Morgunblaðið - 07.02.1998, Page 10

10 LAUGARDAGUR 7. FEBRÚAR 1998
VERKFALL SJOMANNA
MORGUNBLAÐIÐ
Snúist upp í áróðurs-
stríð forystumanna
Morgunblaðið/Kristján
„VIÐ fylgjum foringja okkar og borðum ekkert annað þessa dagana en 1944 rétti, við borðum þá bara kalda,
höfum ekkert fyrir því að hita þá upp,“ sögðu útgerðarmenn GBG á Dalvík, Hermann Guðmundsson útgerð-
arstjóri og Ottó Jakobsson sljórnarformaður, sem voru að splæsa saman víra á bryggjunni á Dalvík í gær-
morgun. Anton Ingvason stýrimaður er í verkfalli og fylgdist því með störfum þeirra með hendur í vösum.
FÉLAGARNIR Stefán Hafsteinson, háseti á Baldvini Þorsteinssyni, og
Jón Zophaníasson, háseti á Súlunni, voru á ferðinni niður í Fiskihöfn á
Akureyri síðdegis í gær.
SMÁRI Sigurðsson, háseti á Hvannabergi í Ólafsfirði, var að loka
karfatrollinu á neta- og víraviðgerðarverkstæðinu Kristbjörgu.
ÚTGERÐ við Eyjafjörð er öflug,
en nú í miðju verkfalli sjómanna
eru hjólin hætt að snúast, skipin
fylla öll pláss við bryggjumar á
Akureyri, Dalvík og í Olafsfirði.
Sumir eru ósáttir við að fara í
verkfall, alltaf sé verið að deila um
sama málið og nú vilja þeir fyrir
alla muni ljúka málinu. Friður
verði að skapast.
„Mér bara líst illa á þetta,“ sagði
Anton Ingvason, fyrsti stýrimaður
og afleysingaskipstjóri á Blika EA
á Dalvík. „Mér finnst þetta verk-
fall hafa snúist upp í áróðursstríð
milli forystumanna, þeir nota allt
púðrið í fjölmiðlunum og mér
finnst menn ekki vera að ræða um
þá hluti sem skipta mestu máli.“
Anton brá sér niður á bryggju í
gærmorgun og hitti þar fyrir út-
gerðarmenn BGB, sem auk Blika
gera út Arnþór og Sæþór, þá Ottó
Jakobsson og Hermann Guð-
mundsson. Karlarnir voru í óða
önn að splæsa saman vír, ætluðu
svo sannarlega að hafa allt klárt
um leið og verkfallið leystist. „Það
mun ekki standa á okkur, við erum
meira að segja með kostinn tilbú-
inn,“ sögðu þeir fullir bjartsýni.
„Ég er smeykur um að þetta
dragist á langinn, þetta er þriðja
verkfallið vegna sama málsins,
hráefnisverðsins. Það er að mínu
mati lítið um kvótabrask hér á
svæðinu, við erum nokkuð lausir
við þetta hér í Eyjafirði og finnst
þetta ekki snerta okkur mikið,“
sagði Anton. „Auð\itað hefur mað-
ur heyrt margar sögur og það
verður aldrei friður ef sjómenn
þurfa að standa í kvótabraski.
Hann sagðist hafa verið ósáttur
við að fara í verkfall, en fyrst það
væri skollið á þyrfti að ljúka mál-
inu. „Þessu verður að ljúka núna
með sæmilegri sátt, þetta gengur
ekki svona lengur. Menn hafa haft
nægan tíma til að leysa þessa deilu
en ekkert gengið, viðræður fara
aldrei í gang fyiT en allt er komið í
hnút og það fer í taugarnar á
mönnum. Ef þetta fer ekki að
ganga verður að skipta um fólk.“
Snertir flestar ljölskyldur
í Ólafsfírði
í Ólafsfirði búa um 150 sjómenn
og verkfallið snertir langflestar
fjölskyldur í bænum. Bærinn
byggir allt sitt á útgerð og fisk-
vinnslu þannig að verkfallið segir
fljótt til sín. „Það bara gengur ekki
neitt, en maður vonar það besta,
menn verða að fara að talast við af
einhverju viti. Það hefur ekki verið
neinn gangur í þessu,“ sagði Bene-
dikt Sverrisson, skipstjóri á Sól-
bergi ÓF.
Hann var á móti því að fara í
verkfall, sagði þau litlu skila, menn
væru lengi að vinna upp það sem
tapast. „Mér fannst stemmningin
vera þannig að lengi vel vissi eng-
inn um hvað var verið að tala,“
sagði Benedikt. Hann vildi meina
að lítið væri um kvótabrask á
Norðurlandi, það væri frekar að
verið væri að flytja kvóta af skip-
um á Norðurlandi og til vertíðar-
báta á Suðurnesjum. Kvótinn væri
leigður fyrir þetta 80 til 90 krónur
kílóið en seldur á markað fyiir um
120 krónur. „Það verður auðvitað
að greiða fyrir það verð sem fisk-
urinn er seldur fyrir,“ sagði Bene-
dikt.
„Ég held að enginn hafi viljað
fara í verkfall en fyrst það er stað-
reynd verður að klára málið, það
er ekki hægt að þvæla þetta leng-
ur. Hvernig sem menn fara að því
að leysa deiluna, þá verður að gera
það núna. Það verður að skapast
friður, það er óþolandi að eiga
verkföll sífellt yfir höfði sér.“
Viljinn virðist
vera lítill
Smári Sigurðsson, háseti á
Hvannabergi ÓF, var að vinna við
netin á neta- og víraverkstæði
Kristbjargar í Ólafsfirði og fannst
lítið miða í samkomulagsátt. „Það
er ekkert sérstakt hljóðið í okkur,
sjómönnum í Ólafsfirði, það er
enginn ánægður með að hanga í
verkfalli og einkanlega ekki þegar
ekkert er að gerast,“ sagði hann
og vildi sem minnstu spá um hver
framvindan yrði. „Viljinn virðist
vera lítill, mér finnst útgerðar-
mennimir bíða eftir að þriðji aðili
komi að og taki málið í sínar hend-
ur, það er mín tilfinning,“ sagði
Smári. Hann taldi líklegt að ef
ekkert færi að gerast stæði verk-
fallið í hálfan mánuð, þrjár vikur.
„Það gefur augaleið að ég er alls
ekki sáttur við hvemig komið er
fram við sjómenn og ég skil ekki
þegar verið er að stilla okkur upp
á móti útgerðinni, hefði haldið að
það væm þeirra hagsmunir ekki
síður en okkar að sem hæst verð
fengist fyrir afiann.“
Guðmundur Júlíusson, annar
vélstjóri á Harðbak EA á Akur-
eyri, sat heima í eldhúsi og hellti
upp á síðdegiskaffið og leist bara
ekkert á stöðuna í deilunni. „Þetta
er bara orðið að skítkasti milli for-
ystumanna, hnútukast á báða
bóga. Ég held að ætti að skipta um
fólk og athuga hvort þá færi ekki
að ganga betur,“ sagði Guðmund-
ur. „Ég á afskaplega bágt með að
skilja af hverju útgerðarmenn eru
á móti því að markaðstengja afla-
verðið, slíkt kerfi hefur yerið við
lýði að nokkm leyti hjá Útgerðar-
félagi Akureyringa um nokkurra
ára skeið og gefist ágætlega.“
Guðmundur taldi farsælast að
ljúka málinu nú, „það er alltaf ver-
ið að boða verkföll út af sama mál-
inu og ef menn ganga ekki í þetta
núna þá verður bara boðað annað
verkfall einu sinni enn. Þetta er
dapurleg staða“.
Félagarnir Stefán Hafsteinson,
háseti á Baldvini Þorsteinssyni
EA, og Jón Zophaníasson, háseti á
Súlunni EA, vom á ferð um Fiski-
höfnina á Akureyri í gærdag. „Mér
finnst þessar viðræður ganga al-
veg rosalega rólega,“ sagði Jón.
„Það virðist eitthvað vera að hjá
báðum.“
Endalaust sama málið
Stefán sagðist mest óánægður
með að fara aftur og aftur í verk-
fall vegna sama málsins og Jón var
sammála félaga sínum. „Það er
endalaust sama málið sem um er
deilt og virðist ekki vera hægt að
koma því út af borðinu í eitt skipti
fyrir öll,“ sagði Jón. Þeir sögðu að
ekki væri um það að ræða að sjó-
menn væra að krefjast hærri
launa, heldur að farið yrði eftir
þeim samningum sem í gildi væru,
það væri réttlætismál.
Þeir töldu fullvíst að ef ekki færi
að komast meiri hreyfing á málin
og samið yrði um eða fljótlega eftir
helgi yrðu sett bráðabirgðalög á
deiluna.
„Það er undarlegt að aldrei er
hægt að semja án þess að til verk-
falls komi, það virðist alltaf þurfa
til, öðru vísi hafast málin ekki í
gegn,“ sögðu þeir.
förð til sölix
Jörðin Galtarvík í Skilmannahreppi, Borgarfjarðarsýslu, er
til sölu. Jörðin er ca 150 ha. að stærð, þar af ca 20 ha.
ræktaðir. Á jörðinni er gamalt tveggja íbúða hús, fjárhús
fyrir u.þ.b. 50 fjár, stór hlaða og tveir bílskúrar.
Tekjur af malarnámi. Innan við 5 mín. akstur frá Hvaifjarðar-
göngum. Jörðin liggur að sjó. Fallegt umhverfi og útsýni.
Verðhugmynd kr. 11.000.000.
Allar nánari upplýsingar eru veittar hjá:
Fasteignamiðlun Vesturlands,
slmi 431 4144.
BENEDIKT Sverrisson, skip-
stjóri á Sólbergi, var ósáttur við
að hífa inn trollið og fara í
verkfall einmitt þegar rækju-
veiði var að glæðast.
GUÐMUNDUR Júlíusson, ann-
ar vélsljóri á Harðbak.