Morgunblaðið - 30.04.1998, Blaðsíða 6

6 FIMMTUDAGUR 30. APRÍL 1998
MORGUNBLAÐIÐ
FRÉTTIR
Morgunblaðið/Kristinn
FLOTKVÍIN lagðist að hafnarbakkanum í Hafnarfirði laust fyrir klukkan ellefu í gærkvöldi.
HJÁLMAR Jónsson yfirstýrimaður, Haraldur Arnar Stefánsson og
Sævar Sævarsson hásetar á varðskipinu Óðinn.
Flotkvíin umtalaða komin til hafnar
Eyddu þremur
nóttum um
borð í kvínni
MIKILL mannfjöldi safnaðist saman við höfnina í
gærkvöldi til að fylgjast með komu kvíarinnar.
NOKKUR hundruð manns söfn-
uðust saman við Hafnarfjarðar-
höfn á ellefta tímanum í gær þeg-
ar flotkvíin sem velkst hefur um
hafið undanfarnar vikur kom til
hafnar. Nokkurn ti'ma tók að
koma kvínni að landi enda erfitt
að stjórna ferð átta þúsund tonna
kvíar. Þá fyrst gerði mannfjöld-
inn sér grein fyrir því hversu
stórt mannvirki kvfin er og víða
heyrðist hvíslað „Ekki bjóst ég
við að hún væri svona stór!“
Flotkvfín slitnaði tvisvar sinn-
um úr togi dráttarbáts þegar ver-
ið var að draga hana til landsins
frá Skotlandi. Ferðin tók því
samtals þijátíu daga og varð
töluvert lengri en upphaflega var
gert ráð fyrir. Tvö varðskip
Landhelgisgæslunnar tóku að
lokum að sér að koma kvínni til
hafnar og var byijað að draga
hana til lands á laugardag, en þá
var hún um 300 sjómflur vestsuð-
vestur af Reykjanesi.
Gerð var tilraun til að koma
taug í kvína og voru fimm varð-
skipsmenn sendir út í hana vegna
þess í síðustu viku. Meðal þeirra
voru hásetarnir Haraldur Arnar
Stefánsson og Sævar Sævarsson.
Voru þeir fúsir til að segja frá
þeirri reynslu, sem var nokkuð
óvenjuleg að þeirra sögn. „Við
fórum út í kvína til að reyna að
koma taug úr varðskipinu í hana.
Þegar kom að því að draga okkur
aftur um borð í varðskipið var
veðrið orðið svo vont að það var
ekki hægt,“ sagði Sævar, og Har-
aldur bætti við: „Fyrsta nóttin
var blaut og köld, en þetta skán-
aði þegar við komum Ijósavélinni
í gang, þá fengum við hita og
ljós.“
Brotin á við sterkan
jarðskjálfta
Fjórir varðskipsmenn eyddu
þremur nóttum um borð í kvínni,
en fyrstu tvær næturnar voru
þeir fimm og höfðust við í sljóm-
skúr á brúnni aftanverðri. Mat
var skotið til þeirra einu sinni á
dag með línu og þeir fengu send
spil sér til dægradvalar. Þeir
Sævar og Haraldur Arnar sögðu
fátt sem þeir hefðu reynt áður
jafnast á við þessa reynslu. „Þeg-
ar brot reið á kvínni var það eins
og jarðskjálfti á við sjö á Richter-
kvarða," sagði Sævar.
Félagarnir sögðust aldrei hafa
orðið hræddir um líf sitt, en þeg-
ar þeir hefðu farið inn í kvína
hefðu drunurnar verið fremur
óhugnanlegar. „Maður fann fyrir
því hvað sjórinn getur verið
kröftugur," sagði Sævar um
reynsluna, og Haraldur bætti við:
„Manni leið ekkert vel að labba
niðri á dekki, drunurnar vom
sterkar og það að sjá blýið úr
krönunum hangandi út um allt
var fremur óhugnanlegt."
Eina leiðin til að ná fjórmenn-
ingunum um borð í varðskipið á
nýjan leik var að festa í þá línu.
Þeir stukku í sjóinn og gúmmí-
bátur dró þá kröftuglega frá
kvínni vegna hættunnar á sogi
sem myndast við kvína. „Við vor-
um í björgunarbelti og svo
stukkum við beint í sjóinn. Þá
fékk maður fiðring í magann,"
sagði Haraldur Arnar og Sævar
bætti við: „Enda vorum við orðn-
ir vel þreyttir þegar við
komumst aftur í okkar eigin koj-
ur um borð í varðskipinu eftir
þijár nætur í kvínni." „Okkur
var þó farið að líka veran þar
ágætlega undir lokin,“ bætti
Haraldur við.
„Mikill léttir að sjá
hana nálgast"
Guðmundur Víglundsson, ann-
ar eigandi flotkvíarinnar sagði að
það væri óneitanlega stór stund
að sjá kvína koma til hafnar og
mikill léttir fyrir sig, en vissulega
hefði verið sætara að sjá hana við
höfnina mun fyrr. „Þetta er mikil
stund fyrir okkur en einnig fyrir
atvinnulíf í Hafnarfirði,“ sagði
Guðmundur í gærkvöldi. Hann
sagði að þeir bræður, sem eru
eigendur kvíarinnar, hefðu verið
að gæla við þá hugmynd að nota
hana eitthvað í sumar en nú væri
Ijóst að ekki yrði af því, hún yrði
tekin f gagnið seinni hluta ársins
eins og gert hefði verið ráð fyrir.
Árlegur ráðherrafundur OECD í París
Afram unnið að g*erð fjölþjóð-
legs fjárfestingasamnings
ÁRLEGUR ráðherrafundur Efna-
hagssamvinnu- og þróunarstofnun-
arinnar, OECD, var haldinn í vik-
unni í París. Halldór Ásgrímsson
utanríkisráðherra og Geir H. Haar-
de fjármálaráðherra sátu fundinn
fyrir Islands hönd.
Á fundinum var fjallað um ástand
og horfur í efnahagsmálum og áhrif
fjármálakreppunnar í Asíu. Þá var
rætt um nauðsyn ýmissa skipulags-
breytinga, þ.m.t. í lífeyrismálum.
Ennfremur var rætt um alþjóðavið-
skiptamál, einkum hinn fjölþjóðlega
fjárfestingasáttmála (MAI), sem
hefur verið í undirbúningi í nokkur
ár á vettvangi OECD. A fundinum
var athyglinni sérstaklega beint að
rafrænum viðskiptum og mikilvægi
þeirra fyrir framþróun heimsvið-
skipta. Að síðustu var fjallað um
framtíðarhlutverk OECD.
Frelsi til fjárfestinga
tryggt með samningi
Ráðherrarnir áréttuðu að krepp-
an í Asíu hefði sýnt fram á stöðugt
vaxandi tengsl milli einstakra landa
og mikilvægi heilbrigðs efnahags-
lífs. Jafnframt bentu ráðherrarnir á
að mikilvægur árangur hefði náðst
á sviði efnahagsmála í flestum aðild-
arlöndum OECD.
Halldór Ásgrímsson sagði í sam-
tali við Morgunblaðið í gær að hinn
fjölþjóðlegi fjárfestingarsamningur
hefði verið stærsta mál fundarins.
„Honum er ætlað að tryggja mun
meira frelsi í fjárfestingum innan
OECD-landanna og í reynd í heim-
inum því það hefur verið unnið að
málinu með ríkjum sem standa utan
við OECD. Það var útlit fyrir á
tímabili að ekkert yrði úr samn-
ingnum þar sem hann hefur víða
verið gagnrýndur og menn telja að
það þurfi meiri tíma til að kynna
hann en niðurstaðan varð sú að
halda verkinu áfram.
Síðan var m.a. rætt um tengingu
efnahagsþróunar og sjálfbærrar
þróunar og umhverfismála sem
ákveðið hefur verið að fara að sinna
betur á vegum OECD. Þetta er að
sjálfsögðu mjög áhugavert fyrir
okkur íslendinga þar sem við
byggjum afkomu okkar í svo ríkum
mæli á náttúruauðlindum: fiski-
stofnum og orku. Við höfum í reynd
meiri reynslu en margir aðrir af því
að tengja saman efnahagslega þætti
og stýringu á nýtingu náttúruauð-
linda og þar á ég fyrst og fremst við
fiskveiðistjórnunarkerfið," sagði
Halldór.
Ráðherramir lögðu sérstaka
áherslu á nauðsyn þess að fylgja
eftir ábendingum OECD til að
draga úr atvinnuleysi sem ennþá er
umtalsvert í ríkjum OECD þrátt
fyrir að störfum hafi fjölgað mikið
að undanfömu. Þá er hagvöxtur
mikill og verðbólga lág og staða op-
inberra fjármála hefur batnað vem-
lega.
Varaði við lækkun
lífeyrisaldurs
Á fundinum fjallaði fjármálaráð-
herra sérstaklega um lífeyrismál og
benti á nauðsyn þess að treysta
stöðu lífeyriskerfisins. Hann vakti
athygli á skipuiagi, uppbyggingu og
þróun lífeyrissjóðakerfisins á Is-
landi og benti á að í þeim efnum
stæði Island nokkuð vel í saman-
burði við önnur OECD-ríki. Enn-
fremur varaði hann við því að lífeyr-
isaldur yrði lækkaður. Frekar ætti
að gefa fólki kost á lengri starfs-
aldri.
Ráðherrarnir lögðu áherslu á
mikilvægi frjálsra milliríkjavið-
skipta til að örva hagvöxt og bæta
lífskjör. í umræðunum um hinn fjöl-
þjóðlega fjárfestingarsáttmála töldu
ráðherrar almennt mikilvægt að
ljúka því starfi sem fyrst. Hins veg-
ar lýstu fulltrúar nokkurra ríkja
þeirri skoðun sinni að fresta bæri
viðræðunum tímabundið og/eða
flytja þær yfir á vettvang Alþjóða-
viðskiptastofnunarinnar (WTO) í
Genf. Niðurstaða ráðherrafundar-
ins varðandi þetta mál varð sú að
halda næsta fund samninganefndar-
innar í október nk. en í millitíðinni
yrði unnið að fjölgun þátttökuríkja
og markmiðssetningu um lok við-
ræðnanna.
Rafræn viðskipti verði
ekki tolluð
í umræðunum um rafræn við-
skipti benti utanríkisráðherra á að í
ljósi hinnar öru þróunar í þessari
atvinnugrein gæti það ekki orðið
hlutverk stjómmálamanna að stýra
þeirri þróun, enda væri það óæski-
legt. Hlutverk þeirra væri hins veg-
ar að tryggja jafnræði og sanngimi
í þessum viðskiptum með hagsmuni
allra einstaklinga og fyrirtækja að
leiðarljósi. Hann lagði áherslu á að
tollar yrðu ekki lagðir á rafræn við-
skipti.
Halldór Ásgrímsson sagðist
einnig hafa notað tækifærið til að
halda tvíhliða fundi, annars vegar
með fulltrúum Kanada og hins veg-
ar með Evrópumálaráðherra
Frakka þar sem Schengen-málið
var rætt. „Sá fundur var afar gagn-
legur og ég tel að á honum hafi ým-
islegt skýrst sem ég vona að verði
til gagns í framhaldinu," sagði hann.
Brúðkaup Þráins
og Miiruvet
100 manna
veisla á
Borginni
AÐ LOKINNI vígslu borgardómai'a
og kirkjulegri blessun yfir Þráni
Meyer og Múravet Basaran nk.
laugardag verður efnt til veislu á
Hótel Borg fyrir 100 manns í boði
tölvufyrirtækisins Fronts.
Þráinn Meyer sagði í samtali við
Morgunblaðið í gær að borgardóm-
ari myndi gefa þau Múravet saman
kl. 17 á laugardag. Enn væri þó ekki
búið að finna heppilegan sal fyrir þá
athöfn en DV hefði tekið það að sér.
Þá er heldur ekki frágengið hjá
hvaða presti og í hvaða kirkju þau fá
blessun.
Að blessun lokinni verður haldið á
Hótel Borg þar sem tölvufyrirtækið
Frontur býður til veislu í Gyllta saln-
um. Að sögn Þráins höfðu forsvars-
menn fyrirtækisins samband við
hann að fyrra bragði og buðust til að
halda veisluna og fyrir þann rausn-
arskap væru þau Múruvet ákaflega
þakklát. Frontur ætlar einnig að sjá
um akstur með brúðhjónin og Múru-
vet hefur fengið brúðarkjól hjá brúð-
arkjólaleigu.
Vegna fréttar á Stöð 2 í gærkvöldi
sagði Þráinn að sér fyndist ósenni-
legt að Rauði krossinn myndi ekki
leyfa þeim að halda íbúðinni, sem
Múravet og Martin, syni þeirra Þrá-
ins, var látin í té. Hins vegar gæfi
augaleið að þau myndu finna sér eig-
in bústað, hvort sem það yrði hér á
landi eða í Þýskalandi.