Morgunblaðið - 18.12.1997, Blaðsíða 37
MORGUNBLAÐIÐ
LISTIR
FIMMTUDAGUR 18. DESEMBER 1997 37
LEIKARAR í leikhópnum Lopanum.
Morgunblaðið/Sigrún Sveinbjörnsdóttir
Tónlist úr
Grandavegi 7
Fallinn engill
TÓNLISTARMAÐURINN Pétur
Grétarsson hefur sent frá sér geisla-
plötu með frumsömdum verkum úr
leikritinu Grandavegur 7. Þetta er
fyrsta geislaplata Péturs sem auk
þess að sinna
djassleik og
kennslu hefur á
síðustu árum
samið tónlist við
fjölda leikverka.
A geislaplötunni
eru 20 verk, bæði
heilleg lög og stef
úr verkinu.
Pétur segir
óvenju skamman
aðdraganda að vinnu sinni við leik-
ritið Grandavegur 7 og útgáfu
geislaplötunnar. „Þó ekki liggi
nema þriggja mánaða vinna að baki
verkunum hefur sú vinna verið
óvenju ftjó og skemmtileg og því
ákvað ég að senda tónlistina frá
mér á geislaplötu, kannski ekki síst
til að heiðra þessa skemmtilegu
vinnu,“ segir Pétur. Honum telst
til að þær leiksýningar sem hann
hafi tekið þátt í, ýmist sem hljóð-
færaleikari eða höfundur verka, séu
orðnar um 30 talsins. Bakgrunnur
hans í tónlist er í heimi djassins og
Pétur segir að þegar þannig sé
háttað fyrir tónlistarfólki sé það að
semja tónlist óijúfanlegur hluti af
tónlistarflutningnum og þá sé undir
hælinn lagt hvort menn vinni áfram
með sinn spuna.
Pétur hefur áður unnið með
Kjartani Ragnarssyni leikstjóra og
segir samstarf þeirra með miklum
ágætum, Kjartan sé fijór, hann
liggi ekki á skoðunum sínum og
hafi með því skapandi áhrif á sam-
starfsfólk sitt. „Auk þess hefur
góður skáldskapur tilhneigingu til
að fela í sér lausnina," segir Pétur.
Þó svo að tónlistin sé algerlega
sniðin að verkinu og sé í raun sem
ein viðbótarpersóna þess segir Pét-
ur að verkin á geislaplötunni séu
sett fram án allra skilyrða eða
beinna tengsla við leikverkið. Hann
segir jafnframt að þó að tónlistin
sé samin við leikverk þá sé ekki til
neitt fyrir honum sem kallast gæti
leikhústónlist, tónlist sé fyrst og
síðast bara tónlist, sama hvar hún
er leikin. „Það eina sem maður
getur gert er að hlusta á það sem
er að gerast í kringum mann og
leyfa hlutunum að verða til,“ segir
Pétur.
Ásamt því að semja lögin útsetur
og leikur Pétur á öll hljóðfæri.
Hljóðvinnslu annast hann ásamt
þeim Jóni Óskari Gíslasyni og Sveini
Kjartanssyni. Leikhópurinn sér um
sönginn og raddsýni í verkunum
og Jóhann Sigurðarson leikari
syngur einsöng í laginu Amore. „Eg
bjó til bulltexta á ítölsku, sem er
uppfullur af klisjum um ástina því
faðirinn, sem Jóhann leikur, er
maður ástarinnar. Það stóð reyndar
ekki til að lögin yrðu svona mörg
heldur yrði fremur um hljóðsetn-
ingu verksins að ræða. Síðan komu
upp aðstæður í verkinu sem buðu
upp á lagaflutning og það kom mér
sjálfum á óvart þegar lögin tóku
að spretta fram hvert af öðru.“
Lopinn 5 ára
Hornafirði. Morgunblaðið.
í HORNAFIRÐI er starfræktur
leiklistarhópurinn Lopinn sem
er fyrir 13-18 ára unglinga og
á þessu ári setti hann upp sitt 5
leikverk. Verkið sem var sett upp
nú hét Grenið, vegaverslun og
samdi Magnús Magnússon verkið
og leikstýrði hópnum eins og
undanfarin ár.
I sýninginni voru 55 leikarar
og var alveg frábært að sjá hvern-
ig leiksljórinn kom þessu öllu
heim og saman án þess að ofgera
hlutunum. Verkið sýndi einn sól-
arhring frá eigendum verslunar-
innar Grenisins og var allur leik-
ur framúrskarandi og sagði
Magnús að stór hópur af leikur-
unum væri búinn að vera í leik-
hópnum frá upphafi og þeir þvi
orðnir nokkuð sjóaðir leikendur.
Magnús fær mikið lof og allur
hópurinn fyrir framúrskarandi
uppfærslu og vonandi á þessi
starfsemi eftir að lifa lengi enn.
KVIKMYNPIR
L a u g a r á s h í ó
„PLAYING GOD“ ★ Vi
Leikstjóri: Andy Wilson. Handrit:
Mark Haskell Smith. Kvikmynda-
takæ Anthony B. Richmond.
Aðalhlutverk: David Duchovny,
Timothy Hutton, og Angelina Jolie.
94 min. Bandarísk. Beacon
Communications. 1997.
EF SJÓNVARPSÁHORFENDUR
eru ekki búnir að fá nóg af því að
hlusta á þvaðrið í Mulder í Ráð-
gátuþáttunum, sem gerast æ út-
þynntari, geta þeir skropið á „Play-
ing God“ og fylgst með muldrinu
í ráðvillta lækninum Eugene Sands
(David Duchovny). Annars ætti
maður ekki að vera að agnúast út
í Duchovny þó að Ráðgátur séu á
niðurleið, svona syrpur geta ekki
haldið dampi endalaust.
Ég vil frekar leiðrétta auglýs-
ingabrellur eins og fullyrðinguna
að „Playing God“ sé fyrsta kvik-
mynd sjónvarpsleikarans Duch-
ovny. Það er einfaldlega ekki rétt,
maðurinn hefur að minnsta kosti
leikið í einum ellefu kvikmyndum,
reyndar oftast aukahlutverk, en
einnig stærri hlutverk. Það rétta í
málinu er að „Playing God“ er
fyrsta kvikmyndin sem Duchovny
ber hitann og þungann af. Hann
er stjarnan í aðalhlutverkinu.
Ef auglýsa á „Playing God“ sem
fyrstu kvikmynd einhvers þá ætti
að benda á leikstjórann Andy Wil-
son. Hann hefur starfað sem kvik-
myndatökumaður og stjómað sjón-
varpsþáttum, eins og „Cracker",
en eftir því sem ég veit best best
hefur hann ekki leikstýrt kvikmynd
áður í Bandaríkjunum.
En snúum okkur að myndinni.
„Playing God“ er stílfærð spennu-
mynd um réttindalausa lækninn
Eugene sem lendir inn í skugga-
heimi krimmans Raymonds Blos-
soms (Timothy Hutton) þegar hann
bjargar lífi eins af undirmönnum
hans eftir skotárás. Eugene er dóp-
haus sem missti leyfið eftir að
sjúklingur dó á skurðarborðinu hjá
honum. Líf hans hefur alltaf snúist
um að vera læknir svo að þegar
Raymond býður honum að vera
eins konar hirðlæknir hjá sér fellur
hann fyrir freistingunni.
Grunnhugmynd „Playing God“
hefur líklega hljómað vel þegar
henni var varpað fram í upphafí.
Ekki bara einn ein spennumyndin
um dóp, glæpi, og morð í Los
Angeles heldur spennumynd með
vangaveltum um þungavigtar-
spurningar í siðfræði. Því miður
hefur unnist frekar illa úr hug-
myndinni.
Allt í myndinni rokkar upp og
niður. Leikararnir hafa nánast
engar persónur til að túlka heldur
eingöngu ágætis gervi. Samt tekst
Duchovny, Hutton og Angelinu
Jolie (pabbi hennar er John Vo-
igt), í hlutverki ástkonu Raym-
onds, að glæða hlutverkin tölu-
verðu lífi og vekja áhuga manns.
Duchovny þarf því ekki að ör-
vænta þó að myndin sé ekkert
snilldarverk, hann fær örugglega
önnur tækifæri.
Það þarf varla að minnast á
söguþráðinn, hann er þessi hefð-
bundni sem allir bíógestir þekkja.
Þið vitið, læknirinn fyllist efasemd-
um um ágæti gerða sinna og reyn-
ir að hætta dópneyslunni. Það
gneistar á milli hans og ástkonu
glæpakóngsins. FBI blandar sér í
málið og allt endar í uppgjöri sem
innifelur skotbardaga og bílaelting-
arleik.
Ekkert nýtt þar. Frumleikinn á
víst að felast í frekar lummulegum
stílfærslum og ýktum áherslum.
Það sama á við hér og um grunn-
hugmynd sögunnar. Allt hefur ör-
ugglega litið vel út á hugmynda-
stiginu en framkvæmdin nær ekki
að uppfýlla drauminn.
Ánna Sveinbjarnardóttir
JÓLASÝNING
Opnum í kvöld kl. 20.30.
Bjóðum upp á tónlist og veitingar.
Nú er tækifæri að eignast góð verk yngri höfunda,
t.d. eftir Sigurbjörn Jónsson, Pétur Gaut,
Helga Þorgils, Valgarð Gunnarsson,
Lísbet Sveinsdóttir og Tolla.
Sýnum sérstaklega nokkur eldri verk
eftir Kristján Davíðsson.
Full verslun af antik- og gjafavöru.
15% AFSLÁTTUR AF SMÁVÖRU.
BORG
Síöumúla 34, sími 581 1000
Pétur
Grétarsson