Morgunblaðið - 16.07.1997, Blaðsíða 14
14 MIÐVIKUDAGUR 16. JÚLÍ 1997
MORGUNBLAÐIÐ
VIÐSKIPTI
Sameining Þorbjarnar í Grindavík og Bakka
í Bolungarvík í eitt sjávarútvegsfyrirtæki
Áætluð ársvelta er
rúmir 3 milljarðar
GENGIÐ hefur verið frá samkomu-
lagi um að fyrirtækin Þorbjörn hf.
í Grindavík og Bakki hf. í Bolungar-
vík verði sameinuð í eitt fyrirtæki
undir nafni Þorbjarnar hf. Við sam-
eininguna verður Þorbjörn eitt af
stærstu sjávarútvegsfyrirtækjum á
Islandi en áætluð ársvelta þess er
rúmir þrír milljarðar króna.
Kvóti fyrirtækisins á næsta fisk-
veiðiári verður um 11.500 tonn, þar
af um tíu þúsund tonn innan fisk-
veiðilögsögunnar. Kvótastaðan í
þorski verður um 3.600 tonn.
Við samrunann munu hluthafar
Bakka hf. eiga 29% hlutafjár í hinu
sameinaða félagi og hluthafar Þor-
bjarnar hf. munu eiga 71%. Fram-
kvæmdastjórn verður í höndum Ei-
ríks Tómassonar og Gunnars
Tómassonar sem eru framkvæmda-
stjórar Þorbjarnar í Grindavík.
Sameiningin miðast við 1. septem-
ber nk. en stefnt er að sameiginleg-
um rekstri og stjórnun fyrirtækj-
anna frá 1. ágúst og er áætlað _að
skrá félagið á Verðbréfaþingi ís-
lands í haust.
2.351 tonns rækjukvóti
í frétt kemur fram að markmiðið
með sameiningu fyrirtækjanna sé
að ná fram hagræðingu með því að
nýta sameiginlegan kvóta betur. Hið
sameinaða fyrirtæki stefnir að því
að halda áfram öflugum rekstri í
Bolungarvík og Grindavík. Á yfir-
standandi fiskveiðiári nam rækju-
kvóti Bakka hf. 956 tonnum. Á
næsta fiskveiðiári verður sameinaða
félagið með 2.351 tonns rækjukvóta
en þetta styrkir verulega hráefnisöfl-
un rækjuvinnslu fyrirtækisins. Sem
fyrr verður rækjuvinnsla rekin fyrir
vestan og þorskur verkaður í salt í
Grindavík. Einnig verður áfram bol-
fiskvinnsla í frystihúsinu í Bolungar-
vík þar sem framleiddir verða fisk-
bitar í neytendapakkningar en fyrir-
tækið verður í flestum greinum sjáv-
arútvegs.
Að sögn Eiríks Tómassonar,
framkvæmdastjóra Þorbjörns, er
unnið að skipulagsbreytingum í kjöl-
far sameiningarinnar en stefnt er
að sem minnstri röskun á högum
starfsfólks. „Höfuðstöðvar fyrirtæk-
isins verða í Grindavík en reksturinn
verður áfram á báðum stöðum og
við teljum staðsetningu Bakka á
Bolungarvík vera ákjósanlega varð-
andi þann rekstur sem þar er.“
Þorbjörn með 85 milljóna
hagnað 1996
Þorbjörn hf. er fjölskyldufyrirtæki
sem var stofnað árið 1953. Fyrirtæk-
ið var lengst af í bátaútgerð, salt-
fisk- og síldarverkun og rak um tíma
rækjuvinnslu í Grindavík. Þá hefur
fyrirtækið verið með talsverða
loðnufrystingu sl. tvö ár. Fyrir sam-
einingu gerir það út tvo frystitog-
ara, Hrafn Sveinbjarnarson og
Gnúp, og ískfisktogarann Sturlu.
Auk þess rekur Þorbjörn saltfisk-
verkun í Grindavík. Að sögn Eiríks
verða frystitogararnir gerðir út
áfram hjá hinu sameinaða fyrirtæki
en ekki hefur verið ákveðið hvað
verður með önnur skip hins sameig-
inlega félags en Bakki á tvo ísfisk-
togara. Veita Þorbjarnar á síðasta
ári var um 1.144 milljónir króna og
rekstrargjöldin námu 904 milljónum
króna. Rekstrarhagnaður nam 239
milljónum króna en hagnaður eftir
skatta nam 85 milljónum króna á
síðasta ári. Heildarhlutafé félagsins
er 11 milljónir króna fyrir samein-
ingu. Hjá fyrirtækinu voru unnin 80
ársverk á síðasta ári.
Bakki með 50 milljóna tap
fyrstu 8 mánuðina
Bakki hf. var stofnaður árið 1995
við samruna fimm sjávarútvegsfyrir-
(Þessi auglýsing er birt í upplýsingaskyni. Öll hiutabréf í útboðinu eru seld.)
OPIN KERFIHF
Tilkynning um skráningu hlutabréfa
Opinna kerfa hf. á
Verðbréfaþingi íslands
HEILDARHLUTAFÉ SKRÁÐ Á VÞÍ
Kr. 32.000.000,- að nafnverði
AUÐKENNI FLOKKS Á VÞÍ
HLBRÉOPKERFI
Bréfin verða skráð fimmtudaginn 17. júlí 1997
HEWLETT
PACKARD
BUNAÐARBANKiNN
VERÐBRÉF
Sími: 525-6060 Bréfsími: 525-6099
Tegund Þorbjörn hf. Bakki hf. Samtals
Þorskur, tonn 1.694,5 1.889,3 3.583,8
Ýsa 339,6 530,0 869,6
Ufsi 292,9 207,4 500,3
Karfi 1.236,3 819,7 2.055,9
Úthafskarfi 1.262,2 - 1.262,2
Grálúða 78,0 323,2 401,2
Skarkoli 14,2 54,7 68,9
Langlúra 0,6 - 0,6
Steinbítur 21,5 371,0 392,5
Rækja 1.159,2 1.192,1 2.351,3
Samtals 6.099,0 5.387,4 11.486,4
tækja í Bolungarvík og Hnífsdal.
Þar sem sameining Bakka Bolungar-
vík og Bakka í Hnífsdal miðast við
1. september 1996 og rekstrarár
fyrirtækisins er miðað við 1. septem-
ber til 31. ágúst þá liggur ekki fyrir
ársreikningur Bakka hf. Samkvæmt
milliuppgjöri fyrir fyrstu átta mán-
uði rekstrarársins, 1. september til
30. apríl 1996, námu rekstrartekjur
tímabilsins tæplega 1.361 milljón
króna og rekstrargjöldin tæplega
1.289 milljónum króna. Um 198
milljóna tap var af reglulegri starf-
semi og tap tímabilsins nam tæpum
50 milljónum króna en söluhagnaður
félagsins af skipi og öðrum fasta-
fjármunum og endurmat á veiðar-
færum nam rúmum 138 milljónum
króna á tímabilinu.
Bakki á tvo ísfisktogara, Dagrúnu
og Heiðrúnu, og rekur rækjuvinnslu
í Bolungarvík og Hnífsdal og bolfisk-
vinnslu í Bolungarvík. Áætluð velta
Bakka á þessu rekstrarári er um
tveir milljarðar króna. Ársverk í fyr-
irtækinu eru um 160. Hluthafar eru
rúmlega 200 og er Bakki skráður á
Opna tilboðsmarkaðnum en heildar-
< þlutafé félagsins er 650 milljónir
króna fyrir sameiningu. Fram-
kvæmdastjóri er Aðalbjörn Jóakims-
son og mun hann að öllum líkindum
hætta störfum hjá fyrirtækinu en
hann er meðal stærstu einstakra
hluthafa í hlut Bakka í hinu samein-
aða félagi.
Gengi hlutabréfa í Bakka hefur
hækkað töluvert frá síðustu mánaða-
mótum en hinn 3. júlí sl. voru við-
skipti með bréfin á genginu 1,10.
Eftir að fréttir bárust af sameining-
unni í gær fór gengi bréfanna hæst
í 2,15 en í síðustu'viðskiptum dags-
ins voru hlutabréf seld á genginu
2,00. í fyrstu viðskiptum ársins með
hlutabréf í Bakka hinn 3. janúar
voru hlutabréf seld á genginu 1,68.
Tilboð opnuð í nýbyggingu
Náttúrufræðastofnunar
Armannsfell átti
lægsta
ÁRMANNSFELL hf. átti lægsta
tilboð í byggingu 3 þúsund fer-
metra húss Náttúrufræðastofnunar
í Vatnsmýrinni, en tilboð í verkið
voru opnuð í síðustu viku.
Kostnaðaráætlun vegna nýbygg-
ingarinnar hljóðaði upp á 530 millj-
ónir króna. Tilboð Ármannsfells
nam 537 milljónum, Fjarðarmót
ehf. bauð 577 milljónir, ístak hf.
587 milljónir, Ólafur og Gunnar
ehf. 583 og Byggðaverk ehf. 663
milljónir.
Pólskt samstarfsfyrirtæki
Ármann Örn Ármannsson, for-
stjóri Ármannsfells, sagði í samtali
við Morgunblaðið að fyrirtækið
tilboðið
hefði notað pólskt tilboð í stálsmíði
í húsinu frá samstarfsaðila sínum
í Nesjavallavirkjun. Þetta tilboð
hefði verið um 50 milljónum króna
lægra en innlend tilboð sem aðrir
bjóðendur hefðu notað.
Ármann segir mjög jákvætt fyrir
fyrirtækið að fá verkefni af þessu
tagi til tveggja ára. Um sé að ræða
gott uppsteypuverkefni ti! tveggja
ára, en skila eigi húsinu fullgerðu
að utan.
Ármannsfell hefur þar að auki
verkefni við byggingu rafstöðvar-
húss á Nesjavöllum, fjölbýlishúss
við Kirkjusand, 70 Permaform-
íbúða í Kópavogi og Grafarvogi, auk
ýmissa smærri verkefna.
Sýníng um samsfæður
og andsíæður Norðmanna
og íslendinga. á miðöldum.
Þjóðminjasafn íslands