Morgunblaðið - 05.03.1998, Blaðsíða 65

MORGUNBLAÐIÐ
FRETTIR
FIMMTUDAGUR 5. MARZ 1998 65
STJÓRN Félags veggfóðrarameistara f.v.: Þorvarður Einarsson, Sölvi M. Egilsson, Jóhann Þ. Einarsson,
Steinþór Eyþórsson, Jón Ólafsson og Björgvin Valdemarsson.
Ræðir horfur og
þróun í utanrík-
ismálum Islands
HALLDÓR Ásgrímsson, utanríkis-
ráðhen-a og formaður Framsóknar-
flokksins, flytur erindi á sameigin-
legum fundi Samtaka um vestræna
samvinnu (SVS) og Varðbergs í
Skála á 2. hæð í norðurálmu Hótels
Sögu í dag, fimmtudaginn 5. mars,
klukkan 17.15. Utanríkisráðherra
flytur erindi um horfur og þróun ut-
anríkismála Islands og stöðu lands-
ins á alþjóðlegum vettvangi.
Margt er að gerast á þessum vett-
vangi nú og má þar nefna Schengen-
málið, áhrif EMU á íslenskt efna-
hagslíf, fjölgun ríkja innan NATO,
aukið samstarf ríkja við Norður-Atl-
antshaf, deilur Sameinuðu þjóðanna
við Irak, umhverfísmál í kjölfar
Kyoto-ráðstefnunnar og samstarf ís-
lands við Eystrasaltsríkin. Miklar
breytingar og ör þróun á sér stað
innan EFTA, ESB, EES og ÖSE.
Ofan á það bætist að öryggis- og
friðarhorfur við Norður-Atlantshafið
eru háðar stöðunni í samskiptum rík-
isstjórna Bandaríkjanna og Rúss-
lands. Utanríkisráðherra mun koma
inn á þessi alþjóðamál og ýmis fleiri í
erindi sínu á fundinum, segh- í írétta-
tilkynningu. ;
Fundurinn er opinn félagsmönn-
um SVS og Varðbergs en auk þess
öllu áhugafólki um erlend málefni og
þróun öryggis- og stjórnmála í Evr-
ópu.
Aðalfundur
Varðbergs
Strax að fundinum loknum með
utanríkisráðherra hefst aðalfundur
Varðbergs á sama stað. A dagskrá
verða venjuleg aðalfundarstörf,
kosning stjórnar og rætt verður um
starfsemina og verkefni félagsins.
Félag Veggfóðrara-
meistara 70 ára
FÉLAG Veggfóðrarameistara
varð 70 ára 1 gær, en 4. mars
1928 komu 11 Veggfóðrarameist-
arar saman í Baðstofu iðnaðar-
manna. Erindið var að ræða
hagsmunamál sín og stofnuðu
þeir með sér Veggfóðrarafélag
Reykjavíkur. Mikill framfarahug-
ur var í þessum mönnum og sem
dæmi um það má nefna að 20
dögum síðar eða hinn 24. mars
gáfu þeir út sinn fyrsta uppmæl-
ingartaxta en það mun hafa verið
í fyrsta sinn sem iðnaðarmenn
hér á landi tóku upp það launa-
kerfi.
Þessa fyrstu stjórn Veggfóðr-
arafélagsins skipuðu: Viktor Kr.
Helgason formaður, Sigurður
Ingimundarson ritari og Björn
Björnsson féhirðir. Fjórum ánim
síðar eða í júlí 1932 var nafni fé-
lagsins breytt í Meistarafélag
veggfóðrara og 1933 var Sveina-
félag veggfóðrara stofnað. En í
febrúar 1945 voru síðan þessi tvö
félög sameinuð í Félag veggfóðr-
ara í Reykjavík og hélst það sam-
starf fram til ársins 1957 er Fé-
lag veggfóðrara í Reykjavík var
stofnað.
Félagsmenn liafa allir fag-
menntun að baki en í starfsemi
félagsins er mikið lagt upp úr
vönduðum vinnubrögðum og full-
kominni þekkingu á þeim efnum
sem unnið er með. Menntun
nýrra veggfóðrara fer að hluta til
fram í iðnskóla en stærsti og mik-
ilvægasti hiutinn er þjálfun hjá
meistara. Inn í greinina fellur
veggfóðrun, lagning striga og
ýmis gólfdúkalagning og mynstur
í gólf og lagning íþróttagóifa og
hlaupabrauta. En undanfarin ár
hefur aðaluppistaða greinarinnar
verið lagning línóleumgólfdúka.
Árið 1964 hófst félagið handa
ásamt fjórum öðrum meistarafé-
lögum við að byggja húsnæði yfir
starfsemi sína í Skipholti 70 og er
félagið þar með skrifstofu fyrir
meðlimi sína og aðra sem til fé-
lagsins þurfa að leita.
Núverandi stjórn Félags vegg-
fóðrarameistara skipa: Steinþór
Eyþórsson formaður, Jóhann Þ.
Einarsson varaformaður, Jón
Ólafsson ritari, Sölvi M. Egilsson
gjaldkeri og meðstjórnendur eru
Björgvin Valdemarsson og Þor-
varður Einarsson.
Alþjóðlegur bæna-
dagur kvenna
ALÞJÓÐLEGUR bænadagur
kvenna verður haldinn víða um
heim fóstudaginn 6. mars. Bæna-
dagurinn á sér uppruna í Banda-
ríkjunum á síðustu öld en hingað til
íslands barst hreyfmgin frá Nor-
egi fyrir um 40 árum. Þetta er dag-
ur eftirvæntingar og samhugar
kvenna í um 200 löndum um heim
allan.
Að þessu sinni valdi alþjóðlega
bænadagsnefndin á Madagaskar
yfirskrift dagsins: Hver er náungi
minn? Samkvæmt þarlendri hefð
er konan stólpi fjölskyldunnar.
Margvíslegur vandi blasir þó við
þeim, tvöföld vinna í atvinnulífi og
á heimili, gifting á unga aldri, fjöl-
kvæni og ólík lög fyrir konur og
karla. Margar konur kunna ekki að
lesa. Bæði innan kirkju og utan er
unnið að bættri stöðu kvennanna á
Madagaskar og þær njóta virðing-
ar í kirkjunni. Yfirskrift bæna-
dagsins hvetur okkur til að sýna
systkinum okkar um heim allan
umhyggju. Hún er lýsandi fyrir
viðhorf fólksins á Madagaskar sem
lítur svo á að vinátta sé mikilvæg-
ari en peningar, segir í fréttatil-
kynningu.
Um allan heim munu konur og
karlar taka undir bænir kvennanna
á Madagaskar föstudaginn 6. mars.
Hér á Islandi verða bænastundh'
víða um land. I Reykjavík verður
bænadagurinn haldinn í Háteigs-
kh-kju kl. 20.30. Þangað eru allir
velkomnir, konur sem karlar. Flutt-
ur verður vitnisburður um móður
Theresu, Margrét Hróbjartsdóttir
segir frá starfi sínu í Afríku, auk
bæna og lestra úr Ritningunni.
Krystyna Cortes leikur á orgel
undir almennum söng en Gunn-
björg Óladóttir og Birna Anna
Bjömsdóttir kynna Taizé-söng og
flytja tónlist. Sr. María Ágústdótt-
ir, prestur í Háteigskirkju, leiðir
stundina. Samskot verða tekin til
Hins íslenska Biblíufélags.
Að bænadeginum á Islandi standa
konur úr Aðventkirkjunm, Aglow
Reykjavík, Fríkirkjunni í Reykjavík,
Fríkirkjunni Veginum, Hjálpræðis-
hemum, Hvítasunnukirkjunni, Kaþ-
ólsku kirkjunni, KFUK, Kristni-
boðsfélagi kvenna og Þjóðkirkjunni.
Fyrirlestur
um veður-
far og haf-
strauma
ÁRNÝ Erla Sveinbjörnsdóttir,
jarðeðlisfræðingur, ræðir um
breytingar á veðurfari og haf-
strauma laug-
ardaginn 7.
mars kl.
13.15-14.30 í
Háskólabíói,
sal 4.
Ámý hefur
tekið þátt í
rannsóknum á
borkjörnum úr
Grænlandsjökli sem sýna m.a.
sveiflur í veðurfari aldir aftur í
tímann. Slíkar sveiflur hafa áhrif
á hafstrauma sem skipt hafa
sköpum fyrir lífi-íkið í sjónum,
segir í fréttatilkynningu.
Þetta er annar fyrirlesturinn í
fyrirlestraröð fyrir almenning
sem Sjávarútvegsstofnun HI
heldur í tilefni af Ári hafsins en
fyrirlestrarnir verða alls fímm,
haldnir annan hvem laugardag.
Fyrsti fyrirlesturinn var vel
sóttur en þá ræddi Jakob Jak-
obsson um síldina. Fyrirlestra-
röðin er liður í viðburðum sem
ríkisstjórnin styður á Ári hafs-
ins.
Fötlunarsvið
II kynnt
FORELDRA- og styrktarfélag
Greiningarstöðvar heldm-
fræðslufund í kvöld, fimmtudag-
inn 5. mars, kl. 20.30 í húsnæði
Greiningarstöðvar á 4. hæð.
Að þessu sinni hefur félagið
fengið fötlunarsvið II til liðs við
sig. Fötlunarsvið II sinnir börn-
um með almennar þroskaraskan-
ir. Til sviðsins er vísað sé bam
4-5 ára eða eldra við fyrstu
komu. Einnig er sviðinu ætlað að
sinna ráðgjöf og eftirliti vegna
þroskaheftra skólabama, ung-
menna og fullorðinna. Auk þess
falla undir þetta svið börn sem
hlotið hafa heilaskaða vegna slysa
og sjúkdóma. Jónas Halldórsson
sálfræðingur ætlar að kynna
starfsemi sviðsins og hverjum
það þjónar.
Að lokinni kynningu mun
Jónas stýra umræðum um hvaða
skóli hentar börnunum okkar,
eigum við að velja almennan
skóla, sérdeild í almennum skóla
eða sérskóla eða höfum við eitt-
hvert val? Allir velkomnir.
„Þroskandi
samfélag“
ANTROPOSOFISKA félagið á
Islandi, Mannspekifélagið, hefur
ákveðið að kynna antroposofi í al-
mennum fyi’irlestram.
Föstudagskvöldið 6. maí kl.
20.30 mun Atie Bakker Waldorf-
kennari halda erindi sem hún
nefnir Þroskandi samfélag og
fjallar um þær hugmyndir er
standa að baki því starfi sem unn-
ið er í Skaftholti en þar búa og
starfa saman heilbrigðir og aðrir
sem þurfa á hjálp að halda.
„Saman er reynt að skapa
þroskandi samfélag þar sem hver
og einn fær notið sín og fær tæki-
færi til að læra, þroska sjálfan sig
og til að hjálpa öðrum. Leiðarljós
og viskubrunnur er mannspekin
og hugmyndin um þrígreint sam-
félag þar sem hugsjónirnar þrjár,
frelsi, jafnfrétti og bræðralag, fái
notið sín, hver á sínu rétta sviði
mannlífsins.
í Skaftholti er stunduð lífefld
ræktun í búskap og garðyrkju.
Lögð er áhersla á að vera sjálfum
sér nóg með þær búsafurðir og
grænmeti sem hægt er að fram-
leiða við okkar aðstæður. Að
vetrinum er meira unnið með list-
ræn skapandi viðfangsefni m.a.
ullarvinnu, tréskurð og smíðar.
Einnig er tónlist og leiklist mikil-
vægur þáttur í lífi heimilisfólks-
ins,“ segir í tilkynningu frá félag-
inu.
Fyrirlestrarnir era haldnir í
húsnæði félagins að Klapparstíg
26, 2. hæð.
Selfoss
Sjálfstæðis-
menn með
fræðslu- og
skemmtikvöld
SJÁLFSTÆÐISFÉ LAGIÐ Óð-
inn á Selfossi verður með
fræðslu- og skemmtikvöld í Óð-
insvéum, Austurvegi 38, föstu-
dagskvöldið 6. mars kl. 20 og
fram eftir kvöldi. Frambjóðend-
ur í prófkjöri flokksins, sem
fram fer laugardaginn 14. mars,
byrja á því að kynna sig og sín
málefni.
Eftir það kynnir Ólöf
Thorarensen, félagsmálastjóri
Selfossbæjar, forvarnir bæjarfé-
lagsins í vímuvarnamálum. Þá
fjalla Ingólfur Snorrason, kai'a-
temaður og íþróttamaður Selfoss
1996 og 1997, um gildi íþrótta og
Svavar Gísli Þorkelsson, útvarps-
stjóri Útvarps Suðurlands, segir
frá starfsemi útvai'psins. Lög-
reglukórinn í Árnessýslu syngur
nokkur lög undir stjórn Helenu
Káradóttur og þeir Gummi og
Palli frá Hveragerði spila nokkur
létt lög á gítar og munnhörpu.
Ái-ni Johnsen mætir síðan á stað-
inn með gítarinn og stjómar
fjöldasöng.
Ráðstefna um
ný viðhorf í
öldrunarmálum
KÓPAVOGSBÆR, Félag eldri
borgara og Frístundahópurinn
Hana nú hafa ákveðið að boða til
Hrafnaþings, ráðstefnu um ný
viðhorf í öldranarmálum, laugar-
daginn 7. mars nk.
Ráðstefnan, sem er öllum opin,
verður haldin í Félagsheimilinu
Gullsmára, Gullsmára 13 og hefst
innritun og afhending ráðstefnu-
gagna kl. 13.15.
Markmið og tilgangur með
ráðstefnunni er að kynna og fá
umræðu um ný viðhorf í öldrun-
armálum á granni þeirrar
reynslu sem fengist hefur í Kópa-
vogi. Áhersla verður lögð á sjálf-
stæðan ákvörðunarrétt eldri
borgara og að starf með eldri
borgurum snúist um að starfs-
menn í öldranarþjónustu vinni
með þeim en ekki fyrir þá.
Fræðslufundur
um forvarnir
í Garðabæ
FORELDRAR nemenda Fjöl-
brautaskólans í Garðabæ og ann-
arra ungmenna í Garðabæ og
Bessastaðahreppi bjóða til
fræðslu- og umræðufundar í hinu
nýja húsnæði skólans við Skóla-
braut í Garðabæ í kvöld, fimmtu-
dag 5. mars nk. kl. 20.
Rætt verður um skemmtanir
ungs fólks, löggæslu í Garðabæ
og hvað ungu fólki stendur til
boða. Sæmundur Hafsteinsson,
sálfræðingm-j mun flytja erindi er
hann kallar Ast og agi. Umræður
og fyrirspurnir verða leyfðar og
er boðið upp á veitingar á fundin-
um.
I Fjölbrautaskólanum í Garða-
bæ hefur verið unnið að átaks-
verkefni í forvarnarstarfi síðan
um áramót. Sérstakur forvarnar-
fulltrúi hefur verið ráðinn við
skólann. Lögð er áhersla á sam-
vinnu við nemendur, foreldra og
bæjarfélög, segir í fréttatilkynn-
ingu.