Morgunblaðið - 01.11.1997, Síða 50

50 LAUGARDAGUR 1. NÓVEMBER 1997
MORGUNBLAÐIÐ
Dýraglens
Tommi og Jenni
Smáfólk
YES, MA'AM..MV
906 15 5TIIL
5ITTIN6 0UT5I9E
ON THE FRONT
5TEP5
NO, I TRIED TO EXPLAIN , ,
TO HIM THAT D065 ARENT|
ALLOWED ON THE
SCHOOL 6RÖUND5,
HERE, HE WANTED
ME TO 5H0W YOU
Já, kenn-
ari.,. hundur-
inn minn situr
ennþá á tröpp-
unum____
Nei, ég reyndi að skýra
það út fyrir honum að
hundum leyfist ekki að
vera á skólalóðinni...
Hérna, hann vildi
að ég sýndi þér
vegabréfið
sitt...
BREF
TIL BLAÐSINS
Kringlan 1103 Reylqavík • Sími 5691100 • Símbréf 569 1329
Ártíð Jóns
Loftssonar
Frá Þór Jakobssyni:
HINN 1. nóvember 1997 eru liðin
800 ár frá láti Jóns Loftssonar,
höfðingja í Odda á Rangárvöllum.
Oddafélagið, samtök áhugamanna
um endurreisn fræðaseturs í Odda,
minntist 800 ára ártíðar Jóns á
Oddastefnu í vor, en Oddastefna
nefnist árleg ráðstefna félagsins.
Oddastefna var að þessu sinni
haldin að Laugalandi í Holtum,
sunnudaginn 25. maí 1997. Raun-
ar er Oddastefna haldin næst „Sæ-
mundardegi", 22. maí, en Sæ-
mundur fróði Sigfússon, afi Jóns
Loftssonar, lést 22. maí 1133.
Á ráðstefnunni um Jón Loftsson
voru flutt merk erindi sem munu
birtast í Goðasteini, héraðsriti
Rangæinga. í erindum fræðimann-
anna var greint frá nýjum rann-
sóknum. Helgi Þorláksson fjallaði
um Jón Loftsson í Odda, Auður
G. Magnúsdóttir um frillulífi á 12.
og 13. öld, Sverrir Tómasson um
Noregskonungatal og þau Ásdís
Egilsdóttir og Ármann Jakobsson
um Oddaveijaþátt. í umræðum á
eftir tóku meðal annarra til máls
Gunnar Guðmundsson frá Heiðar-
brún og dr. Jónas Kristjánsson sem
jafnframt var beðinn að draga
ályktun í fundarlok. Friðjón Guð-
röðarson var fundarstjóri, en fund-
argestir voru sumir úr héraði og
aðrir langt að komnir.
í litlum bæklingi er Oddafélagið
lét taka saman handa ferðamönn-
um um Rangárþing er í fáum orð-
um sagt frá Oddaveijum. Bækling-
urinn hefur verið þýddur á þijú
tungumál. Oddaveijar voru ein
nafnkunnasta höfðingjaætt lands-
ins á þjóðveldisöld og nær allsráð-
andi í Rangárþingi á 11.-13. öld.
Oddaveijar röktu ættir sínar til
Haraldar hilditannar, Danakon-
ungs.
Frægastur Oddaveija er Sæ-
mundur fróði (1056-1133). Á sín-
um tíma var Sæmundur talinn ein-
hver lærðasti maður landsins og
hvað mest metinn. Voldugastur
Oddaveija var sonarsonur hans,
Jón Loftsson (1124-1197), dóttur-
sonur Magnúsar berbeins, Noregs-
konungs. Jón var sagður „mestur
höfðingi og vinsælastur er verið
hefur hér á landi“. Fóstursonur
Jóns var enginn annar en Snorri
Sturluson. Of sjaldan er á það
minnt að Snorri ólst upp hjá Jóni
og Halldóru í Odda á Rangárvöll-
um, og menntaðist þar.
Jón Loftsson var lærður vel,
djákn a.ð vígslu. Páll Eggert Ólason
segir í íslenzkum æviskrám, að Jón
hafi verið valdamestur höfðingi á
íslandi á sinni tíð og til hans skot-
ið flestum vandamálum, og beygðu
menn sig að jafnaði fýrir dómum
hans. Hann var friðarmaður mik-
ill, einn þeirra, sem vildu tálma
yfirgangi kirkjuvaldsins, og tókst
að hamla tilraunum Þorláks bisk-
ups helga í þessu skyni.
Egill Jónasson Stardal ritaði á
sínum tíma skemmtilega og fjör-
lega bók um Jón Loftsson. Isa-
foldarprentsmiðja gaf bókina út
árið 1967. Sitthvað, sem talið hef-
ur verið satt og rétt um ævi Jóns,
er nú að nokkru dregið í efa af
lærðum mönnum. Stórbrotin ævi
Jóns Loftssonar er því enn við-
fangsefni fræðimanna. Og lista-
manna bíður einnig tækifæri til
að skilja, skynja og túlka einn
mesta son þjóðarinnar.
ÞÓR JAKOBSSON,
veðurfræðingur og formaður
Oddafélagsins.
Vegna yfirvofandi
verkfalls þroskaþjálfa
Frá starfsmönnum á sambýli í
Hafnarfirði:
VIÐ undirritaðir starfsmenn í sam-
býli í Hafnarfirði höfum þungar
áhyggjur af yfirvofandi verkfalli
þroskaþjálfa sem boðað hefur verið
næstkomandi mánudag.
Á vinnustað okkar býr fjölfatlað
fólk sem engan veginn má við
þeirri röskun sem verkfall hefur í
för með sér.
Öll þjálfun fatlaðra er mjög
mikilvæg til að viðhalda færni og
fyrirbyggja að þeir dvelji langdvöl-
um á sjúkrastofnunum.
Við teljum það brot á mannrétt-
indum að fatlaðir fái ekki þá þjón-
ustu sem þeim ber. Furðuleg er
sú yfírlýsing heilbrigðisráðherra
að enginn skerðing verði á þjón-
ustu við fatlaða ef af verkfalli
þroskaþjálfa verður. Við styðjum
þroskaþjálfa heilshugar í kröfum
þeirra um hærri laun vegna þess
að starf þeirra er mjög mikilvægt.
Við vonum að viðsemjendur
þroskaþjálfa sýni skilning á mikil-
vægi starfs þeirra.
Verkfallið hefur líka áhrif á fjöl-
skyldur og heimili okkar starfs-
manna þar sem hægt er að skylda
okkur í yfirvinnu, því heimilisfólk
verður heima vegna lokunar þjálf-
unar- og vinnustaða.
Vonum við í lengstu lög að
samningar náist fyrir mánudag og
að ekki komi til verkfalls.
GUÐRÚN ÁSTA BJÖRGVINSDÓ'ITIR,
Steinahlíð 8, Hafnarfirði,
KJARTAN GUÐMUNDSSON,
Álfaskeiði 56, Hafnarfirði,
KRISTÍN JÓNSDÓTTIR,
Hringbraut 70, Hafnarfirði,
REBEKKA VALGEIRSDÓTTIR,
Steinahlíð 7, Hafnarfirði,
SÝTA RÚNA HARALDSDÓTTIR,
Fagrahvammi 2a, Hafnarfirði.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti! birtingar teljast samþykkja þetta, ef ekki fylgir fyrirvari hér að lútandi.