Morgunblaðið - 18.12.1997, Blaðsíða 65
MORGUNBLAÐIÐ
FIMMTUDAGUR 18. DESEMBER 1997 65
FRÉTTIR
Heimsjólin á
Hótel Sögn
F'IMMTU „Heimsjólin“, jólaskemmt-
un og hátíðarkvöldverður, verða
haldin í Súlnasal Hótel Sögu föstu-
dagskvöldið 19. des. og hefst kl.
19.30. Um leið er um e.k. þakk-
argjörðarhátíð að ræða fyrir góðan
árangur í ferðum ársins 1997, sem
er umfangsmesta starfsár Heims-
klúbbsins til þessa. Sýndar verða
myndir úr heimsreisum og kynntar
helstu ferðir næsta árs.
„Heimsjólin verða að þessu sinni
með óvenjulegum glæsibrag. Ungir
hljóðfæraleikarar í framhaldsnámi
erlendis leika saman vinsæla jóla-
tónlist. Sigrún Hjálmtýsdóttir óperu-
söngkona syngur lög tengd jólum
af nýútkomnum metsöludiski sinum,
og gestir taka einnig lagið. Meðal
myndefnis verður sýnishorn úr kvik-
mynd Péturs Steingrímssonar af
nýafstaðinni Hnattreisu um suður-
hvel jarðar með 70 þátttakendum,
sem fagnað verður sem heimsmet-
höfum á ferðalögum, því að enginn
hópur hefur áður lagt að baki leið
Heimsklúbbsins um Suður-Afríku,
Ástralíu, Nýja Sjáland, Tahiti og
fleiri eyjar frönsku Pólynesíu og að
lokum Santiago de Chile, Buenos
Aires, Iguassu fossa og Rio de Ja-
neiro. Verður methöfunum fagnað
sérstaklega á Heimsjólum fyrir
frammistöðu sína.
Rúsínan í pylsuendanum er nær-
vera stórsöngvarans Kristjáns Jó-
hannssonar, en hann og kona hans,
Sigurjóna Sverrisdóttir, verða sér-
stakir heiðursgestir Heimsklúbbsins,
og þess minnst, hve oft Kristján
hefur glatt félaga Heimsklúbbsins
með söng sínum, bæði í Metropolitan
í New York og í Arenunni í Verona
á Ítaiíu," segir í fréttatilkynningu
frá Heimsklúbbi Ingólfs.
-----♦--------
Skráning hafin
í áramótaferð
Útivistar
ÁRAMÓTAFERÐ Útivistar í Bása á
Goðalandi verður dagana 30. des-
ember til 2. janúar og er skráning
hafin.
„í Básum safnast saman hópur
fólks um hver áramót, sem á það
eitt sameiginlegt að hafa áhuga á
útiveru og að vilja skemmta sér utan
ys og þys margmennis. Útivist gerir
allt til þess að gera gestum dvölina
í Básum skemmtilega. Á kvöldin eru
haldnar kvöldvökur þar sem fólk
safnast saman við söng, glens og
gaman og á gamlárskvöld verður
kveikt í áramótabrennu og flugeldum
skotið á loft,“ segir í frétt frá Útivist.
STARFSFÓLK Hársnyrtistofunnar Pílusar.
Hársnyrtistofan Pílus
á nýjum stað
NÝLEGA var hársnyrtistofan
Pílus opnuð aftur eftir flutning
í verslunarmiðstöðina Kjarna í
Mosfellsbæ.
Hjónin Ingibjörg Jónsdóttir
og Ragnar Aðalsteinsson hafa
átt hársnyrtistofuna í 13 ár en
Ingibjörg hefur starfað þar
óslitið síðan 1981 fyrst sem
nemi síðan sveinn.
Anna Pála Pálsdóttir arki-
tekt hannaði stofuna, lýsing
var í höndum Helga Kr. Eiríks-
sonar hjá Lúmex og starfs-
menn Álftáróss unnu smíða-
vinnu.
Auk Ingibjargar starfa hjá
Pílusi þau Erna Eyjólfsdóttir,
hárgreiðslumeistari, Sesselja
Guðmunsdóttir, hárgreiðslu-
meistari, Hrefna Þorsteinsdótt-
ir, hárgreiðslumeistari, Unnur
Sæmunsdóttir, hárgreiðslu-
meistari, Lilja Bergmann, hár-
greiðslusveinn, Sigurborg
Magnúsdóttir, nemi, Bogi Eg-
gertsson, nemi og Elfa Kristj-
ánsdóttir, nemi.
Styrkur til Vímulausrar æsku
ANNAÐ árið í röð hefur Hans Pet-
ersen gert samning við foreldra-
samtökin Vímulausa æsku í tengsl-
um við sölu jólakorta. Fær Vímu-
laus æska prósentur af öllum kort-
um sem Hans Petersen selur, bæði
kortum með myndum og venjuleg-
um kortum. Þá selur fyrirtækið líka
jólapoka Vímulausrar æsku. Á
myndinni eru Elísa Wíum, fram-
kvæmdastjóri Vímulausrar æsku og
Guðrún Eyjólfsdóttir, markaðsstjóri
hjá Hans Petersen við undirritun
samningsins.
Jólakort til styrktar
húsbyggingu
STYRKTARSJÓÐUR húsbygginga
Tónlistarskóla ísafjarðar hefur gef-
ið út nýtt jólakort til fjáröflunar
fyrir sjóðinn. Styrktarsjóðurinn hef-
ur gefið út slík jólakort í mörg ár
og jafnan reynt að finna myndefni
sem höfðar sérstaklega til ísfirð-
inga.
Að þessu sinni er á kortinu lit-
mynd af málverki frá ísafirði í lok
4. áratugarins. Málarinn, Jón Hró-
bjartsson (1877-1946), var kennari
á ísafirði um langt árabil og kenndi
einkum söng, teikningu og íslensku.
Hann var mikils virtur málari, ferð-
aðist um landið vítt og breitt, eink-
um um Vestfirði og teiknaði og
málaði fjöldann allan af myndum,
oft eftir pöntunum.
Jólakortin eru til sölu á skrifstofu
tónlistarskólans og í Bókaverslun
Jónasar Tómassonar, ísafirði.
íþróttavörur í Grafarvogi
SPORTBÚÐ Grafarvogs hefur ver- fatnaður og Danskin ballettföt.
ið opnuð í verslunarmiðstöðinni Einnig sé gott úrval af íþróttabún-
Torginu, Hverafold. ingum ensku deildarinnar.
Sportbúð Grafarvogs er fyrsta
íþróttaverslunin í Grafarvogi og Eigendur verslunarinnar eru
segir í tilkynningu að helstu vöru- hjónin Erla Levy og Gunnlaugur
merki séu Ádidas, Nike, Ozon úlpur Guðmundsson en þau ráku áður
og skíðafatnaður, Casall eróbikk söluturninn Foldaskálann.
ERLA Levy og Gunnlaugur Guðmundsson í Sportbúð Grafarvogs.
RKI á Norðurlandi og Suðurlandi
Safnað fyrir konur í
Lesótó og Júgóslavíu
■ JUDY M. Foote, iðnaðar- og
viðskiptaráðherra Nýfundnalands,
heimsótti Landsbókasafn íslands
- Háskólabókasafn 25. nóvember
sl. og færði safninu um tuttugu
bækur margvíslegs efnis sem allar
eru gefnar út á Nýfundnalandi.
Myndin sýnir þegar ráðherrann af-
henti Einari Sigurðssyni lands-
bókaverði ritin.
DEILDIR Rauða kross íslands á
Norðurlandi hafa hafið söfnun á
hannyrðaefnum og er fyrirhugað
að senda það sem safnast til Le-
sótó þar sem konur munu vinna
ýmsan varning úr hráefninu. Þær
selja vörurnar og hafa af því
nokkrar tekjur en jafnframt verður
ágóðanum varið til reksturs heilsu-
gæslustöðvar á vegum Rauða
kross Lesótó. Söfnunin stendur til
1. mars nk. Söfnun deilda Rauða
kross íslands á Suðurlandi á garni
og lopa fyrir konur í Júgóslavíu
lýkur hins vegar um áramótin og
verður gámur sendur utan fljótlega
í janúar.
í frétt frá RKÍ kemur fram að
á Norðurlandi sé fyrirhugað að
safna góðum, notuðum og ónotuð-
um efnum og efnisafgöngum, svo
sem gluggatjöldum og þess háttar,
garnaafgöngum, tölum, ptjónum,
nálum og öðru sem kemur sér vel
við hannyrðir. Afrakstur söfnunar-
innar verður sendur utan í gámi.
Þeir sem vilja taka þátt í söfnun-
inni geta haft samband við Rauða
kross deildina í sinni heimabyggð
en auk þess veitir svæðisskrifstofa
RKÍ á Norðurlandi upplýsingar.
Lesótó er fjalllent ríki
í Suður-Afríku
Deildirnar á Norðurlandi eru 13
talsins og eru í vinadeildasam-
starfi við Rauða kross Lesótó. Les-
ótó er ijalllent ríki í Suður-Afríku
með um tvær milljónir íbúa. Flest-
ir íbúanna Iifa af landbúnaði. Rauði
kross Lesótó rekur m.a. heilsu-
gæslustöðvar í afskekktustu fjalla-
héruðum landsins og hafa Rauði
kross íslands og deildir hans á
Norðurlandi styrkt tvær þeirra.
Hvor stöðin um sig þjónar um tíu
þúsund manns og er enga aðra
læknisþjónustu að fá á svæðunum.
Mest áhersla er lögð á fyrirbyggj-
andi aðgerðir eins og bólusetning-
ar, mæðra- og ungbarnaeftirlit,
heilbrigðisfræðslu, næringarráð-
gjöf og eftirlit með næringará-
standi ungra barna. Auk þess er
veitt meðhöndlun við staðbundnum
sjúkdómum.
Deildir Rauða kross íslands á
Suðurlandi eru að hefja vinadeilda-
samstarf við Rauða kross Júgó-
slavíu.
Samstarf
verka-
lýðs-
félaga
VERKALÝÐSFÉLAG Prest-
hólahrepps hefur undirritað
samstarfssamning við Skrif-
stofu Verkalýðsfélaganna á
Húsavík. Félagssvæði þess er
Kópasker, Kelduneshreppur
og Öxarfjarðarhreppur.
Samstarfssamningurinn
byggist á því að Skrifstofan
tekur að sér að sjá um fjár-
mál, rekstur, félags- og
fræðslumál fyrir félagið.
Á félagsfundi í Verkalýðsfé-
lagi Presthólahrepps sl. sunnu-
dag á Kópaskeri var sam-
starfssamningurinn sam-
þykktur samhljóða og gildir
hann frá næstu áramótum.
Um hundrað manns er í
Verkalýðsfélagi Presthóla-
hrepps. Félagsmenn þess hafa
hingað til ekki haft aðgang
að skrifstofu.