgreinasviði,
en eru utan kjarasamninga, geta val-
ið sér lífeyrissjóð sem getur tekið við
þeim samkvæmt samþykktum sín-
um,“ sagði Friðrik.
Hann sagði að ástæðan fyrir því
að tekið er út ákvæði í núgildandi
lögum um að starfsfólk eigi að vera -
í lífeyrissjóði viðkomandi starfsstéttar
eða starfshóps, sé m.a. að ýmsir telji
þetta bijóta í bága við ákvæði stjórn-
arskrár um félagafrelsi. Hefur þetta
raunar verið kært til Mannréttinda-
dómstóls Evrópuráðsins.
Aðspurður sagði Friðrik að lífeyr-
isfrumvarpið tengdist á engan hátt
kaupum Landsbankans á VIS, enda
hefði undirbúningur þess hafist löngu
áður en það mál kom upp.
Fundur með ráðherra
Þórarinn sagðist aðspurður telja
það skynsamlegt, að halda í frumvarp-
inu lágmarksiðgjaldi sem svaraði til
10% af launum. Ari sagði einnig að
breytingar, sem gerðar hefðu verið á>
þessu í frumvarpinu, væru til bóta.
Þær breytingar voru í samræmi við
yfirlýsingu sem forsætisráðherra gaf
við gerð kjarasamninga fyrir páska
um að forræði almennra lífeyrissjóða
á 10% framlaginu verði tryggt í frum-
varpinu.
ASÍ og VSÍ hafa óskað eftir fundi
með fjármálaráðherra til að ræða
önnur atriði frumvarpsins og verður
sá fundur í dag.
Þingflokkur Sjálfstæðisflokks af-
greiddi frumvarpið í gær en þingflokk-
ur Framsóknarflokks afgreiddi málið
á miðvikudag. Samkvæmt upplýsing- *
um Morgunblaðsins voru skoðanir
mjög skiptar meðal sjálfstæðismanna
þar sem sumum þótti frumvarpið ekki
ganga nægilega langt til að tryggja
einstaklingum valfrelsi í lífeyrismál-
um en öðrum að höggvið væri of >
nærri aðilum vinnumarkaðar varðandi
lífeyrismál.