Morgunblaðið - 18.12.1997, Blaðsíða 35
MORGUNBLAÐIÐ
FIMMTUDAGUR 18. DESEMBER 1997 35
LISTIR
Margnea Tómasdóttir sópransöngkona
í óperustúdíói Kölnaróperunnar
Fjölgar í „íslensku
tónlistarnýlendunni“
MAGNEA Tómasdóttir sópran-
söngkona hefur í haust starfað við
óperustúdíó Kölnaróperunnar, sem
er einskonar undirbúningur fyrir
fulla atvinnumennsku í faginu. Er
samningur Magneu til tveggja ára.
Fimm söngvarar starfa í stúdíó-
inu og var Magnea annar tveggja
sem teknir voru inn í hópinn í haust.
Er starf hennar margþætt, óperu-
sýningar og tónleikar á vegum
stúdíósins, auk þess sem lítil hlut-
verk í óperuuppfærslum Kölnar-
óperunnar koma reglulega í hlut
„lærlinganna“.
„Þetta er mjög góður staður að
byija á,“ segir Magnea, sem lauk
framhaldsnámi í söng frá Trinity
College of Music í Lundúnum í
fyrra. „Það er mikil óperuhefð í
Þýskalandi og Kölnaróperan er í
nópi tíu stærstu húsanna í Þýska-
landi. Auk þess held ég að mín rödd
henti betur í Þýskalandi en á Eng-
landi, þar sem fólk hefur ólíkan
smekk.“
Fyrsta verkefni Magneu ytra var
að syngja lítið hlutverk í Aidu eftir
Verdi í Kölnaróperunni sjálfri. í
kjölfarið komu svo tónleikar nýlið-
anna í stúdíóinu en fyrir þá fékk
hún góða dóma í Kölner Stadt-An-
zeiger. Um þessar mundir er hún
að æfa hlutverk Donnu Elviru í Don
Giovanni eftir Mozart en sú sýning
er samstarfsverkefni óperustúdíóa
í Köln, Manchester, París og
Mílanó. Er frumsýning fyrirhuguð
í mars 1998 í Köln. Þá mun Magnea
fara með lítið hlutverk í Macbeth
eftir Verdi í Kölnaróperunni í vor.
Heim í febrúar
Magnea mun koma fram á ljóða-
tónleikum í Kirkjuhvoli í Garðabæ
14. febrúar næstkomandi en að öðru
leyti hyggst hún alfarið einbeita sér
að óperustúdíóinu í vetur, kynnast
heimi atvinnumennskunnar úr ná-
vígi og læra tungumálið. Með vorinu
kveðst hún á hinn bóginn þurfa að
fara að leiða hugann að prufusöng,
helst sem víðast, því engin trygging
sé fyrir því að hún komist á fastan
samning við Kölnaróperuna, þótt
hún hafí verið í stúdíóinu.
Undra-
vagn
BÆKUR
Myndabók
RIGNINGARBÍLLINN
eftir Janosch í þýðingu Hauks
Hannessonar. Utgefandi:
Bjartur 1997,28 síður.
MAGNEA Tómasdóttir sópransöngkona
Því fer fjarri að Magnea sé eini
íslendingurinn sem tengist Köln-
aróperunni um þessar mundir. í
fyrrnefndum dómi í Kölner Stadt-
Anzeiger er meira að segja gengið
svo langt að kalla óperuna „ís-
lenska tónlistarnýlendu“. Skyldi
svosem engan undra því þar starfa
nú tveir aðrir söngvarar, Erlingur
Vigfússon og Jóhann Smári Sæv-
arsson, sem báðir störfuðu áður í
óperustúdíóinu, auk þess sem sá
þriðji, Kolbeinn Jón Ketilsson,
kemur til starfa á hausti komanda.
Þá er Gerður Gunnarsdóttir fiðlu-
leikari fastráðin við hljómsveit
Kölnaróperunnar og annar fiðlu-
leikari, Una Sveinbjarnardóttir,
leikur endrum og eins með hljóm-
sveitinni.
Telpa eða
kona?
BÆKUR
Barnasaga
DÚFA - LÍSA OG SONUR
VINDSINS
eftir Sören Olsson og Anders
Jacobsson í þýðingu Jóns
Daníelssonar. Bókaútgáfan
Skjaldborg, 1997.
176 síður.
ÞETTA er önnur bókin sem höf-
undar senda frá sér um Dúfu -
Lísu. Nú er hún orðin 12 ára, lifir
þetta undarlega skeið, þá líkami
og sál takast hvað harðast á, og
glíman sú er grimm. Sálin er
barnssál, spurult sakleysið, - á enn
hæfileikann til þess að vera sannur
vinur, og þess hefír hún notið með
syni vindsins, „skáldinu", og skóla-
systurinni Jessíku. Nú, svo er það
þessi undarlegi skrokkur, hærra
og hærra lætur í honum, engu lík-
ara en hann þykist orðinn harpa
vorsins. Svo hár er hljómur þessar-
ar „hörpu“, að sálin verður að
grípa fyrir „eyru“ og „augu“,
missir taktstig við „skáldið",
Jessíku og skólann, tekur að troða
dansinn með glæsipíunum. Gam-
an, - gaman syngur veröldin við
leðurklæddri „konu“ með farðaða
vör og á háum hælum, en ekki
lengi.
Sálin þroskast sem sé líka, og
allt í einu áttar Dúfa - Lísa sig á
mun þess sem er ekta og gervi.
Hún snýr.við. Helmer, „skáldið“,
og Jessíka eru verur, sem hún vill
ná takti við á ný. Það tekst, - þó
ekki átakalaust, en það tekst, og
reynslunni ríkari feta þau stig
móti morgnum nýrra daga.
Höfundar segja söguna vel, lifa
sig inn í þennan dularfulla heim,
lýsa honum af lífsins nautn, -
sænskt - klúrir á stundum.
Ungir táningar munu fagna
þessari bók, skilja, að þeir eru
ekki einir með gátur sínar og sárs-
auka.
Þýðing Jóns er mjög góð, af
vandvirkni unnin.
Prentvillupúkinn hefir læðzt inn
á titilsíðu, merkt sér hana,
prakkarinn.
Sig. Haukur
*
Astarskot
BÆKUR
I>ýd«l barna- og
unglingabók
EVA OG ADAM
AÐ VERA EÐA VERA EKKI
- SAMAN
eftir Máns Gahrton, myndskreyting-
ar Hohan Unenge. Þýðandi Karl
Helgason. Æskan, 1997 - 121 bls.
EVA og Adam eru saman í bekk
en það er í gítartímum sem þau kynn-
ast betur og verða skotin hvort í
öðru. Það er vissulega góð tilfinning
að vera skotinn en hún gerir mann
líka taugaóstyrkan. Allt verður svo
erfitt, til að byrja með. Vinirnir með
sínar augngotur og glósur gera hlut-
ina ekki auðveldari. En það sem er
erfiðast er að fá að vera í friði. Eva
og Adam eru sjaldan ein heima. Eva
á tvo bræður sem eru sítruflandi.
Adam á hins vegar áhugasama móð-
ur sem dregur fram myndaalbúm
þegar Eva kemur í heimsókn. Eftir
nokkrar samverustundir verður allt
auðveldara. Þau verða öruggari og
þegar þau eru saman þurfa þau ekki
að gera neitt merkilegt, það er samt
gaman. Allt þar til Eva hættir í gít-
arnáminu og snýr sér að leiklist. Nú
eiga þau ekkert sameiginlegt áhuga-
mál og Eva er svo upptekin af leikrit-
inu að hún talar varla um annað en
það sem gerist á æfingum. Þá er
erfitt að lifa. Afbrýðisemin brýst
fram og þau rífast. Þau rífast svo
mikið að það setur sambandið í hættu
því hvorugt vill bakka.
Persónurnar takast á við dagleg
mál, vinina, áhugamálin og íjölskyld-
una. Auðvitað koma upp vandamál
en þá er bara að leysa þau. Þegar
Eva og Adam rífast hugsar Eva
hvernig hún hafí leyst málin þegar
hún var lítil og hvort það sama gildi
nú þegar Adam á í hlut. Eva er held-
ur ekki tilbúin til að viðurkenna að
hún þurfi á athygli að halda og geti
verið afbrýðisöm, nei hún er þrosk-
aðri en það.
Sagan er hlý og skemmtileg. Per-
sónumar eru líklega 13 ára og er
þetta þeirra fyrsta ástarskot. Þess
vegna vita þau ekki alveg hvemig á
að haga sér. Hún hentar lesendum
frá tíu, ellefu ára aldri. Letrið er stórt
og skemmtilegar myndir prýða bókina.
Kristín Ólafs
Yinakvöld
á aðventu
í Flens-
borg
KÓR Flensborgarskóla í
Hafnarfirði heldur jólatón-
leika sunnudagskvöldið 21.
desember kl. 20.30 og er þetta
árlegt Vinakvöld á aðventu,
en svo nefnast tónleikarnir.
Á dagskránni verða innlend
og erlend jóla- og aðventulög
og önnur hátíðartónlist sung-
in og leikin af kórfélögum.
Gestir vinakvöldsins að þessu
sinni verða þær Hanna Björk
Guðjónsdóttir sópransöng-
kona og Marion Herrera
hörpuleikari.
Áðgangseyrir er kr. 700
fyrir 21 árs og frítt fyrir alla
yngri. Stjórnandi Kórs Flens-
borgarskóla er Hrafnhildur
Blomsterberg.
MYNDABÓK fyrir unga lesendur.
Hér segir frá Ágústi, fjölskyldu hans
og Lillu vinkonu.
Mestur örlagavaldur í lífi snáðans
er Frikki afí hans, slíkur völundur,
að hann smíðar barnabarni sínu ekki
aðeins bíl, heldur töfrabíl. það er
vel, því ungum dreng er erfitt að
hemja óskir sínar við eina gerð.
Stundum vill hann glæsivagn; -
stundum má hann vera minni; -
stundum þarf snáðinn kranabíl; -
stundum sjúkrabíl; - stundum vöru-
bíl; - stundum kappakstursbíl!
Frikki afi var slíkur dverghagi,
að hann leysti allan vanda stráksa:
bíllinn hreinlega breytti um gerð,
aIlt eftir því til hvers hann var ætlað-
ur, og það með svo skjótum hætti,
að vart festi auga á.
Oft er hægt að breyta með vatns-
úða úr garðslöngu, en grunur minn
er, að til þess þurfi töfragripurinn
að standa kyrr. Frikki afi veit, að
garðslöngunni verður ekki ætíð við
komið, því útbýr hann fararskjótann
með tölvu, sem á svipstundu breytir
honum í algjört tryllitæki, ef
leynitákn hugvitsmannsins eru sleg-
in inn. Þetta er sem sé bók um sam-
skipti lítils kúts og afa hans, löngu
áður en stráksa verður ljóst, að afí
gamli getur ekki allt!!!
Myndir eru mjög skemmtilegar,
barnslega einlægar.
Þýðing Hauks er góð, hefði þurft
aðeins lengri yfirlegu og þá orðið
listagóð.
Að rölta með slíka bók að rúm-
stokki barns hlýtur að vera gaman.
Sig. Haukur
-----------------
Bókalestur á
Sólon
LJÓÐAKVÖLD verður á efri hæð
Sólon íslandus í kvöld, 18. desember,
kl. 20.30. Félagar í Nykri, Björgvin
ívar, Bergsveinn Birgisson, Sigtrygg-
ur Magnason og Andri Snær munu
lesa úr verkum sínum. Ágústína Jóns-
dóttir, Börkur Gunnarsson, Njörður
P. Njarðvík o.fl. munu lesa ljóð.
Kvöldið er haldið til heiðurs Þórði
Helgasyni lektor sem hefur hvatt
marga unga höfunda til dáða, segir
í kynningu. Einnig mun Guðbergur
Bergsson lesa úr skáldævisögu sinni.
NÝ
OG ENN BET Rl
NILFISK
F^^G£/?0/ érto ■ rr<
1W VI
Kraftmeiri, nú með 1400W mótor.
Fislétt, aðeins 6.5 kg.
Biðstöðufesting fyrir rör og slöngu.
Og hinn frábæri Nilfisk AirCare®
síunarbúnaður með HEPA H13 síu.
Komdu og skoðaðu nýju
Nilfisk GM-400 ryksugurnar
/rDnix
HÁTÚNI6A REYKJAVÍK SÍMI 552 4420
Áttundi fyrirlestur „Laxnessársins" í Norrœna húsinu í dag f{l. /7. /5:
/
ffi " (/) • »1 mrnmm • Gerpla sem Islendingasaga
n© » - vj' '"W ^4 - Vésteinn Ólason rœðir um Halldór Laxness Vésteinn Ólason prófessor heldur í dag fyrirlestur á vegum Laxnessklúbbsins og Vöku-Helgafells í Norræna húsinu sem nefnist Gerpla sem íslendingasaga. Halldór samdi Gerplu í anda íslendingasagna en þó er ýmislegt sem gerir hana ólíka hinum fornu sögum þegar allt kemur til alls, eins og Vésteinn mun ræða um í fyrirlestri sínum. Erindið hefst klukkan 17:15, er öllum opið og aðgangur ókeypis. Vésteinn Ólason hefur birt ýmsar greinar um verk Halldórs Laxness enda þótt sérsvið hans sé íslenskar miðaldabókmenntir. í fyrirlestri sínum má því segja að Vésteinn sameini þetta tvcnnt með því að bera Gerplu Halldórs Laxness saman við íslendingasögurnar.
Vésteinn Ólason lauk doktorsprófi frá Háskóla íslands árið 1983. Hann var prófessor við Óslóarháskóla 1985-1991 en hafði áður verið lektor við Kaupmannahafnarháskóla 1968-1972. Þá var hann gistiprófessor við Kaliforníuháskóla í Berkeley 1988-1989. Vésteinn hefur verið kennari við Háskóla íslands með hléum frá 1972, fyrst sem lektor í almennri bókmenntasögu en er nú prófessor í íslenskum bókmenntum.
Fyrirlestur í é
Norræna iiúsinu VAK\- HELGAFELL
í DAG KL. 17.15 Laxnessklúbburinn