Morgunblaðið - 12.07.1997, Qupperneq 26

26 LAUGARDAGUR 12. JÚLÍ 1997
MORGUNBLAÐIÐ
JH*tgtmÞIaMí
STOFNAÐ 1913
UTGEFANDI
FRAMKVÆMDASTJÓRI
RITSTJÓRAR
Árvakur hf., Reykjavík.
Hallgrímur B. Geirsson.
Matthías Johannessen,
Styrmir Gunnarsson.
ÁNÆGJULEGUR
ÁRANGUR
STÖÐUGLEIKI í verðlagsmálum hefur verið ótrúlega
mikill síðustu þrjá mánuði, þegar haft er í huga, að
þetta tímabil fylgir í kjölfar kjarasamninga. Verðbólga
þessa mánuði hefur aðeins verið 0,2%, sem jafngildir 0,9%
á ári. Undanfarna tólf mánuði var verðbólgan 1,8% og
Seðlabankinn telur nú, að verðbólgan í ár verði 2%. Það
er umtalsvert minni verðbólga á árinu en bankinn spáði
í tengslum við gerð kjarasamninganna, en þá taldi hann
verðbólguna 1997 verða 2,9%. Gangi þetta eftir verður
kaupmáttaraukning launþega mun meiri en reiknað var
með, þegar samið var sl. vor. Þessi góði árangur í stjórn
efnahagsmála er því einkar ánægjulegur og hlýtur að
vera launþegum sérstakt fagnaðarefni.
Breytingar á vísitölu neyzluverðs í júnímánuði voru
0,2%, en mest bar þar á lækkun á grænmetisverði og
lækkun flugfargjalda innanlands. Þessar lækkanir vógu
að mestu upp hækkanir á öðrum liðum. Báðir þessir liðir
geta valdið hækkun vísitölu síðar, enda er verðlag á
grænmmeti sveiflukennt eftir árstíðum og óvíst er, hversu
lengi, og að hvaða marki, samkeppni í innanlandsflugi
heldur verðinu niðri.
Þá er ennfremur óljóst, hvort allar hækkanir vegna
kjarasamninganna séu komnar fram og telja ýmsir sér-
fræðingar, að þrýstingur á verðlagskerfið komi fram síð-
ar. Á móti slíkum hugsanlegum verðlagshækkunum kem-
ur hins vegar, að hækkun á gengi krónunnar frá áramót-
um leiðir til lækkunar á verði á innfluttum vörum. Ástæða
er þó til þess fyrir fyrirtækin að beita áfram ítrasta að-
haldi í verðlagningu á vörum og þjónustu. Þetta á ekki
síður við opinbera aðila, en reynzlan sýnir, að þeir hafa
mikla tilhneigingu til að hækka gjöld sín.
ÓRÉTTLÁTT KERFI
AFNUMIÐ
T^TÝ LÖG UM atvinnuleysistryggingar tóku gildi um
síðustu mánaðamót. Þau fela í sér ýmis ákvæði, sem
ætlað er að sníða af ýmsa agnúa á fyrri lögum og gera
framkvæmdina skýrari og skilvirkari. Sérstök ástæða er
til að minnast á eina mikilvæga breytingu, en hún felur
í sér, að framvegis verða greiðslur úr lífeyrissjóðum dregn-
ar frá atvinnuleysisbótum.
Á síðastliðnu hausti varð uppvíst, að ýmsir hópar, sem
komast snemma á eftirlaun, gátu fengið atvinnuleysisbæt-
ur til viðbótar greiðslum úr lífeyrissjóðum, jafnt opinberum
sem á almennum vinnumarkaði. Einkum voru þar nefndir
til sögu tiltölulega hátt launaðir ríkisstarfsmenn, t.d. flug-
umferðarstjórar, sem hálaunahópar á almennum vinnu-
markaði, t.d. flugmenn. Þessar bótagreiðslur gengu þvert
á tilgang atvinnuleysistrygginga.
Ástæða er til þess að fagna því, að félagsmálaráðherra
hefur beitt sér fyrir afnámi þessa óréttláta fyrirkomulags.
ÚR VIÐJUM FORTÍÐAR?
*
AKVÖRÐUN Reglu Óraníumanna, félagsskapar her-
skárra mótmælenda á Norður-írlandi, um að hætta
við árlegar göngur sínar um hverfi kaþólikka, er söguleg.
Aldalöng hefð er fyrir göngum þessum, sem farnar eru
til að minnast sigurs mótmælandans Vilhjálms af Óraníu
yfir hinum kaþólska Jakobi II árið 1690. Þær eru nátengd-
ar sögu og sjálfsvitund írskra mótmælenda. Til þessa
hafa þeir sagzt of stoltir til að hætta göngunum, þrátt
fyrir að kaþólikkar líti á þær sem ögrun við sig og þær
hafi ýtt undir átök, óeirðir og manndráp.
Sagan og hefðin eru undirrót deilna og átaka á Norður-
Irlandi. Þessi afstöðubreyting nú er hins vegar merki um
að sumir leiðtogar mótmælenda séu að reyna að losna
úr viðjum fortíðarinnar og horfa þess í stað til framtíðar.
Báðar fylkingarnar verða að brjóta odd af oflæti sínu
og leita friðsamlegra lausna fyrir framtíðina í stað þess
að hafa augun á fortíðinni, eigi þeim að takast að koma
á varanlegum friði. Friður er mikilvægari en stolt eða
hefndir. Nú hljóta allir að vænta þess að kaþólikkar
mæti frumkvæði mótmælenda og rétti út sáttahönd með
svipuðum hætti.
Foreldrar íhuga að höfða mál gegn Dagvist barna
Málningarfram-
kvæmdir vöktu
bráðaofnæmi
Morgunblaðið/Árni Sæberg
GISSUR með innöndunarkút sem hann hefur þurft að nota frá
því hann fékk bráðaofnæmi á leikskólanum.
20% af börnum á
ieikskólaaldri fá astma-
einkenni. Pétur Blöndal
komst að því að hætta
getur skapast þegar leik-
skólar eru málaðir á
sama tíma og börn-
in dvelja þar.
LAUFEYJU E. Gissurardóttur
bái-ust skilaboð í hádeginu
30. apríl um að eitthvað
væri að syni hennar á leik-
skólanum.
„Ég hringdi og heyrði á honum að
hann átti erfítt með andardrátt," segir
hún. „Annað foreldri, sem var nær-
statt, tók við símanum og sagðist ætla
að koma honum til mín strax. Ástand
drengsins væri alvarlegt.
Þegar hann kom fór ég með hann
á Heilsugæslustöð Seltjarnarness. Þar
var brugðist skjótt við og hann sendur
á bráðamóttöku Landspítalans. Hann
átti orðið mjög erfitt með öndun og
þurfti að fá friðarpípu til þess að víkka
út öndunarveginn."
Bráðaofnæmis fyrst vart
Þannig varð bráðaofnæmis fyrst
vart hjá Gissuri Ara Kristinssyni, sem
er íjögurra ára. Hann fékk innöndun-
arlyf heim með sér sem honum var
sagt að hann þyrfti að anda að sér
næsta mánuðinn. Tveimur dögum síðar
var hann búinn að jafna sig og gat
mætt aftur í leikskólann.
„Þá vissum við ekkert hvað hefði
valdið ofnæminu," segir Laufey. Hún
hafði reyndar fundið sterka málning-
arlykt í leikskólanum áður en haldið
að það væri tilfallandi. „Ég vissi ekki
að verið væri að mála allan Ieikskól-
ann,“ segir hún. Laufey skildi son sinn
eftir í skólanum og hringdi skömmu
síðar til að athuga hvemig honum liði.
„Þá voru einkennin komin aftur,“
segir hún. „Ég sótti hann eins fljótt
og mér var unnt og kvartaði við leik-
skólastjórann. Hann sagðist ætla að
athuga málið. Þegar ég hringdi þremur
dögum síðar sagði hún mér að ekkert
væri hægt að gera. Það yrði að mála
leikskólann og það á virkum dögum,
en ekki á kvöldin eða um helgar, vegna
þess að annars kostaði það of mikla
íjármuni."
Laufey hringdi 6. maí í Herdísi
Storgaard, hjúkmnarfræðing hjá
Slysavarnafélagi íslands. „Henni
fannst þetta ótrúleg framkoma og var
mjög brugðið," segir Laufey. „Hún
benti mér á að tala við Sigurbjörgu
Gísladóttur hjá Hollustuvernd, sem tók
erindi mínu mjög vel.
Sama dag talaði ég við Berg Felix-
son, framkvæmdastjóra Dagvistar
barna, og varð fyrir miklum vonbrigð-
um. Svörin hjá honum voru á þá leið
að það væri einfaldlega mitt vandamál
að bamið væri með ofnæmi. Honum
þætti fyrir því, en hann gæti ekki tek-
ið mark á órökstuddum getgátum. Mér
fannst hann hreint út sagt hranalegur.“
Bróðir Laufeyjar hafði samband við
Hauk Þór Haraldsson hjá Heilbrigðis-
eftirliti Reykjavíkur. í framhaldi af því
var boðað til fundar Heilbrigðiseftirlits-
ins, Hollustuverndar, Dagvistar barna
og byggingardeildar borgai"verkfræð-
ings.
Oskemnitileg reynsla
En hvaða afleiðingar hafði málið í
för með sér fyrir foreldrana? „Það hafði
þær afleiðingar að barnið okkar var
skyndilega frá leikskóla í þtjár vikur,“
segir Laufey. „Einmitt á þeim tíma í
maí þegar systkini þess voru í próf-
lestri og mjög annasamt var í vinnunni
bæði hjá mér og Kristni, manninum
mínum.“
„Einnig fannst okkur illa komið fram
við Gissur," segir Kristinn Ólafsson,
faðir drengsins, sem leggur nú orð í
belg. „Þessar þrjár vikur sem teknar
voru af honum í leikskóla eru brot á
hans mannréttindum. Þótt hann sé
aðeins íjögurra ára hlýtur hann að
hafa einhvem rétt. Það hlýtur að þurfa
að taka tillit til hans sem einstaklings.
Þess í stað var verið að henda honum
á milli, í pössun hér og þar, til vina
og ættingja."
Hann bætir við að sér fínnist hart
að þetta skuli gerast á leikskóla, sem
eigi að vera griðastaður barna. „Að
maður skuli eiga svona á hættu þar
er með ólíkindum," segir hann. „Svo
voru öll viðbrögð þannig að við höfðum
á tilfínningunni að við væmm móður-
sjúkir foreldrar. Ef við hefðum ekki
fengið stuðning frá heilbrigðisyfírvöld-
um hefðum við sjálfsagt látið málið
kyrrt liggja."
Ofnæmi háir drengnum enn
Laufey tekur undir með Kristni. „Ég
er mjög ósátt við Dagvist barna," seg-
ir hún. „Við höfum ekkert heyrt frá
þeim eftir þetta símtal. Okkur fínnst
það ótrúleg framkoma. Það er eins og
þeim fínnist sér ekki koma þetta við.
Þetta sé alfarið okkar mál.“
Kristinn segir að sér hafi blöskrað
að ekki hafí verið dregið úr fram-
kvæmdum eftir að þetta tilfelli hafí
komið upp og bömunum verið leyft að
njóta vafans. Að haldið skyldi áfram í
hálfan mánuð með fullt dagheimili af
börnum án þess að láta foreldra vita.
Þau segja að helst ætti að loka leik-
skólum og mála með plastmálningu.
Einnig finnist þeim nauðsynlegt að
foreldrar hafí val, þ.e. viti af fram-
kvæmdunum. Þau segja að málið sé
til athugunar hjá lögfræðingi. Til
greina komi að kæra Dagvist barna,
enda hafi sonur þeirra enn ekki jafnað
sig að fullu.
MORGUNBLAÐIÐ
LAUGARDAGUR 12. JÚLÍ 1997 27
—u
Sterk lykt olli ertingu
í lungnaberkjum
„SUM BÖRN eru viðkvæm í
lungnaberkjum," segir Sigurður
Kristjánsson, sérfræðingur í of-
næmis- og ónæmissjúkdómum
barna. „Sú málningartegund sem
þarna var notuð getur valdið
slæmri ertingu í lungnaberkjum
hjá viðkvæmum einstaklingum og
þar af leiðandi astma-einkenn-
um.“
Hann segir að það sé algjör
undantekning að slík erting sé
lífshættuleg, en hún geti valdið
öndunarerfiðleikum, mæði, hósta
og pípi í berkjum. Sumir fái einn-
ig húðútbrot, en það eigi ekki við
í þessu tilfelli. Bráðameðferð fel-
ist í berkjuvíkkandi lyfjagjöf.
Einnig séu gefnir svokallaðir inn-
úðunarsterar til þess að minnka
bólgu í berkjum.
„Víðast hvar á Norðurlöndum
er reynt að loka dagheimilum og
færa börnin til meðan málað er
eða rýma þau svæði sem eru
máluð,“ segir hann. „Ofnæmi og
astmi eru orðin það algeng vanda-
mál að menn eru neyddir til að
taka tillit til þessara þátta.“
Að sögn Sigurðar hefur tíðni
astma-tilfella aukist mikið í hin-
um vestræna heimi. Talið sé að
um 20% barna, sem séu yngri en
fimm ára, fái einhvern tíma
astma-einkenni. Þessi börn hafi
ekki alltaf ofnæmi heldur fái sum
astma-einkenni þegar þau séu
kvefuð. Þegar komið sé yfir þenn-
an aldur sé algengt að tíðnin sé
a.m.k. 5 til 7%.
Leikskólar málaðir með
olíumálningu í áratugi
Málið komið í rétt-
ar skorður
VIÐ ÞURFUM að halda leikskól-
um við og reynum að nálgast þarf-
ir foreldra að því leyti að loka
ekki í minniháttar viðhaldsað-
gerðum," segir Bergur Felixson,
framkvæmdastjóri Dagvistar
barna. „Hins vegar höfum við yfir-
leitt lokað í meiriháttar viðhalds-
aðgerðum á sumrin."
Bergur segir að Byggingadeild
borgarverkfræðings hafi annast
viðhald fyrir Dagvist barna og
hún hafi Ieitast við að hafa sam-
ráð við leikskóla um aðgerðir.
„Leikskólar hafa verið málaðir
með þessari málningu í áratugi,"
segir hann.
„Við viljum hafa þessi mál í góðu
lagi og það hafa þau yfirleitt ver-
ið. Það hafa verið vandamál út af
sterkri lykt áður, en ekki hafa
margar kvartanir borist. Aðalmál-
ið er að nú hefur verið brugðist
við þessu vandamáli. Niðurstaðan
er sú að ekki verður málað áfram
með olíumálningu þegar leikskól-
ar eru í starfi, sbr. bréf okkar til
Hollustuverndar rikisins.
í þeim tilfellum sem olíumálning
hefur verið notuð hefur það verið
talið æskilegt vegna þess að hún
er endingarbetri og það er auð-
veldara að þrífa hana. Mér finnst
mjög leitt að þetta skyldi hafa
komið upp, en ég held að málið
sé komið í réttar skorður."
Vinnubrögð á leikskóla gagnrýnd
af heilbrigðisyfirvöldum
Ábyrgðarleysi að mála
með slíkum efnum
NIÐURSTAÐA fundar Heilbrigð-
iseftirlits Reykjavíkur, Hollustu-
verndar íslands, Dagvistar barna
og Byggingadeildar Borgarverk-
fræðings, 22. maí sl., var sú að
Dagvist barna og Byggingadeild
Borgarverkfræðings ætluðu að
breyta verklagsreglum sínum við
framkvæmdir inni á dagvistar-
stofnunum. Reglurnar yrðu bornar
undir Heilbrigðiseftirlitið áður en
þær yrðu teknar til framkvæmda.
Málningin hættuleg í snertingu
við húð og innöndun
I bréfi sem lagt var fyrir fund-
inn af Hollustuvernd og Heil-
brigðiseftirlitinu voru þau vinnu-
brögð sem viðhöfð voru á leikskól-
kvæmt merkingum á málningunni
að hættulegt, er að anda henni að
sér. Það er því ábyrgðarleysi að
mála með slíkum efnum þar sem
fólk dvelur, ekki síst þegar um
cr að ræða ung börn sem þola
mengun af þessu tagi verr en full-
orðið fólk.“
Ennfremur sagði í bréfinu að í
könnun Heilbrigðiseftirlitsins
hefði komið i ljós að notuð hefði
verið Hempalin lakkmálning frá
Slippfélaginu. „Verktakar unnu
sitt verk á sama tíma og börnin
sóttu leikskólann. Málningin sem
notuð var inniheldur terpentínu
og er merkt með varnaðarinerk-
inu X.L.N. Varíið hættulegt, og
hættusetningunni Hættulegt við
innöndun, ísnertingu við húð og
inntöku. Samkvæmt merkingum
ber þeim sem vinna með þessa
málningu innan dyra að verja sig
með loftgrímum."
í niðurlagi bréfsins var því
beint til Dagvistar barna að séð
yrði til þess að ekki yrði unnið
við viðhakl leikskóla á meðan
börnin dveldu þar ef viðkomandi
viðhald liefði í för með sér hættur
fyrir börnin svo sem vegna meng-
unar af völdum málningar eða
ryks.
Leikskólum lokað í sumarleyfi
Dagvist barna svaraði kvörtun
vegna málningarvinnu í leikskól-
um bréflega 5. júní sl. Þar kemur
fram að á fundi með Bygginga-.
deild borgarverkfræðings, sem
sjái um viðhald leikskóla í umboði
Dagvistar barna, hafi verið sam-
þykkt að þegar endurmála þyrfti
leikskóla yrði skólanum lokað í
sumarleyfi og verkið framkvæmt
þá.
Einnig var samþykkt að við
málun á einstaka flötum í leik-
skóla yrði viðkomandi vinnusvæði
lokað og efni sem athugasemd
hafi verið gerð við, merkt X.N.,
ekki notað heldur málning sem
sé hættuminni og gefi ekki eins
sterka lykt. Börn hafi að sjálf-
sögðu ekki aðgang að efnum sem
notuð séu.
Sir John Bourn ríkisendurskoðandi Breta
Morgunblaðið/Árni Sæberg
SIR John Bourn, yfirmaður bresku ríkisendurskoðunarinnar, heimsótti á dögunum starfsbræður sína hér.
Ráðgjöf til að nýta
betur opinbert fé
Oft þarf að fara djúpt í einstök mál þegar
endurskoðun er annars vegar, m.a. kanna
hvort innkaup séu hagkvæm og verksamn-
ingar vandaðir. Jóhannes Tómasson ræddi
þessi mál og fleiri við yfirmann bresku
ríkisendurskoðunarinnar.
HLUTVERK ríkisendurskoð-
unar er víðast hvar svipað,
að fara yfír reikninga rík-
isins og stofnana þess og
veita umsögn og ráðgjöf um það sem
betur má fara til þess að fjármunir
nýtist sem best til þeirra verkefna sem
þeim er ætlað,“ segir sir John Bourn,
ríkisendurskoðandi Bretlands, í sam-
tali við Morgunbiaðið. Gerði hann út
hingað stutta ferð til að endurgjalda
heimsókn Sigurðar Þórðarsonar ríkis-
endurskoðanda til Bretlands síðastliðið
haust.
Sigurður Þórðarson ríkisendurskoð-
andi fékk bresku ríkisendurskoðunina
til að gera úttekt á starfi Ríkisendur-
skoðunar hér og stendur sú vinna nú
yfir. Hafa starfsmenn hennar heimsótt
íslenska starfsbræður sína og farið
yfir verklag og aðferðir við alla þætti
endurskoðunarinnar, fjárhagsendur-
skoðun, stjórnsýsluendurskoðun og
tölvuendurskoðun. Er að vænta
skýrslu um þessa úttekt í haust en
Sigurður segir hugmynd að þessu
verkefni hafa kviknað er hann heim-
sótti bresku stofnunina á liðnu hausti.,
En hvað eiga þessar stofnanir Bret-
lands og íslands sameiginlegt? Sir
John Bourn svarar því:
„Verkefnin eru svipuð í báðum lönd-
um, við förum yfir ríkisreikninginn,
gerum nauðsynlegar kannanir og gef-
um skýrslu til þjóðþinga okkar. Þess
vegna er gagnlegt að hittast og bera
saman vinnuaðferðir. Ríkisendurskoð-
endur í Evrópulöndum eiga með sér
formlega fundi á þriggja ára fresti og
þar fyrir utan eiga menn oft tvíhliða
viðræður eins og við gerðum hér.
Stundum kemur einnig fyrir að skipst
sé á starfsmönnum."
Sir John Bourn segir nánar um hlut-
verk endurskoðunar að það sé að sann-
reyna að reikningar gefi sem sannasta
og gleggsta mynd af fjárhagsstöðu og
- í tilviki ríkisendurskoðunar - að
farið sé með ljárveitingar samkvæmt
þeim ákvörðunum sem teknar hafi
verið. En fleira kemur einnig til:
Spyrja þarf spurninga
„Við eigum ekki aðeins að sann-
reyna að allt sé löglegt heldur einnig
að vel sé farið með féð. Þess vegna
förum við oft dýpra í einstaka mála-
flokka og tökum út einstaka stofnanir
til að meta hvort menn séu að fá það
sem þeir greiða fyrir, hvort nokkur sé
að kaupa köttinn í sekknum.
Þar á ég við málefni eins og vega-
mál eða heilbrigðismál. Hvernig eru
samningar við verktaka? Eru gæðin í
lagi? Er efnisval rétt? Er hönnun í
lagi? Hliðstæðra spurninga þarf einnig
að spytja varðandi heilbrigðismálin, til
dæmis hvort aðföngin séu í lagi, hvort
hjartasjúkdómar séu meðhöndlaðir á
hagstæðan hátt út frá öllum sjónar-
hornum og þannig mætti lengi telja.
Þess vegna þurfum við stundum að
ráða sérfræðinga á þessum sviðum,
verkfræðinga og aðra sem vinna þá
með endurskoðendum og lögfræðing-
um okkar og stundum leitum við einn-
ig aðstoðar ráðgjafarfyrirtækja," segir
Bourn en alls starfa hjá bresku ríkis-
endurskoðuninni 750 manns.
Hann segir einnig að málaflokkur
eins og náttúruvernd hafi komið til
kasta ríkisendurskoðunar á seinni
árum og því hafi til dæmis þurft að
ráða líffræðinga og grasafræðinga og
minnir hann á að stofnunin þurfi að
geta sett sig inn í rekstur hvaða mála-
flokks sem vera skal í nútímaþjóðfé-
lagi. Stofnunin tók til starfa árið 1866
í þeirri mynd sem hún starfar nú, að
gefa þingi skýrslu um ástand ríkisfjár-
mála en árið 1983 voru teknar upp
úttektir eins og minnst var á hér að
framan.
„Með þessum úttektum fáum við
gott yfirlit um viðkomandi mál og
þegar við skoðum það næst eftir
kannski fjögur til fímm ár getum við
séð hvort framfarir hafí orðið. Við
gerum kringum 50 slíkar skýrslur ár-
lega, stundum fleiri en eina í hverjum
málaflokki en það er auðvitað ljóst að
750 starfsmenn geta ekki á hveiju ári
komist yfir að skoða mjög ítarlega
allt sem er á bak við hveija hreyfingu
í 500 milljarða punda veltu."
Sir John Bourn segir það ekki hlut-
verk ríkisendurskoðunar að hafa af-
skipti af stefnu stjórnvalda í málum
heldur einungis að gæta þess að farið
sé með opinbert fjármagn eins og
ákveðið hafí verið og sýna ráðdeild og
sparnað. Við úttektir og umræður um
skýrslur geti hins vegar komið fram
hugmyndir og ábendingar sem leitt
geta til þess að ráðamenn vilja taka
upp breytta stefnu, ný vinnubrögð eða
leggja aðrar áherslur en það sé hins
vegar óbein afleiðing.
Hann segir Breta hafa verið heppna
á sama hátt og íslendinga að ekki sé
mikið um að upp komi sakamál eða
svindl með opinbert fé. „Ef grunur
vaknar um svik eða glæpsamlegt at-
hæfi varðandi fjárreiður leitum við
strax til lögreglunnar en stundum
verður að vinna mál lengra og gera
jafnvel þingi viðvart en þá sjaldan að
svona mál koma upp verða þau yfir-
leitt lögreglumál. Það verður alltaf að
taka hart á yfirsjónum."
Hvernig bregðast menn við úttekt-' '
um ykkar?
„Ýfirleitt skilja menn hvert hlutverk
ríkisendurskoðunar er og menn eru
sammála um að keppa að því að nýta
fjármunina sem best. Ef hægt er að
spara 50 milljónir til dæmis við inn-
kaup í heilbrigðiskerfinu má kannski
nýta þær til beinna lækninga og menn
eru fegnir ef þeir sjá að við getum
aðstoðað við slíkar lagfæringar.
Stundum fara menn í varnarstöðu en
það er oftast bara í fyrstunni."
Eru að aukast alþjóðleg vandamál
með auknum og auðveldari peninga-
legum samskiptum?
„Að sumu leyti má segja að starfs-
svið okkar sé að víkka út vegna þessa.
Þar koma meðal annars í hugann máL,
sem tengst hafa styrkjum frá Evrópu-
sambandinu og geta þá fleiri en eitt
land komið við sögu. Þess vegna verð-
um við oft að eiga samstarf um ákveð-
in verkefni við önnur lönd og víst eru
fjármál orðin svo margslungin og al-
þjóðleg að þar eru nánast engin landa-
mæri lengur. En ég held að Bretar
eigi ennþá gott orðspor hvað varðar
fjármálaumsýslu alla, ekki síst alþjóð-
lega og við búum að því endurskoðend-
ur, bæði í einkageiranum og hjá rík-
inu.“
Starf á alþjóðavettvangi
Breska ríkisendurskoðunin ' hefur
einnig starfað nokkuð á alþjóðavett-
vangi og meðal annars átt aðild að^
verkefnum á vegum Sameinuðu þjóð-
anna og er Sir John Bourn beðinn að
greina nánar frá þeim þætti:
„Annars vegar eigum við fulltrúa í
þriggja manna endurskoðunarnefnd
sem sér um endurskoðun í aðalstöðv-
unum en undir hana heyrir einnig
endurskoðun á fjármálum friðargæslu-
sveitanna. Þá höfum við einnig komið
að endurskoðun einstakra stofnana
SÞ. Önnur alþjóðleg verkefni eru til
dæmis aðstoð við ríki Austur-Evrópu
við að kenna þeim aðferðir okkar við
endurskoðun og höfum við bæði sent
þeim starfsmenn til að kenna og þeii^
sent fulltrúa sína á námskeið til okk-
ar. Við höfum einnig tekið þátt í þró-
unarhjálp, sent starfsmenn okkar til
þróunarlanda til að kenna þar.“
Sir John Bourn vildi að lokum þakka
fyrir gestrisni sem hann hafði mætt í
heimsókn sinni hér og starfsbræðrum
sínum hér á landi fyrir vel skipulagða
dagskrá. >•