Morgunblaðið - 18.12.1997, Blaðsíða 6

6 FIMMTUDAGUR 18. DESEMBER 1997
FRETTIR
MORGUNBLAÐIÐ
Kerti innkölluð
vegna eldhættu
VERSLUNIN Blómaval hefur
hætt sölu á ákveðinni tegund
kerta með áföstum kertastjaka
vegna eldhættu sem virðist
fylgja þeim. Um þtjú hundruð
sex kerta pakkar hafa verið seld-
ir í Blómavali. Bjami Finnsson,
framkvæmdastjóri og eigandi
verslunarinnar, biður þá við-
skiptavini sem keypt hafa kertin
að skila þeim aftur til verslunar-
innar og að nota þau alls ekki.
„Það vom tveir viðskiptavinir
sem bentu okkur á þessa hættu,
en þeir höfðu orðið fyrir því að
kertastjakarnir hitnuðu mjög og
sviðnað hafði undan þeim. Við
prófuðum þetta sjálfir og kom-
umst að sömu niðurstöðu. Senni-
lega er það efni í gyllingunni á
kertastjakanum sem hitnar
svona og við óttumst jafnvel að
það gæti kviknað í því. Við vilj-
um því vara fólk við þessum
kertum."
Kertin eru lítil, um 4 sm í
þvermál, og áfastur er gylltur
leirkertastjaki. Kertin voru seld
sex saman í pakka og kostuðu
300 krónur.
Tveir ferðalangar teknir með jafnmikið af
E-piIlum og fannst allt árið í fyrra
Morgunblaðið/Ásdís
LSD er oftast í formi vökva, sem hefur verið látinn síast í papplrsarkir með mörgum litlum myndum
á, eins og sjást í glösunum. Ein mynd er einn skammtur. I glösunum tveimur yst til hægri eru
E-pillur, sem eru til í öllum stærðum og litum.
Andlát
HANS KR.
EYJÓLFSSON
LÁTINN er í Reykjavík
Hans Kr. Eyjólísson,
fyrrverandi bakara-
meistari á Vesturgötu
og síðar móttökustjóri
í Stjórnarráði íslands.
Hans var fæddur í
Bjarnareyjum á
Breiðafirði 15. október
1904. Foreldrar hans
voru Guðrún Hansdótt-
ir og Eyjólfur Eyjólfs-
son. Hálfs árs gamall
var hann tekinn í fóst-
ur af Margréti Magn-
úsdóttur og Sigurvini
Hanssyni, skipstjóra á
ísafirði. Hjá þeim dvaldist hann til
fjögurra ára aldurs en fluttist þá
til Reykjavíkur með fóstru sinni til
dóttur hennar, Steinunnar Sigurð-
ardóttur, sem gift var Sveini Hjart-
arsyni bakarameistara.
Þrettán ára hóf Hans störf í
bakaríi Sveins og nam bakaraiðn.
Að loknu námi í Iðnskóla Reykja-
víkur fór hann til framhaldsnáms
í kökugerð í Kaupmannahöfn og
dvaldist þar í þijú ár. Að námi
loknu kom hann aftur til starfa í
Sveinsbakaríi og
starfaði þar við köku-
gerð.
Eftir lát Sveins
1944 stjórnaði Hans
bakaríinu. Eftir að
hann hætti þéim
rekstri gérðist hann
mótttökustjóri í for-
sætisráðuneytinu 65
ára gamall. Hann
hætti ekki störfum
sjötugur, eins og venja
er, heldur var starfs-
lokum hans oftlega
frestað og jafnvel
gerðar sérstakar bók-
anir í ríkisstjórn um að hann mætti
halda áfram starfi sínu eins lengi
og heilsan leyfði. Hann hætti störf-
um í Stjómarráðinu árið 1990, 86
ára gamall. Hafði hann þá starfað
með tveimur forsetum og átta for-
sætisráðherrum.
Hans kvæntist hinn 24. maí
1930 Ólöfu Jónsdóttur frá ísafirði
og eignuðust þau þijú börn. Þau
hjón fluttust á Droplaugarstaði í
Reykjavík árið 1991. Ólöf lézt fyrir
rúmum þremur árum.
Hæstiréttur tekur
hart á E-pillum
Mikið magn fíkniefna, aðallega E-pillur, fannst við leit hjá tveimur
ferðalöngum, sem komu til landsins síðustu daga. Ragnhildur
Sverrisdóttir segir að miðað við þá afstöðu Hæstaréttar sem fram
hafi komið í dómum megi reikna með þungri refsingu í þessum
málum, verði ferðalangamir sakfelldir.
FRÁ byijun þessa árs og allt til
þriðjudagsins 16. desember sl. hafði
verið lagt hald á umtalsvert magn
fíkniefna hér á landi, tæp 8 kíló af
hassi, rúm tvö kíló af amfetamíni,
hátt í fjögur þúsund skammta af
LSD og tæplega 3.400 E-pillur.
Á sunnudag var sænsk kona
handtekin í Leifsstöð og fundust um
1.100 E-piilur og 300 skammtar af
LSD í fórum hennar. Konan var að
koma frá Hollandi.
Örfáum dögum áður var hollensk-
ur maður stöðvaður með m.a. rúm-
lega 800 E-pillur. Samtals voru þau
því með um 2.000 E-pillur, sem er
svipað og hald var lagt á allt síð-
asta ár.
Þótt nýjustu málin teljist stór
fíkniefnamál og séu það vissulega,
hefur magn haldlagðra efna oft ver-
ið meira en nú. Reynslan hefur hins
vegar sýnt, að þyngstu dómamir
em kveðnir upp yfír þeim sem
smygla hörðustu efnunum og á það
jafnt við um dóma í héraði og fyrir
Hæstarétti. Þyngsti dómur Hæsta-
réttar í fíkniefnamáli er t.d. 6 ára
fangelsi, en þar komu E-pillur og
kókaín við sögu.
Tugir kílóa
Á síðasta ári var lagt hald á rúm
36 kíló af hassi, rúm 6 kíló af amfet-
amíni og um 2.200 E-pillur. í einu
og sama málinu var Hollendingur á
sextugsaldri tekinn með 10 kíló af
hassi og var reyndar dæmdur fyrir
innflutning á alls 25 kílóum af hassi,
1,5 kílóum af amfetamíni og 5-600
E-pillum. Ekki skilaði allt þetta efni
sér til lögreglu, en þó fundust rúm-
lega 20 kíló af hassinu, um 500
E-pillur og 260 grömm af amfetam-
íninu og var það vænn hluti af öllu
því efni sem hald var lagt á það árið.
Umræddur Hollendingur var
gripinn í Leifsstöð í desember I fyrra
og réttu ári síðar, eða í síðustu viku,
var landi hans tekinn með yfir 800
E-pillur, 90 grömm af kókaíni og
um 200 grömm af amfetamíni.
Fyrstur í þessari Hollendingahrinu
var hins vegar maður á þrítugs-
aldri, sem var handtekinn í Kópa-
vogi í nóvember í fyrra með 964
E-pillur og rúm 58 grömm af kóka-
íni. Það var einmitt í máli hans sem
Hæstiréttur felldi í janúar þyngsta
dóm sinn hingað til og vísaði m.a.
til greinargerðar yfírmanns Rann-
sóknastofu í lyfjafræði, þar sem
segir að virka efnið í E-pillum sé
greinilega hættulegri vímugjafi en
bæði amfetamín og LSD, einkum
ef tekið sé tillit til bráðra og ban-
vænna eituráhrifa. Komist Hæsti-
réttur að sömu niðurstöðu um sök
sænsku konunnar, sem flutti hingað
1.100 E-töflur og Hollendingsins
með 800 töflumar eiga þau vart von
á mildum dómi.
LSD hvarf aldrei
LSD var lítt áberandi hér á landi
um nokkurra ára skeið, en það var
töluvert í umferð hér á hippatíman-
um. Það hefur aldrei horfið alveg,
en oftast fundist nokkrir tugir eða
hundruð skammta á ári. I fyrra
voru skammtarnir 261 og árið þar
á undan 11. Þessi tala rýkur upp í
ár, því 3.678 skammtar af efninu
hafa fundist. Þar munar auðvitað
mest um 3.000 skammta sem fund-
ust í maí í bréfi sem sent var hing-
að til lands frá Belgíu. Það var
stærsta sending sem fundist hefur
í einu hér á landi.
Ekki er hægt að álykta sem svo
að framboð á LSD hafí stóraukist
þrátt fyrir að heildartala haldlagn-
ingar ijúki svona upp, því þarna er
einu máli nánast um að kenna.
Sama á við um þau tvö ár önnur
sem skera sig úr vegna þess hve
mikið hefur fundist af LSD. Árið
1985 fundust alls rúmlega 2.200
skammtar, þar af 2.000 í einu lagi.
1989 fundust tæplega 700 skammt-
ar og þar af um 600 í einu og sama
málinu.
LSD er oftast í formi vökva, sem
hefur verið látinn síast í pappírsark-
ir. Efnið er því fyrirferðarlítið og
getur reynst snúið að hafa uppi á
því.
Vítisenglar og dans
Það vekur athygli í fréttum af
sænsku konunni, sem handtekin var
á sunnudag, að hún hefur þrisvar
áður komið hingað til lands, í tvö
skipti til að starfa sem „listdans-
mær“ á veitingahúsi. Ekkert skal
fullyrt um mál þessarar konu, enda
lögreglu að rannsaka það. Starf
konunnar leiðir þó hugann að því,
að kanadíska lögreglan upplýsti ís-
lenska starfsbræður sína sl. vor um
að fyrirtæki sem íslenskir nektar-
dansstaðir hafa átt viðskipti við,
væru í eigu eða tengslum við Vítis-
engla (Hell’s Angels). Kanadíska
lögreglan sagði að fatafellur sem
hingað kæmu væru margar á saka-
skrá, í tygjum við Vítisengla og
nytu vemdar þeirra.
Samkvæmt heimildum Morgun-
blaðsins hefur lögreglan ekki séð
merki þess að Vítisenglar væru að
hasla sér völl hér.
Að sama skapi hefur ekki orðið
vart við að ísland sé orðið viðkomu-
staður fíkniefnasmyglara á leið frá
Bandaríkjunum til Evrópu, eins og
lögregluforingi hjá Interpol varaði
við í samtali við Morgunblaðið í
nóvember í fyrra. Sá sagði hættuna
þá að hluti efnanna yrði eftir í við-
komulandinu íslandi. Hingað berast
svo sannarlega fíkniefni, en straum-
urinn virðist liggja frá Hollandi og
nálægum löndum til íslands.