Morgunblaðið - 25.11.1997, Page 59

ni(4A TfltfTKMÍOM
MORGUNBLAÐIÐ
rr»/-. » nrTai «rr”í>Tr - <-> rrrrr^ * anm'/-. . <-l
ÞRIÐJUDAGUR 25. NÓVEMBER 1997 59
FÓLK í FRÉTTUM
Titringur og trúarhiti í Kántrýbæ
TONLIST
Gcisladiskur
KÁNTRÝ8
KÁNTRÝ 8 nefnist geisladiskur sem kú-
rekasöngvarinn Hallbjörn Hjartarson frá
Skagaströnd sendi frá sér á sumarmánuðum.
Líkt og skýrlega kemur fram á umslagi disks-
ins er þetta fyrsta kántrý-gospelplatan sem
út kemur á Íslandi og markar því þáttaskil á
ferli söngvarans. Þetta er vandaður geisladisk-
ur og aðstandendum hans til sóma.
Á Kántrý 8 er að finna 16 lög og eru þau
öll eftir Hallbjöm. Hann hefur löngum átt
auðvelt með að semja einföld og grípandi lög
og nýtur enn þeirrar náðargáfu. Lögin eru
melódísk og einkennast af áreynsluleysi.
Textar á plötunni nýju eru allir eftir Rúnar
Kristjánsson utan einn sem kemur úr smiðju
Díönu S. Kristjánsdóttur. Textamir hafa allir
trúarlegan boðskap að geyma og eru vel fram-
bærilegir sem sh'kir. Ýmsir munu sakna texta
Hallbjörns, sem einkenndust af mikilli ein-
lægni og frumleika eins og þeir sem fylgst
hafa með ferli hans þekkja og er sá sem þetta
ritar í þeim hópi.
Það sem einkennir þennan geisladisk er þó
fyrst og fremst mikil spilagleði, réttnefndur
titringur og vandaðar útsetningar. Heiðurinn
af þessu á öðrum fremur Vilhjálmur Guðjóns-
son, sem er höfundur allra útsetninga, stjóm-
aði hljóðrituninni, hafði með höndum hljóð-
blöndun ásamt Hallbirni og Gunnari Smára
Helgasyni og lék á gítar. Vilhjámur skilar hér
glæsilegu verki, sem raunar kemur ekki á
óvart enda hefur hann löngum sýnt að hann
er geysilega snjall tónlistarmaður. Lög Hall-
björns eru einföld að gerð og heldur einsleit
og veltur því mikið á útsetningunum. Vissu-
lega fylgir það einfaldleikanum að svigrúmið
verður mikið fyrir bragðið. Það nýtir Vilhjálm-
ur til fullnustu og er nánast með ólíkindum
hversu fjölbreytilegar útsetningar hann nær
að galdra fram. Sérstök ástæða er til að vekja
athygli á vönduðum bakröddum sem em
ómissandi þegar gospel-tónlist er annars veg-
ar.
Vilhjálmur Guðjónsson hefur og lengi verið
í hópi bestu gítarleikara íslendinga og ein-
kennist allur leikur hans á Kántrý 8 af mik-
illi fagmennsku og smekkvísi. Margir stuttir
einleikskaflar á þessum diski em réttnefndar
gítarperlur og Vilhjálmur á í engum erfiðleik-
um með þá tækni og þann hljóm sem kántrý-
gítarleikur krefst.
Líkt og alkunna er varð Hallbjörn Hjartar-
son fyrir miklu áfalli á dögunum er Kántrýbær
eyðilagðist í eldi. Þessi einstaki listamaður,
sem ætíð hefur haft hugrekki til að fara eigin
leiðir, hefur orðið fyrir miklum áföllum á ferli
sínum en jafnan risið á fætur. Nú hefur hann
boðað að Kántrýbær, þessi miðstöð alþýðu-
menningarinnar „út við ysta haf‘, muni rísa
á ný. Ánægjulegt hefur verið að fylgjast með
þeirri velvild sem Hallbjörn hefur notið í þess-
um erfíðleikum. Ríkisreknum hámenningar-
postulum þykir ekki hæfa að alþýðulistamenn
njóti stuðnings og styrkja þótt sjálfsagt þyki
að skattborgararnir standi undir þeim. Nú
þurfa aðdáendur kúrekans frá Skagaströnd
og allir rétthugsandi menn að sýna hvern hug
þeir bera til hans. Kjörin leið til þess er að
festa kaup á þessu nýjasta verki hans, Kántrý
8.
Ásgeir Sverrisson
MYIMDBÖIMD
Heima
er best
Móðirin
(Mother)
Gamanmynd
★ ★ ★
Framleiðendur: Scott Rudin og
Herb Nanas. Leikstjóri: Albert
Brooks. Handritshöfundar: Albert
Brooks og Monica Johnson. Kvik-
myndataka: Lajos Kostai. Tónlist:
Marc Shaiman. Aðalhlutverk: Al-
bert Brooks, Debbie Reynolds, Rob
Morrow, Lisa Kudrow. 100 mín.
Bandaríkin. Cic myndbönd 1997.
Utgáfudagur: 18. nóvember. Mynd-
in er öllum leyfð.
ALBERT Brooks er einn af
fremstu gamanleikurum Banda-
ríkjanna og góð
dæmi um það er
myndin „Broad-
cast News“, þar
sem hann lék
hæfan en sein-
heppinn sjón-
varpsfrétta-
mann. Brooks
hefur einnig
leikstýrt og
skrifað nokkrar
af þeim myndum sem hann hefur
komið fram í og sem dæmi má
nefna „Lost in America", sem var
skemmtileg ádeila á bandaríska
markaðshyggju, og „Defending
Your Life“, sem var gamanmynd
um það sem gerist eftir dauðann.
Nýjasta myndin hans ber nafnið
Móðirin, og er mun látlausari en
fyrirrennarar hennar, en þrátt fyr-
ir það er þetta yndisleg lítil gaman-
mynd, sem leiðist aldrei út í neina
væmni eða margtuggðar klisjur.
Brooks er óborganlegur í hlut-
verki rithöfundar sem er nýskilinn
við aðra konuna sína og lendir í
eins konar tilvistarkreppu. Hann
ákveður að leysa þessa kreppu sína
með því að leyta til uppsprettunar
fyrir óheppni sinni í kvennamálum,
sem sagt móður sinnar. Móðirin
sem er leikin af Debbie Reynolds,
sem er best þekkt fyrir að hafa
leikið á móti Gene Kelly í „Singing
in the Rain“ og það að hún er
móðir Carrie Fisher, er hlaðin öllum
þeim kostum og göllum sem mæður
hafa. Það tekur hana örfáar sek-
úndur að láta Brooks fínna til van-
máttarkenndar og álíka langan
tíma að gera hann gráhærðan af
pirringi. Samleikur Reynolds og
Brooks er óaðfínnanlegur og er eins
og um raunveruleg mæðgin sé að
ræða. Aðrir leikarar standa sig
mjög vel og er Rob Morrow sérstak-
lega góður í hlutverki bróður
Brooks. Ég mæli með Móðurinni
fyrir alla þá sem halda að þeir séu
þeir einu sem eiga í sambandsörð-
ugleikum við mæður sínar.
Ottó Geir Borg
T

MAX er islenskt iðnfyrirtæki sem hefur
starfað við fataframleiðslu síðan árið
1941. Starfsfólk fyrirtækisins leggur
metnað í hönnun og vandaða framleiðslu
sem uppfyllir kröfur íslenskra neytenda.
MAX framleiðir úrval af útivistar- og
vinnufatnaði þar sem áhersla er lögð
á gæði, þægindi og notagildi.
a.
MAX fatnaðurinn fæst í MAX-Húsinu
og hjá umboðsmönnum um land allt.

Skeifunni 15
S: 568 5222
Hægt er að renna vatt- eða fleece-
jakka inn i F2000 öndunarjakkann.
<r
-c