Morgunblaðið - 01.11.1997, Page 8

8 LAUGARDAGUR 1. NÓVEMBER 1997
MORGUNBLAÐIÐ
FRÉTTIR
Kjanw^ningar við grunnskólakeiinara undirritaðir og verkfalli frestað
ERFIÐUR unglingur . . .
Tveir íslenskir
flugnemar
Fljúga 5000
kílómetra yfir
Bandaríkjunum
TVEIR íslenskir flugnemar, Vign-
ir Örn Guðnason og Nökkvi
Sveinsson, eru lagðar af stað í
um 12 þúsund kílómetra flugferð
í hring um Bandaríkin. Þeir telja
að enginn íslendingur hafi áður
flogið svo langt sjónflug.
„Flugtímarnir verða á bilinu
50-70, það fer eftir veðri og vind-
um,“ segir Vignir Örn. Þeir félag-
ar eru við nám í stærsta flug-
skóla í heimi, Flight Safety í bæn-
um Vero Beach.
Flogið verður til flestra stór-
borga í Bandaríkjunum, meðal
annars New Orleans, Dallas, Las
Vegas, Los Angeles, San Frans-
isco, Seattle, Chicago, New York,
Washington og Atlanta.
í för með þeim Vigni og Nökkva
er einnig Áslaug Auður Guð-
mundsdóttir, unnusta hins síðar-
nefnda, og gegnir hún hlutverki
„fyrstu freyju“ um borð. Segja
má að hún sé upphafsmaður ferð-
arinnar. „Hún á frænku í Seattle
og langaði til að heimsækja hana,“
segir Vignir. „Eitt leiddi af öðru
og við ákváðum að fara bara allan
hringinn úr því að við vorum hvort
eð er að fara þetta Iangt.“
Flugvélin er þijátíu ára gömul
af gerðinni Piper Arrow PA28R-
180. Vignir segir að aðallega
verði flogið að degi til en þó að
nokkru leyti á nóttinni einnig.
Upphaf ferðarinnar var heldur
brösuglegt, því þeir félagar urðu
að lenda vélinni skammt frá Vero
Beach vegna veðurs. Skyggni var
slæmt og þrumuveður. Vignir
sagði þó í gær að veðurspár gæfu
til kynna að þau gætu haldið
áfram um kvöldið.
Stærðfræðing-
ar heiðra Sig-
urð Helgason
SIGURÐUR Helgason, prófess-
or við Massachusetts Institute
of Technology var í gær heið-
ursgestur á 50 ára afmælisfundi
íslenska stærðfræðafélagsins.
Afmælisfundurinn var haldinn
í hátíðarsal Háskóla íslands.
Sigurður flutti fyrirlestur á af-
mælisfundinum sem nefndist
Rúmfræði og raunveruleiki.
íslenska stærðfræðafélagið
gengst í dag fyrir málþingi Sig-
urði Helgasyni til heiðurs, en
Sigurður varð sjötugur hinn 30.
september sl. Málþingið verður
haldið í Odda, hugvísindahúsi
Háskólans, og hefst kl. 9.15
með fyrirlestri Gests Ólafsson-
ar um verk Sigurðar. Að því
loknu munu fjórir aðrir stærð-
fræðingar flytja fyrirlestra um
efni sem tengjast áhugasviði
Sigurðar innan stærðfræðinn-
ar. Áætlað er að málþinginu
Ijúki um kl. 17.
Morgunblaðið/Halldór
PRÓFESSOR Sigurður Helgason flutti fyrirlestur, er nefndist
Rúmfræði og raunveruleiki, á afmælisfundi íslenska stærð-
fræðafélagsins í gær.
Goethe-stofnunin lögð niður
Klippt algjör-
lega á þráðinn
Coletta Biirling
FYRIRHUGAÐ er að
loka Goethe-stofnun-
inni á íslandi 31.
mars árið 1998. „Einungis
í Tansaníu og á íslandi
verður aigjörlega klippt á
þráðinn því að í hinum lönd-
unum átta, þar sem loka á
Goethe-stofnunum, eru
aðrar fyrir sem munu
starfa áfram,“ segir Coletta
Biirling, forstöðumaður
Goethe-stofnunarinnar á
íslandi. Hún segir að síðan
sé stefna þýskra stjóm-
valda að loka enn fleiri
stofnunum á næstu árum.
- Hvers vegna er verið
að loka Goethe-stofnunun-
um?
„Stefna þýskra stjóm-
valda er að fækka starfs-
mönnum um 2% hjá hinu
opinbera. Þessar lokanir em liður
í þeim aðgerðum en tvö stöðugildi
em við stofnunina hér á landi.
-Hefur verið gerð könnun á
þeirri þjónustu sem stofnunin
veitir hér á landi?
„Nemendur í bókasafnsfræði
hafa gert könnun í sambandi við
notkun bókasafnsins okkar en
niðurstöður hef ég ekki séð enn-
þá. Ég hef á hinn bóginn slegið
á að í hveijum mánuði komi hing-
að ekki færri en 150-200 manns
til að fá lánaðar bækur, lesa blöð-
in eða leita eftir upplýsingum."
Coletta segir að á bókasafninu
séu til liðlega 7.000 þýskar bækur
og myndbönd, hljóðsnældur, blöð
og tímarit sem allir geti komið
og fengið lánað.
- Hveijir eru það sem aðallega
nýta sér þjónustu stofnunarinnar?
„Það er afar breiður hópur
fólks. Hingað kemur fólk sem vill
fríska upp á þýskukunnáttuna
sína, okkur berast fyrirspurnir um
allt milli himins og jarðar en einn
hópur sker sig úr og það em
námsmenn sem em á leið til
Þýskalands í framhaldsnám. Ég
held að milli 400 og 600 íslend-
ingar séu í námi í Þýskalandi
núna. Við liðsinnum þessum ís-
lendingum eftir bestu getu þegar
þeir eru að leita eftir upplýsingum
um skóla og það sem námi í
Þýskalandi tengist."
Coletta segir að þá sé einnig
hópur Islendinga sem vilji læra
þýsku í Þýskalandi og fyrirspurn-
um þeirra sé sinnt líka hjá stofn-
unni.
„Þýskukennarar hafa aðstöðu
hjá Goethe-stofnuninni því eitt af
markmiðum hennar er að efla
þýska tungu erlendis. Við höfum
því stutt við bakið á þýskukenn-
umm útvegað þeim ýmis náms-
gögn og haldið endurmenntun-
amámskeið fyrir þá.“ Colette
bendir á að á bókasafninu sé sér-
stakt bóksafn fyrir háskólanem-
endur í þýsku sem séu
tíðir gestir á bókasafn-
inu.
- Hvað hefur Goet-
he-stofnunin verið
starfrækt lengi á ís-
landi?
„Árið 1976 var Go-
ethe-stofnunin opnuð hér á landi
sem útibú frá Osló. Þá tók hún
yfir þýska bókasafnið sem stofnað
var árið 1956 en það voru alls
um 4.000 bindi sem stofnunin tók
við. Það var síðan árið 1983 sem
stofnunin varð gerð sjálfstæð og
flutti I Tryggvagötu."
- Hvað verður um bókasafnið?
„Enn hefur engin ákvörðun
verið tekið um það en bækurnar
fara ekki úr landi. Eini staðurinn
sem mér dettur í hug fyrir þær
er Þjóðarbókhlaðan ef forsvars-
►Coletta BUrling er fædd í
Dusseldorf árið 1948. Hún
stundaði nám í norrænum
fræðum ogþýsku en doktors-
ritgerð hennar fjallaði um
beina og óbeina ræðu í íslend-
ingasögunum. Árið 1970 kom
Coletta hingað til lands og
dvaldi einn vetur til að læra
íslensku. Hún kom aftur til
íslands árið 1977 og þá sem
sendikennari við Háskóla ís-
lands. Jafnhliða kennslu starf-
aði hún við Goethe-stofnunina
og sem forstöðumaður hennar
frá árinu 1983. Eiginmaður
Colettu er Kjartan R. Gísla-
son, dósent í þýsku við Há-
skóla íslands.
menn þar treysta sér til að taka
við bókunum.
- Stofnunin hefur staðið fyrir
þýskri menningardagskrá. Þýðir
lokunin að dregið verður úrmenn-
ingarsamskiptum þjóðanna?
„Fyrir okkar milligöngu hafa
komið hingað til lands margir
þýskir listamenn. Reynt verður
að finna leið til að halda menning-
arstarfseminni áfram en ég held
að það sé hægara sagt en gert.
Slíka starfsemi þarf að fjármagna
og einn grundvöllurinn er að halda
tungumálanámskeið og nýta
ágóðann af þeim til að standa
undir slfkri starfsemi. Á þessari
stundu á ég erfitt með að ímynda
mér hvernig þetta er framkvæm-
anlegt sökum fámennisins hér á
landi.“
Coletta segir að um þessar
mundir séu 200 ár frá fæðingu
Heinrichs Heines og í nóvember
verður stofnunin í nánu samstarfí
við til að mynda Kópavogsbæ um
dagskrá af þessu tilefni. „Erindi
verða haldin um Heine og flutt
lög eftir hann.“
- Velunnarar stofnunarinnar
hér á landi efndu til
mótmælagöngu til að
skapa þrýsting og nú
stendur yfir undir-
skriftasöfnun til að
mótamæla lokuninni.
Er ákvörðun þýskra
stjórnvalda endanleg
eða getur þrýstingur haft áhrif?
„Eg á erfitt með að segja til
um það á þessari stundu. Undir-
skriftasöfnunin er enn í gangi þar
sem lýst er óánægju með þessa
ákvörðun þýskra stjómvalda.
Dagskráin um Heinrich Heine er
siðasta menningaruppákoman
sem Gethe-stofnunin kemur að á
næstunni. Við vorum með ýmis-
legt á pijónunum fyrir næsta ár
en höldum að okkur höndum
meðan ekkert liggur fyrir nema
lokun stofnunarinnar.“
Bókasafn,
upplýsinga-
þjónusta og
menningar-
starfsemi